Қорин чурралари

CHOV CHURRALARI. 

Chov  churralari  qolgan  churralarga  qaraganda  ko‟p  uchraydi.  Umumiy  xirurgik  kasalliklar 

bilan  statsionarda  davolanganlarning  8-18  %  -ni  qorin  churralari  tashkil  qilsa,  shundan  75-80%-ni 

chov  churralari tashkil qiladi. Yosh bolalarda chov churralari yanada ko‟proq uchrab, hamma  qorin 

churralarining 92-95%-ni tashkil qiladi. 

Asosan  erkak kishilar  chov  churralari bilan  xastalanadi.  Buning  asosiy  sababi,  ayollarda  chov 

kanali  yoriqsimon shaklga ega  bo‟lib,  mushak  va  pay  qavatlari  bilan  yaxshi  mahkamlangan  hamda 

biroz erkaklarga nisbatan uzun va tor bo‟ladi. 

T.F.Lavrovaning  oxirgi  ma‟lumotlari va bizning  kuzatuvlarimizda  ham  chov  churrasi  73-75% 

erkaklarda va 25-27% ayollarda uchraydi. Yosh bolalarda o'g'il va qiz bolalarga nisbatan 8:1 tashkil 

qiladi.  Chov  churralari    hamma  yoshdagi  kishilarda  uchrab,  ularning  farqi  asosan  patogenetik 

rivojlanish mexanizmi va xirurgik davolashdadir. 

Anatomik jihatdan chov churralari qiyshiq va to'g'ri turlariga bo‟linadi. 

Ana  shunday  klassik  turlaridan  tashqari,  ularning  har  xil  variantlarda  uchrashi  katta  amaliy 

ahamiyatga  ega  bo‟lib,  ular  juda  kam  uchraydi.  Bu  qiyshiq  chov  churrasining  to‟g‟ri  kanali  bilan, 

qorin  biroz  oldi,  qorin  devorlari  orasida,  osilib  turuvchi,  chov  atrofi,  siydik  pufagi  usti  va 

kombinatsiyalashgan holatlaridir. 

Churraning bu turlarining alohida xususiyati shundan iboratki ular klinik og'ir kechadi, ko‟p har 

xil asoratlar va retsidiv berishlari xavfi yuksakdir.   

Shuning  uchun  ularni  «to'g'ri»  va  «qiyshiq»  churralar  deb  atashda  nafaqat  texnik  jihatdan, 

vaholanki  og'ir  klinik  vaziyat    chiqishi  sababli  davolash  usulini,  og'riqsizlantirish,  operatsiyadan 

oldingi  tayyorlash  hajmini  va  operatsiyadan  keyingi  davolash  taktikalarini  aniqlashdek  og'ir 

muammolar tug'ilishi  ko'zda tutiladi.  

Chov  churralari  to‟g‟ri,  qiyshiq  va  intraperitoneal  turlarga  bo‟linadi.  Chov  kanalining  ichki 

teshigi  hisoblangan  lateral  chuqurcha  orqali  chiqadigan  churra  –  qiyshiq  chov  churrasi,  medial 

chuqurcha orqali chiqadigan churralar – to’g’ri chov churrasi, deyiladi. Churra medial chuqurchadan 

chov kanalining tashqi teshigi orqali bevosita teri ostiga chiqadi.  

 

 

 

 

 

 

 

 

 

 

 

Churraning paydo bo„lishi bosqichlari 

---

 

 

Intraperitoneal  churralar  –  qiyshiq  chov  churralarining  bir  ko'rinishi  bo‟lib,  ularda  churra 

xaltasi qorin devori qavatlari orasida joylashadi va churra bo‟rtmasi mutlaqo ko'rinmasligi mumkin. 

Rivojlanish  bosqichi  bo'yicha  boshlang‟ich,  kanal  va  to'liq  chov  churralariga  bo‟linadi.  To'liq 

qiyshik chov churralari kattalashib, yorg'oqqa tushadi (chov-yorg'oq churralari).