Oruc g ö y ç я L i Ön söZ

Gəncə ş. 07.09.2000
ЭЕТ ЩАГГЫН

ЙОЛУНДА ИБАДЯТ ЕЙЛЯ
Hər alçaq adama baş əyincə sən,

Get Haqqın yolunda ibadət eylə.

Kişisən, nəfsini cilovla, saxla,

Səbrini özünə dəyanət eylə.

Kişi düşər dara, çıxar dar yerdən,

Zəhmətlə qazanar varı hər yerdən.

Allah işıq salar sənə bir yerdən,

Yaradan yoluna sən biyət eylə.

Haqqın ətəyindən bərk tut, buraxma,

Çirkablı sulartək hər yana axma.

Kişi olan yerdə özündən çıxma,

Sübhün namazında sən niyyət eylə.

Haqq yaradıb çatar özü köməyə,

Qoymaz səni alçağa baş əyməyə.

Zəfər toxunmağa bir əl dəyməyə,

Gözünü tox saxla, ədalət eylə.

Yaradanı bilir Oruc haqnandı,

İmkanı o verir, dəqiq vaxtnandı,

Qismət özü versə tacı taxtnandı,

Ziyarətgahında ibadət eylə,

Ziyarətgahlarını ziyarət eylə.
Gəncə ş. 18.02.2011
ЗЯМАНЯНИН

ЭЦНАЩЫДЫ БУ
Atalar övladdan gileylənəndə,

Dedim, – zəmanənin günahıdı bu.

Övladdan yarıyan ata-anaya,

Dedim ki, Xudanın pənahıdı bu.

Allah özü verir sizə qisməti,

Abırı, həyanı, qeyrət, isməti,

Qarşınıza çıxan bu müsibəti,

Haqqın möcüzəsi, kin atıdı bu.

Oruc Göyçəli də nəsihət edir,

Ölənlər dünyadan əliboş gedir,

Evə nə şər gətir, nə haram gətir,

Xilqətin etdiyi günahıdı bu.

Gəncə ş. 19.02.2011
ШИРИН ЙАША
Şirin yaşa, şirin dolan, şirin gəz,

Sazın heç çalmasın qəm havasını.

Bahar çiçəyitək olasan bəyaz,

Gözlərin görməsin nəm havasını.

El içində hər vaxt ucalsın başın,

Sənlə fəxr eyləsin qohum, qardaşın,

Pislərin başına düşsün hey daşın,

Geyməyəsən heç vaxt qəm libasını.

Yaradan payını şirindən versin,

Haqq özü qeyrətlə köməyə gəlsin,

Çəkdiyin zəhmətin üzünə gülsün,

Pərişan etməsin dil yuvasını.

Oruc istər hər an şadlıq görünsün,

Dostlarımın uçmuş qəlbi hörülsün,

Hamımıza şad xəbərlər verilsin,

Pərişan görməyək gül yuvasını.

Gəncə ş. 23.02.2011
ГОНШУ
Evin dörd üzü var, dördü də qonşu,

Səsinə, ününə gələndi qonşu.

Ağlasan ağlayar, sevinsən gülər,

Sevincini sənlə böləndi qonşu.

Ana-bacın hardan gələnə kimi,

Qardaşın eşidib, bilənə kimi,

Qohumun uzaqdan gələnə kimi,

Köməyinə tezcə gələndi qonşu.

Qonşuluq müqəddəs, uğurlu yoldu,

Dörd yana uzana, xeyirli qoldu,

Qonşu ana, bacı, həm sağı, soldu,

Hər zaman səninlə güləndi qonşu.

Hər yanda qonşuluq sorğusu olur,

Yaxşı-yaman sözlər qəlblərə dolur,

Orucun şən sözü yaddaşda qalır,

Qonşu əhvalını biləndi qonşu.

Gəncə ş. 2010
ЗИЙАРЯТЯ

ЭЕДЯНЛЯРИМ
Ziyarətə gedənlərim,

Ərzi halım çatdırın siz.

Məni qəmgin edənlərim,

Ərzi halım çatdırın siz.

Deyin darda qalanım var,

Zəlilikdə yananım var,

Sizi hər vaxt ananım var,

Ərzi halım çatdırın siz.

Yollar uzaq, əlim çatmır,

Kədər, fikir məni atmır,

Gecələri gözüm yatmır,

Ərzi halım çatdırın siz.

Dərdim çoxdu, şələ-şələ,

Çoxunu yazmıram hələ,

Fələk mənə qurur tələ,

Ərzi halım çatdırın siz.

Oruc yazıq düşüb dərdə,

Kürəyi qalıbdı yerdə,

Tab gətirmir belə sər də,

Ərzi halım çatdırın siz.

Gəncə ş. 17.03.2011
СЮЗЛЯРИМ ГАЛЫР
Zəlili müstərəm, söz sənətim var,

El sənətkarıyam, yüz sənətim var.

Dülgərəm, bənnayam öz sənətim var,

Tarixdə yaşayan izlərim qalır.

Yazıram insana öyüd, nəsihət,

Qalsa qulağında budu vəsiyyət.

Şirin dil yaşasın, həm xoş xasiyyət,

Hikmətli yaşayan sözlərim qalır.

Zəhmətkeş yaradıb yaradan məni,

Zəhmətlə bəxş edib gülü, çiçəyi.

Özü qismət verib, yaşadıb məni,

Tarixdə yaşayan izlərim qalır.

Gəncə ş. 2010
КИМ ОЛАРАМ МЯН,

ЕЙ МЯНИ ЙАРАДАН

АЛЛАЩ
(Əziz və mehriban anama)
Aşkar eylə könlümdəki paklığı,

Anamdan ötəri şam olaram mən.

Nəfəsindən ayrı yaşayanmaram,

Yanaram, əriyib mum olaram mən.

Ana hərarəti üzülsə məndən,

Olaram pərişan küsərsə məndən,

Ana məhəbbəti kəsilsə məndən,

Yaşaya bilsəm də, kim olaram mən?

Orucu haqq aşiqi doğub anası,

Ona heç vaxt dəyməz elin tənəsi,

Kəc olarsa sözlərimin mənası,

Ayaq altda torpaq, qum olaram mən.

Gəncə ş. 28.10.1996
БУ ДЦНЙАЙА

ЭЯЛЯНЛЯР
Dedim könül, havalanma, dalda gəz,

Əvvəli gör, tamahlanma, dalda gəz.

Xeyir-şəri Süleyman, Salsalda gəz,

Gör qalıbmı bu dünyaya gələnlər?

Gül kimi açılıb əvvəla insan,

Vaxtsız solub, köçüb gedib növcavan.

Hərdən yaraşdırıb vaxtı Savalan,

O da köçüb, bu dünyaya gələndən.

Dolan-gəz, gör yarasız bir kimin var,

Görə bilərsənmi hər yeri hamar?..

Oruc köçər, ondan bircə iz qalar,

Gəzmə, köçüb bu dünyaya gələnlər.

ДЮЗМЯЙИМ

НЕЙНИМ?
Yaradan yaradıb cəfakeş məni,

Dözürəm əzaba, dözməyim neynim?

İmkan verib mənə gəzməyə hələ,

Gəzirəm hələlik, gəzməyim neynim?

Haqqın qərarıdı, tabeyəm ona,

Ömrüm çatanacan biləsiz sona,

Allah verən ömrü mən qana-qana,

Bezirəm əlindən, bezməyim neynim?

Bəxtim ayaqlaşmır mənimlə birgə,

Xudam dərgahından pay verə bircə.

Zülümlər çəkməyəm ömrümlə birgə,

Dözürəm payıma, dözməyim neynim?

Orucam, taleyim belə yazılıb,

Bəxt, iqbalım qara günə yazılıb,

Yaxşı yerdən payım yaman pozulub,

Dözürəm yazıya, dözməyim neynim?

Gəncə ş. 2010
ЦРЯКNЯН ЕЙЛЯ
Çörək qoyma, hörmət etmə dostuna,

Edəndə hörməti ürəkdən eylə.

Ona şirin danış, gülərüz ol sən,

Hər sözü arzuyla, diləklə eylə.

Sual-cavabının sonunu gözlə,

Cavabı dərk eylə, dərindən izlə.

Məsləhəti eşit, qulaqla, gözlə,

Nə eyləsən dosta ürəknən eylə.

Götür-qoy eyləsən üzgün dostluğu,

Süzgəclərdən keçird süzgün dostluğu.

Ürəyində saxla düzgün dostluğu,

Nə eyləsən dosta ürəknən eylə.

АЬСУНУН
(Ağsunun dolama yollarına)
Bu şeiri yuxuda mənə əzbərlədiblər.
Dolama yollara çox bəzək verir,

Ağacı, kolları bizim Ağsunun.

Asfalt döşəməsi, divar bəndləri,

Bəzəyidi dağın bizim Ağsunun.

Yollar kənarında əkilən kollar,

Xalqına xoş olan o rahat yollar.

Döşündə açılan lalələr, güllər,

Bəzəyidi solu-sağı Ağsunun.

Gözəllər çıxanda döşə gəzməyə,

Lalədən, nərgizdən, güldən üzməyə.

Çələng edib başlarına düzməyə,

Cavan edir bax bu çağı Ağsunun.

Havasından nəfəs alan insanlar,

Gözəlləşib seyrə dalan insanlar.

Dağlarına bəzək olan insanlar,

Zəhmətkeşi, sülh dağıdı Ağsunun.

Yolun yaxınlığı o dağlardadı,

Şamaxını görmək o çağlardadı.

Dolama yollardan gəlhagəldədi,

O cəhətdən üzü ağdı Ağsunun.

Oturmaq yerləri, sərinləşməyi,

O yollarda məna dərinləşməyi.

Söz-söhbətin yolda gözəlləşməyi,

O, şadlıq, gözəllik çağı Ağsunun.

Oruc o yollardan çox gəlib-gedib,

Ceyrankeçməz oylağını seyr edib.

Yol boyu çoxunun hoyuna yetib,

Ən gözəl çağıdı bizim Ağsunun.

Gəncə ş. 2010

DAN ULDUZU
Pəncərəmdən görünür,

İşıqlı dan ulduzu.

Səhərləri bildirir,

Nurlu, işıqlı gözü.

Uzun gecənin sonu,

Tələsir görsün onu.

Səhər şəfəqləriylə,

Geysin işıqlı donu.

Gözləyirəm gecələr,

Onun uzun yolunu.

Günəş kimi, ay kimi,

O da hərəkətlidi.

Allahın əmriynən,

O da şəfaqətlidi.

Günəşlə görüşməyə,

Sevinci bölüşməyə,

Günəşi gözləyirdi,

Elə bil ki, deyirdi

Mən günəşin oğluyam,

Mən də ona bağlıyam.

Günəşi səsləyirdi

Günəşlə görüşüb o,

Gedirdi öz evinə.

Gələn səhərə kimi,

O əlvida deyirdi.

Üz-gözü nurlu səhər,

Ancaq onu gözləyər.

Gəncə ş. 12.12.2010

ДЯРD qАЛМАЙА ЩЕЧ
Görən dərd qalıbmı, yığam mən tamam,

Çəkəm bütün dərdi, dərd qalmaya heç.

Çaşqın könüllərə məhəbbət yazam,

Oxşayam onları, sərt qalmaya heç.

Paxıl insanlara şirinlik yazam,

Ürəklərdə olan kinləri pozam.

Qəlblərdə kök salan kədəri qazam,

Çıxardam kökündən qurd qalmaya heç.

Xaraba yerlərə gül-çiçək əkəm,

Susuz, quru yerə gur sular çəkəm.

Dağılmış yurdlarda saraylar tikəm,

Uçuq, viran, xarab yurd qalmaya heç.

Yaradanım səbir, çox dözüm verib,

Yaşamağım üçün sinəsin gərib.

Oruc uzanmağa xalısın sərib,

Çəkə tamam dərdi, dərd qalmaya heç.

Gəncə ş. 31.03.2011
ЧЦРЦДЦМ
Gülmədi üzümə acı taleyim,

Hər bir işdə geri qoydu, çürüdüm.

Əlim atdım, zayı gəldi əlimə,

Qəm, kədərlər iqbalımı bürüdü.

Zülm elədi, cərgələrdən seçildim,

Gül açmamış göy vaxtımda biçildim.

Bəxt şərbətim zəhər oldu içildim,

Tale məni ildən-ilə sürüdü.

Elə bilir kef edirəm işimlə,

Dəmir gəmirirəm bu küt dişimlə.

Ağzım şirin dadmır tərpənişimlə,

Düşdü canım əldən-ələ, çürüdüm.

Hara qaçdım, fələk kəsdi yolumu,

Küt kəsərlə kəsdi qanad-qolumu.

İtirdim hər yanda soyad, ulumu,

Seçkin saldı eldən-elə, çürüdüm.

Yamanca aldatdı zəmanə məni,

Orucu qoymadı gəzə çəməni.

İşlətdi beynimdə bəd əməlini,

Məhkum düşdüm dildən-dilə, çürüdüm.

Gəncə ş. 2010
ANA AXTARIRAM
Ana axtarıram könlümü ala,

Sığal çəkə başıma, üzümə mənim.

Əlini gəzdirə kürəyimdəcə,

Sığal çəkə qaşıma, gözümə mənim.

Həmdəm ola hər dərdimə, sərimə,

Həyan ola, əl gəzdirə yerimə,

Səhv işimdə saman təpə dərimə,

Qüvvət verə hərdən dizimə mənim.

İsti nəfəsindən çöhrələnəm mən,

Körpə güllər kimi pöhrələnəm mən,

Şən-şən kölgəsində kölgələnəm mən,

Fələk belə yaza yazıma mənim.

Amma, neynəyim ki, zaman düz demir,

Çox ölçüb-biçirəm, çatmayır ömür,

Nə ata var, nə ana var görə bir,

Qaneyəm çoxuma, azıma mənim.

Oruc gileylənir dünya işindən,

Fələyin görkündən, həm gərdişindən,

Anam yoxdu, doyam xoş bişmişindən,

Tam gələ dilimə, ağzıma mənim.

Gəncə ş. 21.09.2002
ЗЯЩМЯТИM ЦЗЦМЯ

ЭЦЛЦР
(Dülgər Orucun dülgər nəğməsi)
Dülgərlikdi mənim peşəm,

Yorulmadan işləmişəm.

Xalqıma mən şən demişəm,

Zəhmətim üzümə gülür.

Mişar mənə layla çalır,

Yorulanda könlüm alır,

Həmişə qeydimə qalır,

Bu layla xoşuma gəlir.

Dəzgahım muğam oxuyur,

Barmağım cehiz toxuyur,

İşim də ətir qoxuyur,

Bu işi ellərim bilir.

İşləyəndə təbim coşur,

Çox gözəl nəğmələr qoşur,

Dərdim, qəmim dağlar aşır,

Qələm mənə yoldaş olur.

Dülgər Oruc işdən doymur,

Kin-kifir qəlbini oymur,

Fitnə-felə heç vaxt uymur,

Haqq işindən ötrü ölür...

Gəncə ş. 12.09.2003
ДЦЗ АЙРЫ ШЕЙДИ
Bacar dostlarına yalan danışma,

Dostluqda həqiqət, düz ayrı şeydi.

Qeybətli sözlərə heç vaxt qarışma,

Dostluqda söz-söhbət, düz ayrı şeydi.

Özgələrə sitəm eylə, nazın sat,

Dosta təmiz söhbət, həm də zarafat...

Gözəllər görəndə him-çim, qaş-göz at,

Gözəldən ötəri naz ayrı şeydi.

Gül camala, ağ buxağa mail ol,

Şirin söhbət, şirin sözə nail ol.

Bədnəzər görəndə ona zail ol,

Baxmaqdan ötəri göz ayrı şeydi.

Gördün bəd danışır, cavabını ver,

Dediyin düzdürsə həqiqətdə dur.

Yeri gəlsə ona bircə kəllə vur,

Axmaq adamlara paz ayrı şeydi.

Oruc yaxşılığa çox meyil edir,

Sadə insanlara lap yaxın gedir.

Yer gələndə canını qurban edir,

Gülər üzə bahar, yaz ayrı şeydi.

08.04.2004
НЯНЯЛЯР
Analara bacıdır,

Təmizliyin tacıdır,

Hər işin əlacıdır,

Xala, bibi, nənələr.

Gəlinə bəzək vurar,

Cehizin üstə durar,

Bütün işlərə yarar,

Xala, bibi, nənələr.

Güzgü ola, ya şüşə,

Qoymazlar ləkə düşə,

Qarışar bütün işə,

Xala, bibi, nənələr.

Evin yaraşığıdı,

Lampası, işığıdı,

Böyüyü uşağıdı,

Xala, bibi, nənələr.

Xanadan xalı düşər,

Yaşılı, alı düşər,

Xalası olan bəyə,

Dünyanın malı düşər.

YAZMIRAM
Dostluqların hər üzünü görmüşəm,

Yaxşını yamana satır, yazmıram.

Çoxlarının uçuq qəlbin hörmüşəm.

Qeybət qırır, ara qatır, yazmıram.

Düzü demir, əyri sözdən kam alır,

Sözüylə özünü pis günə salır,

Yaxşı dostdan özü geridə qalır,

Namusu, qeyrəti atır, yazmıram.

Özüylə yaxşını bir ölçü edir,

Dəqiq yeriş bilmir, qarğatək gedir,

Yoldaşı kal bilir, özü heç nədir,

Gül içində tikan bitir, yazmıram.

Tələ qurur naxələfin sözüylə,

Yol göstərir başqasının gözüylə,

Uçruma aparır dostu özüylə,

Tikan kimi gözə batır, yazmıram.

Oruc bəd işlərdən hər an gen gedir,

Paxılın qəlbini kin-küdrət didir,

Boynunu qızardır, hər sözü udur,

Tülkü kimi kolda yatır, yazmıram.

TEZ AZAD OLA
Bahar çağı könlüm Vətən arzular,

Əsir torpaqlarım tez azad ola.

İsti ocağımda biş-düş eyləyəm,

Öz yurdumda öz ağzımda dad ola.

Bağ, bostan becərəm düzdə, dərədə,

Mal qoyun bəsləyəm çöldə, bərədə,

Bal-qaymaq bol ola, hələ kərə də,

Xalqımın hər zaman könlü şad ola.

Arı da saxlayam, əkin də əkəm.

Məhsul da becərəm, çoxlu tər tökəm,

Düşmən dağıdanı yenidən tikəm,

Nə ah-aman çəkəm, nə fəryad ola.

Qırılan meşəni yenidən salam,

Dərdli körpələrin könlünü alam,

Qardaş-bacıların qeydinə qalam,

Hər şey doğma ola, təzə ad ola.

Kimsə dərd çəkərmi belə iş ola,

Düşmənin canına yanar qor dola,

Qaçqınlar yurdunda əbədi qala,

Yurd yerində millət təzə yurd sala.

Oruc car eyləyir ellərə səsin,

Ürəyində çəkir Vətənin bəhsin,

Yurdu, torpağıdı Vətən hər kəsin,

Hamı qüvvət verə, yurd azad ola.

EHTİYAT SAXLA
Düşməsən bilməzsən dara dostu sən,

İnam, etibarı ehtiyat saxla.

Yoxla hər işini, ara dostu sən,

Qəlbindəki varı ehtiyat saxla.

Bacar əlini tut dara düşəndə,

Qoy desin düz sözü hara düşəndə,

Anlasın işini yeri düşəndə,

Bəli, səbəbkarı ehtiyat saxla.

Oruc düz danışır yeri gələndə,

Haqqı dayaq olur geri gələndə,

Dostun yetişməmiş səri gələndə,

Yandırası narı ehtiyat saxla.

20.06.2004
VAQИF
(Tamada dostum Vaqif Salahova)
Düzəlməyən hər bir işə qarışan,

Səbəblərin səbəbkarıdı Vaqif.

Xoş, gözəl işlərdən hər an danışan,

Bitməyən işin açarıdı Vaqif.

Mehriban qəlbiylə dosta yanaşan,

Dostlar arasında haqqı danışan,

Düzəlməyən hər bir işə qarışan,

Şux dostların intizarıdı Vaqif.

Oruc dolğun baxır yaxşı işlərə,

Götür-qoy eyləyir gündə min kərə,

Kiməsə söz deməz heç də boş yerə,

Məclislərin xoş nübarıdı Vaqif.

19.06.2004
SELDИ, SEL
Allah dostlarıma kədər verməsin,

Kədər ömürləri oyan seldi, sel.

Dostlar, qoy ömrünüz pis gün görməsin,

Pis gün başda duran qəmli teldi, tel.

Daraq tökər başdan qəmli telləri,

Kədərin gəzdirər ağır elləri.

Saydırar çox yerdə bəmi, zilləri,

Sənə arxa olan yaxşı eldi, el.

Eldə də yaxşı dost dayaqdı sənə,

Qəlbinə fərəhdi, mayakdı sənə.

Qədrini bilənin oyaqdı, sənə,

Könlünü oxşayan şirin dildi, dil.

Dostlarım şad olsa yaxşıyam mən də,

Sevinirəm dostum şirin dinəndə.

Ay Oruc, şad xəbər üzə güləndə,

Ömrünün baharı elə güldü, gül.

23.06.2004
ЭЯНЪЯМ
Qurban olum torpağına, daşına,

Hünərli, vüqarlı, çinarlı Gəncəm.

Xudam hər şey yazıb sənin yaşına,

Səbirli, səfalı, bol barlı Gəncəm;

Kəpəzli, Qoşqarlı, Murovlu Gəncəm.
Murovun, Kəpəzin havası səndə,

Loğmantək dərdlərin davası səndə,

Nənəm Məhsətinin yuvası səndə,

Gərəkli, qəsəmli, qərarlı Gəncəm;

Tərli-təravətli, nübarlı Gəncəm.
Xan bağın məskəni qoca, cavanın,

Fəvvarələr təmizləyir havanı.

Qulluq edən, təmizləyən buranı,

Orucun ürəyi vüqarlı Gəncəm,

Sinəsi əbədi baharlı Gəncəm.
30.07.2004
SЮZ OЬRULARI

(Hər kəs öz payını götürsün.)
Qələm dostlarına meydan oxuyur,

Şeir oğruları, söz oğruları.

Özü öz oduna işinə bilmir,

Ocaq oğruları, köz oğruları.

Onun, bunun işlərinə qarışır,

Özgəsinin alovunda alışır.

Atlasdan, qumaşdan hər an danışır,

Çadra oğruları, bez oğruları.

Oruc düzgün sözü müqəddəs bilir,

Düzgün söz bədlərin ürəyin dəlir,

Ata, baba yollarına çən gəlir,

Cığır oğruları, iz oğruları.

17.04.2002

ЭЮЗЯЛ ДЦНЙАМ
Halal eylə, hümmət eylə,

Gözəl dünyam, gözəl dünyam.

Tapşır məni bizim elə,

Gözəl dünyam, gözəl dünyam.

Çörək verdin, böyümüşəm,

Səni yaman incitmişəm,

Çağrışına gec gəlmişəm,

Gözəl dünyam, gözəl dünyam.

İnsanlardan bac alırsan,

Yetişdirib, qocaldırsan,

Özün də yola salırsan,

Axır dünyam, əzəl dünyam.

Ömürlükdən yetim olub,

Qocaldıbsan kötük olub,

Oruc səndən dərsin alıb,

Gözəl dünyam, gözəl dünyam.

15.02.1990
ЕШИДИН, ДОСТЛАР
Sənət vurğunuyam, nəzmin laylacı,

Belə yaşamışam, eşidin, dostlar.

Zəhmətim şirindi, olmayıb acı,

Kədər daşımışam, eşidin, dostlar.

Mən baş əyməmişəm vara, dövlətə,

Qail olmamışam heç bir minnətə.

Qatlanmışam ömür boyu zəhmətə,

Yüklər daşımışam, eşidin, dostlar.

Şirindi elimin nazı, neməti,

Ellə yaşamışam, çəkib qeyrəti.

Xaliq darda qoymaz mömin, ümməti,

Aşırımlar aşmışam, eşidin, dostlar.

Orucam, haqq verən payına qail,

Ömür verən haqqı-sayına qail,

Ölçüdə, biçidə tayına qail,

Nəğmələr qoşmuşam, eşidin, dostlar.

31.05.2003

ЭЦЛЯРДИМ
Vətən təmizlənsə bəd yağılardan,

Vətən də gülərdi, mən də gülərdim.

Millətim qurtarsa çətindən, dardan,

Millətim gülərdi, mən də gülərdim.

Qaçqın, köçkün qayıdardı elinə,

Kasıblıq salmazdı heç bir dərinə,

Nəzarət edərdi yurd yerlərinə,

Elim də gülərdi, mən də gülərdim.

Oruc da hamıdan çox sevinərdi,

Atardı kənara çəkilməz dərdi,

Tərif eyləyərdi qoçağı, mərdi,

Vətənim gülərdi, mən də gülərdim.

18.06.2006

АНАМ ЙАДЫМА

ДЦШЦР
Ağbirçəklər görəndə,

Anam yadıma düşür.

Ağ göyçəklər görəndə,

Anam yadıma düşür.

Gözlərim ana gəzir,

Ayağımı daş əzir,

Ürəyim qan-yaş süzür,

Anam yadıma düşür.

Giley vaxtım başlayıb,

Könlüm kövrək aşlayıb...

Gözlərim qan yaşlayıb,

Anam yadıma düşür.

Qoca vaxtımda döyə,

Acıqlana, həm söyə,

Hərdən mənə can deyə,

Anam yadıma düşür.

Orucam mən, yaş boğur,

Tale gedir boş, boğur,

Başıma bir daş, boğur,

Anam yadıma düşür.

08.10.2006
DOSTLARIM
Belə yaradıbdı məni Yaradan,

Can demişəm, can eşidib dostlarım.

Bəd sözləri Ağam seçib aradan,

Can demişəm, can eşidib dostlarım.

Bəyə, bəyzadəyə oxşatmışam mən,

Qəlbimin başında yaşatmışam mən,

Dostlarıma hər vaxt tez çatmışam mən,

Can demişəm, can eşidib dostlarım.

Orucam, hər sözüm dosta yaraşır,

Dostlarım düz sözə olublar aşiq,

Dostluğu yığmışam mən qaşıq-qaşıq,

Can demişəm, can eşidib dostlarım.

08.11.2006
МЕЩРИБАН БИЗИ
Göyçəmizin təmiz suyu, havası,

Edibdi hər yanda mehriban bizi.

Dağının çiçəyi, yarpız, laləsi,

Edibdi bədəndə təmiz qan bizi.

Ağ südtək qayadan axan bulağı,

Bulaqda lilparı, dərədə kığı.

Gözəl çəmənləri, sərin yaylağı,

Edibdi həmişə saf vicdan bizi.

Düzündə əkilən arpa, buğdası,

Sürüynən əmliyi, həm də quzusu,

Dərədə baldırğan, göy yolotusu,

Edibdi bədəndə sağlam can bizi.

İnsanları bir-birinə can deyən,

Halal çörək kəsib birlikdə yeyən,

Aşıqları mahal gəzən, el sayan,

Edibdi qoynunda firavan bizi.

Beçəsinin balı, qaymaq, kərəsi,

Qüvvət verir qolumuza hərəsi,

Orucun dürr sözü, ustadnaməsi,

Edibdi hər yanda xoş cahan bizi.

03.12.2004

ЩЯКИМ
Dərdə dərman yazan zaman,

Dərdimi bil, yaz, ay həkim.

Ömürüm can eşitməyib,

Bir şirin dil yaz, ay həkim.

Aylar, illər keçsə məndən,

Doymaram bir şirin dildən,

Şirin-şəkər olan ildən,

Bir şirin il yaz, ay həkim.

Bəd əməldən, bir bəd işdən,

Kənar eylə qızğın şişdən,

Ömrümə bircə gərdişdən,

Ətirli gül yaz, ay həkim.

Acı dillər şirin ola,

Könlüm fərəh sayı ala,

Bir can sözü yadda qala,

Bir əhli dil yaz, ay həkim.

Oruc müştaq şirin dilə,

Xoş xasiyyət, şirin gülə,

Səda düşə eldən-elə,

Dərdimi sil, yaz, ay həkim.

07.04.2007

ЭЮЗЯЛ ЙУРД

ЙЕРИM
Həsrətin çəkirik, düşmüşük uzaq,

Əzəldən gözəldi, gözəl yurd yerim.

Güllü-çiçəklidi dağı, dərəsi,

Şehli, dumanlıydı əzəl yurd yerim.

Quzular mələrdi dörd bir yanında,

İnəklər, camışlar xanimanında...

İgidlər yoxlardı çoban sanında,

Bizə şirin idi gözəl yurd yerim.

Nə dərdimiz vardı o zaman bizim,

Sürülər, naxırlar görərdi gözüm,

Hər zəhmətə bizdə olardı dözüm,

Olubdu hər yanı xəzəl yurd yerim.

Düşünürəm, Allah, yenə gələrmi,

Zaman üzümüzə bir də gülərmi?

Oruc şad işlərdən geri qalarmı,

Gül-çiçəkli ola nazlı yurd yerim.

ORUC
(Özümə)
Nə baxırsan məlul-məlul,

Könlü talan olan Oruc.

Kədərlənmə coşar könül,

Hər vaxt yadda qalan Oruc.

Pərişanlıq uzaq getməz,

Heyrətlənmə, izin itməz,

Yamanların sözü ötməz,

Sözü zərdən olan Oruc.

Oruc da dərdini çəkir,

Son gününə saf söz əkir,

Dostlar üçün boynun bükür,

Dost qəlbində qalan Oruc.

10.01.2006
ХУДАВЯНДИ

АЛЯМИН САЩИБИ
(Yaradanıma diləyim, təvəqqem)
Ya öldür, ya qurtar xəcil dünyadan,

Ya bir doğru yola dəlalət eylə.

Özün yaradıbsan, yaradan Allah,

İşıqlı dünyaya sən bələd eylə.

Özün qisməti ver sağ tərəfindən,

İşıqlı bir gün ver ağ tərəfindən,

Yazım, yaraşdırım çağ tərəfindən,

Ədalət şahımsan, ədalət eylə.

Oruc gileylənir ömür payından,

Haqqın qismətindən, haqqın sayından,

İşıqlı dünyanın hər il, ayından,

Özün qismətim ver, özün şad eylə.

22.01.2011

ЭЦЛМЦРЯМ
Sərrafi kankanam fani dünyada,

Ömrüm boyu gor qazıram, gülmürəm.

Şadlanmır ürəyim, sevinmir könlüm,

Dərdimi kimlərə açım, bilmirəm.

Cəhənnəmi yaşayıram ömrümlə,

Çürük ömrüm kimi paslı dəmrimlə,

Allah verən hövsələmlə, səbrimlə,

Yaşaram zülmünnən, amma ölmürəm.

Zəlili müstərəm, bəxti kəm mənəm,

Qismətim zəhərdi, deyir əm, mənəm,

Əzəldən bölünmüş payı tən mənəm,

Biçarə Orucam, gülər gəlmirəm.

Gəncə ş. 16.07.2011
NAMAZA DURUN
Haqdan səda gəldi qədri sübhana,

Dedilər hər zaman namaza durun.

Söhbətlər uzandı, sirlər açıldı.

Dedilər bəd sözü üzlərə vurun,

Haqqın, ədalətin üstündə durun.
İnsan yaranandan xeyirxah olsun,

Təlim-tərbiyələr başlara dolsun,

Abır, həya, ismət əbədi qalsın,

Düz sözün üstündə mərdanə durun,

Düz sözdən uçmayan qalalar qurun.

Oruc nicat tapsın haqqın yolundan,

Ağalar qaldırsın hər vaxt qolundan,

Yaradan yar olsun sağı, solundan,

Haqqın, həqiqətin üstündə durun,

Həqiqət mülkündən siz qala qurun.

Gəncə ş. 29.07.2011
ДАЬЛАР
Neçə vaxtı yolum yoxdu,

Görənmirəm üzün, dağlar.

Həsrətindən xəstəyəm mən,

Ağlar canım, gözüm, dağlar.

Buz bulaqlar səndə qalıb,

Quzey qarın canım alıb,

Həsrətdən rəngim saralıb,

Görənmirəm izin, dağlar.

Göy yaylaqlar boş qalıbdı,

Həsrətin canım alıbdı,

Lalən, bənövşən solubdu,

Mələşmir heç quzun, dağlar.

Oruc nə günlərə qalıb,

Dərdin məni haldan salıb,

Dünya gözümdə qaralıb,

Qırılıbdı dizim, dağlar.

Gəncə ş. 20.08.2011
TEZ-TEZ
Ürək vərəm bağlar, könlün qan ağlar,

Çəkməsən canına sağ əli tez-tez.

Həyat səndən ötrü bir viran olar,

Çəkməsən qanına sağ əli tez-tez.

Hər zaman gen dünya dar olar sənə,

Qeyrət çəkənməsən ar olar sənə,

Yaşıl çəmənliklər qar olar sənə,

Çəkməsən hər yana sağ əli tez-tez.

Oruc bülbül kimi cəh-cəh vuranmaz,

Namərdlər yanında heç vaxt duranmaz,

Bu fani dünyada bir şey yaranmaz,

Çəkməsən geninə sağ əli tez-tez.

04.08.2003

ДЦНЙАМ
Hər qəlbdən bir səda gəlir,

Deyir, qurban özüm dünyam.

Bəziləri qadan alır,

Çalır sazım, sözüm dünyam.

Kimi yazır bağlı qapı,

Kimi gətirməyir tabı,

Kimisinə balta sapı,

Çalır sazım, sözüm dünyam.

Oruc dünya gərdişinə,

Qarışır hər bir işinə,

Ağıl qoyur öz başına,

Gülür sazım, sözüm dünyam.

13.08.1998
АЬЛАМАYЫН,

АЬБИРЧЯКLИ АНАЛАР
(Azərbaycanda gedən haqsız qırğınlara)
Allah bəlasını bizəmi verib?!

Ağlamayın, ağbirçəkli Analar.

Dünyanın iblisi qəlbəmi girib,

Ağlamayın, ağbirçəkli Analar.

Allah qoysa xain cəzasın alar,

Onu da hörüklü qalaya salar.

Yəqin ki, bizim də hökmdar olar,

Ağlamayın, ağbirçəkli Analar.

Yaradan meylini bizlərə salar,

Düşmənlər də düzgün cavabın alar.

Xalqımın ruzisi, çörəyi olar,

Ağlamayın, ağbirçəkli Analar.

Bir gün şəhidlər də qalxar ayağa,

Hər söz öz yerində dönər dayağa.

Qanun ilə hər iş minər növrağa,

Ağlamayın, ağbirçəkli Analar.

Xocalı da, Qalaaltı da bəllidir,

İtkinlər də, şəhidlər də bəllidir.

Xalqa kömək edənlər də bəllidir,

Ağlamayın, ağbirçəkli Analar.

Çox çəkmişəm bu dünyanın nazını,

Qəbul eləmişəm həm çox, azını.

Zimistana döndərərik yazını,

Ağlamayın, ağbirçəkli Analar.

Orucam, Gəncədə darda qalmışam,

Soraqlaşıb çox sədalar almışam.

Xainin ömrünə qılınc çalmışam,

Qələmimlə, ağbirçəkli Analar,

Ağlamayın, ağbirçəkli Analar.
01.04.1992
БУ СИРRИН ЦСТЦNДЯ

ТАНРЫ ДАЙАНДЫ
On səkkizi iyun ayı Gəncədə,

Birdən-birə yığval atım oyandı.

Unutdum kədəri bircə gecədə,

Gözümün önündə nələr dayandı...

Yalvardım Allaha hər sübh namazı,

Eşitdi səsimi, oldum çox razı.

Göy İmamda verdim nəzir-niyazı,

Qəlbim, sözüm bəli, haqqa bəyandı.

Çağırdım hər zaman Heydəri Kərrar,

Özü ümid verdi, dedi, – vaxta var!..

Qəlbini düz saxla, Allaha yalvar,

Axır haqqın özü sənə həyandı.

Haqqı itirmədim könlüm evində,

Qismət verdi ağam, qəlbim sevindi.

Arzumla, niyyətim haqqın evində,

Ağam verən qisməti də sayandı.

Oruca hər yerdə haqq dayaq olur,

Nur salır üzünə, bir mayaq olur.

Vicdan təmiz olur, huş ayıq olur,

Bu sirrin üstündə Tanrı dayandı.

Gəncə ş. 18.06.2003
ЭЯLЯНЯ КИМИ
(Mikroinfarkt şöbəsində xəstə yatarkən)
Körpə uşaq kimi boynumu büküb,

Gözlədim həkimlər gələnə kimi.

Səbir, hövsələmi haqdan dilədim,

Açarı onlardan alana kimi.

Haqq yetişdi dada, həkim tez gəldi,

Taleyim oyandı, üzümə güldü.

Qubarlı könlümü tərtəmiz sildi,

Xəstələr dəhlizə dolana kimi.

Haqqa diləyimdə mən razı qaldım,

Yönümü Qibləyə, Kəbəyə saldım.

Haqqın dərgahından payımı aldım,

Oructək yaddaşda qalana kimi.

Gəncə ş. 16.03.2005

OLMUШAM
Qocalıq ömrümə yaman güc gəlib,

Xəzan vurmuş bağın barı olmuşam.

Qırğılıq səsləri səsdə azalıb,

Dağların yapalaq, sarı olmuşam.

Zamanın kədəri soldurub məni,

Harınların fikri öldürüb məni.

Dünya zarıncıyla dindirib məni,

Bax bu gen dünyanın darı olmuşam.

Orucam, zəhmətim əlimdə qalıb,

Yaxşılıq, yamanlıq dilimdə qalıb.

Hədyanalıq yüktək belimdə qalıb,

Bu zamanın koru, karı olmuşam.

05.11.1999
МЯН
(Dülgər Orucun ad gününə)
Altmış birə qədəm qoydum,

Tay-tuşumla birlikdə mən.

Sözlərimə sadiq qaldım,

Etmədim irilik də mən.

Xeyir-şərdə sözüm oldu,

İradəmdə dözüm oldu,

Düzgünlükdə izim oldu,

Ayrılmadım birlikdən mən.

Çox qazandım, az da tapdım,

Sınqın könülləri yapdım,

Həqiqəti haqda tapdım,

Ədalətlə birlikdə mən.

Həqiqətlər söyləmişəm,

Xeyir işlər eyləmişəm,

Şeytanları teyləmişəm,

Həqiqətlə birlikdə mən.

Altmış birim tamam olub,

Dostlarım yanıma gəlib,

Nəvələrlə ömrüm gülüb,

Bu zamanla birlikdə mən.

Mən Orucu haqq yaradıb,

Özü də telim daradıb,

Sadiq insanlar aradıb,

Yaradanla birlikdə mən.

Gəncə ş. 12.01.1997
DAЬLARIM
Yazanlar çox olub, mən də yazıram,

Şeirə sel olub belə dağlarım.

Uçub kəsib bulaqların qabağın,

Bənzədib özünü gölə dağlarım.

Qoynunda elləri nazla saxlayır,

Gecəli-gündüzlü özü yoxlayır.

Dumana, çiskinə belə baxmayır,

Səbəbkar olubdu elə dağlarım.

Cavana, qocaya qaş-göz vurubdu,

Çoxlarına özü muraz veribdi.

Gəlinə, qızlara xana qurubdu,

Cehiz bağlayıbdı bala dağlarım.

Nazlı sənəmlərə toy-büsat qurub,

Alınmaz qalatək o arxa durub,

Xain düşmənlərə çox yara vurub,

Şeirində Oruc da bilə dağlarım,

Nəğməkar olubdu elə dağlarım.
08.05.1995
GЮZЯL DЦNYA
İnsanlar var – naxışı çox, izi az,

İnsanlar var – naxışı yox, sözü az,

İnsanlar var – bu dünyada gözü az,

Qoymayırsan bu dünyada yaşaya.

GЮZЯL DЦNYA
İnsanlar var – köçəsi döy dünyadan,

İnsanlar var – qaçası döy dünyadan.

İnsanlar var – uçası döy dünyadan,

Qoymayırsan bu dünyada yaşaya.

YADDAШDA QALSIN
QOCALDIM
Cavan ikən çox qocaldı iqbalım,

Yatdı bəxtim, gözün yumdu, qocaldım.

Taleyim tapmadı şərəfli yolu,

Ellər şeir payı umdu, qocaldım.

Kədər atı mindi vaxtsız belimə,

Həsrət qaldım həm obama, elimə,

Açılanda xarlar qondu gülümə,

Fikir, kədər məni mindi, qocaldım.

Çıxmadı bəxtimə bir tülək tərlan,

Həm təmiz olaydı gültək al-əlvan,

Yaşadaydı məni edə növcavan,

Fələk məni şumtək əkdi, qocaldım.

Oruc dözə bilmir çətin dərdlərə,

Baxa bilmir artıq mətin dərdlərə,

Dəyişsə fikirim, desəm min kərə,

Fələk kərpicimi sökdü, qocaldım.

Gəncə ş. 2011
PAY GЯTИRMИШЯM
Baharın, Novruzun açan gülündən,

Yazın gəlməsindən, şirin dilindən,

Azərbaycanımın xoşbəxt ilindən,

Açan gül-çiçəkli pay gətirmişəm.

Baharla oyanan torpağım, daşım,

Ellərimlə artan, yaşayan yaşım,

Xalqımla bir olan sirrim, sirdaşım,

Hər xoş keçən ildən say gətirmişəm.

Hər ötən illərin xoşbəxt ayı var,

Hər gözəl illərin haqqı-sayı var,

Elimin, obamın hər cür payı var,

Xoş arzu-diləkdən pay gətirmişəm.

Qışın da hökmünü bahar, yaz alır,

Bahar gələn zaman dərdlər azalır,

Arzular, diləklər yazda bol olur,

Bahar, novruzgüllü ay gətirmişəm.

Oruc Göyçəlidə xoş arzu, dilək,

İtməz bilin heç vaxt zəhmətlə əmək.

İşi göstərəcək xoşbəxt gələcək,

Mən bahar müjdəli pay gətirmişəm.

Gəncə ş. 22.03.2009
КЦСДЦ МЯНДЯН
Könlüm sevən bir gözələ,

Dərdim dedim, küsdü məndən.

Belə döydü o əzəllər,

Sərt küləklər əsdi məndən.

Gözəl-göyçək pür gözəlin,

Üz-gözündə nur gözəlin,

Eşqi atəş gur gözəlin,

Üstə qaçdım, küsdü məndən.

Kədər basdı üz-gözümü,

Saxlayanmadım özümü,

Sərrast dedim mən sözümü,

Şəfəq saçdım, küsdü məndən.

Küskünləşdi qoca baxtım,

Qəlbimi yandırdım yaxdım,

Gözüm dolu ona baxdım,

Məhəbbəti kəsdi məndən.

Dərd məndə tüğyan eylədi,

Səbrimi kəsdi, teylədi,

Mənə bəd xəbər söylədi,

Dedi, Oruc, pəsdi məndən.

Gəncə ş. 16.03.2009
ЮЛДЦРМЯ МЯНИ
Bil bütün ömrümcə sevirəm səni,

Elə qiya baxıb öldürmə məni.

O nur camalınla o qamətinlə,

Qaşınla, gözünlə öldürmə məni.

Zülümə salırsan süzgün baxışla,

Canımı alırsan şimşək çaxışla,

Qaş-qabaq eyləyib, qarla, yağışla,

Sonradan dinazla dindirmə məni.

Oruc bilirsən ki, sevgi leylacı,

Şirin söhbətlərin, şirin söz acı,

Başına qoyaram sevgilik tacı,

Qəmli havalarla çaldırma məni,

Zülümə, zillətə saldırma məni.