Tarix kafedrasi O’ZBEKISTON MADANIYATI VA SAN’ATI TARIXI
fanidan
O’QUV-USLUBIY MAJMUA
Namangan – 2018 O’zbekiston madaniyati va san’ati tarixi fanning ishhi o’quv dasturi namunaviy o’quv reja (O’zbekiston Respublikasi Oliy va o’rta maxsus ta’lim vazirligi tomonidan 2016-yil 22-yanvardagi 26-sonli buyrug’ining 2-ilovasi) hamda namunaviy o’quv dasturi (Oliy va o’rta maxsus kasb-xunar ta’limi yo’nalishlari bo’yicha O’quv-uslubiy birlashmalar faoliyatini Muvofiqlashtiruvchi Kengashining 2016-yil 9-yanvardagi 1-sonli bayonnomasi bilan ma’qullangan )ga muvofiq ishlab chiqildi.
Tuzuvchi:
Mansurov U. – Tarix kafedrasi katta o’qituvchisi, t.f.d. (PhD)
Taqrizchilar:
Rasulov A. – NamDU, Tarix kafedrasi professori, t.f.d.
Qayumov M. – NamMTI, t.f.n.
O’quv uslubiy majmua Namahgan davlat universiteti Kengashining 2018 yil __ avgustdagi 1 - sonli yig’ilishida ko’rib chiqilgan va foydalanishga tavsiya etilgan.
Kirish “O’zbekiston madaniyati va san’ati tarixi” fani O’zbekiston Respublikasining davlat mustaqilligi qo’lga kiritilgandan so’ng, mamlakatimizdagi Oliy o’quv yurtlarida bakalavr va magistratura yo’nalishlarida ta`lim olayotgan talabalarga maxsus fan sifatida o’qitish yo’lga qo’yildi.
Ushbu fanning predmeti va tadqiqot ob`ekti insoniyatning bir necha ming yillar davomidagi madaniy faoliyati, madaniyat taraqqiyoti tarixi va nazariyasini o’rganishdan iborat. Mazkur o’quv-uslubiy majmua “O’zbekiston madaniyati va san’ati tarixi” fanining predmeti, mazmun-mohiyati, uslubiy asoslari, ijtimoiy vazifalari ochib berilgan. Uni o’qish jarayonida moddiy madaniyat, sivilizatsiya, milliy va umuminsoniy qadriyatlar, ma`naviy va madaniy meros tushunchalarining ma`no-mazmunini bilib olasiz.
“O’zbekiston madaniyati va san’ati tarixi” fani vatanimiz halqlarining madaniy turmushi, o’ziga xos jihatlarini yorituvchi ma`lumotlarning ko’pligi va bu fanning to’`liq mazmun-mohiyatini ifoda etish uchun qismlarga bo’lib yaratildi.
