О‘zbekiston respublikasi axborot texnologiyalari va kommunikatsiyalarini rivojlantirish vazirligi

Xavfsizlik siyosatini ishlab chiqish. 
Tashkilotlarda xavfsizlik siyosati 
maqsadini bilmasdan turib, uni amalga oshirish imkoniyati mavjud emas. Shuning 
uchun, xavfsizlik siyosatini loyihalashdan oldin, quyidagi savollarga javob berish 
talab etiladi: 

---

241 
-
Siyosatning maqsadi nima? Bu qo’shimcha xarajatmi yoki shunchaki 
rasmiyatchilikni? 
Tashkilotlar yoki boshqaruvchi xavfsizlik siyosatini loyihalashda 
uning maqsadidan xabardor bo’lishi shart. Agar boshqaruvchi siyosatning 
maqsadini tushunsa, ularni xodimlarga yetkazishi oson bo’ladi. 
-
Xavfsizlik biror o’quv dasturiga mos keladimi? 
Odatda tashkilotlar 
xavfsizlik siyosatini xodimlarga o’rgatmasdan va amaliy seminarlarsiz joriy qiladi. 
Xodimlar xavfsizlik siyosatini o’rganmagan, ularni afzallik va kamchiliklari haqida 
ma’lumotga ega bo’lmagan taqdirda, xavfsizlik siyosati tashkilot uchun foydali 
bo’lmaydi. Shu sababli, xavfsizlik siyosati xodimlar tomonidan o’rganilishi shart. 
-
Xavfsizlik siyosati tashkilot maqsadlari bilan mos keladimi? 
Siyosatni 
hujjatlashtirish jarayonida uni tashkilot maqsadiga hamohang amalga oshirilganiga 
e’tibor berish shart. Agar xavfsizlik siyosati tashkilot maqadiga mos kelmasa, u 
muvaffaqqiyatga erisha olmaydi. 
-
Siyosat yaxshiroq amaliyot uchun umumiy qoidalar bo’ladimi yoki u 
standartga asoslanishi kerakmi? 
Taqdim qilinayotgan xavfsizlik siyosatining 
maqsadi turlicha bo’lishi mumkin. Shuning uchun, birinchi navbatda siyosat nima 
uchun joriy qilanayotganini bilish zarur. Odatda ma’lum siyosatlar hukumat 
tomonidan tartibga solinsa, ayrimlari tashkilot shaxsiy xavfsizligi uchun amalga 
oshiriladi. 
-
Ushbu xavfsizlik siyosati nechta kishiga tegishli bo’ladi? Ular kimlar?
Xavfsizlik siyosatini loyihalashda ba’zida kam sonli xodimlar yoki ularning 
gruppasi talab etilishi mumkin. Bu turdagi xavfsizlik siyosatini tasniflash muhim 
bo’lib, ular tashkilotda soddalik bilan amalga oshiriladi. 
-
Har bir xodim kamida nimani bilishi kerak?
Barcha xodim siyosatni 
hamma vaqt qanday amalga oshirish kerakligini bilishi kerak.
-
Haqiqatdan ham ushbu siyosatda yozilgan barcha tavsilotlar kerakmi 
yoki u AT xodimi uchun maxsus yozilganmi?
Siyosatni shakllantirishda maqsadni 
anglash muhim hisoblanib, bunda har bir siyosat bir hujjatni qismi bo’lishi shart 
emas.

---

242 
-
Siyosatni qanday qilib semantik tashkil qilish mumkin?
Siyosat aniq va 
qisqa tarzda shakllantirilishi hamda unda tashkilotdagi bor bo’lgan va xodimlar amal 
qiladigan barcha joiz amallar mavjud bo’lishi shart. 
-
Xodimlar siyosatdan nimani tushunishlari kerak? 
Boshqaruvchi 
siyosatini xodimlar uchun tushunarli qilib shakllantirishida maqsadni aniqligini 
saqlab qolishi shart. Masalan, siyosat tashkilotdagi barchaga tegishli bo’lishi 
mumkin va bu holatda boshqaruvchi tomonidan turli seminarlarda xodimlar uchun 
tushuntirishlar berilishi shart. Bu esa tashkilotdagi har bir xodim o’zini xavfsizlik 
siyosatidagi bajarishi kerak bo’lgan vazifasini anglashiga katta yordam beradi.