O‘zbekiston respublikasi bank-moliyа akademiyаsi
Yüklə 71,38 Kb. Pdf görüntüsü
|
|
3 KIRISH Hozirgi zamon iqtisodiyotida sug‘urta mexanizmi juda keng qo‘llanilmoqda. Shu sababli, yetuk sug‘urtachilarni tayyorlashda sug‘urta xizmatlaridan foydlanishni o‘qitish bo‘lajak sug‘urtachilarni o‘z faoliyatida uchraydigan iqtisodiy masalalarni hal qilishda, to‘g‘ri va asosli qarorlar qabul qilishlarida muhim ahamiyatga egadir. Sug‘urta munosabatlari murakkab va keng qamrovli iqtisodiy-moliyaviy- pullik munosabatlar bo‘lib, ularning tashkiliy shakllari qandayligidan qat’iy nazar sug‘urta fondini yaratish va undan foydalanish jarayoni hisoblanadi. Ta’kidlash lozimki, mazkur munosabatlar yuzaga kelishi uchun o‘zaro bog‘liq omillar mavjudligi muhimdir. Xususan, risk omilisiz sug‘urta o‘z mohiyatini yo‘qotadi. Shu bois, ushbu fan sug‘urtaning paydo bo‘lishi va tadrijiy rivojlanishi, sug‘urta nazariyasining mohiyati, asoschilari va namoyondalari, sug‘urta himoyasining talqini, sug‘urta munosabatlari tizimining mazmuni va tashkil qilish asoslari, sug‘urta munosabatlarida ishtirok etuvchi tomonlar, ularning huquq va majburiyatlari, sug‘urta sohasini tartibga soluvchi huquqiy-me’yoriy asoslar, sug‘urta sohasini nazorat etuvchi organning tashkil etilishi, majburiy sug‘urtaning sug‘urta tizimidagi o‘rni, uni tashkil etishning zarurligi va afzalliklari va boshqa atributlarni tizimli va kompleks ravishda mujassamlashtiruvchi ilmiy-nazariy va metodologik asoslar yaxlitlik, uzviylik va uzluksizlik tamoyillari nuqtai-nazaridan mantiqiy ketma-ketlikda o‘z aksini topgan. Dastur O‘zbekiston Respublikasi Prezidentining “2022 yil 28 yanvardagi 2022 - 2026 yillarga mo‘ljallangan yangi O‘zbekistonning taraqqiyot strategiyasi”, PF-60-son Farmoni, O‘zbekiston Respublikasining 2020 yil 23 sentabrdagi “Ta'lim to‘g‘risida”gi O‘RQ-637-sonli, 2019 yil 29 oktabrdagi “Ilm-fan va ilmiy faoliyat to‘g‘risida”gi O‘RQ-576-sonli Qonunlari, O‘zbekiston Respublikasi Prezidentining 2019 yil 8 oktabrdagi “O‘zbekiston Respublikasi oliy ta'lim tizimini 2030 yilgacha rivojlantirish Konsepsiyasini tasdiqlash to‘g‘risida” gi PF-5847-sonli Farmoni va 2019-yil 2-avgustdagi “O‘zbekiston Respublikasining sug‘urta bozorini isloh qilish va uning jadal rivojlanishini ta’minlash chora-tadbirlari to‘g‘risida”gi PQ-4412- sonli asosiy qoidalariga muvofiq ishlab chiqilgan. Yuqoridagilardan kelib chiqib 70412206 – “Sug‘urta kompaniyalarini boshqarish” magistratura mutaxassisligiga o‘qishga qabul qilinayotgan tinglovichlar quyidagi bazaviy mavzular bo‘yicha bilim va ko‘nikmalarga ega bo‘lishlari talab qilinadi. |