II.Asosiy qism: 20 daqiqa “Laylakvoy” media mahsulotidan ekranda ng harf birikmasi tovushi bor bodring rasmi ko‘rsatiladi, tarbiyalanuvchilar uning nomini- so`zni aytadilar. Tarbiyachi Y tovushini takrorlab (bod-ring-ng-ng-ng) so`zini aytadi va qaysi tovushga to`xtalib aytayotganligini tarbiyalanuvchilardan so`raydi.
“Laylakvoy” media mahsulotidan ng harf birikmasi ko`rsatiladi. Bunda ng harf birikmasining shaklini eslab qolishlariga alohida e’tibor beriladi.
ng harf birikmasi kitobga joylab qo‘yiladi. (kitob maketiga ng harf birikmasi yopishtiriladi.)
Harflarninguch xususiyati:yozilishi, ko‘rish mumkinligi va ularni o‘qish mumkinligi aytiladi.Xulosada harflar o`qilishi, yozilishi va ularni ko`rish mumkinligi; tovushlarni esa eshitish va talaffuz qilinishi aytiladi.
Quvnoq daqiqa “Bodring” she'rini aytish. Bodring diring-diring
Bog‘imizga kirib turing
Bog‘imizga kirganda
Palagim bosmay yuring
Men ham sizday bolaman
Qovoq solib olaman
Palagimni bosangiz
Achchiq bo‘lib qolaman.
Amaliy ish. Tarbiyachi bolalargakatta bosma ng harf birikmasi doskada chizib ko`rsatib beradi. Tarbiyachi ko`rsatib bergan namunaga qarab bolalar rangli iplardan ng harf birikmasi yasaydilar.
Amaliy masq. Tarbiyachi ng harf birikmasi ishtirok etgan bir necha so‘zni bo‘g‘inlarga bo‘lib (bodring, tong, rang, tanga, otang, onang) aytadi. Bolalar aytilgan so‘zdagi bo‘g‘inda ng harf birikmasi ishtirok etgan bo‘lsa ng harf birikmasini baland ko‘taradilar.
Ish daftari bilan ishlash. Topshiriqlar:
1. ng harf birikmasi yozishni o‘rganamiz. Namunaga qarab yozamiz.
2.So’zlarni bog’inlarga bo’ling. ng harf birikmasi o‘rnini ko‘k rangga bo‘yang.
3.Harflarni qo’shib o’qiymiz.
4. Bo‘g‘in tuzish va uni o‘qish.
5. So‘zlarni bo‘g‘inga bo‘lish.So‘zlarning tagiga bo‘g‘in andozasini chizish.
6. Tuzilgan so‘zlardan gap tuzdirish.
Mashg‘ulotga faol qatnashgan bolalar rahbatlantiriladi.
