O‘zbekiston respublikasi oliy va o‘rta maxsus ta’lim

Xizmatlar savdosi bo‘yicha bosh bitim (General 
Agreement on tradein Services, GATS, GATS)
. GATT Urugvay raundi chog‘ida 
qabul qilingan va Butun jahon savdo tashkilotini tashkil etish haqidagi Bitimga 
bosh ilovalardan biri hisoblanadi. BJST yuridik asoslaridan biri (GATT -1994 
bilan bir qatorda) . GATS birinchi marta diskriminatsiyasiz xalqaro xizmat 
ko‘rsatish savdosi mexanizmini yaratdi. Uning asosida halol raqobat va kelishilgan 
qoidalar mujassamlashgan (GATS 35 moddadan iborat, 6 qismga birlashtirilgan, 
shuningdek ilovaga ega). Xizmat ko‘rsatish savdosining quyidagi jihatlari ko‘rib 
chiqiladi:

belgilash va qo‘llanish sohasi; 

umumiy majburiyatlar va qoidalar (nisbatan qulayroq rejim, oshkoralik, 
rivojlanayotgan mamlakatlar ishtiroki xususiyatlari, iqtisodiy integratsiya 
hisobi, ichki tartibga solish, himoya choralarini qo‘llanish imkoniyati, 
umumiy hollar, subsidiya va boshq.);

spesifik majburiyatlar (bozorga kirish, milliy rejim, qo‘shimcha 
majburiyatlar);

asta–sekin liberallashtirish (spesifik majburiyatlar bo‘yicha muzokaralar, 
spesifik majburiyatlar ro‘yxati va ularning o‘zgartirilishi);

institutsional majburiyat (konsultatsiya, bahslarni tartibga olish va qarorlarni 
bajarilishi, xizmat ko‘rsatish savdosi bo‘yicha kengash);

xulosaviy nizom.
Ilovalarda moliyaviy xizmat ko‘rsatish batafsil ko‘rib chiqiladi, ularning 
tavsifi beriladi, belgilashlar keltiriladi va GATS qoidalari va umumiy 
majburiyatlardan olish imkoniyatlari ko‘rsatiladi. 
GATS tartibga soladigan xizmatlar savdosida milliy chegara orqali 
ko‘chadigan xizmatlar ham bitim ishtirokchilari mamlakatlar territoriyasida ishlab 
chiqariladigan va xorijiy jismoniy va yuridik shaxslar iste’mol qiladigan xizmatlar 
ham qo‘shiladi. 
GATS ikki tur majburiyatni ko‘zda tutadi:

---

56 

umumiy, ya’ni so‘zsiz tartibda mamlakat tomonidan qabul 
qiladigan;

spesifik, ya’ni u yoki bu mamlakatlar xizmatlar bozoriga 
kirishning aniq shartiga dahldor.
Umumiy majburiyat – bu eng avvalo ko‘proq qulay rejim (RNB), u 
ishtirokchi mamlakatlarini milliy xizmatlar bozoriga kirishni teng ta’minlaydi, 
ammo bunday kirish shartlarini belgilamaydi. GATSni imzolay turib, davlart 
darhol o‘zining xizmatlar bozorining barcha sektorlarida yetkazib berishni milliy 
rejim darajasigacha liberallashtirishga majbur emas. Kirish haqidagi muzokaralar 
chog‘ida xizmatlar alohida sektorlari uchun milliy iqtisodiyot siyosati va 
rivojlanish darajasi istiqbollarini hisobga olgan holda o‘tish davri ma’lum 
davomiyligiga erishishi mumkin. Xizmatlar bozorining bunday keyingi 
liberallashtirilishi ko‘p tomonlama yangi muzokaralar o‘tkazish bilan bog‘liq 
bo‘ladi. 
Xizmatlar turlari turli darajada liberallashtirilgan. Turli guruh mamlakatlar 
xizmatlar bozori ochiqligiga har xilda manfaatdorlar. Ammo biroq BJST a’zolari 
bo‘lgan ko‘pchilik mamlakatlar milliy rejimdan olingan, yoki hatto qo‘lay rejimni 
saqlashadi. Tabiiyki xizmatlar bozorini liberallashtirilishidan avvalo rivojlangan 
davlatlar va trans milliy korporatsiyalar manfaatdor. Xizmatlar bozorining turli 
sektorlari bir xil darajada liberallashtirilmagan. Ko‘proq ochiq sohalarga turizm 
kiradi. 1990 yilda telekommunikatsiya va axborot texnologiyalari bozorlarini 
liberallashtirish to‘g‘risida bitim tuzildi. U nafaqat gurkirab rivojlanib borayapti, 
balki arzonlashayapti ham, shuningdek moliyaviy xizmatlar bozorida sug‘urta va 
kredit qiymatlarini pasaytirishga olib kelishi mumkin. 
3.§. Xalqaro
 turizm
Turizm –xalqaro
xizmatlar savdosida muhim sohalardan biri bo‘lib, ayni 
paytda jahon iqtisodiyotining jadal sur’atlarda o‘sayotgan sohalridan biridir. Bu 
soha biznesning ko‘proq daromad keltiradigan turlaridan. U yirik investitsiyalarni 
jalb etadi. O‘sib borayotgan bandlikni ta’minlaydi. Daromad tushumini 
ko‘paytiradi va shu jumladan mamlakatda davlat byudjeti tushumini ta’minlaydi. 
Turizm o‘zida jahon iqtisodiyotining murakkab va har tomonlama sohalarini 
mujassam etgan holda, butun jahon xo‘jaligiga sezilarli ta’sir o‘tkazadi. Turizm 
aloxida mamlakatlar xo‘jaligiga ham, xududlarga ham birday tegishli. Ayrim 
mamlakatlarda turizm sohasi valyuta tushumlarining yagona manbai hisoblanadi. 
Uning sharofati bilan iqtisodiy taraqqiyot yuqori darajasi va xalq turmush 
farovonligi qo‘llab –quvvatlanib turiladi. Turizm jahon xo‘jaligining uch yetakchi 
eksport sohalari qatoriga kirib, u faqatgina neft qazib olish va avtomobilsozlik 
sanoatlaridangina keyingi o‘rinni egallaydi.
Hozirgi paytda turizm sohasi ulushiga butun jahon eksportining 8%ga 
yaqini, jahon xizmatlar savdosining 30%, jahon yalpi mahsulotining 10,8%, jahon 
kapital qo‘yilmalarining 9,4%, jahon iste’molchilik harajatlarining 11%, butun 
jahon soliq tushumlarining 5% to‘g‘ri keldi. Bundan tashqari, turizm sohasi 

---

57 
aholining bandligiga katta ta’sir o‘tkazmoqda. Mutaxassislar bahosicha, hozirgi 
zamon turizmi va uning bilan bog‘liq bo‘lgan sohalarida jahondagi har sakkizinchi 
xodim banddir.
Jahonning ko‘pchilik davlatlarida turizm yagona tizim sifatida rivojlanib 
bormoqda. Qaysikim u mazkur mamlakat va uning xalqaro tarixi, diniy, ma’naviy, 
madaniy hamda urf-odatlari bilan tanishish imkoniyatlarini yaratib beradi. Turizm 
mamlakatlar byudjetiga salmoqli daromad keltiradi. Shuningdek u juda ko‘pchilik 
xizmatlar ko‘rsatish bilan bog‘liq jismoniy va huquqiy shaxslarga yordam 
ko‘rsatadi. Turizm sohasi nafaqat eng yirik, balki jahon iqtisodiyotining eng 
dinamik holda rivojlanayotgan sektorlaridan biridir. U tez suratlarda o‘sishi bilan 
yuz yilning iqtisodiy fenomeni hodisasi sifatida tan olingan. XX asrning ikkinchi 
yarmi davomida xalqaro turistlar soni salkam 28 martaga ko‘paydi, bu xizmat 
turidan tushgan tushumlar esa 237 martaga ortdi. 
Butun dunyo bo‘yicha turistik xizmatlarga o‘sib borayotgan talab eng avvalo 
ijtimoiy – iqtisodiy sabablar bilan izohlanadi (umumiy daromadlar o‘sishi va bo‘sh 
vaqt ko‘payishi, haq to‘lanadigan ta’tillar muddati ko‘payishi, pensiya 
ta’minotining yetarli darajasi, oila tarkibida bolalar kamayishi evaziga o‘zgarishi 
va h.k), shuningdek transport taraqqiyotidagi o‘sish, uni arzonlashishi va 
hammaning qurbi yetishi, valyuta cheklovlarining kamaytirilishi yoki bekor 
qilinishi, viza rejimini liberallashtirilishi kabilar. 
Iqtisodiyotning boshqa tarmoqlari kabi turizm ham xalqaro, ham milliy 
tartibga solishning ob’ekti hisoblanadi. Xukumatlararo turizmning rivojlanishiga 
javob beruvchi yetakchi tashkilot, BMT bosh assambleyasi butunjahon turistik 
tashkiloti (World Tourist Organisation, WTO- BTT) ni tan oladi. BTT 1975 yildan 
buyon xalqaro turistik tashkilot rasmiy ittifoqi merosxo‘ri sifatida faoliyat 
ko‘rsatib kelmoqda. 
BTT a’zolikning quyidagi kategoriyalarini o‘z ichiga oladi: 1) haqiqiy 
a’zolar (Suveren davlatlar, shu jumladan, ko‘pchilik MDH mamlakatlari va 
Rossiya); 2) assotsiyalashgan a’zolar (o‘zining tashqi siyosatiga mustaqil mas’ul 
emas hududlar); va 3) qo‘shiluvchi a’zolar (hukumatlararo, nodavlat va notijoriy 
tashkilotlar va birlashmalar, ya’ni sohada faoliyat ko‘rsatayotgan, turizm uchun 
qiziqish bildirayotgan). 
BTT xalqaro turizmi tashkil qilish bo‘yicha bir qator deklaratsiyalar va 
boshqa hujjatlar qabul qilgan, shu jumladan turizm bo‘yicha Hartiya va turist xulqi 
Kodeksi (1985y), statistik spravochniklar va prognozlar nashr qiladi, turistik 
biznes uchun ma’lumotlar axborot bankini taklif qiladi. Unda xalqaro turizm uchun 
zarur bir qator muhim tushunchalar qayd etilgan («turizm», «turist» singari va 
boshqa). 
Turizm salomatlikni mustahkamlashga yordam beradi va yashash joyidan 
tashqariga chiqish va faol dam olishni belgilaydi. Turizmda «turist» (tashrif 
buyuruvchi) va «ekskursiyant» tushunchalari ajratiladi.