O‘zbеkiston rеspublikasi oliy va o‘rta maxsus ta’lim vazirligi namangan davlat univеrsitеti

O‘ZBЕKISTON RЕSPUBLIKASI
OLIY VA O‘RTA MAXSUS TA’LIM VAZIRLIGI


NAMANGAN DAVLAT UNIVЕRSITЕTI


5130200-Amaliy matematika va informatika ta’lim yo‘nalishi bitiruvchilarining fanlararo yakuniy davlat
attestatsiya sinovi


DASTURI


2021/2022 o‘quv yili

Tuzuvchilar:
M.X.Dadaxanov NamDU “Informatika” kafedrasi dotsenti, PhD

N.A.Otaxanov NamDU “Informatika” kafedrasi

professori, p.f.n.
M.Yu.Eshnazarova NamDU “Informatika” kafedrasi dotsenti,
p.f.n., dotsent
Sh.K.Boltibayev NamDU “Informatika” kafedrasi mudiri, PhD
Taqrizchilar:
T.M.Jo‘rayev NamMQI “Informatika va AT” kafedrasi mudiri, t.f.n., dotsent
M.T.To‘xtasinov NamMQI “Informatika va AT” kafedrasi dotsenti, t.f.n., dotsent

5130200-Amaliy matematika va informatika ta’lim yo‘nalishi bitiruvchilarining fanlararo yakuniy davlat attestatsiya sinovi dasturi Informatika kafedrasining 2021-yil “20” 11 dagi №4-sonli majlisida muhokama qilingan hamda tasdiqqa tavsiya etilgan.

Kafedra mudiri Sh.K.Boltibayev

5130200-Amaliy matematika va informatika ta’lim yo‘nalishi bitiruvchilarining fanlararo yakuniy davlat attestatsiya sinovi dasturi Namangan davlat universiteti Kengashining 2021-yil “14” 12 dagi №4-sonli majlisida muhokama qilinib, tasdiqlangan.

Kengash kotibi M.Asqarova

I. UMUMIY QOIDALAR
1. 5130200-Amaliy matematika va informatika ta’lim yo‘nalishi bitiruvchilarining fanlararo yakuniy davlat attestatsiya sinovi dasturi (keyingi o‘rinlarda – Dastur) O‘zbekiston Respublikasi Oliy va o‘rta maxsus ta’lim vazirining 2009 yil 22 maydagi 160-sonli buyrug‘i bilan tasdiqlangan “O‘zbekiston Respublikasi oliy ta’lim muassasalari bitiruvchilarining yakuniy davlat attestatsiyasi to‘g‘risida”gi Nizom, 2018 yil 25 avgustdagi 744-sonli buyrug‘i bilan tasdiqlangan “5130200-Amaliy matematika va informatika bakalavriat ta’lim yo‘nalishining malaka talablari” (keyingi o‘rinlarda – Malaka talablar) hamda № V5130200-18 tartib raqami bilan ro‘yxatga olingan o‘quv rejasining (keyingi o‘rinlarda – O‘quv rejasi) umumkasbiy va ixtisoslik fanlari o‘quv dasturlari asosida tuzildi.
2. Fanlararo yakuniy davlat attestatsiyasi sinovi (keyingi o‘rinlarda – Attestatsiya sinovi) O‘zbekiston Respublikasining oliy ta’limga oid qonun hujjatlarida belgilangan tartibga ko‘ra, bitiruvchilarning Yakuniy davlat attestatsiyasi sinovlaridan biri hisoblanib, unda ta’lim yo‘nalishi xususiyati, iqtidori va xohishiga ko‘ra bitiruv malakaviy ishi yozish istagini bildirmagan, o‘quv rejasidagi ta’lim dasturlarini to‘liq o‘zlashtirgan bitiruvchi kurs talabalari ishtirok etishlari shart.
3. Attestatsiya sinovini topshirishga o‘quv reja va fan dasturlarini to‘liq tugatgan va o‘quv rejasida nazarda tutilgan barcha sinovlardan muvaffaqiyatli o‘tgan talabalarga ruxsat beriladi.
4. Attestatsiya sinovi O‘quv rejasining umumkasbiy va ixtisoslik fanlarining barchasini qamrab oladi hamda sinov topshiriqlari ushbu fanlar o‘quv dasturlari asosida tuziladi.
5. Attestatsiya sinovi fanlar mazmuniga qo‘yiladigan talablar bilan bir qatorda, talaba tayyorgarligining Malaka talablarida bitiruvchiga qo‘yiladigan umumiy talablarga javob bera olish darajasini aniqlashga yo‘naltiriladi.