O‘zbekiston respublikasi oliy va o‘rta maxsus ta’lim vazirligi o‘rta maxsus texnikum professional ta’limning

O‘ZBEKISTON RESPUBLIKASI
OLIY VA O‘RTA MAXSUS TA’LIM VAZIRLIGI

O‘RTA MAXSUS TEXNIKUM
PROFESSIONAL TA’LIMNING
5.51.02.02 - Elektr stansiyalari, tarmoqlari va tizimlari bo‘yicha

Kasbiy faoliyatda chet tili fanidan

O‘QUV DASTURI

Kvalifikatsiya(lar) nomi:	Elektrenergetik
O‘quv rejadagi tartib raqami:	1.01
Ajratilgan soat:	80

Toshkent – 2020

O‘quv dasturi Buxoro neft va gaz sanoati kolleji Ilmiy-pedagogik Kengashining 2020 yil 28 sentyabrdagi 1-son majlis bayoni bilan ma’qullangan va kollejning 2020 yil 29 sentyabrdagi 122-son buyrug‘i bilan tasdiqlangan.

Tuzuvchilar:	Muxamadieva.R	Buxoro neft va gaz sanoati kolleji ingliz tili o‘qituvchisi
	Raxmatova.U Siddiqova.S	Buxoro neft va gaz sanoati kolleji ingliz tili o‘qituvchisi Buxoro neft va gaz sanoati kolleji o‘quv ishlar bo‘yicha direktor muovini
Taqrizchilar:	Xodjaeva D.I Hikmatova M.N.	Buxoro davlat universiteti, Xorijiy tillar fakulteti tabiiy yo‘nalishlarda chet tili kafedrasi mudiri PhD. Buxoro davlat universiteti Xorijiy tillar fakulteti gumanitar yo‘nalishlarda chet tili kafedrasi mudiri f.f.n,dotsent.
	A.U.Egamov	Gazli neft va gaz qazib chiqarish boshqarmasi direktori:

1. O‘quv dasturi umumiy talablari

Dastur nomi	Kasbiy faoliyatda chet tili
Ajratilgan soat	80
Mavzular soni	40
Dasturning maqsadi	CHet tili kommunikativ kompetensiyasi – o‘rganilayotgan chet tili bo‘yicha egallagan bilim, ko‘nikma va malakalarni muloqot jarayonida qo‘llash qobiliyatni rivojlantirish O‘quvchilarning kundalik, ilmiy va kasbga oid sohalarda faoliyat olib borishi uchun chet tilida kommunikativ kompetetsiyasini shakllantirish.
O‘zlashtirish (o‘qitish) natijalari	O‘zi va sohaviy ma’lumotlarni erkin ayta oladi. CHet el korxonalari bilan bitimga kelishuv, ishga kirish va faoliyat jarayonida ingliz tili bilim va ko‘nikmalarini qo‘llab biladi. 3.Ingliz tilida yozish hamda ma’lumotlar manbalari bilan ishlay oladi va kasbiy sohaga oid ma’lumotlarni taqdimotini qilib biladi. 4.Elektr uskunalarini ta’mirlash va unga xizmat ko‘rsatish bo‘yicha elektrmontyor haqida umumiy tushunchalarni ingliz tilida aytib biladi.
Bilimlar	Tinglab tushunish, gapirish, o‘qish va yozish ko‘nikmasiga doir mashqlarni bajara olish; Dialog olib borish. Muloqotni olib borishda lug‘atdan keng foydalana olish. Rezyume va tavsiya xatlarini yoza olish; Maxsus rasmiy va norasmiy noma/xatlar yoza olish. O‘tilgan grammatik material (fe’l zamonlari, modal fe’llar, sifat va ravishlarning qiyosiy darajalari, predloglar va hokazo)ni kundalik, ilmiy va sohaviy kontekstlarda to‘g‘ri qo‘llay olish. Elektrenergetik mutaxassisi haqida aytib berish. Elektr mashinalari va jihozlarini saqlash usullarini bilishi.
Ko‘nikmalar	Akademik ko‘nikmalar-tinglab tushunish, gapirish, o‘qish va yozish ko‘nikmasiga doir mashqlarni bajarish. Dialog olib borish. Rezyume va tavsiya xatlarini yozish. Maxsus rasmiy va norasmiy noma/xatlar yozish. O‘tilgan grammatik material (fe’l zamonlari, modal fe’llar, sifat va ravishlarning qiyosiy darajalari, predloglar va hokazo)ni kundalik, ilmiy va sohaviy kontekstlarda to‘g‘ri qo‘llay olish. Axborot kommunikatsiya texnologiyalari, ofis texnikasi va hujjatlari, internet vositalaridan erkin foydalana olish. O‘zi haqida ma’lumotni erkin aytib berish. Elektrenergetik sohasiga oid bo‘lgan terminlarni og‘zaki va yozma nutqda qo‘llay olish.