O‟zbekiston respublikasi oliy va o‟rta maxsus ta‟lim vazirligi s. A. Usmanov
BOB. TEXNIK TIZIMLARNI BOSHQARISH USLUBLARI, FAN
Yüklə 5,01 Kb. Pdf görüntüsü
|
|
1. BOB.
TEXNIK TIZIMLARNI BOSHQARISH USLUBLARI, FAN PREDMETI VA VAZIFALARI 1.1. TEXNOLOGIK JARAYONLARNI TAKOMILLASHTIRISH, TXK VA JT JARAYONLARINI TASHKIL ETISH MUAMMOLARI Milliy iqtisodiyotni tarkibiy qayta qurish masalasi iqtisodiy islohotlarni amalga oshirishda hal qiluvchi omillardan biri bo‘lib, sanoat ishlab chiqarishida texnologik jarayonlarni takomillashtirish, ishlab chiqarish jarayonlarini modernizatsiyalash, ishlash sharoitlarini zamonaviy usullar asosida qayta qurishni talab etadi. Shu munosabat bilan ishlab chiqarish korxonalarida innovatsion faoliyatni rivojlantirish, shu sohada boshqaruv strategiyalarini qayta tashkil etish vazifasi xo‘jalik sub`ektlari raqobatbardoshligini oshirish hamda innovatsion jarayonlarni tashkil etishga qaratilgan bozor islohotlarining ajralmas qismiga aylandi [2]. Hozirda iqtisodiyotning real sektoriga joriy qilinayotgan yangi texnologiyalarning rivojlanishi hamda tovarlar, xizmatlar, ishchi kuchi bozorlaridagi raqobatning kuchayishi korxonalarda innovatsion jarayonlarni boshqarish tizimini faollashtirish va uni yanada samarali tashkil etishga qaratilmoqda. Ayniqsa, mamlakat iqtisodiyotini tarkiban yangilash, ustuvor sohalarni rivojlantirish, milliy iqtisodiyotning raqobatbardoshligini oshirish dolzarb vazifalardan biriga aylanib bormoqda. Bu esa, aholining tez o‘sib, o‘zgarib borayotgan ehtiyojlarini to‘liq qondirish, so‘ngi kashfiyot ishlanmalari va texnologiyalarini ishlab chiqarishga tatbiq etish, raqobatdosh mahsulotlar ishlab chiqarish va ularning ihlash (xizmat) davri barqaror o‘sib borishini ta`minlovchi zamonaviy usullardan keng ko‘lamda foydalanishni taqozo etmoqda. Natijada bozor islohotlarining bosqichma-bosqich amalga oshirilishi milliy korxonalarning iqtisodiy taraqqiyotini moddiy resurslar asosida emas, balki innovatsion shaklda, raqobat muhitini shakllantirish orqali amalga oshirilishini zaruratga aylantirmoqda. 6 Hozirgi kunda respublikamiz sanoat korxonalarini texnologik yangilash bilan bir qatorda, innovatsion jarayonlarni boshqarish, raqobat muhitini shakllantirish jadal olib borilmoqda. Bu esa, hozirgi iqtisodiyotning barcha sohalarida globallashuv jarayonlarining jadallashuvi, mamlakatlar iqtisodiyotining integratsiyalashuvi hamda tovarlar bozorida raqobatning keskinlashuvi sharoitida yanada dolzarb masalaga aylanmoqda. Milliy korxonalarning samarali faoliyat yuritishi ko‘p jihatdan ularning raqobatbardoshlik darajasi va innovatsion salohiyatiga bevosita bog‘liqligi, hozirda yirik korxonalarda innovatsiya jarayonlarini boshqarish va raqobat muhitini shakllantirish bilan bog‘liq muammolarni tadqiq etish muhim ahamiyatga ega ekanligidan dalolat beradi. Mamlakatimizda yirik davlat korxonalarini aksiyadorlik jamiyatlariga aylantirish bo‘yicha bosqichma-bosqich amalga oshirilgan islohotlar natijasida iqtisodiyot tarmoqlari va sohalarida turli mulkchilik shakllariga asoslangan korxonalar vujudga keldi. Natijada mazkur korxonalar o‘rtasida raqobat muhiti paydo bo‘ldi. Qisqa davr ichida, mamlakatda iqtisodiy siyosatning tarkibiy qismlaridan biri bo‘lgan innovatsion siyosatni amalga oshirish mexanizmlari ishlab chiqildi. Buning natijasida ilmiy tadqiqotlar, ishlanmalar, tajriba konstruktorlik ishlari hamda yuqori texnologik jarayonlarni amaliyotga joriy etishning huquqiy asoslari shakllantirildi. Hozirgi kunda faoliyat ko‘rsatayotgan turli shakldagi korxonalar milliy iqtisodiyotning istiqbolini belgilashda katta ahamiyatga ega bo‘lib, ishlab chiqarish ko‘lamini kengaytirish, yangi ish o‘rinlarini yaratish borasida muhim ijtimoiy- iqtisodiy funksiyalarni bajarmoqda. Ammo korxonalarda innovatsion jarayonlarni boshqarish tizimining sustligi korxonalarning raqobatbardoshligini oshirish mexanizmlarini samarali tashkil etishga, unga ichki va tashqi investitsiyalarni jalb etishni kengaytirishga, istiqbolli innovatsion loyihalarni amalga oshirish va shu kabi boshqa ustuvor vazifalarni hal etishni kechiktirmoqda. Bugungi kunga kelib avtomobil transporti korxonalarining moddiy jihatdan jihozlanish darajasi sezilarli ravishda yaxshilandi, bu ayniqsa avtomobil transporti servisi sohasida yaqqol namoyon bo‘lmoqda. Murakkab mexanik va elektron 7 tizimlardan tashkil topgan zamonaviy avtomobilga TXK va ta`mirlash uchun maxsus jihozlar va texnologiyalar talab qilinmoqda. Demak sohada texnologik jarayonlarni takomillashtirish, TXK va JT ishlab chiqarish jarayonlarini modernizatsiyalash, ishlash sharoitlarini zamonaviy usullar asosida qayta qurish ustuvor vazifalardan biri hisoblanadi. Yüklə 5,01 Kb. Dostları ilə paylaş:
|