O‘zbekiston respublikasi oliy va o‘rta maxsus ta’lim vazirligi termiz davlat universiteti iqtisodiyot va turizm fakulteti

V. ISHLAB CHIQARISH AMALIYOTI BO‘YICHA AMALIYOTDAN VA 
INSTITUT TOMONIDAN TAYINLANGAN RAHBARLARNING 
MAJBURIYATLARI 
Amaliyot joyidan tayinlangan rahbarning majburiyatlari 
Talabalar amaliyot o‘tashi uchun korxona (tashkilot)larining tegishli 
buyrug‘i bilan qabul qilinadilar va ularga amaliyot rahbari tayinlanadi. Amaliyot 
bo‘yicha rahbar amaliyot boshlanishi bilan bir kun ichida amaliyot grafigini 
(mazkur dastur va amaliyot kundaligi asosida) tuzishi va shu grafik asosida 
talabaning amaliyot o‘tashini nazorat qilib borishi talab qilinadi. 
Amaliyot joyidagi rahbariyati tomonidan tasdiqlangan grafik asosida amaliyot 
rahbari talabaning amaliyoti davomida bir ish joyidan (bo`limdan) ikkinchi ish 
joyiga (bo`limga) joylashtiradi va nazorat qilib turadi. Har bir belgilangan ish 
joyida amaliyotga korxona (tashkilot) tomonidan buyruq asosida tayinlangan 
mas’ul xodim rahbarlik qiladi. 
Korxona (tashkilot) tomonidan tayinlangan rahbar amaliyotni tashkil qilishda, 
talabaga hisobot uchun ish hujjatlarini yoki nusxalarini yig‘ishga yordam beradi. 
Amaliyot rahbari talabaning amaliyot dasturida belgilangan ishlarni o‘z 
vaqtida to‘liq bajarilishini, har kuni bajarayotgan ishlarini kundalikda yozib 
borishini nazorat qiladi. Amaliyot tugagandan so‘ng, amaliyot rahbari talabaning 

---

21 
amaliyot davridagi faoliyati bo‘yicha ko‘nikmalarni talabaning kundaligiga yozib 
beradi, shuningdek, amaliyot yakuni baholanib, amaliyot o‘taganligi bo‘yicha 
tavsifnoma beradi. 
OTM tomonidan tayinlangan amaliyot rahbarining majburiyatlari
OTMdan tayinlangan rahbarning majburiyatlariga quyidagilar kiradi: 
−
talabaning amaliyotga chiqishidan avval suhbat o‘tkazish va amaliyot o‘tash 
tartibini tushuntirish; 
−
amaliyotni o‘tash holati, talabaning bajarayotgan ishi, amaliyotga qatnashish 
davomatini nazorat qilib borish; 
−
amaliyot dasturining to‘liq hajmda bajarilishi, amaliyotni o‘z muddatlarida 
o‘tashini nazorat qilish, kamchiliklarini bartaraf etish bo‘yicha chora-
tadbirlar ko‘rish; 
−
kundalikning to‘liq va to‘g‘ri to‘ldirilayotganligini, rasmiylashtirilishini 
nazorat qilib borish; 
−
kundalikning alohida ajratilgan joyida talabaning amaliyotni o‘tashi va olgan 
ko‘nikmalari haqida rahbarning yozma ravishda o‘z xulosasini berish; 
−
amaliyot so‘ngida hisobotni tekshirib, unga taqriz hamda xulosa berish.