O’zbekiston respublikasi sog’liqni saqlash vazirligi toshkent tibbiyot akademiyasi tibbiy ta’limni rivojlantirish markazi ginekologiyadan yagona uslubiy tizim bo’yicha yaratilgan amaliy mashg’ulotlar o’tkazish uchun o’quv qo’llanmasi

Artifitsial abort va uning muddati haqida tushuncha

Artifitsial abort – homiladorlikni 12 haftagacha bo’lgan muddatda sun’iy ravishda to’xtatish demakdir. Bu ayolning xoxishi yoki tibbiy va ijtimoiy ko’rsatmalarga asosan o’tkaziladi. Abort davolash muassasasida vrach tomonidan aseptika qoidalariga rioya qilgan holda amalga oshiriladi. Muddat iloji boricha kamroq asorat beradigan vaqtda belgilanadi. Abort qancha erta muddatda amalga oshirilsa, shunchalik gormonalbuzilishlar kamroq yuzaga keladi.

Homiladorlik muddatiga bog’liq ravishda artifitsial abort metodlarini bajarish.

Muddatga qarab sun’iy abortning bir qancha turlari farq qiladi:

Menstruatsiya tutilishi 2 haftagacha bo’lganda “ mini abort” o’tkazish mumkin. Bu amliyot yengil narkoz yoki mahalliy og’riqsizlantirish yordamida o’tkazish mumkin. Bachadon bo’yni orqali bachadon bo’shlig’oiga nakonechnik kiritiladi, tizimga ulanib vakuum hosil qilinadi. Manfiy bosim hisobiga homila bachadon bo’shlig’idan chiqadi.