O`zbekiston respublikasi

Kompleks o`g’itlar ishlab chiqarish
Kompleks o`g’itlarni fosfatlarni nitrat kislota bilan qayta ishlashdan va fosfat kislotani ammiak bilan neytrallanishidan hosil qilinadi. Fosfatlarni nitrat kislota bilan ajratilganda suyuq fazada N, P va Ca mavjud bo`ladi.
Ca₅F (PO₄) ₃ + 10HNO₃ = 3H₃ PO₃ + 5Ca (NO₃) ₂ + HF

Kompleks o`g’itlarga aralash o`g’itlar ham kirib, ularni oddiy o`g’itlarni Mexanik aralashtirish natijasida hosil qilinadi. Aralash o`g’itlar tarkibiga ko`pincha o`simlik uchun kamroq kerak bo`ladigan mikroo`g’itlar ham kiradi.

Azotli o`g’itlar ishlab chiqarish
Azotli o`g’itlar tarkibida azot NH⁺ kationi, NO₃^- anioni, NH₂ - amid holida uchrashi mumkin. Shunga ko`ra azotli o`g’itlarni ammiakli (NH₃, NH₃ li suv va (NH₄)₃SO₄), nitratli (Ca va NaNO₃), ammiak- nitratli (NH₄NO₃) va amidli (karbamid (NH₄)₂CO) turlarga ajratish mumkin.
Barcha azotli o`g’itlar suvda eruvchi hisoblanadi, o`simliklar tomonidan oson o`zlashtiriladi, lekin yog’in suvlari natijasida oson yuvilib ketishi mumkin.
Ko`pincha N li o`g’itlar asoslarni kislotalar bilan neytrallash orqali olinadi, bundan tashqari N li o`g’itlar sintez qilish uchun kimyo sanoatining mahsulotlari va yarim mahsulotlari hisoblangan HNO₃, H₂SO₄, NH₃, CO₂, Ca(OH)₂ va kimyo sanoatining Chiqindilaridan foydalaniladi.
Keng qo`llanilayotgan N li o`g’itlardan suyuq azotli o`g’itlar, masalan: suyuq NH<sub>3</sub>, NH<sub>3</sub> li suv va ammiakatlar qattiq N li o`g’itlarning NH₃ dagi eritmalari (NH₄NO₃, Ca(NO₃)₂, karbomid) dir.Ulardan tashqari (NH₄)₃(PO₄) , karbomid va KCl ning suvdagi eritmalari ham ishlatiladi.
Suyuq o`g’itlar arzon bo`lishi bilan birga ular tuproqda yaxshi shimiladi. Ular oziq elementlarning Yuqori kontsentratsiyasini tutadi. Lekin kamchiligi bunday o`g’itlarni tashish va saqlashdadir.
Qattiq N li o`g’itlardan eng keng tarqalgani bu - NH₄NO₃ - ammiakli selitradir. U portlovchi moddalar tarkibiga ham kiradi.
NH₄NO₃ tarkibida azot ham ammiakli, ham nitratli formalarda bo`lib, 35 % miqdorda bo`ladi. Shuning uchun uni turli tuproqlar uchun va har qanday o`simliklar uchun foydalanilsa bo`ladi. Lekin NH₄ NO₃ bir qancha kamchiliklarga ega, uning kristallari suvda yaxshi eriydi va juda gigroskopikdir. Shuning uchun u havoda tez erib ketadi va yirik agregatlarini hosil qiladi. Bundan tashqari ularni saqlash vaqtida harorat va havo namligining o`zgarishi natijasida poliamorf o`zgarishlarga uchraydi, ya`ni bir kristall formadan boshqasiga o`tib ketishi mumkin. Bu esa kristallarning parchalanishiga olib keladi va yaxlit massani hosil qiladi.
NH₄NO₃ ishlab chiqarishning asosiy bosqichlariga suyultirilgan HNO₃ va NH₃ ni neytrallash, hosil bo`lgan eritmani bug’latish va kotishmani granulalash kiradi. Bunda sintez quyidagi reaksiya tenglamasi orqali sodir bo`ladi: