O‘zbеkiston rеspublikasi

6.2. Pensiya jamg‘armasini byudjetdan tashqari
Pensiya jamg‘armasiga aylantirilishi
Ijtimoiy sug‘urta jamg‘armasi fuqarolarda yollanib mehnat shartnomasi
bo‘yicha ishlagan shaxslarni ijodiy uyushmalar a’zolarini ijodiy
uyushma a’zosi bo‘lmagan lekin ijodiy faoliyat bilan shug‘ullangan
shaxslarni, chet elda ijara shartnomasi bilan ishlayotgan shaxslarni,
diniy muassasalarda ishlagan shaxslarni mehnat faoliyatini nazorat qilib
turadi. 1991-yil 1-yanvardan keyingi davr uchun yuqoridagi fuqarolar
o‘z mehnat faoliyatlarini sug‘urtalab har oyda sug‘urta badallari
o‘tkazilgan taqdirdagina pensiya tayinlashda ish stajini hisobga olish
uchun ma’lumotnoma beradilar.
O‘zbekiston Respublikasi Vazirlar Mahkamasining 1996-yil 27-
dekabrdagi 459-sonli qarori bilan davlatimizning olib borayotgan
kuchli ijtimoiy siyosatini amalga oshirish va pensionerlarning manfaatini
himoya qilishga doir ishlarni maqsadga muvofiq yo‘naltirish uchun
O‘zbekiston Respublikasi Ijtimoiy Sug‘urta jamg‘armasi negizida
Respublika ijtimoiy ta’minot vazirligi qoshida tegishli hududiy pensiya
jamg‘armasi hamda Qoraqalpog‘iston Ijtimoiy Ta’minot vazirligi va
ijtimoiy ta’minotning mahalliy organlari qoshida pensiya jamg‘armalarining
bo‘linma va bo‘limlari tashkil qilindi.
6.3. Byudjetdan tashqari pensiya jamg‘armasini
shakllantirilishi
O‘zbekiston Respublikasi Vazirlar Mahkamasining 2000-yil 15-
noyabrdagi 444-sonli «Pensiya ta’minoti tizimini takomillashtirish
chora-tadbirlari to‘g‘risida»gi qaroriga binoan 2001-yil 1-yanvardan
boshlab O‘zbekiston Respublikasi ijtimoiy ta’minot vazirligi huzuridagi
Pensiya jamg‘armasi O‘zbekiston Respublikasining byudjetdan
tashqari Pensiya Jamg‘armasiga aylantirildi.
Pensiya jamg‘armasini byudjetdan tashqari Pensiya jamg‘armasiga
aylantirishdan maqsad davlat ijtimoiy sug‘urtasi bo‘yicha majburiy
76
badallar to‘liq yig‘ilishini ko‘paytirish, amaldagi boshqaruv tuzilmalarini
qisqartirish hamda pensiyalar va nafaqalar to‘lashga yo‘naltirilgan
mablag‘larni samaradorligini oshirishdan iborat edi.
O‘zbekiston Respublikasi Vazirlar Mahkamasining 2004-yil 21-
oktyabrdagi 490-sonli qarori bilan O‘zbekiston Respublikasi Moliya
vazirligi huzuridagi byudjetdan tashqari Pensiya jamg‘armasi to‘g‘-
risida»gi Nizom qabul qilindi.
Quyidagilar Jamg‘arma vazifalari hisoblanadi:
a) Jamg‘arma daromadlari va xarajatlarining prognoz ko‘rsatkichlarini
ko‘rib chiqish va tasdiqlash;
b) Jamg‘arma ijro etuvchi direksiyasining amalga oshirilgan ishlar
to‘g‘risidagi hisobotlarini eshitish va tasdiqlash;
d) O‘zbekiston Respublikasi Davlat soliq qo‘mitasining majburiy
ajratmalar, badallar va boshqa to‘lovlarning Jamg‘armaga to‘liq va o‘z
vaqtida to‘lanishini ta’minlash to‘g‘risidagi axborotlarini eshitish;
e) O‘zbekiston Respublikasi Mehnat va aholini ijtimoiy muhofaza
qilish vazirligi, «O‘zbekiston pochtasi» ochiq aktsiyadorlik jamiyati va
Xalq banki bo‘linmalari tomonidan Jamg‘arma mablag‘laridan maqsadli
foydalanilishi masalalarini ko‘rib chiqish;
f) O‘zbekiston Respublikasi Vazirlar Mahkamasiga Jamg‘arma
faoliyatini takomillashtirish va uning mablag‘laridan foydalanish
to‘g‘risida takliflar kiritish;
g) Jamg‘arma ijro etuvchi direksiyasining faoliyatini, ayniqsa
daromadlar manbalarini shakllantirish, Jamg‘arma mablag‘larining o‘z
vaqtida moliyalashtirilishi va maqsadli foydalanilishiga doir faoliyatini
nazorat qilish;
h) Jamg‘arma daromadlarining shakllantirilishi hamda fuqarolarning
ijtimoiy ta’minotga va ijtimoiy sug‘urtaga bo‘lgan davlat tomonidan
kafolatlangan huquqlarining amalga oshirilishi bilan bog‘liq
boshqa funktsiyalarni amalga oshirish va b.