O‘zbekiston yozuvchilar
Yüklə 0,91 Mb. Pdf görüntüsü
|
|
NUR QISSASI
Uni sevib qolganman men juda yoshlik chog‘imda, Hozirgacha u jon do‘stim, hozirgacha yonma-yon. Erkalanib boshim uzra joy tutar u gohida, Yuragimga kirib olib gohi solar g‘alayon. Goh u oltin xanjar kabi tikka tushadi yerga, Goh jim kirib derazamdan, yostig‘imni siypalar. Goho oppoq, yorug‘ sahna, necha-necha taqdirga, Moʻjizalar va’da etib, unsiz sirli kuy chalar. Bir payt biram tantiq, go‘yo shirinlikka o‘ch bola, Turfa rangga iylab o‘zin, sochiladi ming alvon. Tortig‘idan bebahr qolmas chaman, gulda har tola, Kapalaklar qanotlarin bo‘yab chiqar u shodon. Goh u nechog‘ salobatli! Tong mahali ko‘rganman, Cho‘qqilarning zirhlarini egovlaydi yondirib. So‘ng Amu va Sir ustiga yoyiladi daf’atan, To‘lqinlarni yorug‘likka, saxovatga qondirib. www.ziyouz.com kutubxonasi Omon MATJON 96 Olis fazo tubidan u goho yorib chiqadi, Go‘yo Arshning oq maktubin eltgan samoviy elchi. Goho shamga qo‘nib, tunni burchaklarga tiqadi, Qora qalam ostida u – ham tarixchi, ham tilchi. Yolg‘izlatib qo‘ymas lekin odamni u hech qachon, Goh quyoshdan qarasa, goh oydan yo‘llar oq aksin. Uni shimol osmonida kuzatganman ne zamon, Uzun qutb kechasiga chizganida tong rasmin. Bahor chog‘i qaldiroqlar vahm yurish qilganda, Qo‘shilishib ketganida zamin, zamon va falak. Kelgindi va kaj bulutlar qaqshab xuruj qilganda, Yer kemasin yelkan bo‘lib yurgizgan shu – kamalak! Tushlarimga kiradi u, kiftimga par ulaydi, Idrokimda o‘n sakkiz ming olam bo‘ladi paydo. Goh boshqalar yuragidan turib meni imlaydi, Tushunuksiz suvratlarda tilga kiradi goho. U aslmi? Bizgacha yo yetganmi sinib-sinib?! Yo‘q, yo‘q, u hech uzilmasdir! U – butunning davomi! www.ziyouz.com kutubxonasi MAQSUDAM 97 Mayli, bizga kelgan bo‘lsin, o‘z chin yulduzi so‘nib, Ko‘p ulug‘dir hayot uchun har lahzalik in’omi. Moʻjizakor ne nurdir bu? Ne bu ilohiy xabar! Vaqtdek, nogoh o‘chib ba’zan bar tuttirmay ketadi... Uni tanib ulgurganim, suyganim – qutlug‘ samar, Umrimning shu qismini ham umrim desam yetadi! 1992 * * * Bolalikda o‘ch olishga o‘ch edim juda, Tinmas edim bir turtganni ikki turtmasam. Keyin bildim, ne ko‘p – nokas ko‘pdir dunyoda, Na so‘z aytib ulgurasan, na ichib qasam. Odam yorug‘ xayollarga xoja ekan chin, Ko‘ngilda kin, g‘araz saqlab yurmagi xato. Yomonlarni bir kun albat jazolash uchun, O‘chga o‘zi hakam ekan Tangri Taolo. 1992 www.ziyouz.com kutubxonasi Omon MATJON 98 * * * Bu bog‘lardan bizlar o‘tdik, bizim izdan kimlar o‘tar?! Bu yo‘llarga bizlar yetdik, vafo falak, kimlar yetar?! Ey, odamzod, qalbingdagi, chamanlarning holin so‘ra! Og‘iz ochding, maqsad uchun so‘zlaringning bolin so‘ra! Adil toqqa suyanganlar, qo‘llardagi toshlar nechun?! Egilmasa Haqqa bo‘yning, g‘urur nechun, boshlar nechun?! Tong lahzasin qonli ko‘rib, bag‘ringni sen qon etmagil! Qilich tutgan har nokasni, botir bilib jon tikmagil! Nazar etgil, yosh-u keksa, bir malhamga zordir bu kun. Gʻazabni qo‘y, faqat mehr, faqat mehr kordir bu kun! Bu bog‘lardan bizlar o‘tdik, bizim izdan kimlar o‘tar?! Bu yo‘llarga bizlar yetdik, vafo falak, kimlar yetar?! 1992 www.ziyouz.com kutubxonasi MAQSUDAM 99 * * * Yonimda turkim bor, Taqdirda zo‘r kun bor. Biz kabi hur kim bor, – Yonimda turkim bor! Yonimda turkim bor, Yovlardan tarkim bor. Ko‘plardan farqim bor, Yonimda turkim bor. Yonimda turkim bor, Janubim, sharqim bor. Davronda ko‘rkim bor, Yonimda turkim bor. Yonimda turkim bor, Falakda barqim bor. Yurakda erkim bor, Yonimda turkim bor. 1992 www.ziyouz.com kutubxonasi |