O‘zbekistonda fanlararo innovatsiyalar va 8- son ilmiy tadqiqotlar jurnali

---

O‘ZBEKISTONDA
 
FANLARARO
 
INNOVATSIYALAR

VA 
8-
SON

ILMIY
 
TADQIQOTLAR
 
JURNALI
20.05.2022
740 
UVAYSIYNING POETIK MAHORATI 
Ismonova Sanobar Yo‘ldoshaliyevna 
Andijon viloyati Marxamat tumani XTB tasarrufidagi 
13- o‘rta ta’lim maktabi boshlang‘ich ta’lim o‘qituvchisi 
Annotatsiya:
maqolada Uvaysiy lirikasini tadqiq etish orqali uning poetik olami 
yoritilgan. Shoiraning o‘zbek mumtoz adabiyoti rivojidagi o‘rni k o‘rsatilgan. O‘ziga xos 
uslubi g‘azallari tahlili orqali tadqiq etilgan.
Kalit so’zlar
: 
mumtoz adabiyot, lirika, janr, g‘azal, poetik mahorat, uslub. 

Uvaysiy she’riyati bizga bir qancha qo‘lyozma manbalar orqali yetib kelgan. 
Qo‘lyozma manbalar va uning chevarasi shoira Mag'ziy xotirasidan yozib olingan 
she’rlari asosida uning «Devon» nomlari bilan 1959, 1963 hamda 1983 yillari asarlari 
nashr etildi. Doston va tarixiy manzumasi hali nashr etilganicha yo‘q. Uning hayoti va 
ijodi haqida Fazliy boshchiligida tuzilgan «Majmuat ush- shuaro»da hech narsa 
deyilmaydi. Adabiyotshunos olimalardan E’tibor Ibrohimova shoira hayoti va ijodiga 
bag’ishlangan nomzodlik dissertatsiyasi yoqlagan va 1963 yili risola nashr ettiigan. 
Uvaysiy hayoti va ijodining turli jihatlari haqidagi fikrlar A.Qayumovning «Qo‘qon 
adabiy muhiti», To‘xtasin Jalolovning «0‘zbek shoiralari», V.Abdullayevning «0‘zbek 
adabiyoti tarixi», Ibrohim Haqqulovning «She’riyat — ruhiy munosabat» kitoblarida, 
chiston, muammo va muvashshahlari esa, R.Orzibekovning «0‘zbek she’riyatida sirli- 
sinkretik janrlar va shakllar” asarlarida berilgan. Qayd etmoq lozimki, hozirgacha ham 
Uvaysiyning shaxsi, qismatiga doir fikrlarda chalkashliklar, taxminlar uchrab turibdi. 
Shulami hisobga olgan holda, biz Uvaysiyning adabiy asarlari ustida ko'proq fikr 
yuritishimiz lozim bo‘ladi. 
 
Nodira, Mahzuna va Dilshod ijodidagi kabi, o'zbegu tojik ayollari shaxsiyati va 
ma’naviy olamining mumtoz timsoli Uvaysiy she’riyatining ham asosiy mazmunini 
tashkil etadi. Uvaysiy she’riyatining mavzu doirasi keng. Uning devonidagi she’rlarida 
ishq- muhabbat, yoru diyor, visol va hijron, ona va farzand, dunyo va ilohiyot haqidagi 
rang-barang mavzular talqin etiladi. Uning ko‘p she’rlarida asosiy lirik qahramon 
muhabbat o'tida o'rtangan ayol sifatida namoyon bo'ladi. Bunday she’rlarda qo'llangan 
tasviriy vositalar ham ayol kishining ishqdagi ahvol-ruhiyasini ifodalashga qaratiladi. 
Mana bu g‘azalda oshiqlargagina emas, balki ayollargagina xos muhabbat tug'yonlari 
tasviri bor. Zero, ma’shuqaning boshiga dastor chekmagan holatdagi tasviri ayollaiga 
xos izhori ishqdan dalolat beradi. Bunda so'zlovchi, ishq dardini izhor qiluvchi ayol 
zotidir. Uning tilidan oshiq portreti, husnu malohati va siymosi chiziladi: