O‘zbekistonda xristianlik tarixi’’

“O‘ZBEKISTONDA XRISTIANLIK TARIXI’’
O‘zbekiston xalqaro islom akademiyasi
Talabasi Erkinjonova. D.
Ilmiy rahbar:UNESCO kefedrasi
o‘qituvchisi Turambetov. N.
Annotatsiya: quyidagi tezis O‘zbekistonda xristianlik tarixi mavzusiga oid bo‘lib unda asosan xristianlik dini, uning yurtimiz hududiga kirib kelishi va tarqalishi bosqichlari, mamlakatimizda xristianlik tarixi va hozirgi holati, shuningdek, mustaqillikdan so‘ng dinlararo bag‘rikenglik sharoitida xristianlik dini oqimlarini ham mustaqil konfessiya sifatida olib borayotgan faoliyati mavzusida keng miqyosda ma’lumotlardan iboratdir.
Kalit so‘zlar: Xristianlik, rus provaslavlari, adventistlar, baptistlar, protestanlar, katoliklar, rohib, cherkov, Chor Rossiyasi
Kirish: O‘rta Osiya davlatlarida xristianlik dini paydo bo‘lishi va yoyilishini uch davrga bo‘lib o‘rganish maqsadga muvofiqdir, ularnining birinchi bosqichi hali Islom dini Movarounnahr hududiga kirib kelmasidan oldin ya’ni milodning boshlarida paydo bo‘lishi va Chor Rossiyasi, Sovet Ittifoqi bosqini davrida kirib kelgan va tarqalgan rus provaslav cherkovidir. Uchinchi bosqich esa mustaqil O‘zbekistonda barcha dinlar qatori xristianlik dinini ham olib borayotgan faoliyati davridir, ammo bu bosqichlar bir-biridan farq qiladi masalan, islomgacha bo‘lgan xristianlik ta’limoti asosan hali provaslav, katolik kabi oqimlarga bo‘linmasidan oldin nasroniy ruhoniylari orqali kirib kelgan bo‘lsa, sovet ittifoqi davrida xristianlikning aynan provaslav yo‘nalishi keng yoyilganini ko‘rishimiz mumkin, O‘zbekiston hududida hozirda rus provaslav cherkovi, katoliklar, baptistlar va boshqa xristinlik oqimlari faoliyat olib bormoqda, albatta, bu oqimlardan tashqari yoxud aynan shularning ichida missionerlik va prozelitizm holatlari ham uchrab turadi shunday bo‘lsa ham xristanlik hozirda yurtimizda mustaqil konfessiyalardan biri hisoblanadi va O‘zbekiston Respublikasi Din ishlari bo‘yicha qo‘mita tarikibida mavjud bo‘lgan 16 ta konfessiyalar tarkibida o‘z faoliyatlarini olib bormoqdalar.