Shartnoma

4. Tomonlarning javobgarligi
4.1. Ushbu shartnoma shartlarini bajarmaslik yoki lozim bo‘lgan darajada bajarmaslik tomonlar uchun
O‘zbekiston Respublikasining amaldagi qonunchilik hujjatlariga muvofiq javobgarlikni yuzaga keltiradi.
4.2. Shartnoma yuzasidan vujudga keladigan har qanday nizoli masalalar tomonlar o‘rtasida muzokara
yo‘li bilan hal qilinadi. Kelishuvga erishilmagan hollarda nizo sudda ko‘rib chiqiladi.
4.3. Ushbu shartnomani bajarishda tomonlar O‘zbekiston Respublikasining Fuqarolik kodeksi, “Xo‘jalik
yurituvchi sub’ektlar faoliyatining shartnomaviy-huquqiy bazasi to‘g‘risida”gi qonuni va boshqa normativ-
huquqiy hujjatlarga amal qiladilar.
5. Shartnomaga qo‘shimcha va o‘zgartirishlar kiritish tartibi hamda bekor qilish
5.1. Ushbu shartnomaga kiritilgan har qanday qo‘shimcha va o‘zgartirish yozma ravishda rasmiylashtirilib,
har ikki tomon imzolagandan so‘ng kuchga kiradi.
5.2. Shartnomani muddatidan oldin bekor qilish tomonlarning kelishuvi bo‘yicha yoki qonun hujjatlarida
nazarda tutilgan asoslarda va tartibda amalga oshiriladi.
5.3. Shartnoma quyidagi hollarda Ijrochi tomonidan bir tomonlama bekor qilinishi mumkin:
a) tinglovchi ijrochining Ustavi hamda qayta tayyorlash bilan bog‘liq hujjatlarga muvofiq tinglovchilar
safidan chiqarilganda;
b) qayta tayyorlash uchun belgilangan to‘lov to‘liq va o‘z vaqtida amalga oshirilmaganda.
5.4. Shartnomani bekor qilishga qaror qilgan taraf boshqa tarafga bu haqda yozma xabarnoma yuboradi.
6. Fors-major holatlari
6.1. Taraflar ihtiyoriga bog‘liq bo‘lmagan, ularni oldindan bilish yoki oldini olish imkoniyati bo‘lmagan
holatlar (engib bo‘lmas kuch) oqibatida majburiyatlarni bajarmaganlik yoki lozim darajada bajarmaganlik
uchun taraflarning birortasi ikkinchi taraf oldida javobgar bo‘lmaydi. Vakolatli organ tomonidan berilgan
maxsus hujjat yengib bo‘lmas kuch mavjudligi va amal qilishining davomiyligini tasdiqlash uchun yetarli
hujjatdir.
6.2. O‘z majburiyatlarini bajara olmayotgan taraf yengib bo‘lmas kuchning mavjudligi va uning shartnoma
bo‘yicha majburiyatlarni bajarishga ta’siri haqida ikkinchi tarafga xabarnoma berishi lozim. Agar yengib
bo‘lmas kuch uzluksiz amal qilib tursa va yaqin muddat ichida bekor qilinishi ehtimoli bo‘lmasa, mazkur
shartnoma taraflardan birining tashabbusi bilan ikkinchi tarafga yozma bildirishnoma yuborish yo‘li bilan
bekor qilinishi mumkin.