11-mavzu. Xojalik moliyaviy holatini ifodalovchi asosiy ko’rsatkichlarning tahlili Dars o’quv maqsadi. Dars o‟quv maqsadi bo‟lib,xo‟jalik moliyaviy holatini
ifodalovchi moliyaviy barqarorlik va to‟lovga qodirlik ko‟rsatkichkarini hisoblash va
ularni o‟zgarishini omilli tahlil qilish usulllarining mazmun mohiyatini yoritish va
talabalarga ularni o‟rgatish hisoblanadi.
Tayanch iboralar Balans, balans-netto, balans aktivi, balans passivi, to‟lov
mablag‟lari, to‟lov majburiyatlari, aylanma mablag‟lar, o‟z aylanma mablag‟lari, o‟z
mablag‟lari, moliyaviy borqarorlik, to‟lovga qodirlik.
Maruzani o’tish metodi. Maruza “Bilaman . Bilishni xohlayman . Bilib oldim “ va
“Aqliy hujum” metodlarini qo‟llash orqali o‟tiladi.
Asosiy savollar 11.1.Xo‟jalik moliyaviy holati tahlilining ahamiyati,maqsadi va vazifalari
11.2.Xo‟jalikning moliyaviy barqarorligini tahlil qilish usuli
11.3.Xo‟jalikning to‟lovga qodirligini tahlil qilish usuli
Asosiy o’quv materiallarining qisqacha bayoni 11.1. Xo’jalik moliyaviy holati tahlilining ahamiyati,maqsadi va vazifalari Moliyaviy tahlilning asosiy qismi bo‟lib korxonalar moliyaviy holatining tahlili
hisoblanadi. Korxonaning moliyaviy holati ko‟rsatkichlar tizimi bilan ifodalanadi, ya‟ni
moliyaviy barqarorlik, moliyaviy mustaqillik, to‟lovga qodirlik, o‟z mablag‟lari bilan
ta‟minlanganlik koeffisientlari, debitorlik va kreditorlik qarzlari holati kabi jihatlarini
ifodalovchi ko‟rsatkichlar tizimi bilan ta‟riflanadi va tavsiflanadi. Ushbu
ko‟rsatkichlarni o‟rganish va tahlil etish hamda ularning natijalarini umumlashtirish
orqali korxonaning moliyaviy holatiga baho beriladi. Shuning uchun ham ushbu
ko‟rsatkichlarni o‟z vaqtida tahlil qilib turish – korxonaning moliyaviy ahvolini
yaxshilash hamda iqtisodiyotni mustahkamlash uchun shart sharoit yaratadi. Shu nuqtai
nazardan tahlilning ahamiyati nihoyatda katta va beqiyosdir.
