Muammoli, to‘lov muddati o‘tgan ishlamaydigan kreditlar (NPL). Xitoy, ayniqsa, bundan 15–20 yil ol-
din muddati o‘tgan kreditlar bilan bog‘liq muammolarga duch keldi. Tijorat banklari yomon kreditlarning ularning
moliyaviy holatiga va balansiga ta’sirini boshqarish orqali resurslarni samarali ishlashiga erishishi kerak edi.
Hukumat ushbu muammoni hal qilish uchun turli xil chora-tadbirlarni amalga oshirdi, jumladan, qarzlarni qayta
tuzish dasturlari, aktivlarni boshqarish kompaniyalari, kreditlarni tasniflash va zaxiralarni shakllantirish talabla-
rini kuchaytirish.
Likvidlikni boshqarishdagi o‘ziga xos jihatlari. Xitoy tijorat banklari depozit bazalarining katta hajmini
va tartibga soluvchi talablarni hisobga olgan holda likvidlikni ehtiyotkorlik bilan boshqarishga jiddiy e’tibor bera-
di. Xitoy Markaziy banki bank tizimida barqarorlikni ta’minlash uchun majburiy zaxiralar, ochiq bozor operatsi-
yalari va doimiy kreditlash imkoniyatlari kabi likvidlikni boshqarish vositalarini joriy qildi.
Foiz stavkalarini liberallashtirish jarayoni. Xitoy ilgari eoriy etilgan nazorat qilinadigan stavkalardan
uzoqlashib, hozirgi damda foiz stavkalari tizimini bosqichma-bosqich liberallashtirmoqda, ya’ni talab va taklif
asosida joriy etish amaliyotiga o‘tmoqda. Tijorat banklari endi kredit va depozit stavkalarini belgilashda ko‘proq
moslashuvchanlikka ega, ammo hukumat hali ham ma’lum ta’sirni saqlab qolmoqda. Ushbu liberallashtirish
banklarning foiz stavkalari riskini boshqarish va rentabelligiga ta’sir qiladi.
Tijorat banklari kapitali yetarliligiga qo‘yilgan talablar va ularni bajarilishi. Xitoy tijorat banklari kap-
italning yetarliligining xalqaro me’yoriy standartlariga, masalan, Bazel III talablari va qoidalariga rioya qilishlari
kerak. Xitoyning bank va sug‘urta faoliyatini tartibga solish komissiyasi (XBSTSK) banklarning moliyaviy barqa-
rorligi va barqarorligini ta’minlash uchun kapital talablarini belgilaydi. Hukumat, shuningdek, davlat banklari
barqarorligini oshirish uchun kapital kiritishni qo‘llab-quvvatlaydi.
