N. R. Karimova boshlang`ich ta`lim pedagogikasi, innovatsiya va integratsiyasi
Yüklə 12,73 Mb. Pdf görüntüsü
|
|
6 BOSHLANG’ICH SINF O’QUVCHILARIDA O’YIN TA’LIM TEXNOLOGIYASI ASOSIDA REFLEKSIV KO’NIKMALARINI SHAKLLANTIRISH So’nggi yillarda pedagog va psixolog olimlar o’quvchilarning fikrlashi hamda analitik qobiliyatlarini rivojlantirish muhim ahamiyat kasb etishini ta’kidlamoqdalar. Bu qobiliyatlar asosini esa, refleksiya tashkil etadi. Refleksiya so’zi (lot.«reflexsio»-orqaga qaytish)-«har tomonlama barkamol rivojlangan insonning o’z xatti-harakatlari va ularning qonuniyatlarini anglashga qaratilgan nazariy faoliyat shakli hisoblanadi. U inson ma’naviy dunyosining o’ziga xos yashirin hislatlarini ochib beradigan o’z-o’zini bilishga va anglashga qaratilgan faoliyatdir». Ko’plab olimlar refleksiyaning I.N.Semyonov tomonidan taklif qilingan tasnifiga tayanadilar. U refleksiyaning quyidagi turlarini taklif etib sharhlaydi: 1. Intellektual refleksiya: Muammolarni fikrlash asosida ijobiy hal qilishni belgilaydi. 2. Shaxsiy refleksiya: O’qituvchining nizoli (konfliktlar) pedagogik ziddiyatlardan janjalsiz chiqishni fikran izlanish asosida bartaraf qilishni ta’minlaydi. 3. Kommunikativ refleksiya: Muloqot jarayonida sheriklarining o’zaro bir-birlarini tushunib munosabat qilishni ta’minlaydi. 4. Kooperativ refleksiya: Jamoa a’zolarining birgalikdagi o’zaro muntazam mehnat faoliyatlarini muvofiqlashtirish bilan bog’liq bo’lgan faoliyat. O’quvchining bilimini rivojlantirishda pedagogik refleksiyaning ahamiyati beqiyosdir. Shunday ekan Y.N.Kulyutkina, Y.S.Turbovskiy, P.V.Xudominskiy kabi tadqiqotchi olimlarning fikricha, o’quvchining doimiy pedagogik faoliyati, mazmunan refleksiv xususiyatga ega bo’lib, u barcha refleksiv jarayonlarni qamrab oladi. Qayd etish joizki, hozirgi kungacha pedagogik refleksiya tushunchasining mukammal tasnifi mavjud emas. Ehtimol 7 mazkur hodisani o’rganish psixologiya, pedagogika, pedagogik psixologiya, falsafa kabi fanlarning o’zaro aloqadorligida amalga oshirilishi bilan bog’liq holda hal qilinar. B.Z. Vulfov, V.N.Xarkin kabi olimlar refleksiyani - insonning o’z-o’zini anglash deb ta’riflaydilar. Ta’lim jarayoni aynan shunga xizmat qilishi kerak, qachonki bilimlar, ko’nikma va malakalar ongli ravishda o’z-o’zini takomillashtirishga ichki undov bilan qabul qilinsagina u o’z samarasini ko’rsatadi. Insoniyat tomonidan asrlar davomida to’plangan ma’lumot va bilimlar har bir yangi avlod tomonidan o’zlashtirilib, boyitilib borilishi va jamiyat taraqiyotiga xizmat qilishi lozim. To’plangan ma’lumot va bilimlarni o’zlashtirish o’ta murakkab jarayon bo’lib, u faqat ilmiy jihatdan asoslangan holda maxsus tashkil etilishi lozim. Bilish jarayoni cheksizdir. Unda tabiat, jamiyat va inson tafakkuri qonuniyatlarining hali o’rganilmagan sohalari kashf etiladi. Maktabda bilim va malakani o’zlashtirish uzviy harakterga ega. Bugungi o’rganiladigan bilim oldin o’zlashtirilgan bilimlarni taqozo qilsa, kelajakda o’zlashtiriladigan bilimlar uchun asos sanaladi. Natijada ta’lim mazmunini o’quvchi tomonidan o’zlashtirilish darajasi, bilimlarning shakllanish doirasi, samarasi ham yangi ko’rinishga ega bo’ladi. Bilimlarni egallash bosqichlari har bir shaxsning psixologik hususiyatlariga tayanadi, ya’ni shaxsning ma’lumotlarini sezish, idrok etish, anglash, umumlashtirish, xulosa chiqarish va amalda qo’llash kabi hususiyatlari har xil bo’ladi. Bunda o’qituvchi quyidagi vazifalarni bajarishi lozim bo’ladi: - O’quvchilar bilish qobiliyatiga asoslanib, o’qish uchun qo’zg’atuvchi sabablar (motivlar) yaratish; - Berilayotgan ma’lumotlarni idrok etish uchun sharoit yaratish; - Ta’lim jarayonida bolalar ongida mavjud bo’lgan bilimlarga va shakllangan tajribalariga suyanib, ma’lumotlarni anglash, taqqoslab, tahlil etish va xulosalar chiqarishga undash; 8 - O’quvchilarning olgan bilimlarini, amaliyotda qo’llash orqali ularda ko’nikma va malakalarni hosil etish hamda ularni mustahkamlash va takomillashtirish; - Bilimlar, ko’nikma va malakalarni doimiy amaliyotda qo’llanishini ta’minlash; - Ta’lim natijalarini tahlil qilish va o’quvchilarning keyingi istiqbolini tashhis etish va rejalashtirish. Ma’lumki, o’quvchilarning bilish faoliyati o’yin faoliyati bilan uyg’unlashgan darslar didaktik o’yinli darslar deyiladi. Didaktik o’yinli texnologiyalar o’quvchilarning bilim olish faoliyatini o’yin faoliyati bilan qo’shib olib borishdan iborat. Didaktik o’yinlar musobaqa, raqobat, o’zaro yordam, hamkorlik tarzida olib boriladi. Buning uchun o’qituvchi didaktik o’yindan ko’zda tutilgan maqsad, uni amalga oshirish yo’llari, o’yin mazmuni va ishtirokchilari faoliyatini aniqlab oladi. Didaktik o’yin darslari ta’lim va tarbiya berish, o’quvchilar faoliyatini yo’naltirish, kasbga yo’naltirish, o’quvchilarning muloqot va nutq madaniyatini rivojlantirish, ular bilimlarini chuqurlashtirish va shaxsni rivojlantirish vazifasini bajaradi. Didaktik o’yinli darslarni mazmuniga ko’ra sahnalashtirilgan rolli o’yinlar, ijodiy ishbilarmonlik o’yinlari, konferentsiya va o’yin mashqli darslarga ajratish mumkin. Mazkur darsga hamma o’quvchilar ular qaysi rolni bajarishidan qat’iy nazar qizg’in tayyorgarlik ko’rishi lozim. Didaktik o’yin turlarini tanlash mezonlari quyidagicha bo’lishi mumkin: - ishtirokchilar tarkibi bo’yicha - o’g’il bolalar, qiz bolalar, o’smirlar, katta yoshdagilar uchun o’yinlar; - ishtirokchilar soni bo’yicha - yakka, juftlikda, kichik guruh, katta guruh sinf jamoasi, raqobatdosh komandalar, sinflararo va ommaviy o’yinlar; - o’yin jarayoni bo’yicha - fikrlash, o’ylash, topag’onlik, harakatlar, musobaqa va boshqalarga yo’naltirilgan o’yinlar; - vaqt me’yori bo’yicha - dars, mashg’ulot vaqtining reja bo’yicha ajratilgan qismi, o’yin maqsadiga erishguncha, g’olib yoki g’oliblar 9 aniqlanguncha davom etadigan va boshqa o’yinlar. Har bir didaktik o’yin jarayonida o’ziga xos vositalar turlari qo’llaniladi va mashg’ulot jarayonida ulardan turli, unumli va xavfsiz foydalanish lozim. Bu vositalarni quyidagi turlarga ajratish mumkin: kantselyariya tovarlari - turli o’lchamlardagi oq va rangli qog’ozlar, skotch, flomasterlar, ruchka, qalam, chizg’ichlar, qaychi, yelim va boshqalar; texnika vositalari - proektor, mikrofon, kompьyuter; videokamera, videomagnitofon, televizor va boshqalar; o’quv asbob-uskunalari - o’quv laboratoriya va ustaxona jihozlari, o’lchov asboblari, o’quv vositalari, moslama, mexanizm, modelь va boshqalar; Boshlang’ich sinfda olingan bilim keyingi bosqich uchun poydevor vazifasini o’taganligi sababli ta’lim sifatini oshirish pedogoglar oldida turgan eng dolzarb masaladir. Shu maqsadda ta’lim muassasalarida faoliyat ko’rsatayotgan pedagoglar, xususan boshlang’ich sinf o’qituvchilari darslarda yangi zamon ruhini, yangi nafasni olib kirish orqali o’quvchilar bilimini rivojlantirish, ular dunyoqarashini o’stirishga katta e’tibor qaratishlari talab etiladi. Chunki, boshlang’ich sinf o’quvchilarining diqqati beqaror bo’lib, bir soat uchun mo’ljallangan saboqni sabr-toqat bilan tinglay olmaydi. Bilim olishda avval o’zlashtirilgan bilimlarni takrorlash, ayniqsa, muhim vosita hisoblansa-da, bolalar uchun zerikarli jarayondir. Ayniqsa, boshlang’ich sinflarda ona tili, matematika darslarida yozish natijasida qo’llarni toliqishi, o’qish darslarida bir mavzuni takrorlab o’qish bolalarni zeriktiradi. O’quvchilarni kayfiyatini ko’tarish, toliqqan qo’llarini chigalini yozish maqsadida, turli didaktik vositalar hamda o’yinlar o’tkazish o’quvchilarda refleksiv ko’nikmalarni shakllantirishda yaxshi samara beradi. Didaktik vositalarga boshqotirma, krossvord, rebus, topishmoq, topshiriq va boshqalar kiradi. Quyida ularning ta’rifini keltirishni joiz deb bildik. |