Udk: 331. 561/. 57 Usmanov bexzod rustam o’G’li ishsizlikning ijtimoiy-iqtisodiy oqibatlari va uni bartaraf etish yo’llari
“Ishsiz shaxslarni kasbga tayyorlash
Yüklə 0,72 Mb. Pdf görüntüsü
|
|
“Ishsiz shaxslarni kasbga tayyorlash
va qayta tayyorlash, ularning malakasini oshirishni tashkil etish to’g’risida”gi nizom ida 33 O’zbekiston Respublikasida ishsiz shaxslarni kasbga tayyorlash va qayta tayyorlash, ularning malakasini oshirish tizimi orqali ularni kasbga o’qitish va qayta o’qitish, malakasini oshirish bosqichlari va tartibi yoritilgan bo’lib, bu tizim tarkibiga: - O’zbekiston Respublikasi Mehnat va aholini ijtimoiy muhofaza qilish vazirligining ishsiz shaxslarni kasbga tayyorlash va qayta tayyorlash, ularning malakasini oshirishga doir masalalar bilan shug’ullanadigan tuzilmaviy bo’linmalari; - ishsiz shaxslarni kasbga tayyorlash va qayta tayyorlash, malakasini oshirishning barcha turlari va shakllari bo’yicha kasbiy ta’limni tashkil qiladigan hududiy mehnat organlarining joylardagi O’quv markazlari; - kasb-hunar kollejlari; - korxona, muassasa, tashkilotlarning o’quv bo’linmalari; 33 O’zbekiston Respublikasi Mehnat vazirligining 1999 yil 24 apreldagi “Ishsiz shaxslarni kasbga tayyorlash va qayta tayyorlash, ularning malakasini oshirishni tashkil etish to’g’risida”gi nizomi // www.lex.uz 61 - malaka oshirish va qayta tayyorlash tizimining oliy va o’rta maxsus o’quv yurtlari (akademik litseylar) qoshidagi o’quv muassasalari; - ta’limni tashkil etish xususida ruxsatnomasi bo’lgan tijorat va xo’jalik hisobidagi tashkilotlar, uyushmalar; - shogirdlarga kasb o’rgatish imkoniyatlariga ega bo’lgan “Hunarmand” uyushmasiga a’zo bo’lgan tadbirkor xalq ustalarining maktablari kiradi. 3.2.Aholini ishsizlikdan himoya qilishning bozor va davlat mexanizmini takomillashtirish Mamlakatda jiddiy ijtimoiy muammolar yuzaga kelishiga yo’l qo’ymaslik maqsadida davlat doimiy ravishda fuqarolarni ish bilan ta’minlashni oshirish siyosatini o’tkazadi. Birinchidan: ishsizlikning friktsion va tarkibiy turlari o’sganda 34 : - qaytadan kasb o’rgatadi; - ta’lim berish tizimini kengaytiradi; - bo’sh ish joylari haqidagi axborotni keng tarqatadi; - mehnat birjalariga investitsiyalarni ko’paytiradi. Ikkinchidan, agar ishsizlik davriy xususiyat kasb etsa, davlat byudjet, fiskal, kredit-pul vositalarini ishga soladi, ya’ni: - ish bilan ta’minlashni kuchaytiradi; - tadbirkorning manfaatdorligini oshirish uchun ssuda hamda kreditorlarning foiz stavkalarini pasaytiradi. - ishlab chiqaruvchi va iste’molchilarga solinadigan soliqlarni kamaytiradi. Uchinchidan, davlat ishchi kuchi bozorini tashkil etish va tartibga solishda: -aholi soni, yosh va jinsining salmog’idagi o’zgarishlarga; -ish bilan bandlikdagi tarmoq va hudud o’zgarishlariga; -qo’shimcha ishchi kuchini ishlab chiqarishga jalb etish mezonlariga; -ishlab chiqarish hajmiga, uning o’sish sur’atiga, ishlab chiqarish tarkibiga; 34 Raximova N.X. Povishenie ekonomicheskoy aktivnosti jenshchin na rinke truda Uzbekistana. Avtoref. dis. dokt. ekon. nauk. – T.: IE AN RUz, 2007. 34 s 62 -ishlab chiqarish kuchlarining hududiy joylashuvi kabi omillarga alohida e’tibor beradi. Ishsizlikni kamaytirishning eng asosiy iqtisodiy tadbirlaridan biri xalq xo’jaligi tarmoqlarida bozor talabiga muvofiq kichik korxonalarni barpo etishdir. Bu esa ishlab chiqarishning va xizmat ko’rsatishning miqyosini oshirishga qaratilgan bo’lishi darkor. Bunga esa, mehnat unumdorligini oshirish, ish joylarining moddiy texnikaviy, texnologiya va sarmoya ta’minotlarini yaxshilash, yangi noqishloq xo’jaligi mehnati zonalarini tashkil etish, ish vaqtidan unumli foydalanish, ishlovchilar moddiy manfaatdorligini oshirish va oqilona soliqlar orqali erishish mumkin. Respublikamizda iqtisodiy islohotlar boshlangan davrdanoq mamlakatimizda eng dolzarb bo’lgan muammo – ishchi kuchi resurslarini ish bilan bandligini ta’minlash va ishsizlik darajasini kamaytirish masalasiga katta e’tibor qaratila boshlandi. Mavjud muammolarni hal etish bo’yicha qator chora-tadbirlar ishlab chiqildi va amalga oshirildi. Shu bilan birga ularni hayotga tadbiq etish uchun qonuniy va me’eriy asoslar yaratish zaruriyatidan kelib chiqib, shunday asoslarni shakllantirish borasida qonunchilik faoliyati olib borildi. 1992 yilning 1 yanvarida qabul qilingan «Aholini ish bilan ta’minlash to’g’risida»gi O’zbekiston Respublikasining Qonuni shunday faoliyat natijalaridan biri bo’ldi. 1998 yilda esa ushbu Qonunning yangi taxriri qabul qilindi va o’tgan davrlar mobaynida unga ba’zi bir o’zgartirishlar kiritildi. «Aholini ish bilan ta’minlash to’g’risida»gi O’zbekiston Respublikasining Qonuni mamlakatda ish bilan bandlikni tartibga solishda va ishsizlik masalalarini hal etishda, qo’llaniladigan eng asosiy qonuniy xujjat bo’lib hisoblanadi. Bundan tashqari respublikada qabul qilingan qator farmonlar, hukumat qarorlari, turli dasturlar mana shu dolzarb muammoni hal etishga qaratilgan. Shu o’rinda ta’kidlash kerakki, mamlakatda barcha sohalarda amalga oshirilayotgan islohotlar respublikada ijtimoiy yo’naltirilgan bozor iqtisodiyotini shakllantirishga qaratilgan. Bu sohada yuksak natijalarga erishgan mamlakatlar, jumladan Shvetsiyaning tajribasini ijobiy tomonlarini qo’llagan holda, O’zbekiston 63 ishchi kuchi bozorida faol siyosat olib borilmoqda. Bunda ishsizlarga ishsizlik nafaqasi to’lab, ularni ijtimoiy himoya qilish bilan bir qatorda, ko’proq ish o’rinlari yaratib, mamlakat fuqarolariga daromad olish va uni oshirish uchun keng imkoniyatlar yaratilmoqda. Bu borada O’zbekiston Respublikasi Prezidentining 2006 yilning 5 yanvarida e’lon qilingan «Yirik sanoat korxonalari bilan kasanachilikni rivojlantirish asosidagi ishlab chiqarish va xizmatlar o’rtasida kooperatsiyani kuchaytirishni rag’batlantirish chora-tadbirlari to’g’risida»gi Farmoni muhim ahamiyat kasb etadi. Ushbu Farmonga muvofiq bunday faoliyat turi, ya’ni kasanachilik bilan shug’ullanuvchilar mehnati yuridik maqomga ega bo’ldi. Yuqoridagi farmon asosida bu faoliyat turini jamiyatning har bir a’zosi manfaatiga xizmat qildirish imkoniyati yuzaga keldi. Eng avvalo, uy xo’jaligi ishi bilan bog’liq bo’lgan bu faoliyat turi bilan shug’ullanuvchilar farmon asosida tegishli tartibda ijtimoiy sug’urta bo’yicha nafaqalar olish va pensiyaga chiqish uchun ish staji bilan ta’minlanadilar. Shuningdek, farmonda kasanachilar bilan korporatsiya asosida hamkorlik qiluvchi sanoat korxonalari faoliyatida ham bir qator imtiyozlar berish ko’zda tutilgan. Korxona tomonidan kasanachiga foydalanish uchun berilgan asbob-uskunalar, inventarlarning ulardan foydalanish davrida mulk solig’idan, kasanachilarga buyurtma beradigan korxonalarning kelasi oydan boshlab mehnat shartnomasi asosida kasanachilarga to’laydigan mablag’ bilan teng miqdorda mehnatga xaq to’lash fondidan to’lanadigan yagona ijtimoiy to’lovdan ozod etilishi ana shu imtiyozlar jumlasiga kiradi. Shunga alohida e’tibor berish kerak bo’ladiki, faqatgina O’zbekistonga xos bo’lgan mahalla, mahalla bo’lib yashash tarzi kasanachilikni rivojlantirish va takomillashtirish uchun katta imkoniyatlar ochadi. qanchadan-qancha xotin qizlar uy bekalari xonadon sharoitida zardo’zlik, kashtachilik bilan shug’ullanmoqdalar. Muhim iqtisodiy tadbirlar majmuasiga qishloq xo’jaligi va qayta ishlash sanoatining asosiy mahsulotlariga talab va taklifga asosan istiqbol ko’rsatkichlarini belgilash, kichik yoshdagi bolalari bo’lgan va ko’p bolali onalarni, nafaqaxo’r va nogironlarni kafolatlashtirilgan ish joylari bilan ta’minlash hamda turli ijtimoiy- 64 iqtisodiy imtiyozlar berish orqali ularning moddiy manfaatdorligini oshirishni hamda ish bilan ta’minlanishini yaxshilashga erishish kiradi. Binobarin, kasanachilik farmonda ta’kidlanganidek, «Ish bilan band bo’lmagan ishchi kuchi resurslarini ishlab chiqarishga jalb etish, oila byudjeti daromadlarini ko’paytirish, uy mehnatidan foydalangan holda butlovchi qismlar, tayyor mahsulotlarning ayrim turlarini ishlab chiqish va ba’zi bir xizmatlar ko’rsatishni tashkil etish orqali yirik sanoat korxonalarining ishlab chiqarish faoliyati samaradorlilikni oshirish maqsadida kasanachilikni rivojlantirish asosiy vazifalar hisoblanadi» Shuni ta’kidlash kerakki, Farmonda belgilangan vazifalarni amalga oshirish korxonalar, ya’ni ish beruvchilar zimmasiga ham katta mas’uliyat yuklaydi. Chunki, kasanachi mehnatini tashkil qilish bilan bog’liq bo’lgan ishlar – zarur bo’lgan xom ashyo, materiallar, butlovchi buyumlar va yarim tayyor mahsulotlarni kasanachiga berish va etkazish, ishlab chiqarilgan mahsulotlarni tashib ketish ish beruvchilar zimmasiga yuklatilgan. Bundan tashqari, kasanachilar bilan tuziladigan shartnomada ishlarni bajarish uchun ularni zarur asbob – uskunalar, jihoz hamda kerakli inventarlar bilan ta’minlashi ham ko’zda tutilgan. Demak, mehnat faoliyatining bunday turini keng qo’llash uchun, korxonalarning ham moddiy- texnika ta’minoti yuksak darajada bo’lishi lozim. Farmonda kasanachilarni majburiy tarzda texnika xavfsizligiga o’qishish ko’zda tutilgan. Bu esa o’z navbatida kasanachilarni o’qitish uchun zarur bazani yaratishni taqozo etadi. Ayni paytda kasanachilikni rivojlantirish korxonalarda yangi ish joylarni yaratish uchun sarflanadigan mablag’larni tejash imkonini beradi. Bu esa o’z navbatida tejalgan mablag’larni ishlab chiqarishni rivojlantirishga yo’naltirish, ishchi xodimlar mahnatiga to’lanadigan ish haqini oshirish, turli ijtimoiy tadbirlarni amalga oshirish imkoniyatlarini kengaytiradi. Berilgan imkoniyatlardan oqilona foydalanish korxonalar faoliyatining samaradorligini oshishi uchun zamin yaratilishi bilan bir qatorda, mamlakatda iqtisodiy o’sishni yuqori darajada ta’minlash uchun ham imkoniyat yaratadi. 65 Xozirgi paytda respublikada yuqorida ta’kidlangan Farmonda belgilangan vazifalarni ijrosini ta’minlash borasida bir qator chora-tadbirlar amalga oshirilmoqda. Ishchi kuchi resurslari bilan yuqori darajada ta’minlangan, ayniqsa uning qishloq joylarida kasanachilik mehnatidan foydalanish, bunday mehnatning turlarini kengaytirish dolzarb masala bo’lib hisoblanadi. Chunki Farmonda asosan yirik sanoat korxonalari bilan kasanachilik meqnatining kooperatsiyasi aloqalari to’g’risida so’z boradi. Ta’kidlash joizki, yirik sanoat korxonalari asosan katta shaharlarda joylashgan. Bunday xolat Farmonda belgilangan vazifalarni amalga oshirish imkoniyatlarini ma’lum darajada cheklab qo’yadi. Shuning uchun ham qishloq joylarida ko’proq xalq xunarmandchiligi an’analarini tiklash, fermer xo’jaliklari imkoniyatlaridan foydalanish maqsadga muvofiq bo’ladi. Andijon viloyatida bunday imkoniyatlar mavjud bo’lib, ulardan foydalanish ishsizlik darajasini kamaytirish, aholining daromadlarini oshirish va natijada turmush darajasini yuksaltirish uchun asos yaratadi. Ishchi kuchini ish bilan ta’minlash uning takror ishlab chiqarilishi uchun zarur shartdir. Chunki kishilarning turmush darajasi, jamiyatning kadrlar tanlash, tayyorlash, qayta tayyorlash va ularning malakasini yashirish, ishga joylashtirish, ishsizlarni moddiy jihatdan qo’llab - quvvatlash uchun sarf qiladigan chiqimlar ishchi kuchi resurslarini ish bilan ta’minlanishiga bog’liqdir. Ish bilan bandlik inson ijtimoiy kamolotining eng muhim tomonlaridan birini ochib beradiki, bu uning mehnat sohasidagi va mehnat bilan bog’liq bo’lgan ehtiyojlarini qondirishga aloqadordir. O’zbekiston Respublikasining “Aholini ish bilan ta’minlash” to’g’risidagi Qonunining 2-moddasida qayd etilganidek: “Ish bilan ta’minlash – fuqarolarning qonun hujjatlariga zid kelmaydigan, o’z shaxsiy va ijtimoiy ehtiyojlarini qondirish bilan bog’liq bo’lgan, ularga ish haqi (mehnat daromadi) keltiradigan faoliyatdir”. 35 Quyidagilar ish bilan band (ta’minlangan) deb hisoblanadi: - yollanib ishlayotgan, shu jumladan ishni to’liqsiz ish vaqtida haq evaziga bajarayotgan, 35 O’zbekiston Respublikasining «Aholini ish bilan ta’minlash to’g’risida»gi qonuni. – Toshkent, 1998. 66 shuningdek haq to’lanadigan boshqa ishga, shu jumladan vaqtinchalik ishga ega bo’lgan fuqarolar; 36 -betobligi, mehnat ta’tili, kasbga qayta tayyorlash hamda malaka oshirish joyida ekanligi ishlab chiqarishni to’xtatib qo’yganligi munosabati bilan, shuningdek qonun hujjatlariga muvofiq vaqtincha ish joyi saqlanib turadigan va boshqa hollarda vaqtincha ish joyida bo’lmagan fuqarolar; -o’zini ish bilan mustaqil ta’minlayotgan fuqarolar, shu jumladan yuridik shaxs tashkil qilmagan holda tadbirkorlik faoliyati bilan shug’ullanayotgan fuqarolar, kooperativlarning a’zolari, fermerlar va ularning ishlab chiqarishda qatnashayotgan oila a’zolari; -Qurolli Kuchlarda, Milliy xavfsizlik xizmati va ichki ishlar organlari va qo’shinlarida xizmatni o’tayotgan, shuningdek muqobil xizmatni o’tayotgan fuqarolar; -Ta’lim to’g’risidagi qonun hujjatlariga muvofiq ishlab chiqarishdan ajralmagan holda ta’lim olayotgan fuqarolar; -qonun hujjatlariga muvofiq faoliyat olib borayotgan jamoat birlashmalari va diniy muassasalarda ishlayotgan fuqarolar. Bundan tashqari, O’zbekiston Respublikasi Mehnat kodeksiga muvofiq quyidagi sabablarga ko’ra vaqtinchalik ish joyida bo’lmagan fuqarolarning ish joyi saqlanib qoladi va ular ish bilan ta’minlangan deb hisoblanadilar: -davlat va jamoat vazirlarini bajarayotgan vaqtda; -ish beruvchi va mehnat jamoasi manfaatlariga doir vazifalarni bajarganda; -jamiyat manfaatlariga doir harakatlar qilganda. O’zini ish bilan mustaqil ta’minlaydigan fuqarolar toifasiga quyidagilar kiradi: - tadbirkorlar; -fermerlar va ularning ishlab chiqarishda ishtirok etayotgan oila a’zolari; -dehqon xo’jaligining ishlab chiqarishda qatnashayotgan oila a’zolari; -kooperativlarning a’zolari; 36 O’sha joyda. 67 -yozuvchilar, rassomlar va boshqalar. Iqtisodiy jihatdan faol ishchi kuchi resurslari bo’lgani uchun, shu jumladan ishsizlar uchun ish bilan ta’minlash maqomini belgilab olish muhimdir. Odatda besh maqom bor: 37 1- yollanma xodimlar – bular korxona rahbariyati bilan mehnat faoliyati shartlari to’g’risida tuzilgan yozma kontrakt (shartnoma) yoki og’zaki bitim bo’yicha ishlaydigan shaxslar bo’lib, ular ana shu faoliyat uchun yollanish vaqtida kelishib olingan ish haqini oladilar. 2- Yakka tartib asosida ishlaydiganlar – mustaqil ravishda faoliyat olib boradigan, o’zlariga daromad keltirayotgan ish bilan shug’ullanadigan, faqat qisqa muddatga yollanma xodimlardan foydalanilgan yoki foydalanilmaydigan shaxslar. 3- Ish beruvchilar – o’zining hissadorlik jamiyatini, xo’jalik shirkatini va hokazoni boshqaradigan yoki buning uchun davlat tomonidan vakil qilingan shaxslar. Ish beruvchilar o’z funktsiyalarini yollanma boshqaruvchiga to’liq yoki qisman topshirib qo’yishni, korxonaning muvaffaqiyatli ishlash uchun javobgarlikni o’zida olib qolishi mumkin. 4 - Oilaviy korxonalarning haq to’lanmaydigan xodimlari - qarindoshiga tegishli bo’lgan oilaviy korxonada haq olmasdan ishlaydigan xodimlardir. 5- Ish bilan ta’minlash maqomi bo’yicha tasniflashga to’g’ri kelmaydigan shaxslar – ilgari o’zlariga daromad keltiradigan mehnat faoliyati bilan shug’ullanmaydigan kishilar. Ularga ish bilan ta’minlashning birorta bir maqomiga mos kelmaydigan shaxslar ham kiritiladi. Aholi tarkibini o’rganishning amaliy ehtiyoji ish bilan ta’minlashning turlarini ajratib ko’rsatish zarurligini nazarda tutadi. Masalan, to’liq, oqilona va erkin tanlangan ish bilan ta’minlanish bo’lib u shaxsga daromad keltiradi va o’zi hamda oilasining munosib turmush kechirishiga sharoit yaratadi. Iqtisodiy siyosatning tarkibiy qismi bo’lgan bozorni boshqarish (tartibga solish) siyosati uch asosiy maqsadga erishishni nazarda tutadi: 37 Ziyaev T.M. Ishchi kuchi va bandlik nazariyasi. (O’quv qo’llanma) –T.: TDIU, 2009. – 65 b 68 - tarkibiy qayta qurishni rag’batlantirish va bo’shab qolgan xodimlarni qayta taqsimlash jarayonini jadallashtirish; -ishsizlarni mehnat hayotiga juda tezlik bilan jalb qilish; - ish qidirayotganlarning har birini ish bilan ta’min etish. Davlatning ishchi kuchi resurslarini ish bilan ta’minlash siyosatining chora – tadbirlari quyidagi sohalar bo’yicha tabaqalashtirilgan: - ta’sir ko’rsatish ob’ekti bo’yicha (umumiy va ixtisoslashgan chora - tadbirlar); -mablag’ bilan ta’minlash manbalari bo’yicha. Ishchi kuchi resurslarini ish bilan ta’minlash va unga ta’sir ko’rsatish usullariga quyidagilarni kiritish mumkin: - bevosita (ma’muriy) usullar: qonun yo’li bilan tartibga solish; - mehnat qonunchiligi jamoa shartnomalari; - bevosita (iqtisodiy) usullar; moliyaviy, monetar, fiskal (xazina) siyosati. Ishchi kuchi resurslarini ish bilan ta’minlashga davlatning ta’sir ko’rsatish usullari: -passiv ta’sir ko’rsatish – ish bilan band bo’lmaganlarga ijtimoiy yordam; - faol ta’sir ko’rsatish – mehnat taklifini rag’batlantirish, mehnatga bo’lgan talabni rag’batlantirish, talab va taklifni muvofiqlashtirish chora – tadbirlari (axborot, maslahat xizmati ko’rsatish, kasbiy sohada maslahatlar berish, ishchi kuchi resurslarining kamroq raqobatbardosh guruhlari uchun bandlik dasturlarini ishlab chiqish va hokazolar), mintaqalarga yordam ko’rsatish chora – tadbirlari va shu kabilar. Davlat bandlik siyosati doirasida ishchi kuchi bozorini tartibga solishda bandlik jamg’armalarining ahamiyatini alohida ta’kidlab o’tish kerak. Bandlik jamg’armasi xarajatlarini shartli ravishda to’rtta yo’nalish bo’yicha qismlarga ajratish mumkin: 1. Ishsizlik bo’yicha nafaqaga sarflanadigan mablag’lar, ishsizlarga moddiy yordam ko’rsatish, uzoq mudatli pensiyalar to’lash (Bularni passiv siyosat deb atash qabul qilingan). 69 2. Qayta tayyorlash va jamoat ishlariga sarflanadigan mablag’lar. Faol siyosatning mazkur shakli amaldagi qonunchilikdan kelib chiqadi, ya’ni bandlik sohasidagi davlat xizmati uchun majburiy hisoblanadi. 3. Moliyaviy qo’llab - quvvatlashga, qimmatli qog’ozlar sotib olish va boshqa xarajatlarga mo’ljallangan mablag’lar. Aytib o’tilgan bu shakllarni birlashtirib turadigan tomon shuki, ular qonun bilan kafolatlanmagan. Shu bilan birga “moliyaviy qo’llab - quvvatlash” moddasiga doir xarajatlarni ishchi kuchi bozoridagi faol siyosat shakllariga kiritish qabul qilingan. 4. Bandlik xizmatlarini rivojlantirish uchun mo’ljallangan mablag’lar (ularni ta’minlash, kapital mablag’lar, reklama, “Bandlik” axborot xizmati). Davlat bandlik jamg’armasi quyidagi to’lovlarni amalga oshiradi: - ishsizlik bo’yicha nafaqa to’lash; - bandlik xizmati yo’llanmasi bilan ko’ngilli ravishda boshqa joylarga ko’chib boruvchining yo’l chiqimlari bilan bog’liq moddiy xarajatlarini qoplash; - bandlik xizmati tomonidan kasbiy tayyorgarlik, qayta tayyorlash, malaka oshirish uchun stipendiyalar; - vaqtincha mehnatga layoqatsizlik davri uchun haq to’lash. O’zbekistonda davlat bandlik xizmati 1991 yilda tashkil etilgan edi. Respublika bandlik xizmati ishining asosiy tamoyillari xalqaro amaliyotga muvofiq keladi. Hozirgi vaqtda O’zbekiston bandlik xizmati mintaqalarda (viloyatlar, shahar va tumanlarda) ishlab turibdi. Ishchi kuchi resurslarining bandligiga ko’maklashish bilan bog’liq xizmatlar bandlik xizmati organlari tomonidan bepul ko’rsatiladi. Bozor munosabatlarining rivojlanishi bandlikning nodavlat xususiy xarakteridagi tuzilmalarini ham tashkil etilishiga imkon bermoqda. Yüklə 0,72 Mb. Dostları ilə paylaş:
|