Азярбайъан республикасы

Ümumi tələblər
2.9.1. Boru kəmərlərinin çəkilməsi və təmiri ləyihəyə
uyğun yerinə yetirilməlidir. Layihədə, işin yerinə yetirilmə
ardıcıllığı, təhlükəsizlik tədbirləri, işlərin təmin edilməsinə
cavabdeh şəxs göstərilməlidir. Işlərin yerinə yetirilmə layihəsi
olmadıqda, boru kəmərlərinin tikintisi və təmiri qadağandır.
Işlərin yerinə yetirilməsi layihəsində boru kəmərlərinin
çəkilməsi və təmir işlərinə təsir edə biləcək ətraf mühitin
bütün amilləri (suyun gəlib-çəkilməsi, boru xətti boyunca
dalğalanmanın xarakteristikası, boruların hərəkəti və s.)
nəzərə alınmalıdır.
2.9.2. Sualtı boru kəmərlərinin çəkilməsində və təmirində
xeyli sayda üzən vasitələr iştirak etdiyindən, onların işinə
ümumi rəhbərlik etmək üçün bir kapitan-rəhbər ayrılmalıdır.
Sualtı boru kəmərlərinin, rabitə xətlərinin və elektrik xətlərinin
çəkildiyi zonada gəmilərin lövbərdə durması qadağandır.
2.9.3. Sualtı boru kəmərlərinin çəkilməsində və təmirində
iştirak edən üzən vasitələrlə sahil bazalarının arasında fasiləsiz
radiotelefon rabitəsi olmalıdır.
2.9.4. Boru kəmərinin tikintisinə və təmir işinə cavabdeh
olan şəxs, ardıcıl olaraq yarım sutkalıq, sutkalıq və üç sutkalıq
hava haqqında məlumatla təmin edilməlidir.
2.9.5. Korroziyaya qarşı örtüyündə və yaxud beton örtü-
yündə pozuntular əmələ gəlmiş borulardan istifadə etmək
qadağandır.
184

---

2.9.6. Boru kəmərlərində, onun təzyiqinə hesablanmış və
eyni keçidli en kəsiyinə malik polad armaturlar qoyulmalıdır.
Armaturların yeri layihəyə əsasən müəyyən edilməldir.
2.9.7. Lazım gələn anda (qəzalar) boru kəmərini digər
hissələrdən təcrid etmək üçün onun üzərində avtomatik
qurğular qoyulmalıdır.
2.9.8. Boru kəmərlərinin istismarı zamanı təsdiq edilmiş
cədvələ əsasən onlara vaxtaşırı və xüsusi baxışlar
keçirilməlidir.
2.9.9. Istismar (neft-mədən) boruları DDÖ-nün
qırağında, gəmilərin yanalma zonasından və minik
meydançalarından kənarda yerləşdirilməlidir. Istismar
borularını (dirəklərini) yaşayış blokundan 15m-dən az olan
məsafədə quraşdırmaq və DDÖ-nün döşəməsinin altına
çıxarmaq qadağandır.
2.9.10. Istismar boruları (dirəkləri) DDÖ-nün metal kons-
truksiyalarına etibarlı bərkidilməlidir. Bərkidilmə yerlərində
qeyri-metal araqatı qoyulmalıdır.
2.9.11. Sualtı boru kəmərlərinin müayinəsi və onların
təmiri xüsusi texniki vasitələri olan ixtisaslaşdırılmış təşkilat
tərəfindən yerinə yetirilməlidir.
2.9.12. Magistral boru kəmərindən hər tərəfə 400m-lik
zonada gəmilərin lövbərdə durması qadağandır. Ancaq sualtı-
texniki işlər və boru kəmərinin təmiri işi aparıldıqda buna icazə
verilir.