Ma’muriy risklar
– loyiha kompaniyalari va loyiha faoliyatining boshqa
ishtirokchilarini davlat nazorat va tartibga solish boshqarmalaridan turli litsenziyalar,
ruxsatlarni olishi bilan bog‘liq risklardir.
Mamlakat riski
– bu tashqi loyiha risklariga tegishli bo‘lib, uning mazmuni
shundaki, loyiha amalga oshirilayotgan mamlakatning ijtimoiy-siyosiy jarayonlari va
davlatning siyosati loyiha faoliyati uchun jiddiy qiyinchiliklar yaratishi va xatto loyihani
barbod bo‘lishiga olib kelishi mumkin. Davlatning siyosati bilan bog‘liq mamlakat
risklarini shartli ravishda ikkita guruhga bo‘lish mumkin: siyosiy va iqtisodiy mamlakat
risklari.
Modernizatsiya (grekchadan moderne - yangicha)
– ob‘ektni takomillashtirish,
yaxshilash, yangilash, uni yangi talab va me‘yorlarga, texnik shart-sharoitlarga, sifat
ko‘rsatkichlariga moslashtirish.
Moliya tizimi
– moliyaviy munosabatlar va turli darajada ularga xizmat qiluvchi
moliyaviy muassasalar majmuasi.
Moliyaviy aktivlar
- bu qimmatli qog‘ozlar bo‘lib, u chet el kapitalini jalb etish,
chet el kreditlarini olish va chet el kapitalini bank depozitlariga jalb etish uchun emissiya
qilinadi.
Moliyaviy institutlar
– belgilangan qonun-qoidalar doirasida faoliyat yurituvchi
mamlakatdagi moliya-kredit tashkilotlari.
Moliyaviy qo’yilmalar rentabelligi
– qimmatli qog‘ozlar va hissali qatnashuv
daromadlarini emitentning moliyaviy qo‘yilmalari qiymatiga nisbati.
Monitoring
- bozorning ahvoli va rivojlanish yo‘nalishini ustidan kuzatish.
Noaniqlik
– investitsion loyihani amalga oshirish shart-sharoitlari haqidagi
ma‘lumotlarning to‘liq yoki aniq emasligidir.
O’rtacha kvadratik chetlanish
– investitsiya loyihasini amalga oshirishning
barcha mumkin bo‘lgan variantlari o‘rtacha qiymatdan qanchaga chetlashganini ko‘rsatib
beradi. Bu ko‘rsatkich riskning absolyut kattaligini ifodalab baradi, qanchalik o‘rtacha
kvadratik chetlanish yuqori bo‘lsa, risk shunchalik katta bo‘ladi.
Dostları ilə paylaş: |
