Anatomiya 2014. indd

Yuqori kavak vena tizimi
Yuqori kavak vena
(vena cava superior)
 
tizimi bosh, bo‘yin, 
ikkala qo‘l, ko‘krak qafasi va qisman qorin devoridan qon yig‘adi. 
Yuqo ri kavak vena uzunligi 5–8 sm, kengligi 21–25 mm bo‘lgan 
qisqa va yo‘g‘on vena. U birinchi o‘ng qovurg‘ani to‘sh suyagi-
ga birikkan sohada o‘ng va chap yelka-bosh venalarining qo‘shi-
lishidan hosil bo‘ladi (170-rasm). Yuqori kavak vena pastga to-
mon yo‘nalib, III o‘ng qovurg‘a tog‘ayining to‘sh suyagiga birik-

---

384
kan joyda o‘ng bo‘l machaga quyiladi. Yuqori kavak venaning old 
tomonida ayrisimon bez joylashgan. Unga o‘ng tomondan me-
diastinal plevra tegib tursa, chap tomonida aortaning ko‘tariluv-
chi qismi yotadi. Yuqori kavak vena orqa tomondan o‘ng o‘pka 
ildiziga tegib turadi. Yuqori kavak venaga o‘ng tomonidan toq 
vena, chap tomonidan esa ko‘ks oralig‘i va perikardning mayda 
venalari quyiladi.
Yuqori kavak vena tizimi uch guruh venalardan: bosh va bo‘yin, 
ikkala qo‘l venalari, ko‘krak qafasi va qisman qorin devori vena-
laridan hosil bo‘ladi.
Toq vena
(v.azygos) katta bel mushagi orqasida yotdan o‘ng 
ko‘tariluvchi bel venasining
 
davomidir. U o‘z yo‘nalishida pastki ka-
vak venaga quyiluvchi o‘ng bel venalari bilan anastomozlashadi. Bu 
vena ko‘krak qafasiga diafragmaning bel qismining o‘ng oyoqchala-
ri o‘rtasidan o‘tib kiradi va toq vena nomini oladi. Ko‘krak qafasi-
da toq vena orqa ko‘ks oralig‘ida yotadi. U umurtqa pog‘onasining 
o‘ng tomoni bo‘ylab yuqoriga ko‘tarilib IV–V ko‘krak umurtqalari 
sohasida vena o‘ng o‘pka ildizi orqasidan egilib o‘tib yuqori kavak 
venaga quyiladi. Toq venaga o‘ng yuqori qovurg‘alararo vena, orqa 
qovurg‘alararo venalar,
 
yarim toq vena, shuningdek, ko‘krak qafasi 
a’zolari venalari quyiladi.