XULOSA CHIQARAMIZ •
Barcha tirik organizmlar kabi hayvonlar ham oziqlanadi. Hayvonlar geterotrof usulda
oziqlanadi. Oziqlanish orqali tashqi muhit va boshqa organizmlar bilan bog‘lanadi hamda
moddalarning davriy aylanishida ishtirok etadi.
YANGI BILIMLARNI QO‘LLAYMIZ Bilish va tushunish 1. O‘txo‘r hayvonlarni moddalarning davriy aylanishidagi o‘rni nimadan iborat?
2. Hayvonlarda minerallar yetishmovchiligi nimalarga sabab bo‘ladi?
3. Parazit hayvonlardagi moslanishlarni aytib bering.
4. Qushlar va sutemizuvchilarning ovqat hazm qilish organlarida qanday moslanishlar paydo
bo‘lgan?
Qo‘llash . Hayvonlarning ko‘payishi oziqlanish bilan bog‘liqligini qushlar misolida tushuntiring.
Tahlil . Hayvonlarning suvga bo‘lgan talabi ularning yashash muhitlari bilan bo‘g‘liqligini qanday
izohlaysiz?
Sintez . Quruqlik hayvonlarining ko‘pchiligi, ayniqsa,
go‘shtxo‘rlar turli minerallarni oziq va suv bilan birga kerakli
miqdorda osongina topa oladi. Lekin o‘txo‘rlar vaqti-vaqti bilan
minerallarga muhtoj bo‘lishadi. O‘ylab ko‘ring-chi, ular tuzga
bo‘lgan talabini qanday qondiradi?
Baholash . Mutaxassislarning fikricha, hayvonlarda organizm-
ning ichki osmotik bosimini boshqarish xususiyati ularga kuchli
sho‘rlangan va noqulay suvlarda ham ma’lum vaqt yashashga im
-
koniyat beradi. Siz bu fikrni qanday izohlaysiz?
5.5. ODAMNING OVQAT HAZM QILISH SISTEMASI MUAMMONI ANIQLAYMIZ. Siz iste’mol qilayotgan
ovqatingiz tarkibiga ahamiyat bera sizmi?
YANGI BILIMLARNI KASHF ETAMIZ. Odamda ovqat hazm qilish sistemasi og‘iz, halqum,
qizilo‘ngach, oshqozon, ingichka ichak, yo‘g‘on ichak va
to‘g‘ri ichakdan iborat. Ovqat hazm qilish sistemasi odam
iste’mol qilgan oziq moddalarni parchalab, ularning hujayralar tomonidan oʻzlashtirilishini
taʼminlaydi. Oziq moddala rining tishlar yordamida maydalanishi, ichakda fermentlar ta’sirida
parchalanishi va ichak devori orqali qonga so‘rilishi
