Олий ва ўрта махсус таълим вазирлиги олий таълим тизими педагог ва раҳбар кадрларини қайта тайёрлаш ва уларнинг малакасини оширишни ташкил

Назорат саволлари 

 

1. Ўрхун-Енисей битиктошлари жанр жиҳатдан неча гуруҳга тақсимланади? 

2. Битиктошлар  матнида  қандай  мавзуий  гуруҳларга  оид  терминлар  қайд 

этилган? 

3. Араблар фатҳидан кейин туркий тилда қандай жараёнлар содир бўлган? 

4. Сомонийлар ҳукмронлиги даврида туркий терминологиянинг ҳолатига баҳо 

беринг. 

5. Эски  туркий  тил  терминологияси  тизими  қайси  манбалар  асосида 

шаклланди? 

6. Қорахонийлар салтанатида туркий тилнинг мавқеи қай даражада эди? 

7. Эски ўзбек тили терминологияси ривожига сабаб бўлган  қандай омилларни 

биласиз? 

8. ХIХ аср 2-ярмидан ўзбек терминологияси тизими  қайси манбалар ҳисобига 

ривожланди? 

9. Ўзбек  тили  терминологиясининг  шаклланишида  ўз  қатламнинг  ўрни 

қандай? 

10. 

Мўғулча  ўзлашмалар  эски  ўзбек  тилининг  қайси  фан  соҳасида 

миқдоран аксариятни ташкил қилади?   

 

 

 

 

59

 

  Фойдаланилган адабиётлар 

 

          1.  Бегматов  Э.  Ҳозирги  ўзбек  адабий  тилининг  лексик  қатлами.  -

Тошкент: Фан, 1988.  

          2.  БектемировҲ.,  Бегматов  Э.  Мустақиллик  даври  атамалари.  Тошкент: 

Фан, 2002. 

           3. 

Дадабаев 

Х.А. 

Общественно-политическая 

и 

социально-

экономическая терминология в   тюркоязычных письменных памятниках ХI-ХIV 

вв. -Ташкент: Ёзувчи, 1991.              

           4.  Даниленко  В.П.    Русская  терминология.  Опыт  лингвистического 

описания.- М.: Наука, 1977.  

         5.  Дониёров  Р.  Ўзбек  тили  техник  терминологиясининг  айрим 

масалалари. Тошкент: Фан, 1977.  

 

 

2- амалий машғулот: 

 Мустақиллик даври ўзбек терминологияси ва лексикографияси 

 

Ишдан мақсад: Ўзбек тили ижтимоий-сиёсий,иқтисодий, ҳарбий, илмий-

техникавий ва ҳ.к терминлар тизими бўйича асосий кўникмаларни такрорлаш. Туб 

терминлар, ясама терминлар (содда ясама), қўшма терминлар, термин-

бирикмаларни фарқлаш кўникмасига эга бўлиш. 

 

Масаланинг  қўйилиши:  Ушбу  амалий  иш  давомида  тингловчи 

қуйидагиларни бажариши лозим: 

-“Кул  тегин  битиктоши”да  қўлланган  давлат  қурулига  оид  терминларни 

шарҳлаши 

- тарихий-анъанавий терминлар хусусида мулоҳаза юритиши 

-ўзбек 

терминологиясининг  бойишига  сабаб  бўлган  нисбатан  янги 

терминларни маҳаллий м атбуот органларида қўлланишини кузатиши 

-ўзбек тили асосида воқеланган тилшунослик терминларини изоҳлаши 

-ўзлашмалар иштирокида пайдо бўлган илмий терминларни изоҳлаши 

-  луғатлар  ёрдамида  қурол-яроғ  номларини  ифодаловчи  терминларга  баҳо 

бериши 

-  тиббий  терминлар  тизимида  қўлланувчи  юнонча  ва  лотинча  терминларни 

фарқлаши 

 -терминологик луғатлардаги термин-бирикмаларнинг ўрнини белгилаши. 

 

      Ишни бажариш учун намуна 

Ижтимоий-сиёсий, 

иқтисодий, 

ҳарбий, 

илмий-техникавий 

ва 

ҳ.к.терминлар тизими.       

    Ўзбек  тилида  ҳозирги  илмий-техникавий  терминология  ўз  аксини  кенг 

қамровда топган. 

 

60

 

   Ўзбек  адабий  тилининг  ажралмас  бўлаги  ҳисобланмиш    терминология 

ҳозирги  ўзбек  тилшунослиги  фанининг  ўта  шаҳдам  ва  динамик  тарзда  тараққий 

этаётган  категориялардан  бири  бўлиб,  тил  луғат  бойлигининг  муттасил  ўсиб 

ҳамда кенгайиб боришида туганмас манба ролини бажаради. 

     Ўзбек  тили  илмий  терминологиясида  терминларнинг  уч  тури  фарқланади 

(Бегматов 1988; 140): 

1) тарихий-анъанавий  терминлар.  Бу  турга  тааллуқли  сўзлар  жуда  қадимдан 

термин  вазифасида  қўлланиб  келади  ва  ўзбек  терминологиясининг  ўзагини 

ташкил  қилади.  Масалан,  тўсиқ,  юлдуз,  солиқ,  кирим,  пул,  олди-сотти,  сўроқ, 

томир, оқсиллар, иситма  сингари кўпгина терминлар шулар сирасидандир; 

2) терминологик  тизимнинг  бойишига  боис  бўлган  нисбатан  янги    термин-

ўзлашмалар:  сканер,  сайт,  каратэ,  Интернет  аукцион,  томография,  спектр, 

респиратор,  психолингвистика,  прагматика,  лингвокультурология,  семема, 

пародонтоз,  бактерия,  видеотелефон,  катапульта,  радиолокатор,  татами, 

плей-офф  ва ҳ.к.; 

3) ўзбек  тили  сўз  ясовчи  қолиплари  негизида  ҳосил  қилинган  терминларни 

икки гуруҳга тақсимлаш мумкин : 

 а)    она  тили  материаллари  негизида  пайдо  бўлган  терминлар:  боғловчи, 

тўлдирувчи,  кесим,  тенглик,  қайта  сайлов,  тўлов,  бошқарув,  бўғилиш,  титраш, 

бошқарма  ,  ясама,  қўниш,  қурилма,  кўчиш,  иккиламчи  бозор,  қўшимча  қиймат 

солиғи), терма жамоа ва ҳ.к.; 

 б)  ўзлашмалар  иштирокида  юзага  келган  терминлар:  ракетаэлтгич,  

автомобильсозлик,  эшелонлаштириш,  штурмчи,  шифрлаш,  фотоҳужжат, 

компьютирлаштириш, катетерлаш, бомбақидиргич, дзюдочи ва ҳ.к. 

  Шубҳасиз, ўзбек терминологияси илмий-техникавий инқилоб даври деб ном 

олган ХХ асрда ҳам миқдор, ҳам сифат томондан жиддий ўзгаришларни бошидан 

кечирди.  Бундай  ўзгаришлар  интралингвистик  ва  экстралингвистик  омиллар 

таъсири  остида    умум  ўзбек  адабий  тилида  содир  бўлган  жараёнлар  ёрдамида 

аниқланади.  

    Муболағасиз  таъкидлаш  лозимки,  ўзбек  тилига  Давлат  тили  мақомининг 

берилиши  (1989)  ҳамда  Ўзбекистон  Республикасининг  Истиқлолни  қўлга 

киритиши (1991)  илм-фан тилининг кенг қамровли тараққиётини таъминлади. 

     Ўзбек 

тили 

терминологик 

лексикасининг 

фаоллашиш 

жараёни 

республиканинг  давлат  қурилиши,  иқтисодий,  ижтимоий,  илмий,  маданий  ва 

маънавий    тараққиёти,  шунингдек,  ижтимоий  турмушнинг  турфа  жабҳаларига 

доир  талайгина  янги  ҳодиса  ва  тушунчаларни  ифодалаш  зарурияти  билан 

чамбарчас  боғлиқдир.    Шу  сабабли  ҳозирги  пайтда  ўта  тезлик  билан  тўлишиб 

бораётган  қатор  терминологик  тизимларни  яна  ҳам  такомиллаштириш,  юқори 

босқича  кўтариш  ўзбек  терминологияси  олдида  турган  долзарб,  кечиктириб 

бўлмас масалалардан ҳисобланади. 

     Сир эмаски, ҳар қандай тилнинг луғат таркиби уч нисбатан мустақил, яъни 

нотерминологик (мустақил маъноли сўзлар ва ёрдамчи сўзлар), умумилмий  

(илмий  соҳа  вакилларига  хос  махсус  лексемалар)  ҳамда  терминологик  (аниқ 

терминологик  тизимларга  оид  махсус  лексемалар)    қатламдан  ташкил  топади 

(Моль 1973; 41; Даниленко 1977; 27-20).  

 

61

 

     Бошқа  тилларда кузатилгани  каби ўзбек  тили  терминологик  лексикаси  асл 

ўзбекча (туркийча), ўзлашма (суғдча, хитойча, арабча, форсча – тожикча, мўғулча, 

Русча-байналминал  ),  содда,  оддий,  барча  томонидан  кунда  ишлатиладиган  ва 

азалдан  қўлланишда  бўлган  умум  адабий  тил  сўз  ясаш  моделлари  ҳамда  термин 

ясаш қолиплари асосида шаклланган. 

     Шуни  алоҳида  урғулаш  керакки,  ўзбек  тилининг  ҳозирги  соҳа 

терминологияси  тизимида  нисбатан  анча  кейин  юзага  чиққан  терминлар  сафида 

қадимги  туркий  тил,  эски  туркий  тил  ва  эски  ўзбек  адабий  тилида  қайд  этилган 

лексик бирликларнинг мавжудлиги муҳим аҳамиятга моликдир.  

Ижтимоий-иқтисодий  ва  социал-сиёсий  жабҳаларга  доир  ҳодиса  ва 

тушунчаларни ифодаловчи ижтимоий-сиёсий ва социал-иқтисодий терминология 

халқ кундалик ҳаётида содир бўлувчи турфа воқеалар билан яқиндан боғланган. 

    Давлатнинг 

сиёсий-маъмурий  қурилиши,  ташқи  сиёсий  фаолияти, 

ижтимоий  тузилиши  ва  синфий  табақаланиши,  жамият  аъзолариаро  савдо-

молиявий  муносабатлар  билин  мустаҳкам  алоқага  эга  ижтимоий-сиёсий  ва 

социал-иқтисодий  терминология  тизимидаги  лексик-семантик  гуруҳларга 

кирувчи  термин  ҳамда  термин-бирикмалар    ўзбек  тили  луғат  таркибини 

тўлдириган ва бойитган. 

ХI-ХII асрларга хос қорахонийлар даври  қўлёзма манбалари қариндош туркий 

тиллар, чунончи, ўзбек, уйғур, туркман, қозоқ, қирғиз ва ҳ.к. тиллар тарихи билан 

бевосита боғлиқ. 

  ХIII-ХIV асрларда Марказий Осиё ва Ўрта Осиё, Дашти  Қипчоқ, Волгабўйи, 

Қирим  ҳамда  мамлюклар  ҳукмронлик  қилган  Мисрнинг  кенг  минтақаларида 

турфа  мазмундаги,  ранг-баранг  жанрдаги  дунёвий  ва  диний  туркий  ёзма 

ёдгорликлар яратилган ва шуҳрат топган. Мазкур нодир ёзма обидаларнинг тили 

улкан  ҳудуда  истиқомат  қилувчи  туркий  халқ  (ўзбек,  туркман,  қозоқ,  қирғиз, 

татар,  турк,  озарбайжон  ва  ҳ.к.)лар  адабий  тилларининг  шакилланишида  муҳим 

аҳамият касб этганлиги туркологияда исботини топган. 

   Қорахонийлар  давлати,  Жўжи  улусининг  шарқий  қисми,  яъни  Хоразм  ва 

Чиғатой  улуси  адабий  тиллари  заминида  шаклланган,  ҳозирги  ўзбек  адабий 

тилининг  ўтмишдоши  ҳисобланмиш  эски  ўзбек  адабий  тили  лисоний 

хусусиятлари нуқтаи назаридан ХI-ХIV аср  туркий ёзма манбалари тилига жуда 

яқинлиги  билан  характерланади.  Кези  келганда  буюк  Алишер  Навоий,  унинг 

салафлари,  Бобур  каби  замондошлари  шакллантирган  ва  ривожлантирган  эски 

ўзбек  адабий  тилининг  баъзи  туркологлар  томонидан  чиғатой  тили  билан  айни 

бир хил, иккинчи гуруҳ олимлар томонидан чиғатой адабий тилидан фарқланувчи 

жонли халқ тили, учинчи мутахассислар томонидан эса чиғатой адабий тилининг 

варианти, деб қаралишини такроран  таъкидламоқчимиз. 

Биз  томондан  ўз  вақтида  эски  туркий  тил  ва  эски  ўзбек  адабий  тилида 

қўлланишда бўлган ижтимоий-сиёсий ва социал-иқтисодий терминларни қиёсий-

статистик  таҳлили  амалга  оширилган  эди.  Таҳлил  ХI-ХIV  аср  туркий  обидалар 

тилида қайд этилган 700 та ижтимоий-сиёсий ва социал-иқтисодий терминлардан 

645  таси  ўзбек  адабиёти  классиклари  асарлари  тилида  деярли  фонетик  ва 

семантик ўзгаришларсиз қўлланишда давом этганини кўрсатган эди. 

    Эски  туркий  тил  ҳамда  эски  ўзбек  адабий  тилига  хос  ижтимоиё-сиёсий  ва 

 

62

 

социал-иқтисодий  терминларнинг  салмоқли  миқдори  ҳозирги  қариндош  туркий 

тилларнинг терминологик лексикасига мутаносиб тушади. 

    Туркий  лексик  (терминологик)  материалнинг  умумийлиги  ҳақида  аниқ-

равшан  тасаввурга  эга  бўлиш  мақсадида  биз  томондан  ижтимоий-сиёсий  ва 

социал-иқтисодий  терминлардан  503таси  ажратиб  олинган  ва  улар  баъзи 

қариндош туркий тилларнинг  мувофиқ лексик (терминологик) бирликлари билан 

қиёсланган  эди.  Таққослаш  натижасида  ХI  –ХIV  аср  ёзма  манбалари  тилида 

ишлатилган  503  терминдан  348  таси  уйғур  тилида,  230  таси  қозоқ  тилида,  244 

таси  қирғиз  тилида,  370  таси  турк  тилида,  390  таси  ўзбек  тилида  қўланишда 

қолаётгани аниқланди. 

   Ҳатто ушбу тахминий таҳлил ҳам эски туркий тил даври қўлёзма манбалари 

ўзбек  тили  қатори  бошқа  туркий  тиллар  терминологиясининг  шаклланиши  ва 

қарор топишида асос вазифасини ўтаганлигидан далолат беради. 

      Муайян ашёвий материалларга мурожаат этамиз. 

   Ҳарбий  лексика  ўзбек  тилининг  қадимий қатламларидан  бири бўлиб, унинг 

ҳамма    ривожланиш  босқичларида  кузатилади.  Умумадабий  лексиканинг 

қатламларидан  бири  саналмиш  ҳарбий  терминлар  тизимида  ички  ва  ташқи 

омиллар таъсири остида шартланган ўзбек тилининг шаклланиш хусусиятлари ўз 

ифодасини топган. 

    Ўзбек  тилининг  кўп  асрлик  тараққиёти  давомида  ҳарбий  терминларнинг 

баъзилари  эскирган  ва  тилнинг  лексик  хазинасидан  тушиб  қолган.  Уларнинг 

ўрнига  ўзбек  тилини  бойитган  ўз  ҳамда  ўзлашма  истилоҳлар  қўлланган.  Ҳарбий 

терминологиянинг  тарихий-этимологик  таҳлили  унинг  шаклланиши  ва 

ривожланишида асл ўзбек(туркий)ча лексик бирликлар қатори араб, форс-тожик, 

мўғул ва рус тилларидан ўзлашган сўзларининг ҳам  салмоқли ўрни борлигидан 

гувоҳлик беради. 

    Ҳозирги  ўзбек  ҳарбий  терминологияси    қадимийлиги  VII-ХIХ  асрларга 

бориб тақалувчи кўпгина сўзларни ўз тизимида сақлаб қолишга эришган. Бундай 

терминлар  сирасига:  1)  аскарий  қисм  ва  қўшилмалар,  жангчилар,  асосий  ҳарбий 

ҳаракат  ва  амалиётлар  номларини  ифодаловчи  қамал,  юриш  ,  кечув,  кўрик, 

пистирма, қўшин, илғор, соқчи, қоровул, айғоқчи, тўпчи, денгизчи, чопар , мерган, 

қочоқ  ва  ҳ.к.;  2)  қурол-яроғ  ва  анжомлар  номини  англатувчи  тўп,  қурол-яроғ, 

кема, ўқ, қўндоқ, қалқон, сол, кийим, қулоқчин  ва ҳ.к.; 3) уруш, тинчлик, ғалаба, 

мағлубият каби мавҳум маънони ифодаловчи лексик бирликлар оиддир. 

      Тарихий  қадимийлиги  бир  неча  юз  йиллар  билан  ўлчанувчи  зоологик 

терминология    ҳам  ҳозирги  кунларга  қадар  маълум  сондаги  сўзларни  тизимида 

асраб қолишга муваффақ бўлган. Синчковлик билан қилинган таҳлилга  мувофиқ 

Х1-Х1У аср  эски туркий тил ёзма обидалари тилида қўлланган 432 та зоонимнинг 

365 таси асл туркийча, 33 таси форсча-тожикча, 26 таси арабча, 5 таси мўғулча, 3 

таси  эса  ҳинд-европача  эканлиги  аниқланган.  Соф  туркийча  365  зоонимлар  туб 

(158)  ҳамда  ясамаларга  (207)  тақсимланади.  Ясама  зоонимларнинг  132  таси 

морфологик,  59  таси  синтактик,  5  таси  эса  семантик  йўл  билан  ҳосил  қилинган. 

Чунончи,    тўнғиз  ,  бўрсиқ,  бия,  кийик,  қуён,  шунқор,  ғоз,  ўрдак,  бурга,  қўнғиз 

сингари  талай  лексик  бирликлар  ҳозирги  ўзбек  зоологик  терминологияси 

таркибида фаол қўлланмоқда

 

( Абдушукуров 1998; 1).

 

 

 

63

 

          

Илк  марта  VII-ХIV    асрлар  ёзма  ёдгорликлари  матларида  қайд  этилган 

элчи, элчилик, элчихона,  ёрлиқ, сулҳ,  сулҳнома, хабар, жосус, ташриф, ижозат, 

қабул,  нома,    муҳр,  душманлик,  нишон  ва  бошқа    асл  ўзбекча  (туркийча)  ҳамда 

бошқа тиллардан ўзлашган сўз ва сўз бирикмалари замонавий ўзбек дипломатик 

терминологияси тизимида кенг ишлатилмоқда ( Дадабаев 1994 ;4-13.).

  

    

Айни чоғда, ҳозирги ўзбек дипломатик терминологияси тараққиётини унинг 

таркибига  кириб  келаётган,  бугунги  жаҳон  димломатияси  соҳасида  мавжуд  

тушунча  ва  мазмунларни  ифодаловчи    лексемаларсиз  тасаввур  қилиб  бўлмайди.  

Ҳозирги  ўзбек  димломатик  терминологияси  генетик  жиҳатдан  турли-тумандир. 

Унинг  сафида  азалдан  қолиб  келган,  умумтуркий  терминлар  қатори,  шарқ  ва 

Европа  (рус,  инглиз,  немис)  тилларидан  турли  замонларда  кириб  келган 

ўзлашмалар ҳам ўз аксини топган.  “Ўзбек тилининг изоҳли луғати” материаллари 

асосида  қилинган  статистик  таҳлил    дипломатик  терминларнинг  умум  ўзбек 

адабий тилида қўлланиш даражаси частотасининг пастлигини кўрсатди. Хусусан, 

номи тилга олинган изоҳли луғатдан ўрин олган 60.000 сўзларнинг бор-йўғи 410 

тасини, яни 0,7%ини дипломатик терминлар ташкил  қилади, холос ( Абдуллаева 

2003;160).  

    Маълумки,  жуда  қадим  замонлардан  инсонларнинг  вақтни  аниқлаш,  бир 

макондан  бошқа  жойга  ҳаракат  қилиш,  саёҳатларга  бориш  эҳтиёжи  натижасида 

осмон  ва  ундаги  жисмлар,  ёритқичлар  ҳаракатини  ўрганувчи  махсус  фан,  яъни 

астрономия  шаклланган.  Астрономия  фанининг  асрлар  мобайнидаги  тараққиёти 

натижасида ушбу соҳага тегишли лексемалар микротизими шаклланди.  

      Ҳозирги ўзбек тили астрономик терминологияси тизими Х-ХIV асрлардан 

эътиборан муомалага кирган  нужум илми, мунажжим, юлдуз, сайёра, устурлоб, 

Ҳулкар,  Арслон,  бурж,  Қовға,  Етаган,  Чўлпон,  Муштарий  сингари  қадимий 

астропоним (космоним)ларни сақлаб қолишга эришган ( Дадабаев 1994; 32-43). 

     Астрономия  ва  космонавтика  фанларининг  сўнгги  вақтларда  жадал 

ривожланиши,табиий,  ўз  ифодасини  ҳозирги  ўзбек    адабий  тили  сўз  бойлигида 

ҳам топди. 

 Уран,  Нептун,  Плутон,  астероид,  Улуғбек  астероиди,  Осиё  астероиди, 

Галлей  кометаси,  Неуймин  кометаси,  селеноним,  Кирилл  кратери  каби 

астропонимлар  илмий  ва  илмий-оммабоп  нашрларда  фаол  ишлатилмоқда, 

дарслик, қўлланма ҳамда турли характердаги луғатларда қайд этилмоқда  

( Примов 2009). 

       Хулллас,  генетик  кўриниши  нуқтаи  назаридан  ўзбек  тилида  қўлланувчи 

терминлар:  а)  терминология  тизимига  тайёр  тил  бирлиги  сифатида  қабул 

қилинган  сўзлар;  б)  махсус  ном  тарзида  ясалган  сўзларга  тақсимланади.  Бундай 

кўринишни муайян лисоний ҳодиса ва вазиятларнинг маҳсули, деб баҳолаш керак 

бўлади. 

                                                       2-вазифа 

Туб  терминлар,  ясама  терминлар  (содда  ясама),  қўшма  терминлар, 

термин-бирикмалар.  

   Ўзбек  терминологияси  тизимида  туб  терминлар  қатори  деривативларнинг 

ҳам  роли  салмоқли  лидир.  Туб  терминлар  ўзбек  терминологияси  тизимининг 

барча  шаклланиш  ва  ривожланиш  босқичларида  кўзга  ташланади.  Хусусан:  эл, 

 

64

 

йурт,  ёқ,  ўқ,  тўра,  тамға,  қин,  бой,  кунг,  қул,  ёв,  қорин,  жағ,  ўпка  каби  туб 

терминлар деярли барча терминологик тизимлар  учун хосдир. Ясама терминлар, 

шубҳасиз,  ўзбек  терминлогиясининг  улкан  қисмини  ташкил  этади.  Ясама 

терминлар  морфологик  ва  синтактик  йўл  билан    ҳосил  қилиниши  жиҳатидан 

умумлексикадан фарқланмайди.  

Аффиксация  термин  ясашнинг  энг  маҳсулдор  усули  бўлиб,  бу  усул  ўзбек 

терминлогияси қарор топишининг биз билан юқоридаги босқичларида етакчилик 

қилган.  Фикримизни  қуйидаги  фактик  мисоллар  билан  тасдиқлаймиз. 

Аффиксация усули билан ясалган сифат – терминлар. 

         Маълумки,  от сўз турукумига хос лексик бирликларнинг термин тарзида 

қўлланиши  бўйича  сўз  туркумлари  қаторида  етакчиликка  эгалиги  ҳеч  ким  учун 

янгилик эмас. Шу билан бирга,  илм-фан тилида (яъни мавжуд илмий адабиётда 

қўлланган)  махсус  тушунчаларни  ифодалайдиган  ҳамда  терминологик  номларга 

доир  барча  талабларга  жабоб  берадиган  терминлар  ўрнида  ҳам  феъл  (феълдан 

ясалган  бир  ўзакли    исмлар),  ҳам  сифат,  ҳам  равишларнинг  эркин  ишлатилиши 

мумкинлигини таъкидлаш мақсадга мувофиқ бўлади. 

             Морфологик  усул  билан  ҳосил  қилинган  сифат  –  терминлар  қуйидаги 

икки  гуруҳга  тақсимланади:  1)  исмлардан  ясалган  сифат-терминлар;  2) 

феъллардан ясалган сифат-терминлар. 

1.  Исмлардан сифат-терминларнинг ясалиши 

           -ли аффиксли сўз ясовчи модель  

             Соф  ўзбек  (туркий)ча    -ли  аффиксли  сўз  ясовчи  модель  тубандаги 

маъноли терминларни юзага чиқаради: 

         а) бошланғич асосда номланган эгалик, мажудлик, борликни ифодалайди 

:  заҳарли    (заҳар),  мисли(мис),  шарикли(  шарик),  кислотали  (кислота),  тузли 

(туз), яроқли (яроқ ), фосфорли (фосфор), дуккакли (дуккак ) ва ҳ.к.; 

 б)    дастлабки  асоснинг  предметлик  номини  билдиради:  зарарли  (зарар), 

муддатли  (муддат),  мақсадли  (мақсад),  қимматли  (қиммат),  нуқсонли  (нуқсон), 

фойдали (фойда) ва ҳ.к.;  

 в) нимагадур яроқлиликни билдиради : яроқли(яроқ ), ейимли (ейим),  ейишли 

(ейиш), хавфли (хавф ), ичимли (ичим ) ва ҳ.к.                                      

         – сиз аффиксли сўз ясовчи модель 

           -сиз  аффиксли  сифат-терминлар  –ли  аффиксли  сифат-терминларинг 

антоними, яъни зидди (гильзали-гильзасиз, стволли-стволсиз, мўйнали  – мўйнасиз 

,  газли  –  газсиз,  темирли-темирсиз  ва  ҳ.к.)  бўлиб,  қуйидаги  маъноларни 

ифодалашга хизмат қилади: 

 

65

 

      а)    бошланғич  асос  орқали    ифодаланган  нарсанинг  мавжуд  эмаслиги: 

ишсиз  (  иш),  айбсиз  (айб  ),  гуноҳсиз  (гуноҳ  ),  никоҳсиз  (никоқ  ),  хавфсиз  (хавф), 

далилсиз (далил ), жарангсиз( жаранг ), қуролсиз (қурол) ва ҳ.к.;  

       б)  дастлабки  асоснинг  оз    миқдордалигини  кўрсатади:  жирсиз    (жир  ), 

тузсиз (туз), сувсиз (сув ) ва ҳ.к. 

                            - чан аффиксли сўз ясовчи модель 

      –чан қўшимчали ушбу каммаҳсул модель туб ҳамда феъллардан ясалган от 

туркумли сўзлардан “қатъий равишда намоён бўлувчи фазилат, характер белгиси 

ва    мойиллик”ни  ифодалайдаган  терминларни  ҳосил  қилади  :  яшовчан  (яшов  ), 

ўзгарувчан  (ўзгарув  ),  сезувчан  (сезув),  учувчан  (  кимё.учув),  эрувчан  (эрув  ), 

кўринувчан  (ҳарб.кўринув),  товланувчан  (товланув),  сочилувчан  (физ.сочилув  ), 

эгилувчан (эгилув )  ва ҳ.к. 

                           – чил аффиксли сўз ясовчи модель 

        -чан қўшимчасининг фонетик тури бўлмиш каммаҳсул –чил аффиксли сўз 

ясовчи  бу  модель  бирор  нарсага  бўлган  “мойиллик,  берилганлик”  маъносини 

англатувчи  чегараланган  миқдордаги  терминларни  ясашда  қатнашади:  дардчил 

(дард), изчил (из), халқчил (халқ ), эпчил (эп ) ва ҳ.к. 

                        – симон аффиксли сўз ясовчи модель 

      Мазкур  модель  ҳозирги  ўзбек  тили  зоология  ҳамда  биология  терминлари 

тизимида  ўхшашлик,  бир  хиллик  маъносини  ифодаловчи  нисбатан  салмоқли 

миқдордаги  лексемаларни  ҳосил  қилишда  ўз  ифодасини  топган.    –симон 

аффиксли сифат-терминлар маъно жиҳатидан рус тилидаги иккинчи компоненти 

«...подобный»,  «…образный»,  «видный»  элементларидан  ташкил  топган  қўшма 

сифатларга  мувофиқ  келиб,  бошқа  терминологик  тизмларда  ҳам  фаол 

ишлатилиши  билан  ажралиб  туради:  ивасасимон  (кит),  (кит)  ивасевый;  сейвал), 

одамсимон (одам), тумшуқсимон (тумшуқ), занжирсимон  

( биол.занжир ), қисқичбақасимон ( қисқичбақа), китсимон (кит), кротсимон 

(кўрсичқонлар)  (крот),  ўргимчаксимон  (ўргимчак),  маймунсимон  (маймун  ), 

ишкомсимон (махс.. ( ишком), баргсимон (мед. барг), газсимон (газ), қалқонсимон 

( анат.қалқон ) ва ҳ.к. 

                               – аро сўз - аффиксли сўз ясовчи модель 

              Асл  туркийча  –аро  (“промежуток”)  сўз  -  аффиксли  ушбу  сермаҳсул 

модель  илмий  ва  техникавий  соҳага  хос  терминларни  ясашда  фаол  иштирок 

этади:  :  халқаро  (халқ  ),  қитъалараро  (ҳарб.    қитъа  ),  планеталараро  (планета), 

фанлараро  (фан),  миллатлараро  (миллат),  хўжаликлараро  (хўжалик), 

ҳужайралараро  (биол.  ҳужайра  ),  қобирғалараро  (тиб.қобирға),  турлараро 

(биол.тур ), зоналараро  (зона), банклараро  (банк)  ва ҳ.к.  

                       бе- префиксли сўз ясовчи модель 

 

66

 

        Келиб чиқиши жиҳатидан форс - тожик тилига хос  бе- префиксли ушбу 

каммаҳсул  модель  асосдан  англашилган  сифат,  фазилатнинг  мавжуд  эмаслиги, 

йўқлигини  ифодалайди:  бетараф(  тараф  «сторона»),  бевосита  (ҳарб.  восита  ), 

бегуноҳ (гуноҳ),бехатар(хатар )  ва ҳ.к. 

                    но- префиксли сўз ясовчи модель 

       Форс-тожик  тилидан  анча  барвақт  ўзбек  адабий  тилга  кириб  келган  бе- 

олд  қўшимчали  мазкур  каммаҳсул  модель  иштирокида  инкор  маъносини 

билдирувчи  сифат-терминлар  ясалади:  номамаҳфий  (маҳфий),  ноқонуний 

(«незаконный»,  (қонун),  номаълум  (ҳарб.  маълум),  нодавлат  (давлат),  

нотижорат  (тижорат  ),  ноаниқ  (лингв.аниқ  ),  ночизиқли  (чизиқли  ),  норасмий 

(расмий  ),  ностандарт  (стандарт),  ноконтакт  (контакт),  нобиологик  ( 

биологик ), нокристаллилик (кристаллилик ) ва ҳ.к. 

                   сер- префиксли сўз ясовчи модель 

            Форсча  –  тожикча  сер  –  префиксли  бу  маҳсулдор  модель  от  сўз 

туркумли сўзлардан асосда воқеланган мўл-кўллик маъносини ифодаловчи сифат-

терминларни  юзага  чиқаради:  серсув  (сув  ),  сергўшт  (гўшт),  серёмғир  (  ёмғир), 

сердаромад (даромад), серилдиз (илдиз) , серкепак (кепак), серсут (сут ), сертола 

(тола), серчиқит (чиқит), сермаҳсул  (маҳсул ), серунум (унум ) ва ҳ.к. 

 Сер  –  префиксли  моделнинг  нафақат  соф  ўзбекча  (туркийча)  шунингдек,  

форсча-тожикча, арабча ва Русча-байналминал  лексик бирликлардан ҳам сифат-

терминлар ясашини алоҳида таъкидлаш керак бўлади. 

               кам - префиксоидли сўз ясовчи модель 

        Кам-  ўзбек  тили  грамматикасига  тегишли  баъзи  бир  асарларда  қўшма 

сифатларнинг  биринчи  компоненти  тарзида  баҳоланса,  бошқа  бирларида  эса 

префиксоид сифатида белгиланади. 

        Илмий  терминологияда  анча  маҳсулдор  ҳамда  фаол  ҳисобланувчи  кам- 

префиксоиди  қатнашган  модель  бошланғич  асосдан  англашилган  миқдорнинг 

озлиги маъносини ифодаловчи сифат-терминларни ясайди: камқон (қон), камсут 

(сут),  камсув(сув  ),  камҳосил  (ҳосил  ),  камдаромад  (даромад  ),  камхарж, 

камхаражат  (харж,  харажат),  камқувват  (қувват),  камчиқим  (чиқим), 

каммаҳсул  (маҳсул ) ва ҳ.к.   

              – (в) ий аффиксли сўз ясовчи модель 

      Араб  тилидан  ўзлашган  -  (в)  ий  аффиксли  модель  от  туркумидан  сифат-

терминларни ясаш учун хизмат қилади. 

      -(в)  ий  аффиксли  модель  унли  фонемелар  билан  тугаган  отлардан 

тубандаги  терминларни  ҳосил  қилади:  конституциявий  (конституция),  ядровий 

(ядро),  кимёвий  (кимё),  физикавий  (физика),  маъновий    (маъно  ),    фуқаровий 

 

67

 

(фуқаро ), самовий (само ), коллизиявий  (коллизия) ва ҳ.к. 

      Ундош  фонема  билан  тугаган  отлардан  нисбий  сифат-терминлар  ясайди: 

миқдорий (миқдор ), маъмурий (маъмур ), ҳарбий (ҳарб ), тиббий (тиб(б), қонуний 

(қонун), интизомий ( интизом), иқтисодий  (иқтисод ) ва ҳ.к.  

      -(в)ий  аффикси  қўшилиши  натижасида    –а,  -ат    билан  тугайдиган  арабча 

отлар  ушбу  қўшимчларини  тушириб  қолдиради:  миллий  (миллат  ),  сиёсий 

(сиёсат),  ижтимоий  (ижтимоиёт),  моддий    (  модда  ),  маънавий  (маънавият  ), 

интизомий (интизом ), маърифий ((маърифат ) ва ҳ.к.  

 Юқорида  келтирилган  ашёвий  мисоллар  ўтган  асрнинг  60-йилларида 

каммаҳсул  деб  топилган  –(в)ий  аффиксининг  (Кононов 1960;152)  ҳозирги  вақтга 

келиб нисбатан унумли аффиксга айланганлигидан далолат беради. 

                                Назорат саволлари 

1. Ўзбек тили илмий терминларининг нечта тури мавжуд? 

2. Ўзбек  тили  материаллари  асосида  пайдо  бўлган  терминлар  нечта  гуруҳга 

оид? 

3. Истиқлолдан  кейин  илм-фан  тилининг  тараққиётида  “Давлат  тили 

ҳақида”ги Қонуннинг роли борми? 

4. Тилнинг луғат таркиби қанча мустақил қатламдан ташкил топади? 

5. ХI-ХIV  асрларда  ишлатилган  ИС  терминларнинг  ҳозирги  қардош  туркий 

тилларда қўлланиш даражаси қандай? 

6. Ҳозирги ўзбек тили ҳарбий терминологияси тизимида VII-ХIХ асрларга оид 

истилоҳлар сақланиб қолганми? 

7. Ўзбек тили дипломатик терминологияси тизимида кўҳна сўзларнинг улуши 

қай даражада? 

8. Исмлардан  сифат-терминлар  ясовчи  маҳсулдор  қўшимчалар  хусусида 

мулоҳаза юритинг. 

9. Сифат-термин ясашда ўзлашма қўшимчаларнинг ўрни қай даражада? 

10. 

–(в)ий  қўшимчасининг  ҳозирги  пайтда  термин  ясашдаги  иштирокига 

тўхталинг.