Microsoft Word saylanma abdulla oripov ziyouz com doc
Yüklə 281,28 Kb. Pdf görüntüsü
|
|
www.ziyouz.com kutubxonasi
47 HAR NECHUK... Dunyoda har kimning bor o‘z matlabi, Tuya so‘rab bo‘lmas echkiboqardan. Pismiqdan faylasuf chiqmagan kabi, Haqgo‘y ham chiqmaydi betgachopardan. Kim o‘zar o‘ynasang toshbaqa bilan, Bo‘yningga olursan unga tenglikni. Dunyoning ishlari shunaqa ekan, Har nechuk odat qil fe’li kenglikni. 1987 TURG‘UNBOY Ish axtarib Turg‘unboy Necha kunki sarsondir. Omadining teskari Yurishidan hayrondir. Yo‘qsa, bajo qilingan Barcha tartib-qoida! Hujjatlari bir talay, Propiska joyida. Qayga borsa keling, deb Xushnud qarshi olishar. Lekin suhbat so‘ngida O’ylanishib qolishar. - Afsus, afsus, - deyishar,. Tag‘in bir oz kutgaysiz, Va’da bergan bo‘lsak gar Bizni ma’zur tutgaysiz. Ish axtarib Turg‘unboy Necha kunki sarsondir. Omadining teskari Yurishidan hayrondir. Turg‘unboyga shum taqdir Sira shafqat qilmaydi. Pora beray, der, ammo Usulini bilmaydi. Tik turgancha boshliqqa Shikoyatin so‘zladi. Ko‘rgan-kechirgan barcha Hikoyatin so‘zladi. Saylanma. Abdulla Oripov www.ziyouz.com kutubxonasi 48 Dedi: - Aybim nimadir, Bilolmayin hayronman. Shu mushkulning chorasin Qilolmayin hayronman. Boshliq uzoq o‘yladi, Hujjatlarni varaqlab. So‘ng xazina topganday So‘z boshladi charaqlab: - Hujjatlar-ku joyida, Tuppa-tuzuk jismingiz. Faqat bir gap: bizlarga To‘g‘ri kelmas ismingiz. Afsus, qayta qurishning O’tmabsiz yo‘llarini. Turg‘un ismi eslatar Turg‘unlik yillarini. Turg‘unboyning nogahon Yorishdi o‘ksuk dili. - Bor-yo‘q aybim shumi, - deb, Kalomga keldi tili. Dedi: - Nainki ismim, Olamdan ham tonurman. Ismim Turg‘unboy emas, Mayli, Urg‘unboy bo‘lsin. Urg‘unboyga munosib Vazifani topdilar. Turg‘unlikning yana bir Sahifasin yopdilar. Majlislarda endi u Fursat poylab turadi. Ur, desa bas, Urg‘unboy Duch kelganni uradi. 1987 * * * Bir vaqt boshoq edim, qirlarda o‘sdim, So‘ng yaxlit don bo‘lib qo‘lingga tushdim... Keyin-chi, tashlading tegirmonga sen, Taftingda un bo‘lib turibman, do‘stim. 1987 |