Publications

Nomoddiy (savol-javob, suhbat, hikoya qilish, yod olish kabi so„z orqali 
esga tushiriladigan manbalar) va moddiy (tasvirlanadigan, eshitiladigan, 
audiovizual) vositalar adabiy-nazariy kompetensiyalarni shakllantirishda muhim 
o„rin tutadi. Masalan, qog„ozga, doskaga chizilgan yoki kompyuterda tayyorlangan 
1
Yo„ldoshev Q. Yangilangan pedagogik tafakkur va umumta‟lim maktablarida adabiyot o„qitishning ilmiy-metodik 
asoslari. Ped. fan. dokt... diss.. –Т.: 1997. – 77-78-betlar.
2
Karimov O. Metafora – poetik tafakkur asosi. //Jahon adabiyoti. –T.: 2014, № 8. 188-bet. 

---

40 
slaydlar, chizmalar, diagrammalar, jadvallarni taqdim etish; yozuvchi nutqi, 
muayyan asardan o„qilgan parchalarni magnit tasmalari, kompakt disklardan 
eshittirish; mavzuga oid filmlar, spektakllarni AKT vositasida namoyish etish 
orqali o„quvchilarning ko„rish, tinglash, qabul qilish, xotirada saqlash kabi bilish 
jarayonlari rivojlantiriladi. 
Uzluksiz adabiy ta‟lim tizimida adabiy-nazariy tushunchalarni o„rganishga 
doir metod va usullar badiiy asarning murakkablik darajasiga qarab tanlanadi. 
Jumladan, “Grafik organayzerlar” yuqoridagi talablarni o„zida mujassam etishi 
bilan samarali hisoblanadi.
Grafik organayzerlar – ta‟lim-tarbiya jarayonida bayon qilinayotgan 
fikrlarni ko„rgazmali taqdim etish vositasidir. Adabiy-nazariy tushunchalar 
kompyuterning “MS Word”, “MS Power Point”, “Paint”, “MS Excel” dasturlari 
imkoniyatlari hamda grafik organayzerlardan unumli foydalanib o„quvchilarga 
yetkazilsa, o„quvchilarning axborotlarni qabul qilish, xotirada tiklash, tahlil qilish 
faoliyatiga ijobiy ta‟sir ko„rsatadi. Jumladan, 5-sinfda xalq og„zaki ijodi yuzasidan 
tashkil etiladigan sinfdan tashqari o„qish chog„ida “Klaster” grafik organeyzerlar 
o„zbek folklorining tur va janrlarini o„quvchi tasavvur va idrok etishi uchun qulay 
vositadir.
Uzluksiz ta‟lim tizimida xalq og„zaki ijodi namunalari katta tarbiyaviy 
ahamiyatga ega. Xususan, Tog„ay Murodning ajdodlar badiiy tafakkuri 
sarchashmasi – milliy qadriyatlar, folklor durdonalari bilan ijodiy oziqlantirilgan 
asarlari o„zbek adabiyotida takrorlanmas hodisa bo„lib, originalligi va xalqchilligi 
bilan ajralib turadi. Uning “Yulduzlar mangu yonadi” asari bilan tanishishga 6-sinf 
adabiyot o„quv dasturida uch soat vaqt ajratilgan
1
.
O„quvchilarning yosh va individual xususiyatlaridan kelib chiqib, 9-sinfda 
adibning “Oydinda yurgan odamlar” qissasi yuzasidan mustaqil o„qishni tashkil 
etish orqali qahramonlar xarakteri, millat ruhiyatini yoritishda azaliy udumlar, xalq 
ijodiyoti 
namunalaridan 
unumli 
foydalanganligi 
diqqatga 
sazovorligini 
anglanishiga erishiladi.
Adib asarda ikki qalbning samimiyatga yo„g„rilgan pokiza tuyg„ularini 
O„zbekiston xalq yozuvchisi Said Ahmad munosib baholaganidek, “oydindagi oy 
nuriga o„rab tasvirlaydi”
2
. Muallif farzandsizlik insoniyatning baxtsizligi 
ekanligini asar qahramonlari Qoplon va Oymomo qismatlari misolida talqin etadi.
Qissada boy ma‟naviy meros buloqlaridan suv ichgan, milliy an‟ana va udumlar 
bilan hamnafas ulg„aygan adib shaxsiyatiga xos xususiyatlar yaqqol sezilib turadi. 
Tahlil maqsadi qahramonlar tabiati, ruhiyati va turmush tarziga singdirilgan 
folklor an‟analari tagzaminidagi yashirin hayotiy haqiqatlarni topish va ularga 
munosabat bildirish tarzida belgilanadi. O„qituvchining o„quvchilar e‟tiboriga 
havola qilinayotgan masalalarga reja asosida puxta hozirlanishi topshiriqlar 
oralig„idagi uzviylik va izchillikka xizmat qiladi. 
1
Uzviylashtirilgan davlat ta‟lim standarti va o„quv dasturi. Ona tili. Adabiyot. O„zbek tili. (5-9-sinflar). –T.: 
Yangiyo„l poligraph service, 2010. – 69-bet. 
2
Тоg„ay Мurod. Таnlangan asarlar. I jild. –Т.: Sharq, 2008. –7-bet. Кеyingi ko„chirmalar ham shu nashrdan olingani 
uchun qavs ichida sahifasi ko„rsatiladi. 

---

41 
Tahlil avvalida o„quvchilar diqqati qahramonlar ruhiy olamini tasvirlashda 
unumli foydalanilgan xalq qo„shiqlarining mohiyatini ochishga qaratiladi. Qissa 
syujetida mustahkam o„rin tutgan muhabbat va befarzandlik muammosi kitobning 
ilk sahifalaridanoq o„quvchi qalbiga ham ko„chadi. 
Bosh qahramon Oymomoning farzandsizlikdan chekkan iztiroblari folklor 
asarlariga xos an‟anaviy usulda talqin etilishi qissa ta‟sirchanligini ta‟minlagan 
omillardan biridir. Tirnoqqa zorligi tufayli chekkan azoblari Oymomoni es-
hushidan ayirgan. Dunyodan benasl o„tib ketish qayg„usi uning qalbini kemirib, 
beadad qiynoqlarga soladi. Dard-alamlarini kimgadir ezilib-ezilib aytgisi, shu yo„l 
bilan yuragini bo„shatgisi keladi. Asarda tilga olingan xalq qo„shiqlari aynan uning 
ana shu ruhiyatiga yaqin va hamohangdir.
Umumiy o„rta ta‟lim maktablari 6-sinfida “Xalq qo„shiqlari” mavzusini 
o„rganishga bag„ishlangan mashg„ulotlar jarayonida ham aynan qissadagi 
qo„shiqlarga murojaat qilish orqali bu turning xalqimiz hayotida muhim o„rin 
tutganini anglashlari mumkin bo„ladi.
Ma‟lumki, sog„im qo„shiqlari turkumiga mansub “Turey-turey”lar zamirida 
sovliqni iydirish uchun uni “esli molim”, “elkamdagi kokilim”, hatto, “bog„da 
ochilgan gulim” kabi sifatlar bilan madh etib, erkalatish ohanglari yetakchilik 
qiladi. Qimmatbaho terisi uchun qorako„lchilikda qo„zisi barraligidayoq so„yilgan 
ona qo„yni sog„ish vaqtida aytiladigan qo„shiqlarda esa unga xayrixohlik, 
hamdardlik bildirish, achinish tuyg„ulari ifodalanadi.
Sovdi bo„lib sovdirgin, turey-turey, 
Sovsa kadi to„ldirgin, turey-turey. 
Buncha kuyma, jonivor, turey-turey. 
Taqdiringni ko„ndirgin, turey-turey
1
. 
Qissada adibning aynan shu mazmundagi qo„shiqqa murojaati boisini (282-
bet), avvalo, chorvachilik Surxon vohasi kishilari hayotining ajralmas qismi 
ekanligini ko„rsatish; ikkinchidan momo yuragini tub-tubidan yemirib borayotgan 
farzandsizlik azoblarini yoritish tarzida izohlash mumkin. 
Oymomoning yillar davomida qalbini o„rtab kelayotgan dardlarini 
odamlarga emas, tilsiz jonzotlarga to„kib solishida ramziy ma‟no mujassam. 
Parchadagi taskin ohangidagi “buncha kuyma”, “taqdiringni ko„ndirgin” iboralari 
momoning qo„shiq kuylash bilan nafaqat sovliqni tinchlantirib, ko„proq sut sog„ib 
olishga, balki taqdirga tan berib, o„zini ovutishga uringani o„quvchini befarq 
qoldirmaydi . 
So„ngra o„quvchilar faoliyati bolalar folklorining betakror javohiri – 
hayotbaxsh allalar zamiridagi ma‟nolar nozikligi, qahramonning botiniy 
kechinmalarini ilg„ashga yo„naltiriladi. Go„daklarni yupatib, uxlatish maqsadida 
ijro etiladigan allalarda onaning farzandi kamolini ko„rish haqidagi yuksak orzu-
umidlari, tuganmas mehr-muhabbati qatori qayg„u-alamlari va armonlari ham 
1
Boychechak. Bоlalar folklori. Меhnat qo„shiqlari. –Т.: G„afur G„ulom nomidagi Adabiyot va san‟at nashriyoti, 
1984. –298-bet. 

---

42 
tarannum etilishi Oymomoning dard-hasratlarga to„la ichki dunyosini tasvirlashda 
qo„l kelgan. Ayollarning “shaxsiy hayotdagi baxti yoki fojealarining”
1
ning 
betakror ifodasi bo„lgan allalar asarda qahramonlarning ruhiy olamiga chuqur 
nazar tashlash imkonini beradi. Qo„shni go„dakning jannat iforlariga qiyoslangan 
tarovatidan totingan momo beixtiyor xazin va mungli qo„shiq xirgoyi qiladi: 
Alla-alla, ahdi bor-a, alla-yo, alla-yo, 
Uyquning ham vaqti bor-a, alla-yo, alla-yo, 
Alla aytgan enangni-yo, alla-yo, alla-yo, 
Qop-qoraygan baxti bor-a, alla-yo, alla-yo. (336-b) 
Shu o„rinda tahlil ishtirokchilari “baxt” tushunchasining qora rangda 
ifodalanishi sabablari ustida izlanishlari zarur bo„ladi. Asar mutolaasi yuzasidan 
xulosalar va hayotiy kuzatishlarga tayanib beriladigan javoblardan onalik Tangri 
taoloning ayol zotiga benazir inoyati, bu ne‟matdan bebahralik esa baxtiqarolik, 
baxtsizlikdir degan xulosaga kelinadi.
Mazkur satlardan o„quvchilar ko„z o„ngida qahramonning kamsitishlar, 
mulzam qilishlar, ta‟na-malomatlardan ozurda ko„nglida kechgan nolalar 
jonlanadi. Nadomat to„la mungli misralar hatto dunyodan ko„z yumar chog„i ham 
farzand ko„rish ishtiyoqi bir zumga-da so„nmagan mushtipar ayolning ruhiy 
holatidan ogoh etadi.
Oymomo qo„shiqning mo„jizaviy ohanglari ta‟sirida umrining so„nggi 
lahzalarida bo„lsa ham onalik saodatini tuyadi. Hamsoyasining beshikdagi yosh 
bolasini erkalatib, allalagan momoning ko„ksiga sut keladi va jon beradi. Asarda 
qo„shiqdan nainki qahramon hissiyotlarini yuzaga chiqarish vositasi, balki ma‟lum 
ma‟noda armonlari ijobati sifatida foydalanilganligini qayd etish joiz.
Tahlilning navbatdagi bosqichida boqiy dunyoga rihlat qilgan momoning 
vidolashuv marosimidagi yig„i-yo„qlovlar ma‟nolari izohlashga o„tiladi.
“Yosh-yalanglar momomlab-momomlab yig„ladi: 
Osmondagi qirq yulduz 
Qiyalab ketadi botgani. 
Voy momom-ovv, momom-ovv!.. (338-bet) 
Yoshi qaytmishlar onamlab-onamlab yig„ladi: 
Hovlimizning tolini 
Tobut bo„lsin debmidik? 
Voy enam-ovv, enam-ovv!..” (339-bet) 
Marsiyaning birinchi bandida inson umrining poyoniga yetishi majoziy 
obrazlarda yulduzlarning botishiga muqoyasa qilinadi. Binobarin, “Marsiyaning 
1
Jahongirov G„. O„zbek bolalar folklori. –Т.: O„qituvchi, 1975. – 18-bet. 

---

43 
asosiy vazifasi hayotdan ko„z yumgan shaxsning butun fazilatlarini esga olib, ro„y 
bergan musibatga munosabat bildirishdir”
1
.
Ma‟lumki, o„zbek folklorida daraxt totemi bilan bog„liq turli mifologik 
qarashlar mavjud. Jumladan, o„zbeklarning dafn marosimida marhumni so„nggi 
yo„lga kuzatishga otlangan jigargo„shalari toldan tayyorlangan hassalarga 
tayanishadi. Hassakashlarning novdalarni qabr atrofiga ekib qaytishlari zamirida 
kishi vafot etgach, uning joni hassa orqali daraxtga ko„chadi, degan ishonch 
bo„lgan. D.Gadoyevaning tadqiqotlarida mazkur odat “ruhning abadiyligi, ya‟ni 
kishi ruhining daraxt sifatida yashashni davom ettirishi bilan bog„liq e‟tiqodlarni 
o„zida ifoda etishi”
2
tarzida qayd etiladi
Daraxt bilan aloqador totemlar yuzasidan ma‟lumot berish barobarida 
o„quvchilar e‟tiborini ikkinchi bandda tol novdalarining yaxshi kunlarga emas, 
balki so„nggi manzilga eltuvchi “yog„och ot” bo„lishga yaraganidan afsuslanish 
ohanglari yetakchilik qilishiga qaratmoq joiz. Zero, mevasiz daraxt bo„lgan toldan 
tabiatni yashnatish, soyasida dam olib, hordiq chiqarish, ro„zg„or anjomlari yasash 
kabi ezgu maqsadlar yo„lida foydalanilish, shuningdek, og„ir damlarda yaqinidan 
ayrilgan kishilarga suyanchiq va hamrohlikka yaraganidan uni musulmonlar 
muqaddas deb bilishlarining ramziy ma‟nosini ham izohlash mumkin bo„ladi. 
Ta‟kidlash o„rinliki, garchi ayol dunyodan zurriyodsiz o„tgan bo„lsa-da, 
qishloq ahlining biri “onamlab”, boshqasi “opamlab”, “xolamlab”, “ammamlab” 
ko„z yosh to„kishlarida o„zbek xalqi mentalitetiga xos odamiylik xususiyatlari, 
bobo musibatiga yelkadosh bo„lishga intilishlarida millat ma‟naviyati namoyon 
bo„ladi.
Tog„ay Murodning san‟atkorlik mahorati har bir personajga xos 
xususiyatlarni xalq maqollari, hikmatli so„zlari (paremalar) zimmasiga yuklay 
bilishida ham ko„zga tashlanadi. Qissa sahifalarini bezagan “Aslini bilmay, so„z 
demaslar, naslini bilmay, qiz bermaslar”, “Ko„ngling bilan eshit – quloq aldaydi, 
aqling bilan ko„r – ko„z aldaydi”, “Qozon to„la osh bo„lsin, yostiq to„la bosh 
bo„lsin”, “O„z uyim – o„lan to„shagim”, “Elakka bormish ayolning ellik og„iz gapi 
bor”, “Etni tirnoqdan ayirib bo„lmaydi”, “Og„zingdan chiqib, yoqangga 
yopishsin”, “Ichini it tirnaydi”, “Qildan qiyiq axtaradi” kabi maqol, matal va 
iboralar asarning falsafiyligini kuchaytirishga, hayotiyligini oshirishga xizmat 
qiluvchi vositalardandir.
Adibning paremalarni qo„llashdan maqsadi nafaqat qahramonlar fe‟l-atvorini 
ko„rsatish, balki o„zgalarning ular bilan munosabatlarini yoritishga yordam 
berganligini ta‟kidlash mumkin. Jumladan, “Parema, paremiya (yun. paroimia – 
masal, ramzli hikoya) ma‟lum bir tildagi avloddan avlodga og„zaki shaklda ko„chib 
yuruvchi, ixcham va sodda, qisqa va mazmundor, mantiqiy umumlashma sifatida 
paydo bo„lgan turg„un ibora, maqol, matal”
3
.
Tahlil davomida o„quvchilar Qimmat momo toifasidagi o„zgalar diliga ozor 
berishdan huzurlanib, rohatlanadigan toshbag„ir va andishasiz kimsalar tabiatini 
1
Маdayev О., Sobitova Т. Хаlq og„zaki poetik ijodi. –Т.: Sharq, 2010. – 94-bet.
2
Gadoyeva D. Daraxt bilan bog„liq totemistik qarashlar. //O„zbek tili va adabiyoti. –Т.: 2012, №2. – 39-bet. 
3
O„zbek tilining izohli lug„ati. 5 jildli. 3-jild. –Т.: “O„zbekiston milliy ensiklopediyasi” Davlat ilmiy nashriyoti, 
2007. – 222-bet. 

---

44 
baholashda “Yomondan qoch-da qutul, yo, tonda qutul”, “Balchiqqa tosh otsang, 
betingga sachraydi”, “Bedana tezotar bo„lsa, o„z boshini o„zi yoradi” qabilidagi 
maqol va iboralarga munosabat bildiradilar.
Muallif Oymomoga hamdard va xayrixoh insonlar ma‟naviy qiyofasini 
o„ziga xos purma‟no maqol va matallar vositasida ochib berishning uddasidan 
chiqqan. Masalan, Barchin xolaning dugonasi qalbida umid uchqunlarini yoqishga 
intilishlari, armonlari ushalishga ishonch tuyg„ularini uyg„otishi, Qimmat momo 
yanglig„ ayrim g„alamislarning fisq-u fasodlari o„tkinchiligi uning nutqidagi “Bir 
qishning bir yozi bo„ladi, qarg„aning qag„illagani qoladi, Oymomo do„stim!” (290-
bet) tarzidagi dalda va tasallilarida namoyon bo„ladi. 
Ota-onasining farzandi kelajagi haqida qayg„urishi, el-yurt oldidagi obro„sini 
o„ylab xatti-harakatlar qilishi ularning fikrini sayqallab, qissadan hissa chiqarishga 
undovchi maqol va iboralarda o„z aksini topadi. Qoplonga: “ – Sen qatorilar bolali 
bo„ldi, – dedi otasi. – O„g„li borning o„zi bor, qizi borning izi bor. – Umr o„tayapti. 
Bo„laringda bo„lib o„t, bo„z yo„rg„aday yelib o„t” (244-bet). 
Ko„rinadiki, asarda paremalar vositasida nutq qisqa, lo„nda va ixcham 
bo„lishiga erishilgan. 
Yozuvchi folklordan samarali foydalanganligini Qoplonning ezgulik va 
hojatbarorlik timsoli Xizr alayhissalom bilan uchrashishi lavhasi yana bir bor 
tasdiqlaydi. Boboning “ – Izidan o„g„il qoldirib, otasi uchun motam tuttirmagan 
erkak, erkak bo„ptimi! Orqasidan qiz qoldirib, enasi uchun qora kiydirib, aza 
ochdirmagan ayol, ayol bo„ptimi!” degan o„tinchlari qatiga er kishining or-nomusi, 
sha‟ni va g„ururi jo bo„lgan. 
Quyidagi iltijolari uning ayoliga bo„lgan cheksiz muhabbati, ardog„ini 
ko„zgu misol jonlantiradi: “Menga rahmingiz kelmasa-da, enasiga rahmingiz 
kelsin, hazrati Xizr bovajonim! Poshikasta kuyib-kuyib adoyi tamom bo„ldi, o„lik 
bo„lib go„rda yo„q, tirik bo„lib to„rda yo„q, hazrati Xizr bovajonim!..” (308-bet). 
Asarda So„fi Olloyor hazratlari, Navro„z ayyomi, sumalak pishirish 
marosimi bilan bog„liq rivoyat va afsonalar salmoqli o„rin egallaydi. Navro„z 
sayliga aloqador Muqaddas Buqa haqidagi rivoyat tahlili o„quvchilarni mehnatkash 
xalqning yuksak orzu-umidlari, tasavvurlari, ishonch-e‟tiqodlaridan xabardor 
qiladi. 
Qissada xalq og„zaki ijodiga mansub topishmoqlar ham ma‟lum bir maqsad 
bilan keltirilib, ular qahramonlar ma‟naviyati boyligini ko„rsatishga xizmat qilgan. 
“Kichkina qozonning oshi shirin” (yong„oq), “Bukri momom buk etdi, yugurib 
uyiga kirib ketdi” (sichqon), “Anavi tog„dan qaragan, manavi tog„dan qaragan, 
o„zimga yarashar deb balxi ro„mol o„ragan” (buzoqboshi), “Aka-uka yashaydi, bir-
birini ko„rmaydi” (ko„z), “Chin qushim, chinni qushim, chin tepaga qo„ndi 
qushim, og„zidan bol uzatib, xalqqa salom berdi qushim” (samovar), “Tog„ni 
talaydi” (bolta), “It emas, irillamas, odam emas, uyga qo„ymas” (qulf), 
“Uydamisan, marjon, eshikdamisan, marjon, oyoq-qo„ling ko„rinmas, qulfdamisan, 
marjon” (o„tov uyi bog„ichi), “Tuzi yo„q oshni ko„rdim” (sumalak) (271-272-
betlar) kabi rang-barang mavzudagi topishmoqlar asarning qiziqarliligi, 
o„qishliligini ta‟minlab, jozibadorlik baxsh etgan. 

---

45 
Mavsumiy marosimlar bilan uyg„unlikda ishlatilgan topishmoqlar Surxon 
vohasi ayollarining aql-u zakosi, so„zga shaydolik hissi haqida o„quvchida 
tasavvur uyg„otadi. Masalan, sumalak pishirish marosimida gurunglashib 
topishmoqlar aytish lavhasi tahlil ishtirokchilarini Barchin vorislarining ta‟bi 
nazmi, hozirjavobligi, topqirligi, zehni, did-farosati kabi xususiyatlaridan voqif 
etadi. 
“El og„zida yurmish topishmoqlardan aytish boshlandi. 
Aytishuvni Xoldon momo boshlab berdi. 
– Men aytsam, uzun-uzun o„z ketdi, uzun bo„ylik qiz ketdi – qasavasi 
qarsillab, manglayi erga tarsillab. Bu nima?” (271-bet) 
Topishmoqning javobidan o„quvchilarga o„zbek ayollari orasida keng 
tarqalgan o„rmak o„rish – sholcha yoki gilam to„qishga xos mehnat jarayoni badiiy 
gavdalantirilganligi ma‟lum bo„ladi.
Xulosa qilish mumkinki, kitobxon “Oydinda yurgan odamlar” qissasi 
tasvirida keltirilgan xalq og„zaki ijodi namunalari misolida ajdodlari tomonidan 
yaratib qoldirgan boy ma‟naviy merosdan cheksiz bahra oladi, badiiy-estetik 
tafakkurlari yuksaladi. 
Sinflar yuqorilagan sari nazariyaga oid tushunchalar mazmunan
murakkablashib boradi. Jumladan, 7-sinfda roman turlari, 8-sinfda roman 
shakllari, 9-sinfda roman janri, she‟riy romanlar haqidagi ma‟lumotlarni 
o„rganishda soddadan murakkabga tamoyili talablari o„z aksini topadi. Shunga 
ko„ra mashg„ulotlarda grafik organayzerlardan mavzuni yoritishdagi imkoniyati, 
o„quvchining yosh va individual xususiyatlari, qiziqishlarini e‟tiborga olib qo„llash 
maqsadga muvofiq. 
Tarixiy, falsafiy, siyosiy, maishiy, biografik, fantastik, detektiv kabi mavzu 
yo„nalishlarida yaratilishi; nasriy va she‟riy turlarga bo„linishi; necha kitobdan 
iboratligi nazarda tutilib dilogiya, trilogiya, tetralogiya, pentalogiya, epopeya kabi 
nomlar bilan tavsiflanishiga oid grafik organayzerlar roman haqidagi nazariy 
bilimlarni mustahkamlashga xizmat qiladi.
Umumiy o„rta ta‟lim maktablarining 9-sinfida A.Oripovning “Sohibqiron” 
dramasidan parchalar o„rganilishi jarayonida Muhammad Alining “Ulug„ saltanat” 
romani tarixiy mavzuda yaratilgan tetralogiyaga misol qilinib, asarni mustaqil 
o„qishga tavsiya qilish mumkin. Shu yo„l bilan o„quvchilarga milliy 
davlatchiligimiz asoschisi Amir Temurning nafaqat davlatni boshqarish salohiyati, 
balki ma‟naviy qiyofasi bilan to„liq tanishishga imkoniyat yaratiladi. A.Oripov 
dramasida sarkardani o„y-xayollar girdobida uchratgan o„quvchi “Ulug„ 
saltanat”da uning xarakteri qirralarini yarq etib ochuvchi shaxsiy hayotidagi turfa 
voqea-hodisalarning ham guvohi bo„ladi. 
“Tahlilning mohiyati shundaki, u o„quvchini asar mazmuniga chuqurroq 
kirib borishga, shu maqsad bilan uni qayta o„qib chiqishga undaydi, yozuvchining 
shoirona fikrida qanday mantiq borligini, obrazlarning mantiqiy aloqadorligini, 

---

46 
voqea-hodisalarning, qahramonlarning hayotga nechog„lik yaqinligini anglashga 
ko„maklashadi”
1
.
Asarga ilova tarzda she‟rlar, doston, tarixiy romandan parchalar, esselar, 
publitsistik maqolalardan iborat “Oshiq bo„lmay, Haq diydorin ko„rsa bo„lmas”, 
“Amir Temur chamani” kitoblarini mutolaaga tavsiya qilish ham Amir Temur va 
temuriylar davriga oid qimmatli ma‟lumotlarga hamda asar muallifining 
Sohibqiron siymosini yaratish borasidagi ko„p yillik izlanishlariga qiziqtirish 
imkoni tug„iladi. Jumladan, mazkur kitoblarni o„qish chog„ida jahon adabiyotida 
Amir Temur haqida yaratilgan asarlar va ular saqlanayotgan mashhur 
kutubxonalar; Buyuk Britaniya qirollik Shekspir teatri to„rt yuz yildan buyon o„z 
mavsumini Kristofor Marloning “Buyuk Amir Temur” (1587) tarixiy pyesasi bilan 
boshlashi ingliz xalqining bobomiz shaxsiga ehtiromlari ramzi ekanligi bilan 
tanishadilar.
Asar o„quvchilar tomonidan to„lig„icha mutolaa qilinganiga ishonch hosil 
qilinganidan so„ng tahlilga bag„ishlangan sinfdan tashqari o„qish mashg„uloti 
tashkil qilinadi. Tahlilda o„quvchilar e‟tibori tarixiy romanlarga xos quyidagi 
xususiyatlarga qaratilishi zarur bo„ladi: 
1) asarning ob‟ekti sifatida xalq va jamiyat hayotida eng muhim sanalgan 
davrlar, voqealar va ko„zga ko„ringan shaxslar hayoti olinishi;
2) tasvirlanayotgan davr va undagi voqealar, tarixiy shaxslarga nisbatan 
yozuvchi ilmiy-estetik konsepsiyasining bo„rtib turishi lozimligi, davr ijtimoiy-
siyosiy xarakteristikasini yaratish;
3) yozuvchi bilan tasvir ob‟ekti o„rtasida jamiyat taraqqiyotining muhim 
bosqichlari bilan izohlanuvchi davriy masofaning mavjud bo„lishi;
4) tasvirlanayotgan voqealar va shaxslar hayotining chuqur badiiy tadqiq 
etilishi, tarixiy haqiqatning badiiy haqiqatga o„sib chiqishi shart ekanligi
2
. 
Mashg„ulotda adabiy qahramonlar kechinmalarini his qilishlari uchun 
o„quvchilar tasavvurida Amir Temur davri ruhini jonlantirish ham muhim
hisoblanadi. Buning uchun axborot kommunikatsiya texnologiyalari vositalari 
yordamida oldindan tayyorlangan Sohibqiron va uning avlodlari davrida bunyod 
ettirilgan me‟moriy obidalar tasvirlari, asarning muayyan bobidan o„qilgan 
parchalarni magnit tasmasidan qo„yib eshittirish yoki u haqda yaratilgan filmlardan 
lavhalar namoyish qilish mumkin. Masalan, o„quvchilar xayolot olamida olis 
zamonlar voqea-hodisalarini gavdalantirish uchun quyidagi parcha o„zbek xalq 
kuylaridan biri uyg„unligida o„qib eshittiriladi: 
“Navro„zi ayyom arafasida o„ttiz to„rt yoshli Temurbekning qo„shini 
Jayxundan o„tib, Balxdan uzoq bo„lmagan Bo„yyo deb atalgan mavzeda chodir 
tikdi. Tarix hijriy 771-yil kirib kelmoqda edi. Har Navro„z bayramini dilkash Kesh 
yurtida xesh-aqrabolar bilan o„tkazishni xush ko„radigan Temurbekning odatini 
tark qilib, safarga otlanishiga yetarli asoslar bor edi...”.
3 
1
Niyozmetova R.H. Uzluksiz ta‟lim tizimida o„zbek adabiyotini o„rganish metodikasi. –Т.: Fan, 2007. – 141-142-
betlar.
2
Каttabekov А. Таrixiy roman xususida bahslar. O„zbek adabiy tanqidi. –Т.: “TURON-IQBOL”, 2011. –290-bet. 
3
Мuhammad Аli. Ulug„ saltanat. Birinchi kitob. Jahongir Mirzo. –Т.: Sharq, 2003. – 3-bet.

---

47 
Amir Temurga piri Mir Sayyid Baraka tomonidan hokimiyat timsoli bo„lgan 
nog„ora va bayroqning topshirilishi kabi hayajonli lavhalarni nay navolari 
jo„rligida og„zaki hikoyalash usuli ham tahlil ta‟sirchanligiga xizmat qiladi.
Tahlil avvalida o„quvchilarga savollar berilib, ularning asar mazmunini 
qanchalik ilg„aganliklari aniqlanadi. Masalan, Muhammad Ali “Ulug„ saltanat” 
romanida Sohibqiron timsoliga qaysi jihatdan yondashgan, degan savol bilan 
murojaat qilish o„rinli bo„ladi.
Amir Temur – murakkab tarixiy shaxs. Shuning uchun folklor 
asarlaridagina emas, balki yozma adabiyotda ham bu ulug„ zot siymosiga turli 
jihatdan yondashilganini kuzatish mumkin. Shunisi e‟tiborliki, har bir ijodkor Amir 
Temur obraziga o„z tushunchasi, dunyoqarashi va qiziqishi nuqtai nazaridan baho 
beradi. Jumladan, B.Ahmedov “Amir Temur” (1994) asarida tarixiy faktlar orqali 
buyuk sarkarda timsolini yaratishga jazm etgan bo„lsa, Fitrat (“Temur sag„anasi”. 
1918), P.Qodirov (“Ona lochin vidosi”. 1996), A.Oripov (“Sohibqiron”. 1996), 
X.Davron (“Samarqand xayoli”. 1991) lar ko„proq badiiy tarzda gavdalantirishga 
harakat qilganligi ko„rinadi. Chet el adiblaridan esa angliyalik Hilda Hukhemning 
“Yetti iqlim sultoni” qissasida sarkarda hayoti va faoliyati tarixiy manbalar asosida 
ilmiy yoritilganini kuzatish mumkin.
Sir emaski, sarkarda hali hayotlik chog„idanoq uning shaxsi, harbiy 
yurishlari, davlatni boshqarish usullari dunyo xalqlarini qiziqtirib kelgan. Shu bois 
jahon va qardosh xalqlar adabiyotida ham Amir Temur obrazining munosib o„rni 
bor. Masalan, amerikalik Edgar Poning “Buyuk Temur” (1827) poemasi, olmon 
adibi Iogann Bolfgang Gyotening “Temurnoma” (“G„arbu Sharq devoni” asarining 
bitta fasli),
Abdulloh
Fotihiyning “Temurnoma”, (forsiy tildagi “Xamsa” asarining 
beshinchi dostoni),
ozarbayjon adiblari Mammad Said O„rduboyning “Temur va 
Yildirim Boyazid” (1916), Husayn Jovidning “Amir Temur” (1924) dramalarida 
esa turkiy xalqlarni birlashtirishga harakat qilgan fotih sifatida talqin etiladi. 
Amir Temur obrazi hatto G„arb san‟atshunoslari diqqat markazida 
bo„lganligini nemis kompozitori Georg Gendelning 1724-yilda yaratgan operasi 
yoki bugungi kunda o„zbek musiqashunoslari tomonidan ilk bor o„rganilgan 
italyan bastakori Franchesko Gasparinining “Temur” (“Tamerlano” 1717-y.) 
musiqiy asari ham dalolat beradi
1
.
Xorijda Amir Temur shaxsini o„rganish yuzasidan ilmiy izlanishlar davom 
etayotganligini fransuz olimi Lyus‟en Kerenning 2006-yilda nashr ettirgan 
“Samarqandga, Amir Temur davriga sayohat” tadqiqoti misolida ham guvohi 
bo„lish mumkin.
“Badiiy asarni u yaratilgan davr voqeligiga bog„lab qo„yishlik unga noijodiy 
yondashishning natijasidir. Holbuki, badiiy kommunikatsiyaning yakunlovchi 
bosqichi – asarning o„qilishi va uqilishi ham tom ma‟nodagi ijodiy jarayondir. 
O„quvchining diqqat-e‟tibori asar badiiy voqeligining real voqelikka nechog„li 
mosligiga emas, uning zamiridagi MA‟NOga qaratilishi lozim. O„quvchi o„z 
voqeligidan kechib badiiy asar voqeligida to„laqonli yashasagina ijod onlarida 
san‟atkorga ruhan yaqinlashadi, shundagina o„sha san‟atkor MA‟NO vositasida 
1
Tursunova R. 9-aprel – Amir Temur tavallud topgan kun. //Jahon adabiyoti. –T. 2014, №4. 202-bet.

---

48 
anglagan olamu odam mohiyati unga ochilishi mumkin bo„ladi. MA‟NOning 
“skeleti” bo„lmish mohiyat o„zgarmas tabiatga egadirki, uning vositasida o„quvchi 
o„z zamonasini, zamondoshlarini, o„zini teranroq idrok etadi ”
1
.
Bugun matbuot sahifalarida olimlarning tetralogiyada Sohibqironning 
Turkiston zamini vatanparvar o„g„loni, qudratli saltanat bunyodkori sifatidagi 
xususiyatlari badiiy to„qimalar bilan yanada boyitilgan holda asosiy e‟tibor 
qismatidagi qayg„uli va quvonchli kunlarga qaratilganiga, suronlar to„la jang-u 
jadallaridan ham ko„ra ko„proq oilasi, yaqin kishilari davrasida kechgan umr 
sahifalari tasvirlanishiga oid chiqishlari kuzatilmoqda
2
.
Adabiyotshunos I.Yoqubov esa mutaxassislarning masalaga faqat shu nuqtai 
nazardan yondashishlarini to„liq oqlamaydi. Uning fikricha, bu xildagi qarashlar 
yozuvchi ko„zlagan maqsad ko„lamini ancha toraytirib, asar falsafasiga putur 
yetkazishi mumkin. Bu boradagi da‟volar ma‟lum darajada o„rinlidir. Albatta, tarix 
zarvaraqlarida Amir Temur nomi tarqoq ellarni birlashtirgan muzaffar, 
markazlashgan davlat asoschisi sifatida abadiyatga muhrlangan. Biroq sarkarda 
tetralogiyada “… azbaroyi saltanat ilinjida oilaga bo„lgan mehr va ardog„ini ongli 
tarzda jilovlashga intilgan inson sifatida”
3
gavdalantirilgan qabilidagi xulosalari 
munozara talabdir. 
Masalaga yozuvchining quyidagi fikrlariga murojaat qilish orqali aniqlik 
kiritish mumkin:
“ – Asarda iloji boricha Amir Temurning oilaviy hayotini yoritishga harakat 
qilingan. Maqsad millatning otasi haqida – uning ibratli insoniy fazilatlari, namuna 
bo„lgulik hayoti lavhalarini o„quvchiga yetkazish. Axir dunyoda sarkardalar, davlat 
arboblari kam o„tganmi, nega hanuz Amir Temur shaxsi barcha zamonlar va 
xalqlarni hayratga solib keladi, dersiz. Bizning bobomiz jahongirligidan tashqari 
Buyuk Inson degan tushuncha-mezonga to„la javob bera olgan siymodir… Men 
asarimda sohibqiron bobomiz siymosini o„quvchiga yanada yaqinlashtirish 
yo„lidan bordim”
4
. 
Mashg„ulotda Amir Temurga, avvalo, tarixiy shaxs, tirik inson nuqtai 
nazaridan yondashilishi maqsadga muvofiq. Tahlilda o„quvchi qahramonni jonidan 
ortiq suygan farzandlari tarbiyasiga jiddiy e‟tibor qaratgan padari buzrukvor 
sifatida tasavvur qilishi zarur. Otadan ibrat olgan o„g„illarning kelajakda qat‟iyatli, 
mard, jasur va halol yigitlar bo„lib kamol topishi lavhalari bugungi kun yoshlari 
uchun o„ziga xos maktab vazifasini o„tashi, tabiiy. 
Kichik malika Sulton Baxt begimni kamon otish, qilich ushlash hunarlariga 
o„rgatishi, zarur bo„lganda janglarda qatnashishiga izn berganligi sarkardaning 
xotin-qizlarga nisbatan ishonchini, ayollarga ojiza sifatida qaramaganligini 
isbotlaydi. Bu haqda “Yetti iqlim sultoni” asarida ham qator qiziqarli faktlar 
uchraydi. Muallif qissada tarixchi Arabshohning ko„chmanchi ayollarga xos 
jangovar ruhi haqidagi hikoyasini keltirishi ham bejiz emas: “Temurning 
1
Quronov D. “Аdabiyot nadir” yoki Cho„lponning mangu savoli. Adabiy-tanqidiy maqolalar. –Т.: “Zarqalam”, 
2006. – 38-39-betlar. 
2
Hazratqulov J. Аdibning muhtasham “Ulug„saltanat”i. //Sharq yulduzi. –Т.: 2013, №2. – 170-bet.
3
Yoqubov I. Umummilliy dardlar zalvori. //Yoshlik. 2015, №1. – 62-bet. 
4
Muhammad Ali. Amir Temur chamani. –T.: O„zbekiston, 2009. – 157-158-betlar. 

---

49 
lashkaridagi ayollar ham erlaridan qolishmasdi. Ular jangu jadal avjiga chiqqan 
paytda maydonga tushishar, nayza, shamshir va kamonni mohirona ishga solib, 
dushmanning ne-ne zo„r yigitlarini mag„lub etishardi” 
1
. 
Qizlarining kamoli yo„lidagi kuyunchaklik Temurbek hayotida alohida o„rin 
tutadi. Ayniqsa, to„ng„ich qizi Oqa Begi xonimni yer-u ko„kka ishonmasdan, 
safarlardan qaytgan zahotiyoq darhol yo„qlatishi ota qalbidagi cheksiz mehrning 
in‟ikosidir. Qizini o„ziga munosib oilaga uzatgan sarkardaning xursandchiligi 
uzoqqa cho„zilmaydi. Bedavo dardga chalingan malikaning padari buzrukvorini
anduhlarga ko„mib ketishi kabi achinarli lavhalar, albatta, o„quvchilarni befarq 
qoldirmaydi. 
Otani Sulton Baxt begimning oilasidagi kelishmovchiliklar ham jiddiy 
tashvishlantiradi. O„quvchilar kuyovdan yolchimagan kelinchakning bir necha bor 
arz qilib kelganida ro„zg„orda mayda-chuyda gap-so„zlar o„tishini aytib, qizini 
tinchlantirishi kabi xatti-harakatlarini Amir Temurning oilani muqaddas
bilganligidan, deb baholashlariga erishish zarur. Garchi ichidan kuyovi Xuttalon 
hokimi Muhammad Mirakning nobop xatti-harakatlaridan norozi bo„lsa ham
qiziga otalarcha pand-nasihatlar qilib, uyiga qaytarib yuborishi tasvirlari zamirida 
hukmdor uchun oila mustahkamligi va osoyishtaligi har narsadan ustunligi g„oyasi 
mujassamdir. 
Sohibqiron avlodining davomchilari sog„lom bo„lishi uchun o„g„il uylantirib, 
qiz uzatayotganda nasl tozaligiga jiddiy e‟tibor qaratganligi masalasini bugungi 
kunga bog„lab talqin qilish muhim ahamiyat kasb etadi. Zero, yosh avlod ma‟naviy 
va jismoniy barkamolligi muammosi barcha davrlarda ham dolzarb sanalgan. 
Hukmdor to„ng„ich shahzoda Jahongir Mirzoning Xorazm malikasi Xonzoda 
xonimni jufti halollikka tanlaganidan mamnunligini yashirmasligi sabablarini ham 
aynan shu omillarga bog„lab izohlash tahlildan kutilgan natijalarni beradi.
Mashg„ulotda o„quvchilarni asar qahramonlarining o„zaro munosabatlariga 
qiziqtirish zarur. “Bonuyi kubro” deya ulug„langan egachisi Qutlug„ Turkon oqa 
Temurbekning eng yaqin sirdoshi va maslahatgo„yi. Uning ruhan qo„llab-
quvvatlashlari mushkul muammolar girdobida qolgan sarkardaning hayotga 
bo„lgan qarashlarini o„zgartiradi. Opa-uka o„rtasidagi oqibat rishtalari g„oyatda 
mustahkamligi ularning muloqot madaniyatida, qiyin damlardagi hamdardliklarida 
yaqqol ko„zga tashlanadi.
“Inijonim”, “Opajonim” degan murojaatlaridan ular bir-birlarini nihoyatda 
asrab-avaylashlarini sezish mumkin. Ba‟zan saltanat yumushlaridan vaqt ajratib 
egachisi holidan xabar ololmaganidan, zimmasidagi burchini ado etolmay, o„zini 
aybdor sanashiga munosabatlarini bayon qilishlari orqali o„quvchilar qondoshlik 
rishtasining mas‟uliyati nechog„lik nozikligiga iqror bo„ladilar. 
Farzandi arjumandi Jahongir Mirzoni tuproqqa topshirib, bu yorug„ dunyoga 
sig„may yurgan kunlarining birida opasi bilan diydorlashgan sarkardaning
hasratlarga to„la so„zlarini misol tarzida keltirishlari orqali uning butun hayoti, 
odamiylik xususiyatlari ko„zgudagidek ravshanlashadi: 
1
Hilda Hukhem. Yetti iqlim sultoni: Hujjatli-таrixiy qissa. Ruschadan H.To„rabekov va Sh.Sokin tarjimasi. –Т.: 
Аdolat, 1999. – 58-bet. 

---

50 
“ – Dunyoning yumushlari chigal ekan, uchi-keti yo„q katta savdolarga 
otilg„on ekanmiz, opajon!.. Anglamaydurmen, ne yozug„im bor erdiki, parvardigor 
menga shunday mehribonchilikni ravo ko„rdi? Nechun endi arslonday dilbandimni, 
dunyoga kelib, hali yashashning ma‟no-mazmunini anglab yetmag„on, umr 
lazzatini totib ulgurmag„on pokiza xilqatni bag„rimdan yulib oldi?.. Qaysi 
gunohlarim uchun?..” 
1
. 
Inisining mungli va shikasta ovozda zorlanib so„zlashidan yuraklari 
allanechuk bo„lib ketgan opasi mehribonlik bilan Allohning buyurgani oldida 
bandasi ojizligi, bardoshli bo„lishning mukofoti, albatta, berilishiga ishontirishi 
lavhalariga o„quvchilar diqqatini tortish tahlil ta‟sirchanligini oshiradi. 
O„quvchilar Amir Temurni qaynota sifatida kelini Xonzoda xonimning yosh 
beva qolgani tashvishga solishini izohlashlari zarur. Shundagina ularning 
tasavvurlarida keliniga qanday tasalli berishdan qiynalayotgan, atrofdan sovchilar 
og„iz solayotganlarini eshitib, o„zgalarga mustar bo„lib qolishidan jigar-bag„ri 
ezilayotgan otaning ahvoli oydinlashadi. Xonzoda xonimni o„g„li o„rniga o„g„il 
deb bilgan sarkarda toki tirik ekan, hech kimga ozor chektirib qo„ymaslikka ont 
ichadi. Kelinini otalarcha e‟zozlab bag„riga bosgan qaynotaning ko„z yosh to„kishi 
lavhalari yuraklarni pora-pora qiladi. Vaqti kelib Qutlug„ Turkon oqa va 
Saroymulkxonimlarning oqilona rejalari bilan Xonzoda xonimni uchinchi o„g„li 
Mironshohga nikohlab berishlariga munosabat bildirish asnosida o„quvchilar kelini 
o„z dargohida qolayotganligidan, nabirasi ko„z o„ngida ulg„ayishidan ko„ngli 
taskin topgan Temurbek ahvolini teranroq anglaydilar. 
Tahlil ishtirokchilari e‟tiborini Amir Temur hayotidagi qayg„uli va 
quvonchli kunlarga qaratish juda muhim hisoblanadi. Binobarin, jigargo„shalaridan 
ayrilganida lolu hayron bo„lib qolishi bilan bog„liq sahnalar buyuk Sohibqiron 
xarakteri takomilida muhim o„rin tutadi. Mazkur jarayonda o„quvchilar dunyoda 
yaqinlarini yo„qotishdan ortiq judolik yo„q ekanligini dildan his qiladilar, oilasi, 
yor-birodarlari, bir so„z bilan aytganda, Insonni qadrlashga o„rganadilar.
Ma‟lumki, beshafqat taqdir uni birin-ketin suyangan qo„rg„onlaridan 
ayiradi. Avval o„g„li Jahongir Mirzo, keyin sevimli qizi Oqa Begi, egachisi 
Qutlug„ Turkon oqa, singlisi Shirin bika, zavjasi Dilshod oqalar dunyodan ko„z 
yumib, azoblarga tashlab ketadi. Temurbek yuragiga yaqin kishilarining daldalari 
bilan qismatidagi ko„rgiliklarni yengib, o„zida yashashga kuch topa bilishi
o„quvchilarni hayotda irodali bo„lishga undaydi.
Tahlil jarayonida sarkardaning to„ng„ich farzandi tug„ilishi, o„g„il uylantirib 
orzulari ushalgandagi xushnudliklari, ilk bora bobo bo„lish lazzatini tuygan 
daqiqalari, Jahongir Mirzodan yodgor Muhammad Sultonni qo„liga olgan 
lahzalardagi 
hayajonlari, 
nabirasi 
Pirmuhammad 
Jahongirning 
to„yini 
o„tkazishning shirin tashvishlari va yana yigirma besh yillarcha oldin yo„qotgan 
muhabbatini topgani – Tuman oqani uchratgan onlari... Bari-bari Amir Temur 
hayotining eng unutilmas damlari tarzida qalamga olinganligini ham 
unutmasliklari kerak. 
1
Мuhammad Ali. Ulug„ saltanat. Ikkinchi kitob. Umarshayx Mirzo. –Т.:Sharq, 2006. – 61-bet.

---

51 
Temurbek zohiran jiddiy ko„rinsa-da, malikalar bilan tanho qolgan 
paytlarida dunyo tashvishlarini oz bo„lsa ham unutib, tamomila o„zga odamga 
aylanishi, Saroymulkxonim ikkisi lolazorlar bo„ylab yosh bolakaylar kabi 
yayrashib chopqillashganlari, malikaning quchoqlarini gullar bilan to„ldirib 
yuborishlari uning ichki dunyosiga chuqurroq nazar tashlash imkonini beradi.
Sarkardaning har gal safarga ketish oldidan qur‟a tashlashi, chek tushgan
zavjalaridan 
birini 
o„zi bilan olib ketishi orqali ular o„rtasidagi 
kelishmovchiliklarning oldini olishga doir xatti-harakatlari tasviri eng nozik 
masalalarda ham adolatni ustun qo„yishidan dalolatdir. 
O„qituvchi Amir Temurning quda-andachilik munosabatlarini o„ta 
qadrlashiga ham tahlil ishtirokchilari diqqatini jalb etgani ma‟qul. O„quvchilar 
sarkardaning xorazmshoh Yusuf So„fining necha bor isyonlari, xalqiga qilgan 
xunrezliklarini kechirishiga to„g„ri kelishi sabablarini ham izohlashlariga to„g„ri 
keladi. Qarindoshlik rishtalarini bog„lashdan katta umidlar qilgan sarkardaning asl 
maqsadi xorazmshoh bilan birlashib, mamlakatni dushmanlardan asrash edi. 
O„rtada kelini Xonzoda xonimning yuz-xotiri tufayli ham Yusuf So„figa qayta-
qayta imkoniyatlar beradi.
Davlat miyosidagi xunrezliklarning oldini olish maqsadida singlisi Shirin 
bikaning qizi Sevinch Qutlug„ oqani Hirot maligi G„iyosiddinga uzatishi sabablarni 
shu tuyg„uga bog„lab sharhlasalar, tahlildan ko„zlangan maqsadga erishish qiyin
kechmaydi.
O„zgalar taqdiriga befarq qaramasligi lavhalarini o„quvchilar xotirasida 
tiklash orqali Amir Temurning hayotga bo„lgan munosabati kashf etiladi. Amir 
Husayn bilan juvonmardlik haqida bo„lib o„tgan bahsdan keyingi voqea bunga 
yana bir karra guvohlik beradi. 
Amir Husayn o„z navkarining qahraton qishda muzdek suvga sho„ng„ib 
kelishini fidoyilik namunasi sifatida baholasa, undan farqli o„laroq, navkariga 
baland minoradan yerga sakrashni buyurgan Temurbek bir kun oldin yigitning joni 
omon qolishi chorasini ko„rib qo„yishi askarlarida unga bo„lgan sadoqatini yanada 
mustahkamlaydi.
Tahlil davomida o„quvchilardan Amir Temurning insonlar o„rtasidagi 
oqibatsizliklardan chekkan iztiroblari aks etgan o„rinlarni topib, mulohazalarini 
dalillar asosida isbotlashlari talab qilinadi. Xususan, quyidagi lavha tahlili uning 
ruhiyatini his qilishlarida muhim o„rin tutadi: 
“– Nima uchun odamlar bir-birlarini yomon ko„radilar, xiyonat qiladilar, 
yolg„on so„zlaydilar, to„g„ri gapirib teskari ish ko„radilar, yaxshilikka yomonlik 
bilan javob beradilar?.. – Tobakay musulmonlar munofiqlardan aziyat chekadilar? 
Nega? Nega?..” 
1
.
Shu o„rinda o„quvchilar tasavvurida Amir Temur bilan Amir Husayn 
o„rtasidagi munosabatlarni jonlantirish maqsadga muvofiq.
Jabrdiydalar gunohkor Amir Husaynni shariat tartib-qoidalariga muvofiq 
jazolashni talab qilganlarida sarkarda bir vaqtlar sobiq do„sti bilan o„tkazgan 
1
Мuhammad Ali. Ulug„ saltanat. Ikkinchi kitob. Umarshayx Mirzo. –Т.:Sharq, 2006. – 271-bet. 

---

52 
yaxshi va yomon kunlarini eslab siqilishi, uning abgor holiga achinib, ko„z yosh 
to„kishi uning tabiatidagi rahmdillik va ko„ngilchanlik fazilatlarini yuzaga 
chiqaradi.
So„ngra o„quvchilar faoliyati qo„l ostidagi amirlarining xiyonatidan ozor 
chekkan sarkarda ahvolini taftish qilishga yo„naltiriladi. 
“Ota-o„g„il” tutinish yo„li bilan To„xtamishxonga bir necha bor o„z 
mavqeini tiklab olish imkonini berishi Amir Temurning Jo„ji ulusi, Dashti Qipchoq 
kabi hududlar osoyishtaligini ta‟minlash, har qanday masalada “yetti o„lchab, bir 
kesish”i, uzoqni ko„zlab ish yuritishi siyosati tufayli deb tushunmoq mumkin. 
Biroq o„quvchilar tomonidan Amir Kayxusrav, Mahmudshoh Buxoriy, Abu Is‟hoq 
Yasovuriy, Odilshoh jaloyir kabi xudbin amirlar xoinliklarni qayta-qayta avf etishi, 
ularni yuqori darajadagi mansablar bilan siylashi Temurbekning qat‟iyatliligi, 
jahongashtaligi kabi fazilatlariga soya solgandek tuyulishi haqidagi mustaqil fikrlar 
bildirilsa, tahlil samaradorligi yanada ortadi. 
Qilmishlari jazoga loyiq subutsiz va beburd kimsalarga chora qo„llashdan 
jahongirning ko„ngli vayron bo„lardi. Uning insonlar hayotini qadrlashidan ko„zlari 
ochilgan fitnachilar besamar o„tgan umrlariga achinadilar, yo„l qo„ygan 
kamchiliklaridan kech bo„lsa ham pushaymon bo„ladilar.
Hukmdorning kechirimliligi, kengfe‟lliligi vaqti kelib Amir Muso, Shayx 
Nuriddin kabi beqaror, ikkiyuzlamachi mulozimlarining xatolarini anglab yetib, 
uning xizmatiga astoydil bel bog„lashga undaydi. Shuningdek, oshkora suiqasd 
uyushtirishgacha borgan Shibirg„on hokimi Zindachashm opardiyga o„lim jazosi 
emas, eng so„nggi hukm sifatida ko„zidan yo„qotishlarini so„rashi uning 
bag„rikengligi, muruvvatliligidan dalolatdir. 
Amir Husayn tomonidan saltanat ravnaqi yo„lida jon kuydirmaslikda 
begunoh ayblangan Amir Joku barlos, Amir Sayfiddin neko„z, Abbos bahodir va 
Davlatshoh baxshilarga solingan tovon pulini to„lash uchun bor mablag„ini, 
chorasiz qolib, hatto zavjasi Uljoy Turkon oqaning qimmatbaho taqinchoqlarini 
ham ayamaganligini Amir Temur shaxsidagi sadoqatli do„stgagina xos mehr-
oqibat namunasi sifatida baholash mumkin. Shuningdek, tahlilda Temurbek bilan 
Muhammad Churog„a dodho o„rtasidagi munosabatlarni ham chetlab o„tmaslik 
kerak. Ularning do„stligi yillar sinovlarida toblanib, mustahkamlanib boraveradi. 
Taqdir shafqatsizliklariga uchragan og„ir damlarda Muhammad Churog„a 
unga suyanchiq bo„la oladi. Garchand sarkarda zohiran hech so„z demasa ham 
do„sti uning qalbini o„rtayotgan alam va iztiroblarni yurakdan his qila oladi. 
Mashg„ulotning navbatdagi bosqichi mehrning kamalak rang jilolaridan 
ayamay nisor etilgan Saroymulkxonim obrazi ustida ishlashga bag„ishlanadi. Bu 
timsol ustida ishlash o„quvchilar zimmasiga katta mas‟uliyat yuklaydi. 
Tahlil ishtirokchilari tarixiy manbalardan uning yurt obodligi yo„lidagi 
yaratuvchanligi, muhtojlarga yordam qo„lini cho„zgan tadbirkor malikaligini 
yaxshi bilsalar-da, ayol sifatida Yaratgandan ravo ko„rilgan taqdiri azalidan
yaxshi xabardor emaslar. 
O„quvchilar 
diqqatini, 
avvalo, 
Saroymulkxonimning 
oqila 
umr
yo„ldoshligiga qaratmoq joiz. U Turon o„lkasi hukmdori qalbini rom eta olgan 

---

53 
yuksak aql-idrok sohibasidir. Sharoit taqozosi bilan Amir Temur uzoq yurishlarga 
jazm etgan chog„larda shahzodalar, malikalar, haram ahlining boshlarini 
qovushtirib, uning o„rnini bildirmaslikka harakat qiladi. Sarkardaga maktublar 
yo„llab, raiyati va oilasi ahvolidan xotirjam etib, yangi g„alabalar sari ruhlantirib 
turadi. Safardan qaytayotgan sevimli kishisini munosib kutib olish tadorigini 
ko„rish orqali oilasi va xalqining hukmdoriga nisbatan ehtiromlarini namoyon 
etadi. 
Bir kam dunyo deganlaridek, latofat va zakovatda yakto Saroymulkxonim 
onalik baxtidan benasibdir. Shunday bo„lsa-da, tole uni boshqa tomondan 
yarlaqaydi. U matonati tufayli volidalaridan erta ayrilgan Jahongir Mirzo va Oqa 
Begilarning o„ksik qalblariga bor mehrini baxshida etishga kuch topa oladi. Vaqti 
yetganda farzandlari, hatto nabiralariga munosib qalliq topish, uyli-joyli qilish 
ishlarida Temurbekka yelkadosh bo„lib, to„y marosimlarining oldi-berdilarigacha 
bosh-qosh bo„ladi. 
Asarda Saroymulkxonim erining qarindosh-urug„lari hurmatini joy-joyiga 
qo„ya olgan itoatli va andishali kelin sifatida bo„y ko„rsatganligini asoslab 
berishni tahlil maqsadi taqozo etadi. Malikaning bu jihatlari, ayniqsa, 
qayinegachisi Qutlug„ Turkon oqa bilan munosabatlarida yaqqol namoyon bo„ladi. 
O„tkir zehn va farosat sohibasi hamisha bu muhtarama zot qoshida odob saqlaydi. 
Vaqti-vaqti bilan bonuyi kubro kelinlariga zimmalaridagi mas‟uliyatni eslatib, 
Sohibqironga yurt idora etishda maslakdosh bo„lishga, hamjihatlikda yashashga 
da‟vat qiladi. Uning nasihatlaridan yetarlicha xulosalar chiqargan Saroymulkxonim 
ba‟zan kichik malikalar bilan kanizaklar orasida uchrab turadigan 
kelishmovchiliklarni yotig„i bilan bartaraf etadi. 
Malika yaqinlarini baxtiyor ko„rish istagida har ishga qodir. Masalan, u bir 
tomondan Jahongir Mirzo vafotidan so„ng yashamoq saodatidan ko„ngil uzib, 
kundan-kun so„lib borayotgan kelini Xonzoda xonim; ikkinchi tomondan esa, 
dilbandi firoqida kuyib ado bo„layotgan padari buzrukvor ahvolidan kuyunardi. 
Qayinsinglisi Oqa Begi xonimning to„xtab qolgan to„yini o„tkazishni qaynotasidan 
so„rashini ehtiyotkorlik bilan Xonzoda xonimga yuklashi uning tadbirli 
bekaligidan guvohlik beradi. Musibatdan oilasi, xalqi chekayotgan jafolarni oz 
bo„lsa ham unutishlarining uddasidan chiqishga erishgan ayolning zukkoligiga 
o„quvchilarning hurmatlari ortishi, shubhasiz.
Saroymulkxonim timsoli tahlili yakunida o„quvchilar jonfidoliklarining 
mukofoti o„laroq sohibi tomonidan “Bibixonim” e‟tirofiga munosib topilishi 
boisini idrok etadilar. 
Tabiat manzaralari va hodisalarining muayyan rangdagi tasviri tahlili 
o„quvchilarga ro„y berajak voqealarni oldindan his qilish imkonini beradi. 
Masalan, musaffo osmon, zilol suvlar, qir-adirlar bag„ridagi turfa chechaklarning 
yorqin bo„yoqlarda chizilishi lavhalaridanoq kitobxon sarkardaning qo„lga kiritajak 
zafarli onlari-yu saodatli damlarini bashorat qiladi. Aksincha, zilzila sodir bo„lgan 
tun tafsilotlari misolida esa Balx hukmdori Amir Husayn hokimiyati mag„lubiyatga 
yuz tutishini sezib turadi. 

---

54 
Saroymulkxonim ramziy ma‟noda “ota-bola” deb nomlagan chinorlardan 
birining kundan kun yashnab, ko„kka bo„y cho„zishi lavhalarini izohlash 
jarayonida esa o„quvchilar Amir Temur saltanati qudrati ortib, ravnaq topayotgani; 
rivoji sust bo„lib, keyinchalik qurib qolgan ikkinchi daraxt timsolini shahzoda 
Jahongir Mirzo taqdiriga qiyoslashlashlari oson kechadi. 
Tahlilda muayyan qahramon portreti uning ichki dunyosiga mutanosiblikda 
chizilganligi ham e‟tibordan chetda qolmasligi zarur. Jumladan, “ko„zidan biron 
narsani uqib olish ham qiyin”
1
ligi Zindachashm opardiy singari kimsalar botinida 
yashirin munofiqlik xususiyatlarini yuzaga chiqarsa, Jahongir mirzoning hamisha 
kulib turuvchi “yorqin ko„zlari” shahzodaning muhabbatga oshno, ezgulikka 
limmo-lim beg„ubor qalbini o„quvchi tasavvurida jonlantiradi. 
Yuqorida ta‟kidlangan ramziy ma‟nodagi “moziyga sayohat” bosqichi 
istiqlol davri sahifalariga almashadi. Monitorda yurtboshimizning “Yuksak 
ma‟naviyat – yengilmas kuch” asarida bu ulug„ siymo haqida bildirgan yuksak 
e‟tirofidan lavhalar, mustaqillik yillarida uning nomiga ta‟sis etilgan orden, 
Temuriylar tarixi davlat muzeyi, sarkardaning Toshkent, Samarqand, Shahrisabzga 
o„rnatilgan monumentlari kabi bunyodkorlik ishlari aks etgan slaydlarga o„rin 
beriladi. 
Mashg„ulot yakunida tarmoqlar usulidan foydalanib, fikr-mulohazalar 
umumlashtiriladi. 
Ma‟lumki, Alisher Navoiy ijodi umumiy o„rta ta‟lim maktablarining barcha 
sinflarida o„quvchilarning yosh xususiyatlaridan kelib chiqib, soddadan 
murakkabga tomon tamoyili asosida o„rganiladi. 
Mutafakkir umrbayoni bilan tanishish jarayonida o„quvchilar bolalik 
chog„laridanoq kitobga o„zgacha mehr qo„ygan buyuk iste‟dod sohibi mutasavvuf 
shoir Farididdin Attorning “Mantiq ut-tayr” asarini sevib mutolaa qilganligi, hatto 
boshdan oxir yod olganligi, “Bir umr bu asar ta‟sirida yurib, hayotining so„ngida 
unga “tarjuma rasmi bila” javob aytgan”ligi
2
, ya‟ni “Lison ut-tayr”dek chuqur 
falsafiy bir dostonning dunyoga kelishiga zamin yaralganligi haqidagi 
ma‟lumotlarga duch kelishadi.
Shuningdek, 5-sinfda tarixchi adib Mirkarim Osimning Navoiyga 
bag„ishlangan “Zulmat ichra nur” qissasidan keltirilgan parchani o„rganishlari 
davomida ham “Mantiq ut-tayr” yosh Alisher qalbini o„ziga tamomila rom 
etganligi, allanechuk xayolparast, odamovi bo„lib qolgan o„g„lining ruhiyatidagi 
o„zgarishlardan xavotirlangan ota-onasi bu kitobni o„qishni man etib, uni yashirib 
qo„yganligi haqidagi lavhalar yuqoridagi ma‟lumotlarning badiiy talqini sifatida 
o„quvchilar ko„z o„ngida gavdalanadi. 
Tarjimai holi bayoni va “Qushlar tili”da tasvirlangan voqealar o„zaro 
uyg„unlashib, bo„lajak shoir ruhiyatiga kuchli ta‟sir ko„rsatgan asar va uning 
muallifi haqida o„quvchilarda qiziqish uyg„otishi, shubhasiz. Shuningdek, 
o„quvchilarning Attor ijodini o„rganishga bo„lgan ishtiyoqini kuchaytirish borasida
1
Мuhammad Ali. Ulug„ saltanat. Birinchi kitob. Jahongir Mirzo. –Т.:Sharq
, 2003.
– 
180-bet. 
2
Ochilov E. Hikmat ma‟rifati (So„zboshi). Fariduddin Attor. Hikmatlar va hikoyatlar (Forsiydan Jamol Kamol 
tarjimasi). –Т.: Мuharrir, 2010.
– 
3-bet.

---

55 
uning “Ilohiynoma” kitobida zikr etilgan quyidagi hikoyatni so„zlab berish orqali 
ham ko„zlangan maqsadlarga erishish mumkin. 
“Naql qilishlaricha, burungi o„tgan zamonda bir badavlat odam yashagan 
ekan. U umr bo„yi yiqqan boyliklarini oltin tangalarga aylantirib, bir hamyonga 
to„plab yurar ekan. Ittifoqo o„sha davlatmand vafot etibdi. Kunlardan bir kun 
o„g„illari tush ko„rsa, otasi mushukka aylanib qolgan emish. 
– Bu yerda nima qilib yuribsiz, sizni kim bu ko„yga soldi, otajon? – so„rabdi 
o„g„li. 
– Kimda kim dunyo moliga hirs qo„yib yig„sa, shu xasis mushuk 
sichqonni poylagandek, boyligi atrofida sargardon yuradi, – debdi otasi. Shundan 
so„ng o„g„illari otadan qolgan boylikni beva-bechoralaru, madrasa talabalariga 
taqsimlab berib, nafsi ammorani cheklab, ishqi ilohiy yo„lida fidoiylik bilan riyozat 
chekib yashay boshlabdilar
”1
. 
Bunday usullarni qo„llash dars va sinfdan tashqari o„qish o„rtasidagi 
uzviylik va izchillikni ta‟minlashga xizmat qiladi. O„qituvchi mashg„ulotlarni 
o„quvchilarda tabiiy ravishda paydo bo„ladigan istak va moyilliklarni nazarda 
tutgan holda rejalashtirishi zarur.
9-sinfda komil inson haqidagi nazariy ma‟lumotlar tasavvuf tushunchasini 
izohlash orqali yanada kengroq yoritilgan
2
. O„quvchilar tasavvuf tushunchasi sir-
asrorlari bilan yaqindan tanishishlari uchun bu tariqatning mohiyati chuqur talqin 
etilgan Farididdin Attor asarlariga murojaat qilinishi maqsadga muvofiq.
Taniqli olim I.Haqqul o„z tadqiqotlarida tasavvufning “bashariyat havas 
qiladigan va qiziqadigan eng yorqin va ilg„or jihatlari yoki tamoyillarini qunt bilan 
o„rganib, o„zlashtirish” zarurligi xususida atroflicha fikr yuritib, unga “ishtiyoq va 
qiziqish millatning tafakkur rivoji, madaniy saviyasiga zarracha ham xalal 
bermaydigan darajada keng va yuqori bo„lmog„i lozim”
3
ligini ta‟kidlaydi.
Mazkur talablardan kelib chiqib, mashg„ulotlarda axloqiy-ta‟limiy va 
falsafiy mavzulardagi adabiyotlardan foydalanish ko„zda tutiladi. O„qituvchining 
shoir hayoti va adabiy merosi, shuningdek, mustaqillik yillarida bu borada olib 
borilgan tadqiqotlar, hikoyatlardan tarjimalar, chop etilgan maqolalar yuzasidan
yetarlicha xabardor bo„lishi o„quvchilarga zarur adabiyotlarni tavsiya qilishda
muhim sanaladi.
Adib ijodini o„rganishga bag„ishlangan snfdan tashqari o„qish mashg„uloti