Страница
1 из
5
17.02.2020 yildagi 13 – sonli Bayonnomaga 2 - Ilova
OMMAVIY OFERTA
JISMONIY SHAXSLARGA TALAB QILIB OLINGUNCHA DEPOZIT HISOBVARAQNI
OCHISH VA YURITISH SHARTNOMASI
1. Umumiy qoidalar
1.1. Ushbu ommaviy oferta “KDB Bank O’zbekiston” AJ ning jismoniy
shaxsga milliy va xorijiy
valyutada talab qilib olinguncha depozit hisobvaraq ochish yuzasidan shartnoma tuzish bo’yicha
taklifi hisoblanadi.
1.2. O’zbekiston Respublikasi Fuqarolik Kodeksining 370-moddasi va 369-moddasining 2-qismiga
binoan, jismoniy shaxs Bankka Bank xizmatlarini taqdim etilishi uchun ariza (keyingi o’rinlarda
- Ariza)
bilan murojaat etgan, hamda hisobvaraq ochish uchun zarur
hujjatlarni taqdim qilgan
paytdan boshlab Shartnoma tuzilgan va kuchga kirgan hisoblanadi. Ushbu ofertani aksept qilgan
jismoniy shaxs talab qilib olinguncha depozit hisobvarag’iga
egalik qiluvchi Bank Mijoziga,
Bank va Mijoz birgalikda esa ushbu Shartnomaning tomonlariga aylanadilar.
Yuqoridagilardan kelib chiqqan holda ushbu ommaviy oferta matnini diqqat bilan o’qib, Bank
Tariflari bilan tanishib chiqing. Ommaviy ofertaning biron bir bandiga e’tirozingiz bo’lgan
taqdirda, Bank xizmatlaridan foydalanmaslik huquqiga egasiz.
2. Tavsiflar
Ommaviy Oferta – bu shartnoma bo’lib, Mijoz ommaviy ofertani aksept qilishi bilan Bank va
Mijoz o’rtasida ushbu ofertada ko’rsatilgan shartlar asosida shartnoma tuzilgan hisoblanadi.
Bank – “KDB Bank O’zbekiston” AJ va uning barcha quyi bo’g’inlari.
Mijoz – ushbu Shartnoma shartlarini qabul qilgan rezident /
norezident jismoniy shaxs, yoki
qonun hujjatlariga muvofiq ishonchnoma asosida uning nomidan
ish olib boradigan vakili
(ishonchli shaxs).
