O’zbekiston respublikasi oliy va o’rta maxsus ta’lim vazirligi namangan davlat universiteti

32. Qaysi alloma 1919 -1920 -yillarda Afg’onistondagi sovet elchixonasida 
bosh konsul lavozimida xizmat qilgan? 
1919-yilning aprel oyida Avloniy Turkiston Markaziy Ijroiya Komitetiga 
saylanadi. “Ishtirokiyun” gazetasini yuzaga chiqaruvchi hammuharriri bo’lib 

---

ishlaydi. 1919-yilning iyunida Abdulla Avloniy RSFSR hukumatining topshirig’i 
bilan Afg’onistonga boradi. 1919-yilning 28-sentabridan 1920-yilning  
20-iyuligacha Hirotda (Afg’oniston) bosh konsul bo’lib turadi.
33. Olti qismdan iborat “ Adabiyot yoxud Milliy she’rlar” to’plami kimniki? 
 
Avloniyning 1917-yilga qadar yozgan she’rlari “Adabiyot yoxud milliy 
she’rlar” nomli olti qismdan iborat to’plamlaridan o’rin olgan. Bu to’plamlar 
1909-1917-yillarda alohida kitobchalar shaklida bosilgan. Abdulla Avloniy 
she’rlarida davrning muhim ijtimoiy masalalarini ko’targan, xalq ommasi o’rtasida 
tarqalgan giyohvandlik, qimorbozlik kabi illatlarni fosh etib, uni jaholat botqog’i-
dan olib chiqish va ma’rifat chamanlaridan bahramand etishni orzu qilgan. 
34. Quyidagi misralar kimning qaysi she’ridan olingan? 
Umrini sarf etmish ota –bobolar, 
Chekmishlar ilm uchun jabru jafolar, 
Bizlar ham bo’lmayluk baxti qarolar, 
Bitsun, yo’q o’lsun bu kayfu safolar. 
Ey millat, uxlama, ilm olur chog’i, 
Har millat ilm oldi-yondi chirog’i. 
 
Yuqoridagi misralar Abdulla Avloniyning “Maishatimizdan bir manzara “
nomli she’ridan olingan. Shoir xalq ommasini ilmga da’vat etibgina qolmay, ota-
bobolarimizning o’tmishda fan va madaniyat ravnaqiga katta hissa qo’shib, maktab 
va madrasalar bunyod qilganlari, ilmiy, badiiy va didaktik adabiyot yaratganlariga 
ham jamiyat e’tiborini qaratishni lozim deb topdi.