O’zbekiston respublikasi oliy va o’rta maxsus ta’lim vazirligi namangan davlat universiteti

119. G’afur G’ulomning “Mening o’g’rigina bolam“ hikoyasida qanday 
masala yoriytilgan? 
G’afur G’ulomning “Mening o’g’rigina bolam“ lirik-dramatik hikoyasi 
1965-yilda yozilgan. Yozuvchi bolaligida guvoh bo’lgan hayotiy voqeani asos 
qilib olgan, shu asosda shafqatsiz jamiyatni va shunday sharoitda ham o’zining 
insonligiga, mehr-oqibatiga zarracha putur yetkazmagan insonni ko’rsata olgan.
Hikoyada yozuvchi qashshoq hayot kechirishiga qaramay, ma’naviy 
barkamolligi, insonparvarligi va odamiyligini yuksak darajada saqlab qololgan bir 
mushtipar o’zbek kampiri qiyofasini gavdalantiradi. Hikoyada, ayni vaqtda, 
birinchi jahon urushining dahshatli ta’siri ostida qismat va yo’qchilikdan hayotning 
nochor ko’chasiga kirgan yigitning ichki dunyosi va xarakteri tasvirlangan. Kampir 
tomonidan iliq munosabat, yumshoqlik o’g’rilik ko’chasiga kirgan yigitning 
qalbiga iliqlik olib kiradi, hali yo’qolib bitmagan insoniy fazilatlarini uyg’otib 
yuboradi. Qisqasi, hikoyada ikki nochor odamning taqdiri misolida xalqning ahvoli 
bayon etilgan. 

---

120. G’afur G’ulom she’rlaridagi sifatlashlarni kim “ideallashtiruvchi 
sifatlashlar” deb baho bergan? 
G’afur G’ulom she’rlari badiiy tasvir vositalariga boyligi bilan ham kishiga 
xush yoqadi, xotirasida uzoq vaqt saqlanib qoladi. Ayniqsa, shoir sifatlashlari, rus 
she’rshunos olimi va tanqidchisi B. Tomashevskiy iborasi bilan aytganda, “ideal 
lashtiruvchi sifatlash”lardir. Chunki ular shoirning voqelikni yuqori pardada – lirik 
usulda tasvirlashiga mos keladi.”Ulug’ tempalar”, “bo’ron armiyamiz”, “vulqonli 
sevgi”). Shoirning sifatlashlari qorong’i tunda narsalarni kunduzgidek ko’rsatuvchi 
chaqmoqqa o’xshaydi… 
121. “G’oliblar bayrami” she’ri kimniki?
G’afur G’ulom urush yillarida xalqimizni, jangchilarimizni g’alabaga 
chorlovchi ko’plab she’rlar yozgan. Bular qatoriga “Bizning ko’chada ham 
bayram bo’lajak”, “G’oliblar”, “G’oliblar bayrami”, “G’oliblar sharafiga”, “Chin 
arafa” kabi she’rlarini ko’rsatishimiz mumkin. Shoirning “G’oliblar bayrami” 
she’ri 1945-yil 8-mayda yozilgan bo’lib, vatandoshlarimizning g’alabasi 
ulug’langan: 
G’alaba bayraming muborak bo’lg’ay, 
 
 
To’rt yil urush qilgan vatandosh o’rtoq. 
Ko’ngillar agarchi loladek xandon, 
 
 
Musibat tamg’asi qalb ustiga dog’. 
 
Sevimli shoirimiz g’alaba qozongan xalqimizni buyuk kashfiyotlar va 
mo’jizalar ko’rsatishiga chin dildan ishonadi va deydi:
Asrlar taqdiri qo’limizdadir, 
 
 
Vatan qayta boshdan bo’ladi obod. 
 
 
Otashlar ichida yengib chiqolgan 
 
 
Xalqim mo’jizalar qilolgay ijod.