Pedagogik amaliyot hujjatlari jamlanmasi
Yüklə 0,79 Mb. Pdf görüntüsü
|
- Bu səhifədəki naviqasiya:
- Tuzuvchilar
- KIRISH 1.1 Talabalar pedagogik amaliyotining maqsad va vazifalari.
|
O‘ZBEKISTON RESPUBLIKASI XALQ TA’LIMI VAZIRLIGI JIZZAX DAVLAT PEDAGOGIKA INSTITUTI O‘ZBEK TILI VA ADABIYOTI FAKULTETI PEDAGOGIK AMALIYOT HUJJATLARI JAMLANMASI Jizzax- 2015 Mazkur metodik ko’rsatma amaliyot jarayonida yuritiladigan hujjatlarni o’z ichiga olib pedagogik amaliyot davomida talab qilinadigan hujjatlardagi har xillikka barham berish, bu borada amaliyotchi talabalarga yengillik tug’dirish maqsadida tuzildi. Tuzuvchilar: p.f.n. Q. Yadgarov k.o‘qit: S.Boysinov Taqrizchilar: A. Qodiriy nomidagi JDPI “O‘zbek tili va uni o‘qitish uslubiyati kafedrasi” dotsenti, T. Almamatov JDPI pedagogika instituti oquv amaliyot bo’limi boshlig’i: dots. E. Shomuratov . Dastur A.Qodiriy nomidagi Jizzax davlat pedagogika instituti o‘quv-uslubiy kengashida ko‘rib chiqilgan va tasdiqqa tavsiya etilgan. KIRISH 1.1 Talabalar pedagogik amaliyotining maqsad va vazifalari. Pedagogik amaliyotda talabalar ona tili va adabiyoti hamda boshqa fanlardan olgan bilim va ko‘nikmalarini sinab ko‘radilar, amalga tatbiq qiladilar. Shuning uchun ham pedagogik amaliyot o‘zining ilmiy-tadqiqot obyekti, predmeti, maqsadi va vazifalariga ega. Pedagogik amaliyot samaradorligini oshirish, o‘quvchining ta’lim jarayonining subyektiga aylantirish, o‘quvchilarning egallagan bilim, ko‘nikma va malakalarini bilishning qulay yo‘llarini aniqlash, ona tili va adabiyotidan sinfdan tashqari ishlarni tashkil qilish singarilar pedagogik amaliyotning ilmiy tadqiqot obyekti hisoblanadi. Talabalar pedagogik amaliyot davrida fan tarixi, o‘quv-tarbiya jarayonini tashkil qilish, o‘qitishning maqsadi, metod va prinsiplari kabilarni bilishlari zarur. Bundan tashqari til va adabiyot nazariyasini amaliyot asosida o‘rganish, har bir darsni zamonaviy pedagogik texnologiya asosida olib borish hamda fanlararo aloqani bilishlari maqsadga muvofiq. Bugun jamiyatimizda tub burilishlar sodir bo‘ldi. «Kadrlar tayyorlash milliy dasturi»da ta’kidlanganiday: «Inson, uning har tomonlama uyg’un kamol topishi va farovonligi, shaxs manfaatlarini ro‘yobga chiqarishning sharoitlarini va ta’sirchan mexanizmlarini yaratish, eskirgan tafakkur va ijtimoiy xulq-atvorning andozalarini o‘zgartirish respublikada amalga oshirilayotgan islohotlarning asosiy maqsadi va harakatlantiruvchi kuchidir». Ana shu isloxotlar silsilasida ta’lim bosqichlari orasidagi uzviylik va uzluksizlikni, ular orasidagi aloqa va bog’lanishlarni kuchaytirish alohida ahamiyat kasb etadi. Ayni shu vazifani amalga oshirishni ta’minlash ko‘p jihatdan pedagogik amaliyotga ham bog’liqdir. Pedagogik amaliyot akademik liseylar, o‘rta ta’lim maktablari bilan oliy ta’lim tizimini jips bog’laydigan bo‘g’in hisoblanadi. Bu davrda talabalar institut auditoriyalarida olgan nazariy bilimlarga, amaliy va laboratoriya mashg’ulotlarida sinalgan tajribalarga tayanib mustaqil faoliyat olib boradilar; yuqori malakali metodist o‘qituvchilarning ish faoliyati bilan tanishadilar, ulardan o‘rganadilar, turli ruhiyat egalari-o‘quvchilar bilan hamkorlikda o‘quv-tarbiya ishlarini olib boradilar. O‘qituvchilik kasbini egallashga intilgan har bir talaba 1- kursdan boshlab mutaxassislik faoliyati ustida ishlashi, bilim maskanida yaratilgan imkoniyatlardan to‘la foydalanib, nazariy bilimlarni puxta va chuqur egallab bormog’i shart. Yüklə 0,79 Mb. Dostları ilə paylaş:
|