Pedagogik muloqotning o‘ziga xos xususiyatlari va funksiyalari

Pedagogik muloqot - bu o’qituvchining o’quvchilar bilan darsda va darsdan tashqari vaqtda eng qulay psixologik muhit yaratishga qaratilgan kasbiy munosabatdir. Noto’g’ri pedagogik muloqotdan o’quvchida qo’rquv, ishonchsizlik paydo bo’ladi, e’tibor, diqqat, ishchanlik pasayadi, nutq dinamikasi buziladi, mustaqil fikrlash pasayadi.
O’qituvining o’quvchilar bilan muloqoti bunday kayfiyatga yo’l qo’ymasligi, o’quvchini faollikka undashi, unda quvonch paydo qilishi kerak.
A.S.Makarenko fikricha o’qituvchi muloqoti hurmat va talabchanlikka asoslangan munosabat bo’lishi kerak.
V.Suxomlinskiy aytadiki: "Maktab hovlisida gapirilganda har bir so’z o’ylangan aqlli, maqsadga qaratilgan bo’lishi kerak". O’qituvchi so’zi faqat quloqqa emas, balki yurakka ham qaratilgan bo’lishi kerak.
O’quvchi o’qituvchisiga do’stiga, o’rtog’i va ustoziga bo’lgani kabi munosabatda bo’lishi kerak. O’qituvchi o’quvchi munosabati do’stlikka asoslanishi lozim. 
Umuman ilg’or pedagoglar fikricha tu’lim faqat hamkorlik pedagogikasi pozitsiyasida bo’lishi kerak.
Pedagogik muloqot – bu o’qituvchi professional aktivligining bir ko’rinishi bo’lib, bunda ta’lim va tarbiya vazifalarini o’qituvchi hamda o’quv – tarbiya jarayonining boshqa ishtirokchilari o’rtasidagi o’zaro ta’sir vositasi bilan hal qilinadi. Bir vaziyatda o’qituvchi baho beruvchi rolida chiqadi (o’qituvchi – direktor, o’qituvchi – ota - ona), ikkinchi holda uning o’zi baho oluvchi (o’qituvchi – direktor, o’qituvchi – metodist va inspektor va xokazo) hisoblanadi. Ravshanki, bunday hollarda pedagogik ta’sir ko’rsatish vazifalari va vositalari ham o’qituvchining pedagogik muloqoti har xil bo’ladi. Biz qo’yida faqat o’qituvchining o’quvchilar bilan muloqotini qarab chiqamiz.
Pedagogik muloqotning tarkibiy qismlari uning vazifalari, o’qituvchining o’quvchilar va kasbdoshlari bilan o’zaro aloqalari vositalari hamda usullari, muloqot xarakteriga baho berishdan iborat bo’ladi. Muloqot vazifalari o’z ichiga quyidagilarni qamrab oladi: o’quvchiga yangi ma’lumot berish yoki fikr almashish; o’qituvchi bilan o’quvchilarning bir – birlarini o’zaro bilishlari; bir – birlarining hulqlarini tuzatish va boshqarish; muloqot har bir ishtirokchisi shaxsining imkoniyatlarini ochish va undan foydalanish, ularning o’z oldilarida turgan muammolarini o’zlari mustaqil hal etishlari; o’qituvchi shaxsiy fikrining pedagogik jihatdan maqsadga muvofiqligi; muloqot ishtirokchilarining bir – birlaridan qanoat hosil qilganliklari va xakozo.
Pedagogik muloqotning boshqa jihati – uning vositalari va usullaridir:
Vositalar tashkil etuvchi, baho beruvchi, intizomga undovchi (instruksiya, intizomini baholash va tanbeh berish) bo’lishi mumkin. Adabiyotlarda o’qituvchi, o’z ishining ustasi ekanligi ta’kidlanib, intizomga undovchi vositalarga nisbatan tashkiliy ta’sir ko’rsatishga ko’proq yondashiladi. Ha, umuman, bunday o’qituvchida ta’sir ko’rsatishlar soni hamkasbdoshlariga qaraganda ancha kam, bu esa uning darslarida o’quvchilar uchun «kommunikativ fazo» bo’shab qoldi, demakdir.
Muloqot usuli sifatida shakllangan uslub amalda o’zining uchta shakli bilan namoyon bo’ladi: bilimlarni egallashda o’qituvchi bilan o’quvchilarning birgalikda hamkorlik qilishlari (demokratik uslub), o’qituvchining o’quvchilarga tazyiq o’tkazishi va ularning aktivligini ro’yobga chiqarmasliligi (avtoritar uslub), o’qituvchining o’quvchilarga nisbatan neytral munosabatda bo’lishi va uning hal etilayotgan masaladan chetga chiqishi (liberal uslub);
1. Muloqotdagi vaziyat bir xil o’zaro harakatni («yonidan» moslashish), boshqa ishtirokchiga tazyiq o’tkazishni («yuqoridan» moslashish), boshqa ishtirokchiga muvofiqlashishni («quyidan» moslashish) o’z ichiga oladi.
2. Muloqotda emotsional tus berish xarakteri neytral hol orqali ijobiydan salbiygacha o’zgaradi. Bularning hammasi muloqot muhitini, sinfda ma’lum iqlimni yaratadi.
3. yetuk pedagogik muloqot o’qituvchining - o’z-o’zini, muloqot jarayoni va natijalarini nazorat qilib borishni nazarda tutadi.
4. To’g’ri tashkil etilgan pedagogik muloqot davomida o’qituvchida tanlangan vositalarni vazifa va sharoitlarga muvofiqligining o’lchovi sifatida tushuniladigan pedagogik nazokat mujassamlanadi.
Pedagogik muloqotda qanday o’ziga xos qiyinchiliklar mavjud? Bu, eng avvalo, muloqot maxsus vazifalarining yo’qligidir, natijada o’qituvchi pedagogik muloqotni o’z mehnatining alohida tomoni sifatida qaramaydi, uni rejalashtirmaydi, muloqot usullarni takomillashtirib bormaydi, ayrim hollarda muloqotning barcha vazifalarini o’zaro tushunmasliklari, muloqot vositalarining qashshoqligi, bir xildagi va jozibador emasligi ham uchrab turadi. Masalan, o’quvchilarning tor doiradagi intizomga chaqiruvchi, emotsional jihatdan salbiy tus berilgan muloqot ularga ko’pincha aks ta’sir keltirib chiqaradi. Pedagogik muloqot usullari ustida ishlashning asoslangan dasturini tuzish uchun har bir o’qituvchi o’zining qiyinchiliklarini tahlil qilib chiqishi muhim rol o’ynaydi.
Pedagogik muloqotga doir barcha mashqlarning umumiy yo’nalishini mavjud pedagogik vaziyatlarda malaka hosil qilish, har bir muloqot ishtirokchisining imkoniyatlarini ochib berishga ko’maklashuvchi, uning shaxsiy hislatlarini rivojlanib borishini ta’minlovchi vash u muloqot orqali qoniqtiradigan va hokazo vositalaridan foydalanishni tashkil qiladi. Bunga bir qator mashqlar imkon tug’dirishi mumkin:
1. Muloqotda boshqa kishining sub’ektiv qarashlarini aniqlash; bu odam bilan muloqotda oqilona hal qilinishi zarur bo’lgan vazifalarni aniqlash, masalan, uning hulqini tuzatish yoki unda shunchaki ishonch kayfiyatini yaratish;
2. Mazkur vaziyat uchun o’zaro harakterlarning optimal (eng maqbul) vositalari majmuasi (uslub, tutilgan yo’l va hokazo)ni belgilash;
3. Muloqotda boshqa kishining javob harakati imkoniyatini oldindan ko’ra bilish. Boshqa odamda psixologik to’siq va qarshilik keltirib chiqaruvchi vositalarni qo’lga kiritish;
4. Rezervda vaziyatning o’zgartirishiga qarab foydalanish mumkin muloqotlarning bir nechta modeliga ega bo’lish;
5. O’zida boshqa odamlarni tinglash, uning fikrlariga qo’shilish, unga hamdardlik ko’nikmasini rivojlantirib borish. Muloqot natijalarini baholash va ularni foydalanilgan vositalar bilan taqqoslash.
Pedagogik faoliyat va pedagogik muloqot xarakteri o’qituvchi shaxsi, uning qarashlarida, nuqtai nazarlarida, hulqida namoyon bo’ladigan g’oyaviy – siyosiy saviyasi, professional tayyorgarligi va bilishga intilishi bilan uzviy bog’liq. Bu asosiy xislatlardan tashqari o’qituvchining umumiy va boshqaruv qobiliyati, uning moyilligi, xarakteri, muvaqqat psixik holatlari, shuningdek to’plangan tajribasi muhimdir. O’qituvchi shaxsini xarakterlash uchun faoliyatning individual uslubi kabi yig’ma ko’rsatkichlar, jumladan individual faoliyat uslubi (mazkur kishining individual – psixologik xususiyatlariga mos keluvchi pedagogik faoliyat va pedagogik muloqotning vazifalari, vositalari va usullarining barqaror birligi) dan ham foydalaniladilar; ijodiyot (masalan, novator o’qituvchidagi kabi, mazkur o’qituvchi uchun sub’ektiv yangi, shuningdek pedagogika fani uchun ob’ektiv yangi pedagogik faoliyat va pedagogik muloqotning yangi vazifalari va vositalarini izlash va topish); ijtimoiy faol tutilgan yo’l vaziyat (o’qituvchi dalilining ta’sirchanligi, uning so’zi bilan ishi birligi). yetuk shaxs har doim bundan keyingi rivojlanishi uchun kurashadi, bu hol o’qituvchiga ham taaluqli. SHaxsning professional jihatdan o’z - o’zini tarbiyalash yo’llaridan biri - o’zining sifat va hislatlarini, shuningdek pedagogik faoliyat va muloqotlarning barqaror xususiyatlarini, o’quvchilarning ta’lim olganligi va tarbiyalanganligidagi erishilgan natijalarni tahlil qilib borishdan iboratdir.