Potal -zamonaviy tasviriy san’at texnikasi

Potal -zamonaviy tasviriy san’at texnikasi...
18.01.2022
5840
 Ulashish
Hozirda tasviriy sanʼatning turli zamonaviy usuldagi asarlarni ishlash urfga kirgan. Aynan, ushbu usullardan biri potal, ya’ni tilla bargchalar bo‘lib, bunday usul aslida bizga qadimdan yetib kelgan, hattoki baʼzi davlatlarda anʼanadir. Azaldan oltin boylik va farovonlik belgisi bo‘lgan. Shu sabab o‘tgan asrlardagi boy odamlar oltin tilla rasmga ega bo‘lishni xohlashgan.
Oltin barg bilan rasm chizish zamonaviy sanʼat turidir, ammo bu usul bir necha asr ilgari ixtiro qilingan. Oltin yordamida bo‘yalgan birinchi rasmlar bu ikonalar. Tilla bargchalar usulida ishlash, har qanday tasviriy sanʼatni jozibador qilishi mumkin.
Potal bilan ishlash, dekorativ bezovchi va rassom uchun yanada keng imkoniyatlarni ochadi. Amaliy buyumlar yoki rangli tasvirlar ustiga yopishtirib ishlagan bunday tilla bargchalar xonalarning devorlariga, stol yo osma buyumlarni bezashda ko‘rk bag‘ishlaydi .
Potal ya’ni tillo bargchalar bilan ishlash ijodkordan ehtiyotkorlik talab etadi. Bu kabi tillo bargchalar juda nozik bo‘lib, hatto sal shamol bo‘lganda uchib ketishi mumkin.
Potalning 3 rangi mavjud. Bular qimmatbaho oltin, kumush va bronza ranglar. Bu kabi rangdagi turli asarlardan uyning ichki qismini bezashda foydalanish mumkin.