A.B.Leonova Surunkali charchoqni aniqlash so’rovnomasi 36 ta so’rovdan iborat bo’lib, shaxsning ish faoliyatidagi toliqish darajasini o’rganishga mo’ljallangan.
Mazkur so’rovnomada shaxs toliqish darajasi turli ko’rsatkichlari quyidagicha tahlil qilinadi:
- atrofdagilar va tarbiyalanuvchilar bilan bo’lgan munosabatlarda uchraydigan qiyinchiliklar hamda muammolarni yechimini topishga yordam berish;
- optimistik ruhni shakllantirish;
-o’zining kuchli va kuchsiz tomonlarini to’g’ri anglash, ish faoliyatida emotsional zo’riqishdan saqlanish ko’nikmasini shakllantirish, shuningdek eng muhimi, o’zini psixologik jihatdan ijobiy tomonga o’zgartirishga imkon beradi.
Xulosa
Mamlakatimizda olib borilayotgan islohatlar ta’lim tarbiya tizimini ham tubdan o’zgartirib yubordi. Barcha ta’lim tarbiya tashkilotlarida, xususan, maxsus maktab internatlarida tarbiyalayotgan bolalarni ham jamiyatga samarali integratsiya qilish vazifalarini yechimiga qaratilgan qator chora tadbirlar ham olib borilmoqda. Albatta, mazkur chora tadbirlar orasida psixologik xizmat ko’rsatish yo’nalishi ham muhim o’rin tutadi. Zamonaviy keskin o’zgarishlar davrida, ayniqsa jamiyatimizning alohida ta’limiy ehtiyojga muhtoj a’zolariga ta’lim-tarbiya beruvchi pedagog xodimlarga psixologik ko’mak berish nihoyatda dolzarb vazifa ekanligini e’tirof etish mumkin. Mana shu dolzarb muammodan kelib chiqqan holda tadqiqotimizni maqsadi sifatida Maxsus MTT pedagog xodimlariga psixologik xizmat ko’rsatish orqali “Kasbiy kuyish” sindromining oldini olish va korreksiyalash masalalarini belgiladik.
Tadqiqotimiz davomida: mavzuga oid ilmiy, psixologik, adabiyotlarni o’rganib tahlil qildik, kasbiy kuyish sindromining psixologik xususiyatlarini aniqladik, emotsional holatlarda o’z-o’zini nazorat qilishni tashhislovchi metodikalarini o’rgandik. Shu bilan birga kasbiy kuyish yuzaga kelishi, ularning oldini olishga qaratilgan psixologik xizmat yo’nalishida tavsiyalar va trening dasturi ishlab chiqildi.
