Pul, kredit va banklar
-mavzu: Tijorat banklari va ularning funktsiyalari
Yüklə 1,98 Mb. Pdf görüntüsü
|
|
12-mavzu: Tijorat banklari va ularning funktsiyalari
12.1. Tijorat banklari va ularning tashkil topishi 12.2. Tijorat banklarining funktsiyalari 12.1. Tijorat banklari va ularning tashkil topishi Tijorat banklari mamlakat bank tizimining ikkinchi bo’g’inidagi moliyaviy muassasa hisoblanadi. Qonunchilik hujjatlari va iqtisodiy adabiyotlarda tijorat banklari jamiyatdagi vaqtinchalik bo’sh pul mablag’larini jalb qilib, ushbu mablag’larni tegishli shartlar (to’lovlilik, qaytarishlik, muddatlilik, ta’minlanganlik, maqsadlilik) asosida iqtisodiyotning turli tarmoqlariga joylashtiradigan, shuningdek jismoniy va yuridik shaxslarga to’lov hisob – kitoblarni amalga oshirish bo’yicha xizmat ko’rsatadigan tijorat tashkilotlari sifatida tasniflanadi. Zamonaviy sharoitda tijorat banklarining jismoniy va yuridik shaxslarga ko’rsatadigan vositachilik operatsiyalari va xizmat turlari ortib bormoqda. Tijorat banklarining ushbu munosabatlari tijorat asosida tashkil etiladi. Bundan ko’rinib turibdiki, tijorat banklarining faoliyati tijoratga asoslangan bo’lib, ularning asosiy faoliyati yuqori darajada foyda olishga yo’naltiriladi. Biroq, tijorat banklari ishlab chiqarish korxonalaridan farqli o’laroq, o’z foydasini qo’shimcha qiymat ishlab chiqarish hisobidan emas balki, korxona, tashkilotlar va aholi ixtiyoridagi vaqtinchalik bo’sh pul mablag’larini tegishli shartlar asosida jalb qilib, ushbu mablag’larga ehtiyoji mavjud bo’lgan shaxslarga tijorat yo’sinda berish orqali foydasini shakllantiradigan o’ziga xos moliyaviy muassasa hisoblanadi. O’zbekistonda tijorat banklarining tashkil etilishi bevosita mustaqillik yillariga to’g’ri keladi. Mamlakatimiz mustaqillikka erishgunga qadar “bank tizimini faqatgina bir necha banklar, ya’ni SSSR Davlat banki, Tashqi iqtisodiy faoliyat banki, Qurilish banki va Davlat mehnat omonat jamg’armalari kassalari mavjud bo’lib, ittifoqdosh respublikalarda ushbu banklarning respublika, viloyat idoralari va tuman bo’limlari faoliyat ko’rsatar edi 58 ”. O’zbekistonda dastlabki tijorat banklarini tashkil etilishining huquqiy asosi bo’lib 1991 yilda qabul qilingan O’zbekiston Respublikasining “Banklar va bank faoliyati to’g’risida”gi qonuni xizmat qildi. Albatta, mamlakatimizda bozor munosabatlarining takomillashuvi va iqtisodiy islohotlarning chuqurlashuvi natijasida tijorat banklari maqomi, kapitali va faoliyatiga qo’yilgan talablar doimiy ravishda o’zgarib bormoqda. Bularning natijasi o’laroq, O’zbekiston Respublikasining “Banklar va bank faoliyati to’g’risida”gi qonunining yangi tahrirdagi matni 1996 yil 25 aprelda qabul qilindi. Mazkur qonun mamlakatimiz bank tizimi, xususan tijorat banklarini tashkil topishi va rivojlanishiga mustahkam huquqiy baza bo’lib xizmat qilmoqda. O’zbekistonda tashkil etilgan dastlabki tijorat banki Tashqi iqtisodiy faoliyat Milliy banki hisoblanadi. Keyinchalik, “1994 – 1995 yillarda ixtisoslashtirilgan “Asaka” bank (avtomobil sanoatini qo’llab quvvatlash uchun), “G’allabank” (g’alla etishtirishni moliyalashtirish uchun), “Paxtabank” (qishloq xo’jaligi korxonalarini qo’llab – quvvatlash uchun) yakka xo’jaliklarni qo’llab – quvvatlash uchun “Tadbirkor” tijorat banki tashkil etildi” 59 . O’zbekistonda tijorat banklari faoliyatiga litsenziya berish, ularning faoliyatini nazorat qilish va to’xtatish Markaziy bank zimmasiga yuklatilgan bo’lib, tijorat banklarini tashkil etishda asosiy omillardan biri ularning ustav kapitaliga qo’yilgan talab hisoblanadi. Ta’kidlash joizki, mamlakatimiz 58 O’zbekiston Respublikasi bank tizimi. F.Mullajonov tahriri ostida. –T.: «O’zbekiston» nashriyoti, 2001y. 73 – bet. 59 Karimov I.A. Bizdan ozod va obod Vatan qolsin. 2 – tom. –T.: “O’zbekiston”, 1996. 16 – 17 – betlar. tijorat banklari kapitalining minimal miqdoriga qo’yilgan talab doimiy ravishda oshib bormoqda. Quyidagi jadvalda bu haqda ma’lumotlar keltirilgan. Yüklə 1,98 Mb. Dostları ilə paylaş:
|