Qanun nə deyir? Bunu hamı bilməlidir! “Şəffaflıq Azərbaycan”İB tərəfindən nəşr olunub Bakı, Azərbaycan Respublikası
Enerji təhcizatı hansı hallarda dayandırıla bilər?
Yüklə 0,55 Mb. Pdf görüntüsü
|
|
6.Enerji təhcizatı hansı hallarda dayandırıla bilər? Enerji təchizatı müəssisəsi istehlakçıya elektrik enerjisinin verilməsini aşağıdakı hallarda dayandıra 28
bilər: istehlakçının müvafiq yazılı müraciəti (elektrik enerjisinin verilməsinin dayandırılmasının səbəbi və müddəti göstərilməklə) olduqda; sayğacla müəyyənləşən hesab təqdim edildikdən sonra bir ay müddətində ödənilmədikdə; təmir-profilaktika və qəza işləri görüldükdə, o cümlədən baş verən yanğının və ya qaz sızmasının qarşısı alındıqda; enerji təchizatı müəssisəsi ilə müvafiq müqavilə bağlanmadıqda;. məhkəmənin qərarı ilə. İstehlakçıya elektrik enerjisinin verilməsinin dayandırılması yalnız fərdi qaydada həyata keçirilir. 7.Yaşayış evinin sayğaclaşdırılması üçün nə etməli və proseduru? Sayğaclaşdırılma “Bir pəncərə” prinsipi əsasında həyata keçirilir. Vətəndaş yerli enerji təhcizat müəssəsinə standart formada tərtib olunmuş ərizə təqdim edir. Ərizə ilə birlikdə həmçinin şəxsiyyət vəsiqəsinin surəti, mülkiyyət hüququn təsdiq edən sənədin (çıxarış, şəhədətnamə(kupça)), torpaq sahəsinin ayrılması barədə sərəncamın (qərarın) və ya torpaq sahəsində evin tikilməsinə icazə verilməsi barədə sərəncamın(qərarın) surəti təqdim edilir. Daxil olan sənədlər əsasında texniki şöbə tərəfindən hazırlanan texniki şərt əsasında müvafiq bölmə tərəfindən sayğac quraşdırılır və abunə kodu tərtib edilərək məlumat bazasına daxil edilir. Fiziki şəxslər üçün sayğaclaşdırma enerji təhcizat müəssəsinin hesabına aparılır.
Hesablaşma uçot cihazında nöqsan əşkar edildikdə vətəndaş nöqsanun aradan qaldırılması üçün enerji təhcizatı müəssəsinə ərizə ilə müraciət etməlidir. İstehlakçı, o cümlədən məişət abonenti yazılı məlumat verdikdən sonra enerjitəchizatı müəssisəsi on gündən gec olmayaraq hesablaşmanı, lazım gələrsə, sayğacı yoxlamalı və bu yoxlamanın nəticələri haqqında ona məlumat verməlidir.
məsiliyyət daşıyırmı? Xeyr, yaşayış binasının girişində, yaxud pilləkən meydançasında quraşdırılmış sayğacların baxış şüşəsinin sındırılması və ya diqər mexaniki zədələr görə abonent cavabdehlik daşımır.
Məişət abonenti tərəfindən elektrik enerjisindən istifadədə pozuntuya yol verildiyi aşkar edildikdə, enerjitəchizatı müəssisəsinin nümayəndəsi onun və iki nəfər hal şahidinin iştirakı ilə akt tərtib edir və aktın bir nüsxəsini məişət abonentinə verir. Akt enerjitəchizatı müəssisəsinin nümayəndəsi, məişət abonenti və iki nəfər hal şahidi tərəfindən imzalanmalıdır. Məişət abonenti aktı imzalamaqdan imtina etdikdə bu barədə aktda müvafiq qeyd aparılır. Məişət abonenti izahatlar və aktın məzmunu barəsində öz mülahizələrini təqdim etmək, habelə aktı imzalamaqdan imtina etməsinin səbəblərini göstərmək hüququna malikdir, bu izahatlar və mülahizələr akta əlavə olunur. 11.Abunəçi kodunun digər şəxsin adına keçirilməsi proseduru və müddəti? Elektrik enerjisinin alqı-satqı müqaviləsini, şəxsi hesabın digər məişət abonentinin adına keçirilməsi onların müraciətlərinə əsasən enerjitəchizatı müəssisəsi tərəfindən beş gün ərzində baxılır və həll edilir. Elektrik şəbəkəsinə əvvəllər qoşulmuş yaşayış binasındakı mənzilə yeni kirayəçi, yaxud mülkiyyətçi və ya xüsusi yaşayış evinə yeni mülkiyyətçi köçdükdə, həmin məişət abonenti ilə enerjitəchizatı müəssisəsi arasında beş gün müddətində elektrik enerjisinin alqı-satqı müqaviləsi bağlanılmalıdır və enerjitəchizatı müəssisəsi onun adına şəxsi hesab açır və istifadə edilən elektrik enerjisinə görə ödəniş sənədini müstəqil halda yazmaq üçün qəbzlər və bildiriş blankları olan hesablaşma kitabçasını verir (özünəxidmət üsulu).
Təbii qazın pərakəndə satış tarifi 1000 m 3 üçün (ƏDV ilə) - 100,0 manat(1 m 3 -10qəpik). 2. Fərdi istifadəçilər və hüquqi şəxslər arasında qaz pulunun ödənilməsində fərq varmı? 29
Xeyr, qaz haqqının ödənilməsində bütün istehlakçılar qrupları üçün eyni tarifdir. 3. Qaz pulu hara və hansı formada ödənilməlidir? Qaz paylayıcısı istehlakçıya verdiyi qazın dəyərini yalnız sayğacın göstəricilərinə əsasən tam hesablamalıdır və hər ay istehlakçıya məlumat (hesab) təqdim etməlidir (göndərməlidir). İstehlakçı şəxsən ödəmələri adiyytı üzrə poçt bölmələrinə və ya müvafiq banklara ödəməlidir. 4. Qaz təchizatı hansı hallarda dayandırıla bilər? Qaz paylayıcısı aşağıdakı hallarda qazın verilməsini dayandıra bilər: istehlakçının müvafiq yazılı müraciəti (qaz təchizatının dayandırılmasının səbəbi və müddəti göstərilməklə) olduqda; təmir- profilaktika və qəza işləri görüldükdə, o cümlədən baş verən yanğının və ya qaz sızmasının qarşısı alındıqda; istehlakçının qaz qurğusu Azərbaycan Respublikası Nazirlər Kabinetinin müəyyən etdiyi dövlət standartlarının tələblərinə cavab vermədikdə; paylayıcının istehlakçıya verdiyi qazın sayğacla müəyyənləşdirilən hesabı istehlakçıya paylayıcı tərəfindən təqdim edildikdən (göndərildikdən) sonra bir ay müddətində tam ödənilmədikdə; paylayıcı ilə müvafiq müqavilə bağlanmadıqda; məhkəmənin qərarı ilə.
Əgər abonentin mənzilində sayğaclaşma aparılmayıbsa bu zaman vətəndaş sərf etdiyi mavi yanacağın dəyərini metodiki hesablama əsasında ödəməlidir. Yəni, abonentin evində İnventarizasia aparılır və istifadə edilən cihazlar mövsümi tarif əsasında sərfiyyat üzrə ödəniş edilir. 6.Yaşayış evinin qazlaşdırılması proseduru? Qazlaşdırılma prosesi “Bir pəncərə” prinsipi əsasında həyata keçirilir. Vətəndaş “Azərqaz” İB yerli qaz istismar sahəsinin (bundan sonra QİS) texniki şöbəsinə standart formada tərtib olunmuş və müvafiq qaydada doldurulmuş istifadə edilən qaz cihazlarının növünü və saylarını göstərməklə ərizə təqdim edir. Ərizə ilə birlikdə həmçinin şəxsiyyət vəsiqəsinin surəti, mülkiyyət hüququn təsdiq edən sənədin (çıxarış, şəhədətnamə(kupça)), torpaq sahəsinin ayrılması barədə sərəncamın (qərarın) və ya torpaq sahəsində evin tikilməsinə icazə verilməsi barədə sərəncamın(qərarın) surəti təqdim edilir. Həmçinin QİS tərəfindən texniki baxış keçirilidikdən sonra tələb olunan vəsaitin ödənilməsi barədə qəbz əlavə olunur.Sonunda sayğac quraşdırılandan sonra istismara qəbul aktı tərtib olunur və vətəndaşa abunəçi kodu barəsində rəsmi məlumat verilir. 7. Qazlaşdırmanın qiyməti? Fiziki şəxs olan istehlakçıların sayğaclarla təchiz edilməsi, onların quraşdırılması və dəyişdirilməsi qaz paylayıcısı hesabına həyata keçirilir. Vətəndaşın xərclərinə aid olan layihə-smeta sənədlərinin hazırlanması üçün nəzərdə tutulan 62.81AZN (“Azərqaz” İB-nin hesabına ödənilir) və tikinti daxili xətlərin çəkilməsi haqqıdır. Həmin xətlərin çəkilməsi işlərinin dəyəri sifarişçi ilə tikinti təşkilatı arasında bağlanan müqavilə ilə tənzimlənir. Vətəndaş tikinti-quraşdırma işlərinin aparılması lisenziyası olan başqa tikinti təşkilatı ilə müqavilə bağlaya bilər və müqavilədən asılı olaraq ödəmələr etməlidir. 8. Sayğacın işləmədiyi abonent tərəfindən aşkar olunarsa nə etməli? Vətəndaş nöqsan aşkar etdiyi zaman dərhal yerlı Qaz İstismar Sahəsinin qaynar xəttinə (104) zəng etməli və ya QİS-nin yerli dispetçer xidmətinə yazılı müraciət etməlidir.
Nümayəndə abonentin qaz sayğacında nöqsan aşkar edərsə bu zaman vətəndaşa və öz idarə rəhbərliyinə yazılı şəkildə müraciət olunmalıdır. Müraciət olunduqdan sonra isə QİS-nin nümayəndələri abonentlə bilrikdə nöqsan aktı tərtib edərək vətəndaşın son aylarda (mövsümü 30
ödənişlər nəzərə alınmaqla) ödənişləri əsasında ortaq aylıq ödəniş tərtib olunur ki, abonent yeni sayğac quraşdırılana qədər həmin ödənişi ödəməlidir. 10. Sayğaca müdaxilə aşkar edildiyi halda aktlaşdırma proseduru necə həyata keçirilir? Abonet tərəfindən qazdan istifadədə pozuntuya yol verildiyi aşkar edildikdə, QİS nümayəndəsi onun və iki nəfər hal şahidinin iştirakı ilə akt tərtib edir və aktın bir nüsxəsini abonentə verir. Akt QİS nümayəndəsi, abonent və iki nəfər hal şahidi tərəfindən imzalanmalıdır. Abonent aktı imzalamaqdan imtina etdikdə bu barədə aktda müvafiq qeyd aparılır. Abonentin izahatları və mülahizələr akta əlavə olunur. 13. Su təhçizatı sahəsində yaranan suallar 1. Su təhcizatı üzrə fərdi istifadəçilər tərəfindən ödənilən məbləğ nə qədərdir? Bakı, Sumqayıt, Gəncə, Mingəçevir Əli-Bayramlı, Xırdalan şəhərləri və Abşeron rayonu üzrə tariflər 1 m 3 üçün ƏDV ilə 30 qəpik, digər regionlar üzrə tariflər 1 m 3 üçün ƏDV ilə 25qəpik. 2. Fərdi istifadəçilər və hüquqi şəxslər arasında su təhcizatı ödənilməsində fərq varmı? Bəli var, fərdi istifadəçilərdən fərqli olaraq digər sahələrdə istifadəyə görə 1 m 3 üçün ƏDV ilə 70 qəpik ödənilməlidir, sudan xammal kimi istifadə olunduğu halda isə 1 m 3 üçün ƏDV ilə 12,0 manat ödənilməlidir. 3. Su təhcizatı üzrə ödəmələr hara və hansı formada ödənilməlidir? Su təhcizatı üzrə ödəmələ vətəndaş tərəfindən sayğacın göstəricilərinə uyğun olaraq aidiyyatı üzrə müvafiq banklara ödənilməlidir.
Sayğac quraşdırılmamış mənzillərdə adambaşına su istehlakı norması 5 m 3 müəyyən edilir. Beləlik lə, Bakı, Sumqayıt, Gəncə, Mingəçevir Əli-Bayramlı, Xırdalan şəhərləri və Abşeron rayonu üzrə adambaşına 150 qəpik( (5x30)digər regionlar üzrə 70 (5x14) aylıq su sərfiyatı kimi sayılır. 5. Ödəniş hansı müddətdə edilməlidi və gecikdirilməsinə görə sanksiyalar? Sudan istifadəyə görə hesablaşmalar su təchizatı müəssisəsi tərəfindən hər ay istehlakçıya göndərdiyi məlumat (hesab) əsasında aparılır. Ödəmələr vətəndaş tərəfindən şəxsən olaraq aidiyyatı üzrə poçt bölmələrinə və ya müvafiq banklara ödənilməlidir. Abonent hesablaşma dövründə istifadə etdiyi suyun haqqını su idarəsi tərəfindən ödəmə sənədi təqdim edildikdən sonra bir ay müddətində ödəməlidir. 6. Su təhcizatı hansı hallarda dayandırıla bilər? Su təchizatı müəssisəsi aşağıdakı hallarda istehlakçının su təchizatını dayandıra bilər: istehlakçının müvafiq yazılı müraciəti (su təchizatının dayandırılmasının səbəbi və müddəti göstərilməklə) olduqda; tikinti, təmir-profilaktika və qəza işlərinin görülməsinə və su tutumlarının təmizlənməsinə ehtiyac yarandıqda; su götürülən yerlərdə səth sularının bulanıqlıq dərəcəsi artdıqda və ya su hövzəsində fövqəladə ekoloji böhran vəziyyəti yarandıqda; istehlakçının paylayıcı su kəmərləri şəbəkəsi, su tutarları (su anbarları), qoşulmalar, siyirtmələr, kranlar müvafiq icra hakimiyyəti orqanının müəyyən etdiyi dövlət standartlarının tələblərinə cavab vermədikdə; su təchizatı müəssisəsinin istehlakçıya verdiyi suyun hesabı istehlakçıya su təchizatı müəssisəsi tərəfindən təqdim edildikdən (göndərildikdən) sonra bir ay müddətində tam məbləğdə ödənilmədikdə; su təchizatı müəssisəsi ilə müvafiq müqavilə bağlanmadıqda; məişət (təsərrüfat) - içməli su ehtiyacları üçün nəzərdə tutulmuş magistral su kəmərlərindəki sudan digər məqsədlərlə istifadə olunduqda; məhkəmənin qərarı ilə.
31
Yeni tikilmiş evlərin su xətlərinə qoşulması üçün onların ərizəsi əsasında müvafiq su idarəsi tərəfindən texniki şərt hazırlanır. Göstərilən texniki şərtin hazırlanmasının haqqı borunun diametirindən asılı olaraq fərqlənir (D=15mm-73.4AZN, D=50mm-914AZN). Sayğacın quraşdırılması ilə əlaqədar diqər xərclər su təchizatı müəssəsinin hesabına həyata keçirilir. 14. Bələdiyyələr və onların vəzifələri 1. Bələdiyyə nədir? Bələdiyyə - qanunla müəyyən edilmiş ərazi hüdudları daxilində yerli özünüidarəetmə formasıdır. Bələdiyyənin öz mülkiyyəti və yerli büdcəsi olur və o, yerli əhəmiyyətli məsələləri müstəqil surətdə həll edir. Bələdiyyələr bərabərlik əsasında qurulur və fəaliyyət göstərirlər. Azərbaycan Respublikasında yerli özünüidarə vətəndaşların fəaliyyətinin təşkilinin elə bir sistemidir ki, bu sistem onlara qanun çərçivəsində yerli əhəmiyyətli məsələləri müstəqil və sərbəst şəkildə həll etmək hüququnu həyata keçirmək və yerli əhalinin mənafeyi naminə dövlət işlərinin bir hissəsini yerinə yetirmək imkanı verir. 2. Bələdiyyələr hansı səlahiyyətlərə malikdirlər? Bələdiyyələrin iclaslarında aşağıdakı məsələlər həll edilir: bələdiyyə üzvlərinin səlahiyyətlərinin tanınması, qanunla müəyyən edilmiş hallarda onların səlahiyyətlərinin itirilməsi və səlahiyyətlərinə xitam verilməsi; bələdiyyənin reqlamentinin təsdiq edilməsi; bələdiyyənin sədrinin və onun müavinlərinin, daimi və başqa komissiyaların seçilməsi; yerli vergilərin və ödənişlərin müəyyən edilməsi; yerli büdcənin və onun icrası haqqında hesabatların təsdiq edilməsi; bələdiyyə mülkiyyətinə sahiblik, ondan istifadə və onun barəsində sərəncam; yerli sosial müdafiə və sosial inkişaf proqramlarının qəbul və icra edilməsi; yerli iqtisadi inkişaf proqramlarının qəbul və icra edilməsi; yerli ekoloji proqramların qəbul və icra edilməsi. Bələdiyyələrə qanunvericilik və icra hakimiyyətləri tərəfindən əlavə səlahiyyətlər də verilə bilər . Bu səlahiyyətlərin həyata keçirilməsi üçün bələdiyyə üzrə müvafiq zəruri maliyyə vəsaiti də ayrılmalıdır. Belə səlahiyyətlərin həyata keçirilməsinə müvafiq olaraq qanunvericilik və icra hakimiyyətləri nəzarət edirlər.
Bələdiyyə - özünüidarəetmə formasında fəaliyyət göstərən qeyri hökümət qurumu olduğu üçün bir başa olaraq heç bir dövlət qurumuna tabe deyil. Bələdiyyələrin fəaliyyətinin təşkil edilməsinə kömək etmək, metodoloji yardım göstərilməsi və fəaliyyətinə inzibati nəzarətin keçirilməsi məqsədilə Ədliyyə Nazirliyinin nəzdində bələdiyyələrlə iş üzrə Mərkəz yaradılmışdır.
Bələdiyyələrin, bələdiyyə orqanlarının və onların vəzifəli şəxslərinin qərar və hərəkətlərindən (hərəkətsizliyindən) inzibati qaydada və (və ya) məhkəməyə qanunla müəyyənləşdirilmiş qaydada şikayət verilə bilər. 5. Bələdiyyənin büdcəsi necə formalaşır? Bələdiyyənin büdcəsi yerli vergilər və ödənişlər, icra hakimiyyətləri tərəfindən bələdiyyəyə verilmiş əlavə səlahiyyətlərin həyata keçirilməsi üçün bələdiyyə üzrə ayrılmış müvafiq zəruri maliyyə vəsaiti, bələdiyyə əmlakının özəlləşdirilməsindən, bələdiyyə əmlakının icarəyə verilməsindən, qanunla müəyyənləşdirilmiş qaydada özgəninkiləşdirməsindən, yerli lotereyalardan, bələdiyyə mülkiyyətində olan torpaqlarda, binalarda və digər obyektlərdə yerləşdirilən küçə reklamlarına görə daxil olan ödənişlər, bələdiyyə müəssisə, idarə və təşkilatlarının mənfəətindən tutulan vergi, dotasiyalar, subvensiyalar, transfert, ödənişləri, qanuna və bələdiyyələrin qərarlarına müvafiq fəaliyyəti nəticəsində yaranan başqa vəsait təşkil edir. Həmçinin yerli büdcələrin 32
xərclərinin öz gəlirləri ilə təmin olmayan hissəsi (yerli büdcənin kəsiri) dövlət büdcəsindən alınan dotasiya ilə örtülə bilər. 6. Bələdiyyə torpaqların ayrılması zamanı hansı istiqamətverici sənədlərini əsas tutmalıdır? Torpaq sahəsinin bələdiyyə mülkiyyətində olan müəssisə, idarə və təşkilatların istifadəsinə və ya fərdi yaşayış evinin tikintisi üçün Azərbaycan Respublikası vətəndaşlarının mülkiyyətinə verilməsi barədə, habelə hüquqi və fiziki şəxslərin mülkiyyətinə (icarəsinə) verilməsi məqsədilə hərracın (müsabiqənin) keçirilməsi barədə bələdiyyənin qərarı sahənin xüsusiyyətinə və torpağın ayrılma məqsədinə, mövcud texniki normalara, habelə yerquruluşu və şəhərsalma sənədlərinə uyğun olaraq qəbul edilir.
DT və XK-nin rayon(şəhər) şöbələri və qeyri kənd təsərrüfatı üçün torpaq ayrılmasında həmçinin yerli icra hakimiyyətlərinin memarlıq və tikinti şöbələri ilə hərraca və ya müsabiqəyə çıxarılacaq torpaq sahələri razılaşdırılmalıdır. 8. Bələdiyyələrin torpaq hərracları və ya müsabiqələrinin predmeti olacaq torpaqlarını mülkiyyətə kimlər əldə edə bilərlər? Azərbaycan Respublikasının vətəndaşları fərdi yaşayış evinin tikintisi üçün torpağın ayrılması istisna olmaqla, digər hallarda bələdiyyə torpaqları üzərində mülkiyyət hüququnu yalnız açıq torpaq hərracları və ya müsabiqələri vasitəsilə əldə edə bilərlər. 9.Torpaq müsabiqəsinin qalibi kim ola bilər? Torpaq sahəsi mülkiyyətə və ya icarəyə müsabiqə yolu ilə verildikdə müvafiq olaraq alqı-satqı və ya icarə obyektinə ən yüksək alqı-satqı qiyməti və ya icarə haqqı təklif edən şəxs müsabiqənin qalibi hesab olunur. 10. Bələdiyyələr tərəfindən hansı şəxslərə xərracdan kənar torpaq sahəsi satıla bilər? Bələdiyyə ərazisində daimi yaşamaqla ən azı 5 il yaşayış yeri üzrə qeydiyyatda olan Azərbaycan Respublikasının vətəndaşlarına, yaşına, xəstəliyə, ştatların ixtisarına, ailə vəziyyətinə görə ehtiyata və ya istefaya buraxılmış hərbi qulluqçulara və Azərbaycan Respublikasının ərazi bütövlüyü uğrunda aparılan döyüşlərdə əlil olmuş şəxslərə və həlak olanların ailəsinə fərdi yaşayış evinin tikintisi üçün torpağın ayrılması müvafiq bələdiyyənin qərarı ilə bilavasitə həyata keçiriləcək. 11. Bələdiyyənin qərarı ilə bilavasitə torpaq hansı qiymətə satıla bilər? Fərdi yaşayış evinin tikintisi üçün bələdiyyənin bilavasitə qərarı ilə ayrılan torpağın hər 0,01 hektarının qiyməti şəhərlərin və rayon mərkəzlərinin müvafiq zonasında və ya müvafiq kadastr qiymət rayonuna daxil olan inzibati rayonda son torpaq hərracı və ya müsabiqəsi vasitəsilə satılan torpağın hər 0,01 hektarına görə ödənilən qiymətdən az ola bilməz.
Azərbaycan Respublikasının ərazi bütövlüyü uğrunda aparılan döyüşlərdə əlil olmuş şəxslərə və həlak olanların ailəsinə, ehtiyata, və ya istefaya buraxılmış hərbi qulluqçulara fərdi yaşayış evinin tikintisi üçün müvafiq bələdiyyənin qərarı ilə torpaq sahəsi bir dəfə pulsuz verilir.
Bələdiyyə ehtiyat fondunun kənd təsərrüfatına yararlı torpaqları kənd təsərrüfatı istehsalı üçün hüquqi və fiziki şəxslərə yalnız icarəyə verilə bilər.
33
Bələdiyyə ehtiyat fondunun kənd təsərrüfatına yararlı torpaqları kənd təsərrüfatı istehsalı üçün yalnız icarə qaydasında istifadəyə aşağıdakı növbəliliyə əməl etməklə verilir: sovxozun və ya kolxozun ərazisində müvəqqəti məskunlaşmış məcburi köçkünlər; Azərbaycan Respublikasının müvafiq rayonunun (şəhərinin) ərazisində yaşayan torpaq payı almamış fiziki və hüquqi şəxslər; müvafiq ərazidə torpaq payı almış fiziki və hüquqi şəxslər; Azərbaycan Respublikasının digər fiziki və hüquqi şəxsləri; xarici ölkələrin fiziki və hüquqi şəxsləri. 15. İcarə müqaviləsinin müddəti və müddətin uzadılmasında hansı qüzəştlər var? Torpaq hüquqi və fiziki şəxslərə qısa və uzunmüddətli icarəyə verilir. Qısamüddətli icarə 15 ilədək, uzunmüddətli icarə isə 15 ildən 99 ilədək müəyyən oluna bilər. Azərbaycan Respublikasının 28 oktyabr 2008-ci il tarixli 709-IIIQD nömrəli Oanunu qüvvəyə minənədək hüquqi və fiziki şəxslərin istifadəsinə verilmiş bələdiyyə torpaqları üzərində istifadə müddəti bitdikdən sonra, həmin torpaqlar yalnız açıq torpaq hərracı və ya müsabiqəsi vasitəsilə icarəyə verilə bilər. İlkin istifadəçi bu halda istifadəsində olmuş torpağı açıq torpaq hərracı və ya müsabiqəsində təkliflər eyni olduqda icarə hüququ ilə müvəqqəti istifadəyə əldə edə bilər. 16. Bələdiyyə torpaqlarının mülkiyyətə (icarəyə) verilməsi məqsədilə torpaq hərracları və ya müsabiqələrinin keçirilməsi zamanı bərabər təkliflər irəli sürüldükdə hansı şəxslərə üstünlük verilir? • torpağın əvvəlki istifadəçilərinə və ya icarəçilərinə; • Azərbaycan Respublikasının ərazi bütövlüyü uğrunda aparılan döyüşlərdə əlil olmuş şəxslərə və həlak olanların ailəsinə; • yaşına, xəstəliyə, ştatların ixtisarına, ailə vəziyyətinə görə həqiqi hərbi xidmətdən ehtiyata və ya istefaya buraxılmış, 20 təqvim ili və daha çox xidmət etmiş hərbi qulluqçulara (müddətli həqiqi hərbi xidmət hərbi qulluqçularından başqa); • sərhədyanı və dağlıq ərazilərdə yaşayan, daimi yaşamaq üçün həmin ərazilərə köçən, təsərrüfatla məşğul olmaq istəyən gənclərə; • müvafiq ərazidə müvəqqəti məskunlaşmış məcburi köçkünlərə; • müvafiq bələdiyyənin ərazisində daimi yaşayan və eyni zamanda ən azı 5 il müddətində yaşayış yeri üzrə qeydiyyatda olan Azərbaycan Respublikasının vətəndaşlarına;
Yüklə 0,55 Mb. Dostları ilə paylaş:
|