Qasim Süleymani məktəbi
Yüklə 0,92 Mb. Pdf görüntüsü
|
|
14
Qlobal baxış Qlobal baxış lokal və regional baxışdan dəfələrlə dərindir və bütün bəşəriyyətə aid olur. İmam Xamenei 04/06/04 tarixində buyururdu: "İmam siyasi ideya və müraciətlərini bütün bəşəriyyətə ünvanlayırdı, yalnız İran xalqına yox... İmamın siyasi məktəbi bu xeyri, müstəqilliyi, qüdrəti və imanı bütün İslam ümmətinə və bütün bəşəriyyətə istəyir... Əlbəttə, imamın, özünə beynəlxalq missiya tanıyan digər şəxslərdən fərqi budur ki, siyasi məktəbi bir xalqı öz düşüncəsinə, yoluna top-tüfənglə yönəltmək istəmir". 87 İmam Xomeyni 1988-ci ildə, 598 saylı qətnaməni qəbul edən zaman və qanlı Məkkə qırğınının ildönümündə uzun bir müraciətdə deyirdi: "Həcc ayinləri həyat ayinləridir. Müsəlmanlar irqi və etnik mənsubiyyətlərindən asılı olmayaraq, Məhəmməd (s) ümmətinə qovuşub birləşmək, əlbir olmaq üçün ibrahimçi olmalıdırlar. Həcc tövhid həyatını tənzimləyir, formalaşdırır". Bu tövhid həyatı dünya istismarçılarının planlarını pozur və ilahi sistem formalaşdırır. Necə ki, Böyük İmam həmin müraciətində yazırdı: "Biz xarici siyasətimiz olaraq, dəfələrlə elan etmişik ki, dünyada İslamın nüfuzunu gücləndirmək və müstəmləkəçilərin istismarını azaltmaq istəyirik... Biz sionizmin, kapitalizmin və kommunizmin dünyadakı çürük köklərini qurutmaq istəyirik. Biz qərara gəlmişik ki, Böyük Allahın köməyi ilə bu üç təməl üzərindəki quruluşları məhv edək, imperialist dünyada Allah rəsulunun gətirdiyi İslam quruluşunu yayaq. Zəncirlənmiş xalqlar gec və ya tez buna şahid olacaqlar". İmam Xomeyni davamında yazırdı: "Bu gün dünya əsl Məhəmməd İslamı mədəniyyətinə təşnədir. Müsəlmanlar böyük İslam təşkilatında ağ və qırmızı sarayların dəbdəbəsinə son qoyacaqlar". Həmçinin yazırdı: "Biz düşüncə müharibəmiz üçün dünyada İslam əsgərlərinin böyük səfərbərliyinə başlamalıyıq". Bu məsələ Süleymani məktəbində də özünü göstərir. O əziz komandir qlobal baxışla dünyada İslam əsgərlərinin böyük səfərbərliyini təşkil etdi. 88 İmam Xamenei 2017-ci ildə Süleymaninin İŞİD hakimiyyətinə son qoyulması barədə məktubuna cavabında yazırdı: "Böyük Allaha bütün vücudumla şükür edirəm ki, sizin və müxtəlif səviyyələrdəki saysız-hesabsız yoldaşlarınızın fədakar mübarizəsinə bərəkət verdi, dünya tağutları tərəfindən Suriya və İraqda əkilmiş məşum ağacı siz saleh bəndələrin əli ilə kökündən qopardı. Bu, yalnız zülmkar və üzüqara İŞİD qruplaşmasına yox, həm də bölgədə vətəndaş müharibəsi yaratmağı, anti-sionist müqaviməti məhv etməyi və müstəqil dövlətləri zəiflətməyi məqsəd seçmiş xəbis siyasətə ağır zərbə vurdu; indiki və öncəki ABŞ hökumətlərinə və onlara bağlı region rejimlərinə zərbə vurdu. Onlar bu qruplaşmanı yaradıb hər bir imkanla təmin etdilər ki, Qərbi Asiya bölgəsində mənfur istismarlarını davam etdirsinlər, işğalçı sionist rejimini oraya hakim etsinlər. Siz bu xərçəng vəzisini kəsməklə yalnız region ölkələrinə və İslam dünyasına deyil, bütün xalqlara, bütün bəşəriyyətə böyük xidmət göstərmiş oldunuz". Bu böyük qələbə Şəhid Süleymaninin düşüncəsinə borclu idi. Bu düşüncə Hizbullahı gücləndirdi, Həşd-şəbini yaratdı, Fatimiyyun, Zeynəbiyyun, Heydəriyyun və İmam Hüseyn (ə) ordusu qurdu, Suriyanın vətən müdafiəsini rövnəqləndirdi və onların daxilindən böyük qəhrəmanlıqlar yarandı. İran Xarici İşlər Nazirinin keçmiş müşaviri Hüseyn Şeyxül-İslam deyir: "Hacı Qasimin önəmli işi bir ümum- İslam ordusu ilə İŞİD-i məhv etməsidir. O, İŞİD-i livanlı, 89 fələstinli, iraqlı, əfqanstanlı və digər müsəlmanların köməyi ilə sıradan çıxardı. Bu, Qasim Süleymaninin ən böyük işi sayılır". 1 İranın keçmiş Xarici İşlər Naziri Müttəki deyir: "Hacı Qasim İslam tarixində ilk dəfə hərəm müdafiəsini beynəlmiləl etdi. Biz bir də gördük ki, müxtəlif ölkələrdən Fatimiyyun, Zeynəbiyyun, Ələviyyun birləşmələri yaranıb, hərəsi bir Əhli-beyt bayrağını götürüb müqəddəs məkanları müdafiə edir, İraq cəbhəsində vuruşur". 2 Seyid Həsən Nəsrullah deyir: "(İŞİD İraqda olanda) gecə saat 12-də mənim yanıma çatdı. Yadımdadır, dedi ki, günəş çıxana qədər sizdən 120 əməliyyat komandiri istəyirəm. Dedim ki, hacı, indi gecə saat 12-dir, mən 120 əməliyyat komandirini haradan gətirim? Dedi ki, başqa yolumuz yoxdur. Bizdən istədiyi yeganə iş bu idi, bunu da İraq üçün istəyirdi. Bir-bir qardaşlara zəng vurmağa başladıq və təxminən 60 döyüş komandiri təmin edə bildik. Bəziləri Suriya cəbhələrində idilər. Onlara dedik ki, gedin Dəməşq hava limanına. Bəzi qardaşlar da Livandaydılar, onları yuxudan oyadıb gətirdik. Hacı demişdi ki, onları özüm gəldiyim təyyarə ilə aparacam. Hacı Qasimin təyyarəsi sübh namazından sonra Hizbullahın təxminən 60 komandiri ilə birgə Dəməşqə uçdu". 3 1 “Süleymani məktəbi” xüsusi buraxılışı, səh. 117. 2 Yenə orada, səh. 161. 3 “Hacı Qasim məktəbi” xüsusi buraxılışı, səh. 154. 90 Livan, Suriya, İraq, Əfqanıstan, Yəmən və Fələstinin bütün böyük qəhrəmanlıqları İslam dünyasının səfərbərliyinin nəticəsi idi. Hərəm müdafiəsi hərəkatı İslam əsgərlərinin bu böyük səfərbərliyinin bir qoludur. Şəhid Süleymani məktəbi bütün bu həqiqətlərin tərənnümüdür. O dəyərli komandir 2018-ci ildə hərəm şəhidləri ailələrinin toplantısında deyirdi: "Hamınızda bir xüsusiyyət var. Bu xüsusiyyət inqilabın ruhunda, damarlarında yeni bir hərəkət yaratdı və hərəm müdafiəsi adlı bir mədəniyyətin təməlini qoydu. Mən Suriya böhranının əvvəllərində çox fikirləşdim ki, İslam dünyasından hərəmi müdafiə etməyə adam toplamaq üçün hansı adı seçməliyik... Gördüm ki, bu yeni cihada uyğun gələn ən gözəl ad "Hərəm müdafiəsi" adıdır". Əziz Süleymani dövrün fəqih rəhbəri İmam Xameneinin başçılığı altında elə proqram hazırladı ki, Amerikanı və işğalçı sionist rejimini məğlub etdi, İslam dünyasının könüllü qüvvələrini düşmənin ən yaxınına qədər apardı. İmam Xamenei hərəm şəhidlərinin hörmətli ailələrinin toplantısında buyururdu: "Bu gün İslam respublikası sionist rejimin sərhədləri yaxınlığında hərbi varlığı ilə fəxr edir; fərqi yoxdur, ya öz qüvvələrimiz, ya Hizbullah, ya müqavimət qüvvələri, ya da ƏMƏL döyüşçüləri... Bu, İslam və İslam respublikası üçün çox böyük uğurdur". 1 1 Hərəm müdafiəçisi, səh. 31. 91 Hərəmi və İslamı müdafiə etmək üçün müxtəlif ölkələrdən - İrandan, İraqdan, Suriyadan, Livandan, Əfqanıstandan, Pakistandan səfərbər olunan canlı qüvvə İsrail sərhədinə qədər getmişdir. İslam İnqilabının Böyük Rəhbəri hərəm şəhidləri ailələrinin toplantısında buyururdu: "Əgər hərəm müdafiəsi olmasaydı, bu xəbis düşmənlər Əhli-beyt məzarlarını təhqir, gücləri çatsaydı, hətta yerlə-yeksan edəcəkdilər. Ancaq bu gənclər qoymadılar. Bu mühüm hadisədə bizim gənclərimizin də iştirakı onlar üçün böyük üstünlüklərdən biridir". 1 Dahi Rəhbər həmçinin Fatimiyyun şəhidlərinin əziz ailələri ilə görüşdə buyururdu: "Əziz əfqanstanlı ata və analar gül kimi övladlarını Əhli-beyt hərəmlərinin müdafiəsinə göndərdilər. Müdafiə üçün döyüşə yollanan ilk qüvvələrdən biri Əfqanıstanın Həzarə tayfasına məxsus qardaşlarımız idi". 2 Bütün bu döyüşçü və təşkilatlar Süleymaninin proqramı ilə səfərbər olundu. Bu iş beynəlxalq imperializmin Qərbi Asiya regionundakı bütün planlarını alt-üst etdi. İmam Xamenei 8 yanvar 2020-ci ildə bu barədə buyururdu: "Şəhid Süleymani bölgə xalqlarının köməyi ilə, yaxud belə deyək, bölgə xalqlarına etdiyi köməklərlə Amerikanın Qərbi Asiyadakı bütün qanunsuz planlarını zərərsizləşdirə bildi". 1 Yenə orada, səh. 32-34. 2 Yenə orada, səh. 36-37. 92 İslam Cihadı Təşkilatının Siyasi şöbəsinin üzvü Xalid əl-Bətş deyir: "Şəhid Hacı Qasim Süleymani Fələstin müqavimətinə müxtəlif sahələr əlavə etdi, Allah-Taalanın köməyi ilə Qəzzə zolağında müqaviməti genişləndirdi, inkişaf etdirdi, siyasi, hərbi, hətta elmi sahələrdə gücləndirməkdən ötrü onu hər bir şeylə təmin etdi. Hacı Qasim Fələstinin müqavimət ruhu, o və dəstəyi müqavimətin nəbzi idi. Hacı Qasim Fələstinin Səraya əl- Qüds, Qəssam briqadaları və digər müqavimət qrupları, hətta millətçi və qeyri-islami qruplar arasında fərq qoymur, hamıya kömək edirdi. Çünki hamımız sionist düşmənlə vuruşurduq. Hacı Qasim məşhur olduğu böyük səbri və geniş baxışıyla Qəzzə müqavimətini gücləndirib imkanlarını artıra bildi". 1 Həmas təşkilatının Tehran nümayəndəliyinin rəhbəri Xalid Qədumi deyir: "Hacı Qasim 2008-ci il müharibəsində cihad çağırışına ləbbeyk deyib Dəməşqə gəldi, Qəssam briqadası ilə Həmasın müştərək əməliyyat otağında Fələstin mücahidlərinin strategiyası ilə yaxından tanış oldu və israillilərin “Tökmə qurğuşun əməliyyatı” adlandırdıqları Furqan müharibəsində inkarolunmaz müsbət təsirləri oldu". Süleymaninin bütün fikri-zikri İmam Xomeyninin və onun canişininin əmrlərini icra etmək, dünya məzlumlarını qorumaq, müqavimət cəbhəsini formalaşdırmaq, dünyada İslam əsgərlərinin böyük səfərbərliyinə nail olmaq və fələstinlilərə yardım etmək idi. 1 “Süleymani məktəbi” xüsusi buraxılışı, səh. 165. 93 İmam Xamenei 8 yanvar 2020-ci ildə buyururdu: "Amerikalıların planı bu idi ki, Fələstin məsələsini unutdursunlar; fələstinliləri o qədər zəiflətsinlər ki, mübarizədən danışmağa belə cürət etməsinlər. Ancaq bu kişi (Şəhid Süleymani) fələstinlilərin əlini doldurdu. İndi Qəzzə zolağı kimi bir qarış yerdə sionizm rejimi qarşısında iddialı duruş gətirirlər, başlarına elə oyun açırlar ki, 48 saat ərzində atəşkəs təklif edirlər. Bunları Hacı Qasim Süleymani etdi... Amerikanın İraq, Suriya və Livandakı planları bu əziz şəhidin köməyi ilə zərərsizləşdirildi... İraqın müctəhidləri, mömin və cəsur gəncləri fitnələrə qarşı müqavimət göstərdilər, Hacı Qasim də fəal bir məsləhətçi kimi bu könüllü cəbhəyə yardım etdi, böyük bir dayaq kimi orada fəaliyyət göstərdi. Suriyada da belə oldu, Livanda da... Allahın köməyi ilə Hizbullah günbəgün gücləndi. Bu gün Livanın həm qolu, həm gözü Hizbullahdır. Bütün bunlarda əziz şəhidimizin böyük rolu olub". İmam Xamenei 2020-ci ilin fevralında xalqın müxtəlif təbəqələri ilə görüşündə buyururdu: "Keçən il yazda Amerikanın düşüncə mərkəzlərində oturub sizin Hacı Qasim Süleymaniniz barədə geniş müzakirə apardılar. Bu barədə bir müddətdən sonra üstüörtülü bir məruzə yaydılar, biz də xəbərdar olduq. Onlar deyirdilər ki, Hacı Qasim Amerikanın maraqları qarşısında böyük maneədir". Amerikalılar məhz buna görə 2020-ci ilin 3 yanvarında prezident Trampın birbaş əmri ilə onu Bağdad hava limanında raketlə şəhid etdilər. Zəif və xar insanlar güclü 94 insanları raketlə vururlar. İmam Xamenei 17 yanvar 2020- ci ildə Tehranın cümə namazında buyururdu: "Bunlar terrorizmə qarşı ən tanınmış və ən güclü komandir olan Şəhid Süleymanini terrora məruz qoydular. O, regionda terrorizmə qarşı sözün əsl mənasında ən güclü komandir idi, belə də tanınırdı. Onun gördüyü işləri hansı başqa komandir görə bilərdi?! Amerika dövləti onu gizlicə, namərdcə terror etdi. Özləri də etiraf edirlər. Bu cinayət Amerikanın rüsvayçılığına səbəb oldu". O, şəhadət aşiqi idi, arzusuna çatdı, ancaq qanı Süleymani məktəbini rövnəqləndirdi və şübhəsiz, imperializmin çöküşünə zəmin yaradacaq. Süleymani məktəbinin ardıcılları Hacı Qasim Süleymaninin baxışından irəli gələn beynəlxalq baxışla qlobal İslam səfərbərliyini rövnəqləndirəcəklər, dünya İmam Xomeyninin kreativliyini, Xomeyni və Süleymani məktəblərinin əzəmətini bir daha görəcək. Mürşid yeni bir məktəb yaratdı. Onun müridi və şagirdi də həmin məktəbin davamı olaraq, əbədi bir məktəbin əsasını qoydu, bütün dünyaya göstərdi ki, İmam Xomeyninin yolu, düşüncəsi və xətti heç zaman zəifləməyəcək. |