Quliyev Fərəc İbrahim oğlu

Avronest   Parlament   Assambleyasının   iclasında   Enerji

komitəsinin   hesabatının   müzakirəsi   zamanı,   erməni   nümayəndə

heyyəti   üzvünün,   Azərbaycanı   insan   hüquqlarını   pozmaqda

ittiham etməsinə tutarlı cavab (03.04.2012)

- Hörmətli kolleqalar, əvvəla qeyd edim ki, məruzəçilər çox əhatəli

bir sənəd hazırlayıblar. Amma mən sənəddə aydın olmayan bir məsələ

ilə  bağlı  sual etmək  istəyirəm.  Biz ekoloji  tarazlıq,  təhlükəsiz  bölgə,

təhlükəsiz   enerji   qaynaqları   haqda   müzakirələr   aparırıq,   amma

Ermənistanın atom elektrik stansiyasının bağlanması ilə bağlı heç bir

irəli  addım  yoxdur.   Bu   stansiyanın  bağlanması   Beynəlxalq  qurumlar

tərəfindən   qərarlaşdırılıb   və   müəyyən   vəsait   də   ayrılıb.   Niyə   bu

istiqamətdə işlər görülmür və ya görülürsə , işlər hansı mərhələdədir?

Xahiş edirəm, mənim bu sualıma kimsə cavab versin.

İkincisi, burada mənim ölkəm haqqında erməni deputat tərəfindən

insan   haqları   ilə   bağlı   tutulan   irada   cavab   verməyə   bilmərəm.

45

---

Ermənistan   prezidenti   öz   müsahibəsində   bildirir   ki,   “Ağdam   mənim

vətənim deyil” Onda, ortaya sual çıxır, Ağdam sənin vətənin deyil, onda

sənin ordun orada nə edir? Bu işğalçı ordunun orada olmasına görədir

ki,   yüz   minlərlə   azərbaycanlı   bu  Azərbaycan   ərazilərindən   didərgin

düşüb.   Bu insanların  bütün  hüquqları   pozulub.  Yüz   minlərlə insanın

hüquqlarını   pozan   bir   dövlətin   Avronest   tribunasından   insan

haqlarından danışması absurddur.

***