Редаксийа щейяти
Yüklə 2,79 Mb. Pdf görüntüsü
|
|
73 görmək olur (1, 24). Belə ifadələrin böyük bir qrupu ingilislərin məişətində, mədəni və siyasi həyatında adət halına keçmiş əyləncə, mərasim və bayramları əhatə edir. Misal üçün, ingilis dilində işlə- nən one – night stand ifadəsi səyyar fəaliyyət göstərən teatr qastrolunu ifadə edir və yaxud cup – and-saucer drama adlı tamaşa mərasimi çay içməklə müşayiət olunan tamaşanı bildirir. Flower people ifadəsi Britaniyada gənclərin bir qrupunu əhatə edir. Varlı ailədən olan bu gənclər burjua cəmiyyətinin əxlaq normalarına qarşı çıxaraq, ona etiraz əlaməti olaraq sivilizasiyadan kənarda olmağa can atır, azad qardaşlıq sevgisi şəraitində yaşamağı üstün tutur, bir sözlə yaşadıqları cəmiyyətin əxlaq normalarına tabe olmurlar. Bu isə öz ifadəsini Flower boys ifadəsində tapmışdır ki, o da göründüyü kimi, Britaniya həyatını əks etdirən ölkəşünaslıq terminidir. Britaniya həyatını əks etdirən ifadələrin bir qrupu biznes, ticarət özəlliklərini, yəni onun Britaniyaya xas təzahür formalarını əks etdirir. Məsələn, After Eight ifadəsi ingilislərə yaxşı məlumdur. O, aromatik şokolad istehsal edən və onların satışını axşam saat 8-dən başlayaraq təşkil edən firmanı bildirir. Göründüyü kimi, After Eight ifadəsi də və onun aid olduğu biznes növü də məhz Britaniya üçün xarakterikdir. İngilis adət-ənənələrinin özəllikləri müxtəlif mərasimləri, tədbirləri, əyləncələri, müəssisələri bildirən realiyalarda aydın əks olunur: Womens libration movement — «Qadınların azadlıq hərəkatı» - hərəkatın məqsədi qadınların, siyasi, iqtisadi, ictimai hüquqlarını müdafiə etmək, qadınlarla kişilərin bərabər- liyini təmin etməkdir. Xüsusilə də, ailədə qadınların kişilərlə bərabər hüquqa malik olması uğrunda mübarizə aparır. Womens Royal Voluntary Service — Könüllü qadın xidməti olub, xeyriyyəçilik məqsədi ilə fəaliyyət göstərir. Xəstə və ehtiyacı olanlara yardım göstərir, evlərə gedirlər. Wooden spoon — zarafatcıl bir tədbir olub, cəbr üzrə imtahanlardan sonuncu yer tutmuş tələbəyə priz kimi təqdim olunur. Bu adət Kembric universitetinə məxsusdur. Working Mens Club — fəhlə klubu. Belə klublar ailə axşamları, rəqslər və s. əyləncəli tədbirlər təşkil edirlər. Young Womens Christian Association — gənc xristian qızlarının xeyriyyə təşkilatıdır. Dini təbliğ edir, xüsusilə gənc qızlar arasında dini yayır, təşkilatın özünün ümumi yataqxanası və klubları vardır. Spesifik Britaniya sözlərinin bir qrupu ingilislərin məişət xüsusiyyətləri, məişət sahə- sində onların adətləri, məişət qaydalarının tənzimlənməsi üsullarını əks etdirir. Bunlar ərzaq məhsullarının, geyim şeylərinin və başqa həyati ehtiyacla bağlı əşyaların istehsalı, satışı, paylanması, mənimsənilməsi sahəsində Britaniyada müşahidə olunan qayda-qanunları, onları icra edən təşkilat və idarələri bildirir. Yuxarıda qeyd olunduğu kimi, bunlar məhz Britaniya- nın məişəti üçün xarakterikdir və onu ifadə edən adlar da britanizmlər hesab olunur və Britaniyanın ölkəşünaslığına aid sözlərin tərkibində verilir. Twenty Questions — populyar əyləndirici radio verilişi. Uşaqlar üçün nəzərdə tutulan bu oyun BBC-də verilir. Heyvan, bitki və minerallar haqqında verilən suallara düzgün cavab verilməlidir. Valentine — sevgili – müqəddəs Valentine günündə zarafatla seçilir. Bu söz eyni za- manda Valentine günündə sevgililərin bir-birinə göndərdiyi otkrıtka və ya məktuba da deyilir. İngilis dilində elə söz və ifaədələr mövcuddur ki, onlar hamı tərəfindən işlədilir və dərk edilir. Bu kimi söz və ifadələr dilin məişət leksikasına daxildir. Adətən məişət leksikası deyəndə hər hansı bir xalqın məişətinə daxil olan sözlərin ümumi məcmusu nəzərdə tutulr. |