Referat jumisi Temasi: Kásip tańlawǵa baylanıslı psixologik izleniwler. Qabillag’an: Begjanova a tayarlag’an

Kásip tańlawǵa baylanıslı psixologik izleniwler
Eger insan ózi jaqtırmaǵan jumısı menen pútkil turmıs dawamında shuǵıllanǵannan keyin ózin baxtsız sıyaqlı sezedi.
Sonday etip pikirlerimiz tiykarında tómendegi juwmaqlardı keltirip ótemiz:
- shańaraq aǵzalarıńız hám doslarıńız benen máslahátlasqan halda olardıń pikirine kóre, siz tańlaǵan kásipińiz ózińizge sáykes keledi;
- ǵalaba xabar quralları jańa kásip tarawları haqqında kóbirek maǵlıwmat alıwǵa járdem beredi hám arnawlı derekler (ádebiyatlar internet hám basqalar) sizge jámiyette mútajligi joqarı bolǵan jónelisler haqqında maǵlıwmatlar beredi;
- ózińizdi qálewińiz hám turmısıńizdaǵi ustonovkalarıńıızdi yadıńızǵa alın;
- alınǵan materiallardı hár tárepleme kórip shıǵıń, jaqsılap analiz etiń hám ózińizge “Turmısda maǵan ne kerek?” degen sorawǵa juwap beriwge háreket etiń.
- múmkinshiligińiz bolsa, kásip tańlaw boyınsha maman qánige menen máslahátl alıwıńıs zárúr.

Kásip tańlawǵa insannıń ómirindegi eń zárúrli másele bolıp tabıladı. Tabiiyki, real turmısta onıń qandayda bir kásip - ónerdi jetik iyelep, jetik qánige bolıwı zárúrli jaǵday bolıp tabıladı. Álbette, insannıń kásip - óner menen baylanıslı balalıqtaǵı sezimleri, árman - qıyalı jasqa tán psixologiyalıq ózgeshelik penen baylanıslı. Balalıqtaǵı kásip - óner yamasa qánigelik ushın zárúr bilim, shaxs sapaları hám basqa talaplar itibarǵa alınbaydı. Insan ármanlarınıń reallıqqa aylanıwı bolsa ol jaǵdayda juwapkershilik hám juwapkerlik sezimin payda etedi.

Hár qalay, óspirimlik jasında kásip tańlaw jetekshi iskerlik esaplanadi. Oqıwshı - jaslar erteńgi táǵdiri haqqında oylawǵa májbúr. Sebebi olar aldında saldamlı turmıslıq másele - kásip - óner tańlaw mashqalası turadı. Olar kásip - óner tarawlarınıń áhmiyetli táreplerine bólek itibar qarata baslaydılar. Sol sebepli de, olardıń jaslıq dáwirindegi ózgerisler kásip tańlaw hám kásiptiń áhmiyetine tereń názer salıwǵa alıp keledi. Bul bolsa olardıń turmısta óz ornın tabıw minnetlemesin kese qoyadı. Kásip tańlaw hám oǵan tásir kórsetiwshi faktorlardı bir neshe túrge ajıratıw múmkin. Kóbinese kásip tańlaw motivları qáliplesiwi tómendegilerge baylanıslılıǵı tán alıw etiledi:
ata - ana (shaqırıq, kásip - kori, qálew);
oqıtıwshı;
joralar;
tosınarlı tańlaw;
kásip - óner tuwrısında tolıq maǵlıwmatqa iyelik;
kásipke qızıǵıwshılıq;
tanımalı adamlar;
kásiptiń jámiyettegi orını;
kásip iyelerine tán ayrıqshalıqlardı ózinde baqlaw hám basqalar.

Sonday eken, kásip tańlaw ápiwayı jaǵday emes, bálki anıq maqset hám sanalı iskerlikti talap etedi. Bul másele shaxstıń social ózin - ózi belgilewi.
Sonday eken, jámiyet aldındaǵı juwapkerligin sezim qılıw mashqalasına barıp taqaladı. Sebebi shaxs óziniń individual mútajlikleri menen social talaplar ortasındaǵı muwapıqlıqtı támiyinley alıwı kerek. Kóbinese shaxs, ásirese, oqıw - jaslar social óz - ózin belgiley almasliǵi sebepli turmısda qandayda bir abıroyǵa erise almaydı.
Óspirim - jaslar kásip iyelewde kásip - óner hám qánigeliktiń social orınına bólek itibar qaratadı. Nátiyjede kásipler ortasında keskin ayırmashılıq kelip shıǵadı. Tiykarınan hár bir kásip - óner hám qánigeliktiń social áhmiyeti bar. Jetekshi yamasa tigiwshiniń jámiyettegi ornı esapshı yamasa satıwshınikiden kem emes. Aytayliq, minanday isbilermennen intalı tigiwshi kóbirek dáramat tabıwı múmkin.
Kásip tuwrısındaǵı oylar menen real múmkinshiliktiń muwapıq keliwi tiykarǵı shártlerden biri bolıp tabıladı. Birqansha óspirimlerdiń kásip tuwrısındaǵı qıyalları real múmkinshiliginen talay jıraq boladı.
Bul qarama-qarsılıq unamsız nátiyjege alıp keledi. Kerisinshe, múmkinshilik real shárt - jaǵdayǵa uyqas kelse unamlı nátiyjege erisiledi.

Mısalı, esapshı bolıw ushın bul tarawdıń tiyisli bilimlerdi ózlestiriw hám olardı ámeliyatqa qollay alıw boyınsha jetkiliklishe qábilet hám taqat - taqattı talap etedi. Saatlap bir orında otirip jumıs orınlawı ushın insannan úlken shıdamlılıq bolıwı kerek. Tek kásip tuwrısındaǵı qıyallardıń óziǵana qánigelik bolıp kámal tabıw ushın jetkilikli faktor bola almaydı. Bunı oqıwshı - jaslar sanasına úzliksiz sińirip barıw kerek. Joqarıda bildirilgen oy-pikirlerge tıykarlanıp búydew múmkin, qánige retinde kámal tabıw ushın qatar máselelerge itibar qaratılıwı zárúr:
kásipti sanalı túrde tańlaw;
kásip iyelew ushın anıq maqset qoyıw;
kásip tuwrısındaǵı qıyallardıń real turmıstan uzaq emesligi;
iyelenip atırǵan kásiptiń unamlı tárepleri menen bir qatarda ámeliy iskerlikte dus kelinetuǵın qıyınshılıqlar haqqında oyda sawlelendire biliw;
kásiplik motivlardı shet faktorlar tásirinde emes, shaxs mútajliginen kelip shıqqan halda qáliplestiriw;
kásiptiń social orını hám qadr - qımbatın jaqsı biliw;
qánige retinde kámal tabıw uzaq waqtın talap etiwin ańǵarıw hám basqalar.