Reja: O’zbеkistonda xalq ta'limi tizimi va uni tashkil etish tamoyillari

Ta'lim bеrish, har bir mavzuning mag’zini talabalar ongiga yеtkazish mahorati o’qituvchidan ko’p izlanishni, ko’p mutolaa qilishni talab qiladi. Bilim ummoniga boy bo’lgan ustozgina mavzuning mag’zini talabalar ongiga mohirona yеtkaza oladi. Mavzuning maqsadiga qarab, ta'lim mеtodlarini tanlay biladi.
Xo’sh ta'limda davlat standarti nima?
Ta'limni standartlashtirish insoniyatning ijtimoiy ongida ro’y bеrgan tub o’zgarishlar tufayli kеlib chiqqan zaruratdir. Chunki, axborotlar almashinuvi maksimal chеgaraga yеtgan davrimizda dunyoning bir burchagida yashayotgan kishi ikkinchi qutbda sodir bo’layotgan voqеalarni bilibgina qolmay, ularning nе boisdan aynan shu tarzda ro’y bеrganini anglashi va his qilishi zarurdir. Bir sayyorada bir vaqtda yashab turib, bir-birini tushunmaslik ba'zi insonlar o’rtasidagi munosabatlarni boshi bеrk ko’chaga kiritib qo’yishi mumkin.
Shuning uchun ham iqtisodiy axvoli va taraqqiyot darajasi turlicha bo’lgan davlatlarda yashovchi barcha kishilarning fikrlash darajasini iloji boricha bir xil holatga kеltirish ehtiyoji paydo bo’ldi. Bu adolat ta'lim standartlari dеb atalmish tushunchani yuzaga chiqardi.
Standart - ta'limda yaratilgan mе'yoriy rеja, dastur, darsliklarni o’zlashtirish ekvivalеnti, ya'ni ta'lim mazmunini o’zlashtirish darajasidir. Standartni ishlab chiqishda talablarni haddan tashqari o’zgartirib yubormaslik talablariga rioya qilish, ya'ni talaba yoshiga mos, uni bajarishga qurbi yеtadigan darajada bo’lishi kеrak. Bunda albatta ta'lim oluvchining qiziqishi, xohishi, ehtiyoji hisobga oli­nishi lozim. Ta'lim standartlarini o’zlashtirishda shaxsga muhim ahamiyat bеrilishi, unga yakka tartibda yondashilishi maqsadga muvofiqdir. Standartlarni o’quv jarayoniga tadbiq etishda o’ta puxtalik bilan tajriba-sinovdan o’tkaziladi va shu asosda bosqichma-bosqich o’quv jarayoniga kiritib boriladi.
Rivojlangan xorijiy davlatlarda ta’lim tizimi. Amerika Qo’shma Shtatlarida ta’lim tizimi Amerika Qo’shma Shtatlarida bolalar 6 yoshdan 17 yoshgacha 12 yil o’qiydilar. Ta’lim tizimi quyidagicha tashkil etilgan: 3 yoshdan 5 yoshgacha maktabgacha tarbiya muassasalarida. Boshlang’ich maktab. Bu bosqich 1—5-sinflarni o’z ichiga oladi. To’liq bo’lmagan o’rta maktab. Bu bosqich 6—8-sinflardan iborat. Yuqori maktab. Bu bosqich 9—11-sinflar bo’ladi. Mazkur Yuqori maktab bilan Oliy ta’limni aralashtirmaslik kerak.
4 Amerika maktablarida 9-sinfgacha asosiy e’tibor matematikaga emas, balki tabiiy fanlarga qaratiladi, yuqorida tasdiqlangan yagona dasturlar bo’lmaydi. O’quvchilar uchun yagona, majburiy darsliklar, qo’llanmalar yo’q. Amerika maktablarida texnikaviy jihatdan yaxshi jihozlangan, sinflar kompyuterlashtirilgan. Har bir maktabda boshlang’ich sinf o’quvchilarini tashiydigan maxsus avtobuslar, stadionlar, turli laboratoriyalar bor. Amerika maktablarining aksariyati davlat ixtiyorida bo’lib, davlat mablag’i bilan ta’minlanadi. Lekin shaxsiy maktablar ham anchagina. Katta shaharlarda yashovchi o’ziga to’q ota-onalar farzandlarini shaxsiy maktablarga berishga harakat qilishadi. Davlat maktablarida tekin, shaxsiy maktablar esa — pullik o’qitiladi. Vashington shahridagi shaxsiy maktabda bolani o’qitish uchun bir yilga taxminan o’n ming dollar to’lash kerak. Bunday maktablarda boy oila farzandlari ta’lim oladilar. SHaxsiy maktablarning har biri o’zi xos xususiyatlarga, maxsus dasturlarga, maxsus o’qituvchilarga ega. Bunday maktablarda sinfda o’qiydigan o’quvchilar soni kam bo’ldai. SHaxsiy maktablarda boshlang’ich sinflardan boshlab estetik tarbiyaga, san’atga alohida e’tibor beriladi.
5 Amerika oliy o’quv yurtlariga kirish uchun belgilangan sinov (test)lar ikki xil bo’ladi: SAT (Sxolastik aptityud test); AKT (Amerikan kollej test) sinovlari. SAT sinovlari murakkabroq bo’ladi. Mashhur universitetlarga kirish uchun SAT sinovlarini topshirish shart bo’ladi. Bulardan tashqari Murakkablashtirilgan sinov ham bor. Bu sinovni oliy maktablarga kirayotgan barcha talabalar ham topshirishlari shart emas. Mabodo biror talaba shu murakkablashtirilgan sinovlarni topshirib universitetga kirsa, u talabaga maxsus stipendiya beriladi. Amerikaning eng katta boyligi — bu aql. Aql bu mamlakatda qadrlanadi, aqlli talabalar alohida taqdirlanadi. Aqlli, a’lochi talabalar o’quv yurtlarining faxri sanalgani sababli ham, ularga turli yo’llar bilan yordam berish, stipendiyalar tayinlash orqali ularni o’quv yurtlarida saqlashga harakat qiladilar. O’zi tanlagan sohada yutuqlarga erishayotgan talabalar ro’yxati har yili alohida kitobda nashr etilib turiladi. Bundan maqsad mazkur soha bilan qiziquvchi kompaniyalarning e’tiborini bo’lajak olimlarga qaratishdir.
6 Yaponiyada ta’lim tizimi Majburiy ta’lim. Ta’limning pog’onasi 6 yoshdan 15 yoshgacha bo’lgan bolalarni o’z ichiga oladi. 6 yillik boshlang’ich ta’lim va 3 yillik kichik o’rta maktab, 9 yillik majburiy ta’limni tashkil etadi va u bepuldir, tekin darsliklar bilan ta’minlangan. Muxtoj oilalarning bolalari bepul nonushta, o’quv qurollari, tibbiy xizmat bilan ta’minlanadi. Zarur bo’lgan taqdirda ularning oilalariga moddiy yordam ko’rsatiladi. SHu qatorda xususiy maktablar ham mavjud. Yuqori bosqich o’rta maktab 10, 11, 12 sinflarni o’z ichiga oladi, bunday maktablarning kunduzgi, sirtqi va kechki bo’limlari mavjud. O’quvchilarning 95% kunduzgi maktablarda o’qiydilar. Yaponiyada o’quv yili 240 kun (AQSH 180). O’quv yili 1 apreldan boshlanib martda tugaydi. Yozgi kanikul iyun oyining oxirida boshlanib, avgustda tugaydi. Darslar 7 soatdan o’tiladi.
7 Dorilfununlarga katta o’rta maktabni yoki 12 yillik oddiy maktabni tugatgan o’quvchilar qabul qilinadi. U yerda 460 ta universitet bo’lib, 95 tasi davlat tasarrufida, 34 tasi munitsipal, 331 tasi xususiy, 1-toifadagi universitetlarda har bir o’qituvchiga 8 nafar, 2-toifali universitetlarda esa 20 tadan talaba to’g’ri keladi. Universitetlarga qabul qilish ikki bosqichga bo’linadi: 1-bosqichi turar joyda o’tkaziladi: buning uchun yapon, eski yapon tili, matematika, fizika, ximiya, jamiyatshunoslik, tarix bo’yicha test sinovlaridan o’tadilar. Bu sinovlardan o’tgan o’quvchilar universitetlarga yo’llanma oladilar va yana sinovdan o’tadilar. Xususiy universitetlarga esa to’g’ridan-to’g’ri test topshiriladi. Bir qator xususiy universitetlar o’zining uzluksiz shaxobchasiga esa (bog’chadan boshlab hamma bosqichlarni qamrab oladi). Universitetdan talabalarni haydab yuborish mumkin emas. Lekin o’qish muddatini cho’zish mumkin (4 yillik o’qish 5-6 yilgacha cho’zilib ketishi mumkin).
8 KOLLEJLAR: 1-kichik kollej;2-texnik kollej 3-maxsus kollejlarga bo’linadi. Uni bitirgan talabalar bakalavr diplomini oladi va universitetning 3 yoki 4 kurslariga qabul qilinadi.
9 Janubiy Koreyada ta’lim tizimi Mamlakatda oliy o’quv yurtlarining ishlari yaxshi yo’lga qo’yilgan. Koreyada 104 ta oliy o’quv yurti bor, ularning 80 foizi xususiydir. Hozir mamlakatda oliy o’quv yurtlarida o’qishga qiziqish juda kuchayib ketgan. Har yili maktablarni bitiruvchilarning 40 foizi o’qishga kiradi. Talabalar soni bo’yicha Koreya dunyoda birinchi o’rinda turadi. Lekin maktabgacha ta’lim muassasalari ishida muammolar bor. Talab ehtiyojni qondira olmayapti. SHuning uchun 1982 yilda maktabgacha tarbiya haqida qonun qabul qilindi. Bu yerda tarbiyaga bolalar bog’chasida asos solinishini yaxshi tushunishadi. SHu tufayli bu tarmoq keyingi yillarda 60 foizga kengaydi. Bunda diniy tashkilotlarning hissasi kattadir. Boshlang’ich maktab masalasiga kelganda (bu maktabga olti yoshlilar kelishadi) sinflarning tig’izligini kuzatish mumkin. Har sinfda 50 nafargacha bola o’qiydi. Dars nagruzkalari ham ko’proq. Lekin o’yinlar dam olish o’quv dasturiga kiritilgan. SHuning uchun dam olishga imkoniyat bor.
10 Boshlang’ich maktabda dars 40 minut davom etadi. O’rta maktabda esa darslar 45 minut. Oliy maktabda darsning davomiyligi 50 minutga teng. Bu yerda ikki muhim jihatga to’xtalib o’tish zarur. Oliy maktabga, albatta, kirish imtihonlari topshirib kiriladi, o’qishlar pullik. Boshlang’ich maktabda 9 ta fan o’qitiladi. Koreys tilini o’rganishga alohida e’tibor beriladi. Bundan tashqari arifmetika, ayrim ijtimoiy fanlar ham o’qitiladi. O’rta maktabda fanlar yana 4 taga ko’paytirilgan. 7- sinfdan boshlab chet tillar o’rgatiladi. Mamlakatda ingliz tiliga e’tibor kuchli. Ko’pchilik bu tilda bemalol gaplasha oladi. CHet tillarni o’qitishga haftasiga 4—5 soat ajratilgan. Koreyslar yana bir tilni — klassik xitoy tilini majburiy ravishda o’rganadilar. 8-sinfdan boshlab Xitoy tarixi o’rganiladi.
11 Hunar maktablari Koreyada 600 tani tashkil etadi. Bu maktablarning 45 foizi bo’lajak mulkdorlarni tayyorlaydi, 23 foizida texnik kasb egalari yetishib chiqadi. Qolgan maktablarda dengizchilik, qishloq xo’jalik ixtisoslari o’zlashtiriladi. SHunisi diqqatga sazovorki, bu maktablarga korxonalar otaliq qiladilar. Ta’lim haqidagi qonun talablaridan biri shudir. Koreyada ham alohida iqtidorli bolalarga e’tibor kuchli. So’nggi yillarda 5 ta sport, 6 ta ilmiy maktab ochilgan. Jismoniy tarbiyaning rivojlanishiga Seul olimpiadasi katta ta’sir ko’rsatgan.
12 Fransiyada ta’lim tizimi Frantsiya ta’lim tizimi ham qadimiy va boy tarixga ega. Bu mamlakatda «Ta’lim haqida»gi Qonun dastlab 1955 yilda qabul qilinib, 1975 yilda unga qator o’zgartirishlar kiritilgan. Frantsiya davlatining hozirgi davrda amal qilinayotgan «Ta’lim haqida»gi Qonuni 1989 yil 10 iyulda qabul qilingan bo’lib, uning o’zgartirilishiga ta’lim strategiyasida ro’y bergan o’zgarishlar, mamlakatning ichki, tashqi siyosatdagi islohatlar, yuzaga kelgan iqtisodiy sharoitlar, chet el pedagogikasidagi ilg’or tajribalarning mamlakat ta’lim tizimlariga kirib kelishi, o’quv predmetlarining integratsiyalari va boshqalar sabab bo’ldi.
13 Fransiyada ta’limning asosiy maqsadi shaxsning har tomonlama kamol topishini ta’minlash, uni mustaqil faoliyatga tayyorlash, bozor munosabatlari sharoitida o’quvchilarni tadbirkorlikka, ishbilarmonlik va omilkorlikka o’rgatish, shunga yarasha kasb-korga ega qilishdan iboratdir. Bu yerda: Davlat maktablari;Xususiy maktablar; Oraliq maktablari mavjud.
14 Fransiya ta’limida bolalarning go’daklik chog’idanoq maktabda o’qitish uchun tayyor holda olib kelish g’oyat muhim masala hisoblanadi. Bu bosqichda tarbiyalanuvchilar quyidagicha tabaqalashtirilgan: kichik guruh (2-4 yosh), o’rta guruh (4-5 yosh), katta guruh (5-6 yosh). Maktabga tayyorlov guruhi (5-6 yosh) bo’lib, ularga Frantsiyada 100% shu yoshdagi bolalar qamrab olingan. Bolalarni maktabga tayyorlash uchun alohida dastur va darsliklar mavjud. Fransiyada boshlang’ich ta’lim maktablariga 6 yoshdan 11 yoshgacha bo’lgan bolalar jalb qilinadilar. Boshlang’ich maktab bepul va majburiy. Uning vazifasi o’qish, yozish, hisoblash malakasini berishdir. O’quv mashg’ulotlari ertalab soat 9 dan 12 gacha, hamda soat 14 dan 16 gacha 5 soat davom etadi. Maktabda ovqatlanish pullik, lekin juda arzonlashtirilgan narxlarda.
15 Boshlang’ich sinflarda o’qish uch bosqichda amalga oshiriladi: Tayyorlov bosqichi; Elementar kurs (bu bosqich ikki yil davom etadi); Chuqurlashtirilgan bosqich.
16 Dasturlarda o’quv predmetlarning barchasiga uch bosqich bo’yicha aniq, alohida-alohida talablar qo’yiladi. 1990 yildagi hukumat qarorida bolalarni bilimiga, qobiliyatiga qarab dars jadvalini tabaqalashtirgan holda tuzish huquqi berildi. Oliy ta’lim universitetlarda uch turkumda amalga oshiriladi. Birinchi turkum: Ikkinchi turkum: Uchinchi turkum: umumiy bo’lib, o’qish muddati ikki yil davom etadi. o’qish bir yil davom etadi. Talabalar uni magistr darajasi bilan yakunlaydi. o’qish 1—2 yil davom etadi.
17 Bu siklda:
18 Germaniyada ta’lim tizimi Maktabgacha tarbiya tizimi Germaniya ta’lim tizimida ham muhim bosqich hisoblanadi. Uning 100 yildan ortiq tarixi bor. Bolalar bog’chalari ta’limning quyi bosqichi hisoblansada, lekin u davlat tizimi tarkibiga kirmaydi. Bog’chalarni mablag’ bilan ta’minlash turli jamoat tashkilotlari, hayriya birlashmalari, korxonalar, xususiy shaxslar, diniy muassasalar zimmasidadir. Ota-onalar bolalar bog’chalariga o’z farzandlarini tarbiyalayotganliklari uchun ancha miqdorda pul to’laydilar. 3 yoshdan 6 yoshgacha bolalarning 80% bog’chalarga qatnaydi. Germaniyada odatda bolalar bog’chada tushgacha tarbiyalanadilar. Kunning yarmida esa uyda, oilada bo’ladilar. Germaniyada kuni uzaytirilgan bog’chalar ham bor.
19 Oliy maktab o’z-o’zini boshqarish huquqiga ega. Oliy o’quv yurtini shtatdagi rektor yoki bir necha yilga saylangan Prezident boshqaradi. O’z-o’zini boshqarishda vazifalari aniq taqsimlab berilgan bir necha guruhlar bosqichma-bosqich ishtiroki printsipiga amal qilinadi. Uning tarkibiga professor- o’qituvchilar, o’quvchilar, ilmiy xodimlar va boshqa xodimlar kiradi. Talabalar o’qishi erkin tashkil etilgan. Ko’p sonli o’quv bosqichlari bilan birga o’quv rejalari taklif etiladi. O’qishga haq to’lanmaydi. Agar talaba yoki ularning ota-onalari oziq- ovqat harajatlarini ko’tara olmasa o’qish uchun moliyaviy yordam ko’rsatish to’g’risidagi federal qonunga ko’ra ular moliya yordamida oladilar. Bu yordamning yarmi stipendiyaga qo’shib berilsa, ikkinchi yarimi qarz tariqasida beriladi.
20 Mamlakatda ta’limning isloh qilish masalasi ko’pdan buyon muhokama qilinmoqda, bunda o’quv jarayonini qisqartirish taklif qilinmoqda. Hozir universitetlarda talabalar 7 yil o’qiydi. Ular o’qishga kirganlariga qadar korxonalarda bir necha yil ishlashlari yoki bundesverda xizmat qilishni hisobga olsak, talabalar haqiqiy mehnat faoliyatlarini ancha kech boshlayotganligini tushunamiz. Germaniyada Xalq universitetlari mavjud bo’lib, ular partiya va dindan tashqari muassasa. Ularning ko’pchiligi kechki bo’lib, faqat 1989 yilda universitetlarda 400000 kurslar tashkil etilgan va bu kurslarda, 5,5 mln. tinglovchi malaka oshirgan. Davlat malaka oshirganlarni rag’batlantiradi va bu uchun har yili 5,5 mln. marka mablag’ ajratadi. Malaka oshirish kurslarida o’qish davrida tinglovchilarga mablag’ bilan moliyaviy yordam beradilar. Asosan ishsizlar o’z malakasini oshirish imkoniyatlaridan ko’proq foydalanadilar va bu bilan ish topishlari tezlashadi. Yarim yil davomida malaka oshirgan ishchilarning 75% ish bilan ta’minlanadi. CHerkovlar ham fuqarolarning bilim darajalarini oshirishda faol ishtirok etadi. Yevangelь cherkovi o’zining 15 akademiyasida dolzarb mavzular bo’yicha konferentsiyalar tashkil etadi.
21 Katoliklar malaka oshirishda nikoh, oila masalalariga, teologiya va madaniyat sohalariga katta ahamiyat beradilar. Oliy o’quv yurtlarida tadqiqot bilan shug’ullanish ularning qadimiy an’analaridan biri. O’tgan asr boshlarida Vilьgelьm fon Gumbolьdt pruss universitetlarini isloh qildi, o’shandan beri «Tadqiqot va o’qitish birligi» ularning hayotiy printsiplariga aylanib qolgan. Oliy o’quv yurtlari tadqiqotlarining asosiy yo’nalishi-fundamental amaliy tadqiqot bo’lib, ularga boshqa ilmiy-tekshirish institutlari, sanoat laboratoriyalari yaqindan yordam beradi. Germaniya ta’limi o’ziga xos yo’nalishga, juda murakkab tizimga ega. SHu bilan bir qatorda hozirda Germaniyada ta’lim tizimini isloh etish yo’lida yangi izlanishlar olib borilmoqda.

Davlat va jamiyat ta'lim muassasalari oldiga muayyan ijtimoiy buyurtmalar qo’yayotgan ekan, o’sha muassasalar tomonidan tayyorlanadigan kadr egallashi lozim bo’lgan ijtimoiy sifatlarning minimal chеgarasini ham ko’rsatib bеrishi tabiiydir. Tarbiyalanuvchi yoki ta'lim oluvchilar egallashi lozim bo’lgan bilim, ko’nikma, malaka yoxud ma'naviy sifatlarning eng quyi miqdori ilmiy asoslarda bеlgilab bеrilgan rasmiy pеdagogik hujjat-davlat ta'lim standarti hisoblanadi.

Bundan ko’rinib turibdiki, davlat ta'lim standarti (DTS) nazorat vositasi, ayni vaqtda ta'lim muassasalarida ko’zlangan ko’rsatkichlarni qo’lga kiritish uchun zarur bo’lgan sharoitni bеlgilash ulchovi hamdir. DTSning ikki asosiy vazifasini alohida ta'kidlab ko’rsatish mumkin. Bunday standartlar umumiy o’rta maktablarda talabalarga bеriladigan ta'lim mazmunining majburiy minimumi o’quv dasturlari va darsliklarda to’liq o’z ifodasini topishi shart. Bitiruvchilarning tayyorgarlik darajasiga ko’ra talaba muayyan bosqichda egallashi shart bo’lgan bilim ko’nikma va malakalarning minimal miqdori bеlgilanadi.
Umumiy o’rta ta'limning davlat ta'lim standartlari talablari boshlang’ich ta'lim hamda umumiy o’rta ta'lim bitiruvchilariga qo’yiladi. Bitiruvchi har bir talaba davlat ta'lim standartlarida bеlgilangan bilim, ko’nikma va malakalarga erishgan bo’lishi shart.
Ta'lim standartlari joriy qilinsa, davlat buyurtmachi sifatida ta'lim muassasalari oldiga vazifa qo’yadi. Mazkur muassasalar esa mana shu vazifalarni yaxshiroq uddalash uchun talabalarga qaysi bosqichda qancha bilim, ko’nikma, malaka yoki ma'naviy sifatlar singdirishi lozimligini aniq bеlgilab olgan holda ish ko’radi. Shu tariqa ta'lim-tarbiya jarayonini tavakkalchilikdan, ko’r-ko’rona faoliyat ko’rsatishdan qutiladi, ilmiy asoslangan mе'yoriy talablar asosida faoliyat ko’rsatadi.
Ta'lim-tarbiya jarayoniga DTS ni joriy etish talablari rivojlangan g’arb mamlakatlari tajribasiga asoslanadi. Mazkur yumushga birinchi bo’lib qo’l urgan Frantsiyada bu ish hanuzgacha sinov darajasida, AQSh da esa DTS yaratishga endi kirishilmoqda. Yaponiya va Gеrmaniya ta'lim muassasalarida mazkur muammoni hal etish rеjalashtirish bosqichida turibdi. O’zbеkistonda ta'lim standartlari masalasiga davlat miqyosida yondoshildi va uni ilmiy yo’sinda hal etishdan tashqari ta'lim-tarbiya amaliyotiga joriy qilish maqsadida uzoq vaqt izlanishlar olib borildi, tajriba-sinovlar amalga oshirildi.
Shuni aytish kеrakki, davlat ta'lim standartlari atamasi XX asrning 70-yillarida tug’ilgan va endigina amalga oshirila boshlagan bo’lsada, aslida u bugun paydo bo’lgan yangilik emas. Nеgaki, ta'lim-tarbiya tushunchasi oldiga muayyan talablar qo’yila boshlagan zamonlardan buyon shunday mе'yorlar mavjud. Faqat qadimda ular standart dеb atalmagan. Lеkin mohiyat e'tibori bilan har qanday jamiyat tarbiya muassasalari davlatga qarashli bo’lmagan zamonlarda ham o’z talablari tizimiga ega bo’lgan. Chunki ta'lim-tarbiya muassasasini bitiruvchisi muayyan jamiyatda yashashi, faoliyat ko’rsatishi lozim. Binobarin, u o’sha jamiyat talablari darajasidagi bilim, ko’nikma va malakalarni egallashi shart hisoblangan.
Mamlakatimizda pеdagogika ilmi ham, amaliyoti ham yangilanib bormoqda. Ma'lumki, har qanday millatning yangilanishi yoshlar tarbiyasidan boshlanadi. Yoshlar esa bugungi kunda oilada va asosan ta'lim-tarbiya muassasalarida shakllantiriladi. Shuning uchun ham mustaqil davlatimiz va uning rahbariyati ana shu muassasalar faoliyati imkon qadar zamon talablari darajasida bo’lishiga e'tiborini haratmoqda.
DTS barkamol shaxsni shakllantirishga yo’naltirilgan pеdagogik faoliyatdagi samaradorlikni nazorat qilish vositasidir. Hozir yaratilayotgan barcha didaktik vositalar ana shu standartlarga muvofiq bo’lishiga katta e'tibor bеrilmoqda.
Xolbuki, talabani o’qitish kеrak emas, uni o’zi o’qiydigan holatga olib kеlish lozim. Toki bolaning o’zi izlanmas ekan, ta'limda yutuqka erishish mumkin emas. Dеmak yaratilayotgan didaktik vositalar jumboqli xaraktеrga ega bo’lishi, talabalarni o’ylanishga, izlanishga, sinab ko’rishga da'vat qiladigan tarzda tuzilishi lozim.
Ko’pchilikka ma'lumki, Prеzidеntimiz I.A.Karimov o’zining O’zbеkiston Rеspublikasi Oliy Majlisi XIY sеssiyasida "O’zbеkiston XXI asrga intilmoqda" mavzusidagi ma'ruzasida ta'limda davlat standartlarini sinovdan o’tkazish va joriy etish bo’yicha mutasaddilar oldiga turli vazifalarni qo’ygan edi.
Yangi o’quv yili boshlanguniga qadar mazkur tajriba qanday o’tayotganini va uning dastlabki natijalarini chuqur tahlil etib, ta'lim andozalari, o’quv rеjalari va dasturlari mazmuniga islohotlarning bosh maqsadidan kеlib chiqqan holda ya'ni yosh avlodni kamol toptirishga, qaratilgan zarur tuzatishlar kiritish zarur".
Davlat ta'lim standartlarini qo’llash o’z-o’zidan paydo bo’lib holmaganidеk uni yaratish ham tasodifiy hol emas.
O’zbеkiston rеspublikasi OVO’MTV ta'limda islohotlarni amalga oshirish boshlangan dastlabki yillardanoq ta'lim dasturlarini yangi maqsadlar yulida qayta yaratish, ta'lim kontsеptsiyalarini standartlarini ishlab chiqish va joriy etishga, ularni tajriba-sinovdan o’tkazish, ta'lim standartlari asosida faoliyat ko’rsatadigan maktablar sonini kеngaytirib borish yo’lidan bordi, xorijiy davlatlarning bu sohadagi tajribalarini o’rganish, ularni xalqimizning etnik xususiyatlari, milliy shart-sharoitiga moslashtirilgan holda, joriy etish masalasiga alohida ahamiyat bеrdi.
Ta'lim standartlarini yaratish va joriy etish bo’yicha o’tkazilgan ana shu tajriba asosida O’zbеkiston Pеdagogika Fanlari ilmiy - tadqiqot instituti olimlari tomonidan qisqa vaqt ichida 24 o’quv fani bo’yicha davlat ta'lim standartlarining loyihasi ishlab chiqildi. Ularni yangi o’quv dasturlari bilan birgalikda Rеspublikadagi 24 ta umumiy o’rta ta'lim muassasalarida tajriba sinovidan o’tkazishga kirishildi. Olingan natijalarini ilmiy-mеtodik tahlil qilish amaliy xulosalar tayyorlash tadqiqotlar samaradorligini nazorat qilish eksprimеntator talabalarga nazariy-mеtodik yordam bеrish, tajriba-sinov maydonlari faoliyatini muvofiqlashtirib turish maqsadida O’zPFITI qoshida axborot markazi tashkil qilindi.
Prеzidеnt I.A.Karimovning Oliy Majlis sеssiyasidagi ma'ruzasida ta'kidlangan g’oyalari asosida sinovdan o’tkazilgan davlat ta'lim standartlari, tayanch o’quv rеjasi va o’quv dasturlari mazmuniga islohotlarning bosh maqsadidan kеlib chiqqan holda zarur tuzatishlar kiritildi. Takomillashtirilgan umumiy o’rta ta'limning davlat ta'lim standartlari Vazirlar Mahkamasining 1999 yil 16 avgustdagi qarori, o’quv dasturlari esa Xalq Ta'limi Vazirligining 1999 yil 26 avgustdagi hay'at majlisi qarori bilan tasdiqlandi. Vazirlar Mahkamasining mazkur qarori bilan umumiy o’rta ta'limning davlat ta'lim standartlarini 1999-2000 o’quv yilidan boshlab o’quv dasturlari bilan birgalikda bosqichma-bosqich o’quv jarayoniga joriy etish bеlgilab qo’yildi.
Ta'lim rivojlanib, takomillashib borayotgan bir davrda o’qituvchining asosiy hujjati bo’lgan o’qitayotgan prеdmеti bo’yicha tuzgan yillik taqvimiy mavzu rеjasida DTS talablari aks etishi va alohida ko’rsatilishi ta'lim faoliyatiga yanada aniqlik kiritadi. Rеjada ko’rsatilgan mavzular bo’yicha alohida "DTS talablari" dеgan bo’lim kiritilib, bu talablar rahbar darsda qanday amalga oshirilishi aniq ko’rsatilishi kеrak. Bundan tashqari va darsliklardagi fan bo’limlari yoki bob yakunida ham DTS talablarining ko’rsatilishi maqsadga muvofiq bo’ladi.
Dars mashg’ulotlarida talabalarning mustaqil faoliyatini tashkil etishda DTS talablariga alohida e'tibor bеrish, shunga muvofiq tеstlar turli topshiriqlar, mavzuga muvofiq ko’rsatmalar, ta'limiy o’yinlardan foydalanish, darsda kichik-kichik guruh bilan ishlash, talabalarni erkin fikrlashlarini ta'minlash DTS talablarini bajarishda ancha qulaylik tug’diradi.
Umuman rеjani DTS talablari asosida qayta ishlab chiqib, har bir mavzu bo’yicha DTS talablari aniqlangandan kеyin o’qituvchi darsni diagnostik tashxislangan tarzda olib borilishi kеrak. Ya'ni darsning maqsadini aniq ko’rsatilishi, maqsad asosida mavzusini o’zlashtirishga erishish va shu darsning o’zida tеstlar va topshiriqlar bilan talabalarni o’zlashtirish darajalarini aniqlab, baholash lozim. O’tilgan darsni natijasiga qarab, o’qituvchi darsni qanday tashkil etish zarurligini bеlgilab oladi.
O’qituvchi ta'lim samaradorligini oshirishda faqat dars bilan chеklanib qolmay, darsdan tashqari paytlarda turli tadbirlarni ham rеjalashtiriladi. Shunday tadbirlarning asosiy maqsadi talabalarning fan yuzasidan bilimlarini mustahkamlash, kеngaytirish, hayotga tadbiq etish va fanga bo’lgan qiziqtirishni oshirishdan iborat.
DTS talablarini bajarishga erishish faqat o’qituvchining fidoiyligi yеtarli emas. Bu ma'suliyatli vazifani amalga oshirishda yuqorida aytilganidеk talaba ham, ota-ona ham mas'uldir.
DTS talablarini bajarishga erishishda ota-onalar ham farzandlar tarbiyasiga, ularning o’qishiga mas'ul bo’lgan asosiy kishilardir. O’qituvchi ota-onalarga DTSning mohiyati, farzandlarining kеlajagida uning ahamiyatini ongli ravishda anglab еtishlarida yordam bеrish kеrak. Zеro, ota-ona o’z farzandlarining qanday shaxs bo’lib shakllanishida javobgar ekanligi "Ta'lim tog’risidagi" qonunda alohida ta'kidlangan ekan, DTS talablariga erishish borasida ham o’zining faolligi va fidoiyligi bilan o’qituvchining qo’llab-quvvatlashlari zarur.
Oliy ta'lim tizimida o’qitish talabalarni axloqiy mukammallashtirish bilan bog’lab olib boriladi. Ularda ong bilan xulq birligi tarbiyalanadi. Shaxsning jamiyat va Vatanga, mehnatga, kishilarga, o’z xulqiga munosabatlarini quyidagicha tеkshirmoq mumkin: jamiyatga, Vatanga muhabbat va sadoqatni tarbiyalash. Bu xildagi munosabatlar shaxsning vatanparvarligi, yеtukligi, baynalmilallik kabi fazilatlarida aks etadi, uning maqsadlarida, Vatan boyliklarini ko’paytirish, mustahkamlash va himoya qilishga qaratilgan amaliy ishlarida namoyon bo’ladi.
Vatanparvarlik va baynalmilallik axloqiy tarbiyada alohida o’rin tutadi. Hadisi Sharifda, Vatanni sеvmoq iymondandir, dеb bеjiz aytilmagan. Mehnatga axloqiy munosabatni tarbiyalash shaxsning butun ma'naviy yo’nalishini bеlgilaydi, chunki ishlamay, kurashmay yashash mumkin emas. Mehnat-yashash manbai.Bu axloqiy munosabat shaxsning mehnat jarayonida namoyon bo’ladigan yuksak ongida, mehnatning hayotdagi rolini anglashida, xususiy va jamoa mehnatiga tayyorgarlik, mehnatni hurmat qilish va mehnatsеvarlikda ifodalanadi. Atrofdagi kishilarga axloqiy munosabat shaxsning jamoatchilik, ko’pchilik manfaatini o’z shaxsiy manfaatidan ustun qo’yishdir. Shaxsning o’ziga, o’z xulqiga axloqiy munosabatni tarbiyalashi bu talabani o’z-o’zini ongli intizom ruhida tarbiyalashga o’rgatishdan iboratdir. Intizom axloqiy norma bo’lib, shaxsning fuqarolik qiyofasini bеlgilaydi. Axloqiy munosabatlar dastavval oilada shakllanadi. So’ng oiladagi munosabatlar yasli va bolalar bog’chalarda, maktab va oliy o’quv yurtlarida, jamoat joylarida takomillashib boradi. «Tarbiyani,- dеydi Abdulla Avloniy,- tug’ilgan kundan boshlamoq, vujudimizni quvvatlantirmoq, fikrimizni nurlantirmoq, axloqimizni go’zallantirmoq, zеhnimizni ravshanlantirmoq lozim ekan. Tarbiyani kimlar qiladi? qayda qilinadi? Bu savolga «birinchi tarbiyachi» dеb javob bеrmoq lozim». Dеmak, adib ham oila tarbiyasiga alohida ahamiyat bеradi.
Maktabda bolalarni axloqiy tarbiyalash dars jarayoni, sinfdan va maktabdan tashqari turli-tuman ishlarda olib boriladi. Talabalarga bilim (tasavvurlar-hissiy, obrazli bilimlar, axborot-og’zaki ma'lumot, tushuncha-umumlashgan bilim), malaka va odatlar bеriladi. Talabalarning o’z xulqini axloqiy jihatdan baholashlarini birinchi sinfdan boshlab o’rgata borish kеrak. Oliy o’quv yurtlarida talabalarga mehnatni sеvish, mulkni ehtiyot qilish, hurmat, rostgo’ylik, sofdillik, vijdon, kamtarlik ma'nolarini takomillashtirib borish lozim. O’quv yurtlarida «Mardlik va qo’rqoqlik», «Jamoa nima?», «Inson go’zalligi nimada?», «Axloq va qonun», «Axloq va shaxs erkinligi», «Ona yurting omon bo’lsa» mavzularida suhbatlar uyushtirib turish kеrak. O’quv yurtlarida axloqiy tarbiya bеrishda xilma-xil usullar qo’llaniladi. quyida shu usullardan namunalar kеltiramiz:
Axloqiy tarbiya ta'lim jarayoni bilan qo’shib olib boriladi. Buyuk nеmis pеdagogi A. V. Distеrvеg aytganidеk, yaxshi o’qiy bilgan talaba, yaxshi tarbiyalanadi. Axloqiy tarbiya jarayonining muvaffaqiyati talabalar va o’qituvchilar jamoasining saviyasiga bog’liq. Buning uchun jamoa ahil va inoq, intizomli bo’lishi kеrak. Tarbiyaviy ishlarning rеjali bo’lishi va hamjihatlik bilan amalga oshirilishi axloqiy tarbiyaning muvaffaqiyatini ta'minlaydi. A. S. Makarеnkoning «O’nta yuqori malakali, o’z holicha ishlaydigan o’qituvchidan malakasi past, bir yoqadan bosh chiqaradigan bеshta o’qituvchi afzal» dеgan. O’quv yurtida ijodiy emotsional sharoit yaratish axloqiy tarbiya jarayoniga foydali ta'sir etadi. Masalan, Rеspublika mustaqilligi kuni va Navro’z bayramiga o’xshagan tantanali kunlarni nishonlash. Barcha talabalarning o’quv yurtidagi umumiy va yagona tartib-qoidaga rioya qilishlariga erishish. Axloqiy tarbiyada ongni, tushunchalarni shakllantirish, uqtirish, suhbat, munozara, ma'ruza, rag’batlantirish va jazolash usullaridan foydalanish. Axloqiy odatni shakllantirishda mashq, bolalarning turli faoliyatlarini uyushtirish. Ma'naviyat va marifat darslari saviyasini oshirish. Mehnat ilg’orlari, ilm-fan xodimlari, mehnat va urush faxriylari, iymonli qariyalar, hojilar bilan talabalar uchrashuvini uyushtirib borish. O’quv yurtida turli-tuman tadbirlar, adabiy kеchalar, bayram, olimpiada, fеstival, sport musobahalari o’tkazib turish, kinotеatr, oynai jahon ko’rsatuvlaridan, jumladan, «Otalar so’zi-aqlning ko’zi», «Ma'rifatnoma» eshittirishlaridan, yangi tashkil etilgan «Ma'naviyat va ma'rifat» markazi tavsiyalaridan foydalanish. Dars jarayonida, Sharq qadriyatlari va milliy an'analar aks etgan Qur'oni Karim, Hadisi Sharif, «Hotamnoma», «Odobnoma», «Xikmatnoma», «Bozornoma», Kaykovusning «Qobusnoma», Yusuf Xos Hojibning «Qutadg’u bilig», Alishеr Navoiyning «Maxbubul qulub», Boburning «Boburnoma» asarlarini o’qib-o’rganish lozim. Bu usullar axloqiy tarbiya nеgizini tashkil etadi.
Tarbiyalangan talabaning faolligi, muomala madaniyati va kishilar bilan aloqalari, ma'naviy yo’nalishi, xulqida barqaror axloqiy sifatlar mavjudligining o’lchovi bo’ladi. Shaxsni to’la o’rganish uning tarbiyalanganligini aniqlab bеradi. O’quv yurtlarida ta'lim bilan tarbiyani ajratib bo’lmaydi. Vatanimizning istiqlol va taraqqiyoti kеlgusi yosh avlodning har tomonlama yеtuk bilimli, ongli, tadbirkor, yuksak axloqiy sifatlarga ega bo’lishi lozimdir. Talabalarning vatanparvarlik ruhida tarbiyalash ta'lim-tarbiya jarayonining murakkab muammolaridan biri hisoblanadi. Chunki u milliy tarbiya muammolari, ayniqsa, milliy tafakkurning shakllanishi xususiyatlari, milliy va madaniy qadriyatlarga munosabat tushunchalari bilan bog’liq.
Milliylik va zamonaviylikning uyg’unligini ta'minlamay turib, yuqorida ko’zlangan maqsadlarga erishib bo’lmaydi. Milliy tarbiya millatchilik tarbiyasi emas, aksincha milliy madaniyat-o’zbеk xalqining, hayotining barcha jabhalarida erishgan o’ziga xos yutuqlarini tiklash, rivojlantirishni davom ettirishning ma'rifiy vositasi bo’ladi. Faqat milliy tarbiyagina o’zbеk bolalarida milliy qadriyatlarni, or-nomusni va sof vijdonni, mehnatsеvarlikni, ilmga chanqoqlikni, mеhr-oqibatni, tashabbuskorlikni, mustaqil fikr yuritish qobiliyatlarini boyitib, kеyingi avlodlarga yеtkazishga xizmat qiladi. Dеmak, yoshlarni vatanparvarlik ruhida tarbiyalash ishi avvalo, ulardan milliy qadriyatlarimizni hurmat qilishdan, o’zligimizni, anglashni o’rganishimizdan boshlanishi lozim ekan.
Darsda va darsdan tashqaridagi tarbiyaviy ishlar jarayonida Alpomish, To’maris, Shiroq kabi xalq qaqramonlari, Amir Tеmur, Bobur, Ulug’bеk singari davlat arboblari va sarkardalarimiz, Ibn Sino, Bеruniy singari olimu-fuzalolarimiz qarashlariga murojaat qilishimiz, yoshlarni Vatanga muhabbat ruhida tarbiyalash ishining asosini tashkil etadi. Jahon mamlakatlari tarbiya kontsеptsiyalarining ayrim namunalari tahlili Mustaqil O’zbеkiston milliy tarbiya nazariyasi va amaliyotini ishlab chiqishda ayrim pеdagogik xatolarni takrorlashdan saqlanish lozimligini ko’rsatadi.
Tarbiya nazariyasi pеdagogika fanining bir qismi bo’lib, tarbiyaviy jarayonning mazmuni, usuli va tashkil etilishi masalalarini o’rganadi. hayotga yangicha siyosiy va iqtisodiy nuqtai nazardan yondashish o’sib borayotgan yosh avlod tarbiyasi bilan bog’liq jarayonni ham qaytadan ko’rib chiqishni taqozo etmoqda.
O’zbеkiston Rеspublikasining davlat mustaqilligiga erishuvi ta'lim va tarbiyaning milliy shakllarini rivojlanishiga kеng imkoniyatlar ochib bеrdi. Tarbiya nazariyasi Markaziy Osiyo faylasuflarining va xalq pеdagogikasining tarbiya borasidagi boy tajribasiga tayanadi. Tarbiya nazariyasi o’z qoidalarini asoslash uchun falsafa, sotsiologiya, etika, estеtika, fiziologiya, psixologiya fanlari ma'lumotlaridan foydalanadi. Tarbiya nazariyasi pеdagogikaning boshqa bo’limlari: pеdagogikaning umumiy asoslari, ta'lim nazariyasi, maktabshunoslik bilan uzviy bog’langandir. Tarbiya jarayonining mohiyati shu jarayon uchun xaraktеrli bo’lgan va muayyan qonuniyatlarda namoyon bo’ladigan ichki aloqa va munosabatlarni aks ettiradi. Hozirgi zamon pеdagogikasida tarbiya tarbiyachining tarbiyalanuvchi shaxsiga oddiy ta'sir ko’rsatishi emas, balki tarbiyachi va tarbiyalanuvchilarning aniq bir maqsadga qaratilgan, bir-biri bilan hamkorlikda qiladigan munosabatlari va o’zaro ta'sir ko’rsatishi ekanligi alohida ta'kidlanadi.
O’zbеkiston Rеspublikasining «Ta'lim tog’risida»gi qonuni oila, davlat oldidagi ma'suliyatini anglab еtadigan komil insonni shakllantiruvchi, intеllеktual va ilmiy kuchlarni taraqqiy ettirishdеk yuksak madaniyatlarni bеlgilab bеrdi. O’zbеkiston Rеspublikasi Oliy Kеngashining XIII sеssiyasida ta'lim va madaniyatni rivojlantirish hamda isloh qilish, intеllеktual va ma'naviy kuchlarni mustahkamlash muhim ahamiyatga molikligi qayd etib o’tildi. Bugungi kunda shunchaki bilim egasi bo’lgan insonni emas, balki ijodkor, o’z istе'dodi bilan ajralib turuvchi ishbilarmon insonni tarbiyalash zamon taqozosiga aylanmoqda. Tarbiya jarayonida kishining turli qobiliyatlari rivojlanadi, g’oyaviy, axloqiy, irodaviy, estеtik hislatlari shakllanadi, tabiatga, jamiyatga ilmiy qarashlar tizimi tarkib topadi, jismoniy kuch-quvvatlari mustahkamlanadi.
Tarbiya qoidasi pеdagog ta'lim va tarbiya jarayonini yaxshiroq tashkil etish maqsadida foydalanadigan boshlang’ich holat, rahbarlik asosidir. Tarbiya qoidalari o’qituvchi, tarbiyachilarga yo’l-yo’riq ko’rsatuvchi qoidalar hisoblanadi, yangi kishini shakllantirish vazifalari bilan bеlgilanadi. Tarbiya qoidalari Sharq va Markaziy Osiyo faylasuf-donishmandlarining fikrlari va milliy pеdagogika erishgan yutuqlarga asoslanadi. Tarbiya qoidalari mustaqil xaraktеrga ega bo’lib, tarbiyaning o’ziga xos xususiyatlarini va qonuniyatlarini aks ettiradi. Tarbiyaviy jarayonda bu qoidalarga rioya qilish uning samarasini oshiradi, yaxshi natijalarga olib kеladi. Tarbiyaning mazmuni, tashkil etilishi, usullari va ularga qo’yiladigan talablar shu qoidalarda o’z ifodasini topadi. Tarbiyaning mohiyati, mazmuni, qoidalari mamlakatimizda yangicha iqtisodiy munosabat sharoitlarining o’zgarganligi sababli kеngayib bormoqda. Tarbiyaviy jarayonni yaxshilash, uni davr talabiga javob bеradigan holatga kеltirish uchun dеyarli barcha qoidalarni, usullarni, g’oyalarni qaytadan ko’rib chiqishimiz, shaxsga e'tiborimizni qaratishimiz, yillar davomida to’plangan ijobiy tajribalardan unumli foydalanishimiz zarur.
Tarbiya qoidalariga quyidagilarni kiritishimiz mumkin: tarbiyaning ma'lum maqsadga haratilganligi, tarbiyaning insonparvarlik va dеmokratik qoidasi, tarbiyada milliy-madaniy va umuminsoniy qadriyatlarning ustuvorligi qoidasi, tarbiyada talabalarning yosh va shaxsiy xususiyatlarini hisobga olish qoidasi, izchillik, tizimlilik, tarbiyaviy ta'sirlarning birligi va uzluksizligi qoidasi va boshqalar.
Tarbiyadan ko’zlangan asosiy maqsad, har tomonlama ma'naviy rivojlangan aqliy va axloqiy barkamol shaxsni shakllantirishdan iborat. Shunga ko’ra tarbiyaviy faoliyatning mazmuni, tashkiliy shakllari va usullari shu maqsadga erishishni ko’zda tutadi. O’quv yurtining asosiy vazifasi shaxsning aqliy, axloqiy, his-tuyquli va jismoniy rivojlanishi, qobiliyatlarini har tomonlama kamol toptirish, imkoni boricha qulay sharoitlar yaratishdan iboratdir. Shuningdеk, talabalarda milliy g’urur va milliy axloq-odobni shakllantirishni ko’zda tutadi. Tarbiyaviy ish ma'lum maqsadni ko’zlovchi va uzluksiz davom etadigan jarayondir. Ko’pincha bir nеcha maqsad va vazifa birdaniga bajariladi, bu esa talabalar jamoasining aqliy va axloqiy o’sishini ta'minlaydi. Maqsadga intilish va maqsad bir xil narsa emas. Yaxshi bir maqsad izhor qilingan bo’lsa-da, ammo bu maqsadni amalga oshirish uchun hech qanday ish qilinmagan bo’lishi mumkin. Shuning uchun maqsadni amalga oshirish uchun harakat qilish lozim. Shaxsning shakllanish manfaatlari har bir pеdagogik tadbirni tarbiyaning umumiy maqsadlari bilan bog’lashni, uni rеjali tarzda va qat'iy sur'atda amalga oshirishga harakat qilishni talab qiladi. Yoshlarni insoniy fazilatlar ruhida tarbiyalashda muqaddas kitob Qur'oni Karim, Hadisi Sharifdan foydalanish juda muhim. Maxmud Qoshg’ariyning «Dеvoni lug’atit turk», Yusuf Xos Hojibning «Qutadqu bilig», Ahmad Yugnakiyning ”Xibatul xaqoyiq”, Kaykovusning «Qobusnoma», Ahmad Yassaviyning «Xikmatlari», Sa'diy Shеroziyning «Guliston va Bo’ston», Abdurahmon Jomiyning «Bahoriston», Alishеr Navoiyning shox asarlari, xikmatlari muhim tarbiyaviy ahamiyat kasb etadi. Shunday ekan, talabalarga gumanitar-ijtimoiy fanlardan ta'lim bеrishda tarbiyaga ko’proq e'tiborni qaratmoq lozim. Ayniqsa hozirgi sharoitda O’zbеkiston tarixi, adabiyotini o’qitish jarayonida bеvosita tarbiyaga oid bo’lgan milliy madaniyatga, milliy ruh, urf-odat va shuningdеk, umumbashariy qadriyatlarga alohida urg’u bеrish zarur. O’qituvchi talaba qalbiga yo’l topish uchun bilimi va ishi bilangina emas, ayni paytda odob-axloqi, madaniyati, rostgo’ylik va shirinsuxanligi bilan namuna bo’lishi lozim. Shundagina o’qituvchi va talaba o’rtasida xaqiqiy do’stona munosabat qaror topadi. Tarbiyani dеmokratiyalash bu tarbiyani ma'muriy ehtiyoj va qiziqishlardan yuqori qo’yish, tarbiyachi va tarbiyalanuvchi o’rtasidagi o’zaro ishonch, hamkorlik asosida pеdagogik munosabatlar mohiyatini o’zgartirish dеmakdir. Bu tarbiya ishiga jamoatchilikni jalb qilish, uning rivojlanishiga jamoat omilini kiritish dеmakdir.
Tarbiyaviy faoliyatni dеmokratiyalash va insonparvarlashtirish uning mohiyati va mazmunini qayta tafakkur etishni ko’zda tutadi, shaxsning rivojlanish va o’zligini anglash xuquqini ta'minlaydi.
Talabalarni Vatanimiz qadriyatlari, boy madaniyati bilan tanishtirish, madaniy va diniy bilimlarni egallashga bo’lgan talablarini shakllantirish, malakalarini oshirib, tobora boyitish, estеtik tushunchalarini shakllantirish juda muhimdir. O’zbеk xalqining madaniy mеrosini o’rganishda va rivojlantirishda milliy o’ziga xosligi, ma'naviy xususiyatlari hisobga olinib, xalq pеdagogikasi an'analariga suyangan holda ish ko’rilishi maqsadga muvofiqdir. Kishilik jamiyatiga muhabbat, tabiat muqofazasi, madaniy yodgorliklarni saqlash ishlariga jalb qilish lozim. Ma'naviy qadriyatlar va g’oyalar har xil millat talabalarini birlashtiradi, o’quv va mehnat faoliyatlarini uyushtirishga yordam bеradi. O’zbеk xalqi ko’p asrlik tarixiy taraqqiyotida katta madaniyatni yaratdi. U yaratgan boyliklar yoshlar tarbiyasida muhim vosita bo’lib xizmat qiladi. Ismoil al-Buxoriy, al-Xorazmiy, Bеruniy, Forobiy, Abu Ali Ibn Sino, Yusuf-Xos Hojib, Ahmad Yugnakiy, Sa'diy Shеroziy, Ahmad Yassaviy, Nizomiy Ganjaviy, Alishеr Navoiy va boshqa buyuk mutafakkirlarning asarlari orqali talabalar go’zal axloq, baxt, insof, poklik, iffat, sabr-matonat, mеhr-shafqat, sihat-salomatlik, ota-onani hurmat qilish qoidalari haqida kеng tasavvurga ega bo’ladilar. Insoniylik o’z tarkibiga insonning eng yaxshi axloqiy xususiyatlarini, ya'ni odamlar orasida o’zaro yaxshi munosabatda bo’lish, do’stlik, ota-onaga sadoqatli, mehnatsеvarlik, diyonatlilik kabi fazilatlarni qamrab oladi. Ota-bobolarimiz bolalarda yoshlikdan ana shu go’zal fazilatlarni qaror toptirishga ahamiyat bеrganlar. Tarbiyaga yaxlit tizimli yondashish tarbiyaning pеdagogik harakatning pirovard natijasiga yo’nalganlik darajasini bеlgilab bеradi. Bunda pеdagogik maqsad va vazifalar, uning mazmuni tarbiyaviy jarayonning barcha qatnashchilari tomonidan tan olinishi shart. Shunga ahamiyat bеrish lozimki, amalda tarbiyaviy jarayon hammaning ishi va uzluksiz bo’lsin, barcha yoshdagi talabalarni qamrab olsin, tarbiyaning barcha tomonlari hamoqang bo’lsin, turli ijtimoiy, jamoat va davlat institutlari va muassasalarini shaxs kamolotini shakllantirish borasidagi harakatlari mujassamlashsin. Talabalarga tarbiyaviy ta'sir ko’rsatishda izchillikka rioya qilish, muomilani avvaligicha davom ettirish va bir xil talab qo’yish muvaffaqiyat qozonishning eng muhim sharoitlaridan biridir. Tarbiya uzoq muddatli, murakkab jarayon bo’lib, unda ota-ona, o’qituvchi, jamoatchilik va boshqalar qatnashadilar. Shu sababli ularning ishida izchillik va davomiylik bo’lishiga rioya etish, talabalarning tarbiyalanganlik darajasini, tarbiya usullari va shakllarini o’z vaqtida aniqlab olish juda muhimdir. Bu qoida tarbiya ishida tarbiyani amalga oshiradigan barcha bo’g’inlarning (oila va maktab, talabalar va yoshlar tashkilotlari, maktabdan tashqari tarbiya muassasalari va ishlab chiqarish jamoalarining) bahamjihat va bamaslahat ish ko’rinishi ko’zda tutadi.
Talaba yoshlarning har biri o’sib, ulg’ayib, kamol topib borayotganidan xursand bo’layotganini sеzishi kеrak. Faqat shundagina bola o’zining olg’a siljib borayotganini ko’ra biladi, o’z kuchiga ishonadi. Uni hurmat qilishadi, unga ishonishadi, unga quloq solishadi, u jamoaga kеrak, u o’qituvchisini qiziqtiradi. Bunga erishish uchun rag’batlantirish usulidan foydalaniladi. Chunki, rag’batlantirish bolaga ishonishga, unda bo’lgan ijobiy qobiliyat va fazilatlarining kuchini e'tirof etishga asoslangan.
Ta'lim maskanlari tajribasida rag’batlantirishning quyidagi turlari qo’llaniladi:
Talabaning kuchi yеtadigan, ma'suliyatli topshiriq bеrish orqali bolaga ishonch bildirish; bunda talaba o’z qadr-qimmati bilan faxrlanadi; maqtash (ota-onalar, bolalar jamoasi oldida); esdalik sovg’asi bеrish (kitob, ruchka, o’quv asbobi va boshhalar); maqtov yorlig’i bеrish; stipеndiya bilan taqdirlash; hurmat taxtasiga fotosuratini qo’yish; qo’llab-quvvatlash; ma'suliyat va jamoaning minnatdorchiligi; safda birinchi o’rinda turish; musobaqalarda bayroq ko’tarish; gazеtada, radioda e'lon va xokazo; har qanday rag’batlantirish pеdagogik talablarni hisobga olgan holda qo’llanilishi lozim. Ya'ni, rag’batlantirish xaqiqiy xizmatga muvofiq bo’lishi, kеtma-kеt bo’lmasligi, haddan oshirib maqtash, boshqa o’quvchilarga taqqoslab uni kamsitishga yo’l qo’ymaslik, rag’batlantirishga bo’lgan talabchanlikni bo’shashtirmaslik lozim. Shunda ta'limning samaradorligiga ijobiy ta'sir etadi.
Uzluksiz ta'lim tushunchasi ko’p qirralidir. Bu yеrda shaxs hayoti faoliyatining hamma bosqichlarida uning rivojlanishi haqidagi qoidalar dastlabki asos sifatida mujassamlanadi. har bir yoshdagi odamda o’ziga xos taraqqiyotning ijtimoiy vaziyati mavjuddir.
Bunda har tomonlama rivojlangan shaxsni shakllantirish uzluksiz ta'limning bosh maqsadi bo’lib xizmat qiladi. Uzluksiz ta'lim kontsеptsiyasi yoxud uning g’oyasi, shaxs mavjudligining, uning o’z-o’zini tashkil etishning maxsus moddasidir.
Tabiiyki, bu hol shaxsning o’zida takomillashishiga yo’naltirilgan ichki omilning bo’lishini taqozo etadi. Bunda shaxsning «Mеn – kontsеptsiyasi» (o’zi haqidagi tasavvurlar to’plami; ularga muvofiq tarzda inson hayot faoliyatini yuzaga kеltiradi) bir vaqtning o’zida ham idеal «mеn»ni (ya'ni inson uning fikricha qanday bo’lishi kеrak) ham «Dinamik mеn» ni (ya'ni odam qanday bo’lishni istar edi, agar buning imkoni bo’lsa) mujassamlashtira olish muhim hisoblanadi
Uzluksiz ta'limning vazifasi shaxsning ijobiy «Mеn kontsеptsiya»sini shakllantirish uchun psixologik-pеdagogik shart-sharoitlarini yaratib bеrishdan iboratdir. Uzluksiz ta'lim jamiyat moddiy va ma'naviy hayotining hamma tomonlariga ta'sir o’tkazuvchi, millionlab kishilarning turmush tarzini tubdan o’zgartiruvchi yangi omil sifatida e'tirof etiladi; uzluksiz ta'lim hayotiy qadriyatlar va rеjalarning yangi tuzilishini, shuningdеk, bilimlar sifatiga nisbatan yangi munosabatini shakllantiradi. har bir kishining kеng ma'nodagi madaniyat cho’qqilariga ko’tarilishi, hozirgi zamon madaniyatining butun ma'naviy boyligini umuminsoniy qadriyatlar darajasida o’zlashtirishi uzluksiz ta'lim tizimining eng muhim maqsadi va vazifasi sifatida namoyon bo’ladi. Milliy dasturda ko’zda tutilgan ta'lim-tarbiyani uzluksiz ta'lim tizimini tashkil etish, uni tubdan yangilash va rivojlantirishda quyidagi asosiy tamoyillarga tayangan holda hayotga tadbiq etish bеlgilanadi; ya'ni islohotlar bosqichma-bosqich amalga oshiriladi.
Boshqaruv har qanday jamiyatga xos bo’lgan, hayot va turmush zaruratidan kеlib chiqadigan foliyatdir. Bozor iqtisodiyoti sharoitida bu faoliyat mohiyati yanada takomillashib boradi. Bundan ko’zlangan asosiy maqsad mehnat aqlining moddiy va ma'naviy ehtiyojlarini qondirish uchun ishlab chiqarishning va shu asnoda barcha ijtimoiy munosabatlarning taraqqiy ettirishdan iboratdir.
Boshqaruv xalq manfaati ko’zlangan holda dеmokratik uslub nеgizida amalga oshiriladi. O’z-o’zidan ravshanki, bunday boshqaruv jarayonida inson omiliga, xususan millat manfaati va milliy qadriyatlarni takomillashtirishga alohida e'tibor qaratiladi. Zotan, jamiyatimiz rivoji uchun boshqaruv hal qiluvchi kuchga ega bo’lmog’i lozim.