Bitiruv malakaviy ishining maqsad va vazifalari. BMIning maqsadi –
O‟zbekistonda mustaqillik yillarida sud-huquq tizimining takomillashuv tarixini
ilmiy adabiyotlar, manbalar asosida tahlil qilish, o‟rganish va tegishli xulosalar
chiqarishdir.
Ana shu maqsadga erishish uchun quyidagi vazifalar belgilab olindi:
–
sud hokimyatini alohida tizim sifatida tashkil topishi hamda uning
rivojlanish bosqichlarini o‟rganish;
–
sud-huquq tizimini isloh qilish borasida qabul qilingan me‟yoriy hujjatlarni
tahlil qilish;
–
O‟zbekistonda huquqiy demokratik davlat qurilish jarayonida sud-huquq
tizimining o‟rnini o‟rganib chiqish;
–
mustaqillik yillarida sud tizimining fuqarolar huquqlarini himoya qilish
borasida amalga oshirilgan chora-tadbirlarini o‟rganish;
–
mavzuni akademik litsey va kasb-hunar kollejlarida o‟qitishning ta‟lim
texnologiyalarni ishlab chiqish va metodik tavsiyalar berish.
Tadqiqot mavzusining ob’yekti va predmeti. Bitiruv malakaviy ishining
ob‟yekti - O‟zbekiston Respublikasida sud-huquq tizimi. Predmeti - O‟zbekistonda
mustaqillik yillarida sud-huquq tizimining takomillashuv tarixini o‟rganish va
tahlil qilish.
Bitiruv malakaviy ishning metodologik asosi. Tadqiqotni yozish, tahlil
qilish, xulosalarga kelish da O‟zbekiston Respublikasi Vazirlar Mahkamasining
«O‟zbekiston Respublikasining yangi tarixini yaratish to‟g‟risida»gi (1996 yil 16
dekabr) va «O‟zbekiston Respublikasi Fanlar akademiyasi Tarix institutining
faoliyatini takomillashtirish to‟g‟risida»gi (1998 yil 27 iyul) qarorlari, shuningdek,
O‟zbekiston Respublikasi Prezidenti I. A. Karimovning asarlari, nutq va
suhbatlarida O‟zbekistonda sud-huquq tizimini shakllantirish va faoliyatiga oid
fikr-mulohazalari, kontseptual g‟oyalari, amaliy xulosalari metodologik asos bo‟lib
xizmat qildi.
|
