Shu tariqa aerob chidamlilik qisqa muddatli aerob, o‘rta va uzoq aerob chidamlilikka bo‘linadi. Bularning birinchisi 3-10 daqiqali
jismoniy yuklamani, ikkinchisi 10 daqiqadan 30 daqiqagacha, uchinchisi 30 daqiqadan ortiq davom etuvchi jismoniy yuklamani o‘z ichiga oladi. Bunday tasniflashga ko‘ra, 1500 m. ga yugurish qisqa masofali aerob chidamlilik turiga kiradi.
BO‘SM boshlang‘ich tayyorgarlik guruhi doirasida o‘rganilayotgan masalaning bugungi holati qo‘yidagicha.
10-12 yoshli bolalarda chidamlilikni tarbiyalash uchun amalda qo‘llaniladigan mashg‘ulot vositalari va uslublarini aniqlash maqsadida yengil atletika bo‘yicha 20 nafar murabbiydan so‘rov varaqasi olindi va umumlashtirildi:
«Chidamlilikni tarbiyalashda qanday vositalardan foydalanasiz?»
- degan savolga 90% murabbiylar dasturdagi materiallardan, 10% murabbiylar qo‘shimcha vositalardan (suzish, velosipedda yurish, har xil past - baland joylarda sayohat qilish va h.k.) foydalanishlarini bayon qilganlar.
«Mashg‘ulotlar rejalashtirish xujjatlariga asoslanadimi?» - degan savolga murabbiylarning 78,3% «Ha», 11,7% «Yo‘q» deb javob berishgan va ularning 10% bu savolga javobni ochiq qoldirishgan.
«Mashg‘ulotlar rejalari muayyan sharoit va guruhlar tarkibiga moslashtiriladimi?» - degan savolga murabbiylarning 63,3% «Ha», 10%
«Yo‘q» deb javob qilishgan bo‘lsa, 26,7% dan bu savolga umuman javob olinmadi.
«Mashg‘ulotlar muntazam o‘tkaziladimi?» - degan savolga murabbiylarning 90% «Ha» javobini bildirishgan bo‘lsa, 10% esa javob bermagan.
So‘rovnoma natijalariga ko‘ra, mashg‘ulotlarni tashkil qilish, rejalashtirish, chidamlilikni tarbiyalash vositalari va uslublaridan foydalanish masalalari bo‘yicha murabbiylarning bir xil fikrda emasligi
aniqlandi. Shu sababli bu masala bugungi kunda ham dolzarb hisoblanadi va kelgusida har tomonlama izlanishni talab qiladi (1-ilova).
10 yoshli bolalar uchun BO‘SM lar yengil atletika bo‘limining dasturdagi o‘quv rejasidan foydalandik (3.1-jadval).
