Samarqand davlat universiteti isoqjon negmatov ijtimoiy ishning etik-professional qadriyatlari

Bunga quyidagi omillar sabab bo‘ldi:
birinchidan, talab inqirozi – jahon aholisining 80%i karantinga tushishi natijasida tovar (asosan uzoq muddatli iste’mol tovarlari) va xizmatlar iste’moli pasayishi;
ikkinchidan, yirik iqtisodiyotlarda yalpi talab tushishi natijasi YIM(yalpi ichki mahsulot)ning o‘sish suratlari 5-10% pasaydi. Goldman Sachs prognozlariga ko‘ra, 2020-yilda AQShda YIM -6%ga, Xitoy YIM -9%ga tushishi;
uchinchidan, yirik iqtisodiyotlardagi iqtisodiy muammolar ketidan rivojlana-yotgan davlatlarda ham iqtisodiy muammolar kelib chiqa boshladi. Bu muammolar, asosan, 2020-yilning fevralidan boshlab jahon bozorlarida kuzatilayotgan xomash-yolar narxlarining pasayishi, xususan, neft narxining oxirgi 18 yillik minimumdan pasayib ketganligi, xomashyo eksportiga asoslangan iqtisodiyotlarga salbiy ta’siri sezilarli bo‘lmoqda (The Economist 2020a; CNN 2020);
to‘rtinchidan, pandemiya sharoitida qo‘llanilayotgan cheklovlar aholi salomatligini himoya qilish bilan bog‘liq xarajatlarni deyarli barcha davlatlarda oshib ketishiga olib keldi.
Shu munosabat bilan, hozirda shiddat bilan amalga oshirilayotgan ijtimoiy xizmat ko‘rsatish tadbirlarini kelgusida yanada optimallashtirish uchun quyidagi ustuvor vazifalarga e’tibor qaratish lozim:
birinchidan, aholini kuchli ijtimoiy himoya qilishga va xizmat ko‘rsatishga qaratilgan mavjud dastur va jamg‘armalar tizimini tubdan takomillashtirish;
ikkinchidan, ijtimoiy himoya va xizmat ko‘rsatish tizimlarini yangi tarmog‘ini yaratish, jumladan, maktab ta’limida ijtimoiy himoyaga muhtoj o‘quvchilar uchun xizmat dasturi “Protect and care” tizimini yaratish va uni amaliyotga joriy etish uchun maktablarda ijtimoiy ish xodimi shtatlarini joriy etish;
uchinchidan, sog‘liqni saqlash tizimida kasalliklar profilaktikasi va kasallarga alohida xizmat ko‘rsatuvchi “Prevent disaster” korpusini tashkil etish;
beshinchidan, har yili respublika doirasida ijtimoiy ko‘ngilli saxovat dasturlarini tashkil etish va undan tushgan tushgan mablag‘larni aholining ijtimoiy himoyaga muhtoj qatlam va tabaqalariga yo‘naltirish orqali kambag‘allikni qisqartirishga e’tibor qaratish;
oltinchidan, aholini ish bilan ta’minlash maqsadida Bandlik va mehnat munosabatlari vazirligi negizida hunar o‘rgatish markazlarining alohida bo‘limini tashkil etish va bunda ijtimoiy ish imkoniyatlaridan samarali foydalanishni yo‘lga qo‘yish;
yettinchidan, aholiga tibbiy sug‘urta xizmatlarini ko‘rsatuvchi sug‘urta tashkilotlarini sog‘liqni saqlash vazirligining hududiy bo‘linmalari bilan mustahkam aloqasini ta’minlash va ular o‘rtasida yagona elektron portal tizimini yo‘lga qo‘yishdan iborat bo‘lgan vazifalarni amalga oshirish maqsadga muvofiqdir.