Belgiya hududida 4 tipdagi o‘rta maktablar faoliyat yuritadi: Umumiy ta’lim beruvchi o‘rta maktab (Algemeen Secundair Onderwijs,(ASO)). Mazkur tipdagi muassasalar o‘quv dasturida maktab bitiruvchisi 6 yil to‘liq ta’lim olib, o‘qishni oliy o‘quv yurtida davom ettirishi ko‘zda tutilgan. Mehnat bozorida ASOni tugatganlik to‘g‘risidagi diplomli shaxslarga ehtiyoj mavjud emas, chunki mazkur tipdagi muassasalarda ta’lim ko‘p hajmli nazariy bilimlar beruvchi fanlarga qaratilgan bo‘lib, amaliy va kasbiy tayyorgarlik ko‘zda tutilmagan.
Texnik o‘rta maktablar(Technisch Secundair Onderwijs, (TSO)) ikkita:TTK va STK kabi ―tipchalar‖ga bo‘linadi. 1- ―tipcha‖dagi maktablarda ta’lim texnik jihati tomoniga yo‘naltirilgan, 2- ―tipcha‖ - amaliy muassasalarga ixtisoslashgan. Mazkur ta’lim muassasalarida matematika, tillar, tarix, tabiiy fanlarga urg‘u beriladi, lekin ASOga nisbatan bilim hajmi kamroqdir. STK bitiruvchilari mehnat bozoriga chiqishga tayyor, TTK bitiruvchilari esa, odatda, o‘qishni davom ettirishni: ixtisosi bo‘yicha bir yil qo‘shimcha tahsil olish, turizm, savdo, sog‘liqni saqlash kabi sohalar bo‘yicha bakalavr yoki hattoki magistr darajasini olishni afzal ko‘rishadi.
Kasbiy-texnik o‘quv yurtlari(Beroeps secundair ondwerwijs (VSO))duradgor, zargar, g‘isht teruvchi (quruvchi) usta kabi o‘ziga xos mutaxassisliklar bo‘yicha ta’lim taklif etishadi. VSO — faqat Belgiya o‘rta ta’limida mavjud bo‘lgan ta’lim muassasasi tipidir, bundan keyin oliy ta’lim olish imkoniyati ko‘zda tutilmagan. Agarda ushbu ta’lim muassasasi bitiruvchisi qo‘shimcha yil (7 yoki 8) o‘qish istagini bildirsa, bu qo‘shimcha o‘quv yilidan keyin bitiruvchiga TSO diplomiga ekvivalent bo‘ladigan diplom berishadi.
O‘rta badiiy ta’lim muassasalari (Kunst secundair onderwijs (KSO)). Ushbuo‘quv yurtlar san’at sohasi boyicha oliy ma’lumotga ega bo‘lish uchun universitet yoki kollejga o‘qishga kirish uchun talabalarni tayyorlaydi. Tanlagan yo‘nalishiga qarab, aktyorlik mahorati, xoreografiya, musiqa yoki tasviriy san’at ustuvor bo‘lishi mumkin.
