Samarqand davlat universiteti umumiy psixologiya kafedrasi pedagogika va psixologiya fanlarini o

Uchrashuvlar – kechalari. Bu uchrashuvlar eng yaxshi o’qituvchilar, bolalar uchun teatr qo’ygan rejissyorlar bilan, bolalar qonunbuzarliklari bilan shug’ullanuvchi proqo’ratura xodimlari bo’lishlari mumkin. Bu uchrashuv kechalari ham oldindan tayyorlanadi. Muhimi talabalarni qiziqtiradigan savollarni belgilab olish kerak. Suhbat mazmuni bola shaxsi shakllanishi haqida, bolalar psixikasi xususiyatlari to’g’risida talabalarning psixologik bilimlariga asoslanishi kerak. Muhokama etiladigan savollar orqali ular suhbatga tayyorlanib borishlari uchun talabalarga oldindan ma’lum qilgani maqsadga muvofikdir.
Kichik tajriba tadqiqotlari. Bunday murakkab bo’lmagan tajribalarni talabalar mustaqil ravishda o’qituvchi rahbarligida o’zlari o’tkazadilar. Natijalari haqida talabalar to’garak yig’ilishlarida yoki buning uchun maxsus tashkil etilgan majlislarda axborot berishlari mumkin. Bu axborotlarda psixologlarning tajriba ishlari natijalari ham keltirilishi mumkin.
Talabalarni milisiyaning bolalar xonasi ishida ishtiroqlari, bu erda ular nazoratsiz bolalar oilaviy va turmush sharoitlari bilan tanishadilar, balog’atga etmaganlar ishlarini ko’rishda ishtiroq etadilar, milisiya ro’yxatida turuvchi bolalar va o’smirlarni individual otaliqqa oladilar. Psixologiya o’qituvchilari ularga keraqli yordam ko’rsatadilar, maslahatlar beradilar. Auditoriyadan tashqarida bajargan ishlari haqida ma’lumotlar psixologik to’garaqlarda muhokama qilinadi.
Bolalar bilan ishlab, ularning xulqidagi chetlanishlarni sababini aniqlash va ularni bartaraf etishga intilib talabalar bola psixikasi va uning shaxsi shakllanishini sharoitlarini yaxshiroq tushuna boshlaydilar. Bu faoliyat ijodiy xarakterga ega bo’ladi, talabalarda o’z ishlarining natijalariga erishishga intilish uyg’otadi, to’g’ri qarorlarni mustaqil izlashga undaydi, odamlarga o’ylab va e’tibor bilan munosabatda bo’lishga o’rgatadi.
Talabalarning maktabdagi tarbiyaviy ishlari o’quvchilarni o’rganish va ularni psixologik tuzilishini tavsiflash hamda auditoriyadan tashqari ishlarda muhokama etilishi mumkin.
To’garak yig’ilishlarida bolalarning odoblari, ularga ta’sir ko’rsatish choralari muhokama qilinadi, o’quvchilar mustaqilligi va faolligi o’rganiladi, bolalar jamoasida yuzaga keladigan turli munosabatlar, shaxs shakllanishi va uning rivojlanishi bilan bog’liq boshqa masalalar muhokama etiladi.
O’qib chiqqan kitobidagi qahramonlarining harakatlari va xarakterlarini muhokama qilish. Bunday ishlarning maqsadi- odamlarning psixologik xususiyatlarini ochish, ularning harakatlari va ishlari sabablarini, hayot sharoitlarini va tarbiyaning shaxs shakllanishiga ta’siri o’rganiladi. Muhokama asari tanlaganda, unda ishtiroq etayotgan shaxslarning fikrlari va hissiyotlari, ularning harakatlari sabablari aniq, yaqqol ko’rsatilgan bo’lishi kerak. Turli sinflarda, turli sharoitlarda shaxs shakllanishi haqida fikr yuritish mumkin bo’lgan asarlar qiziqarli bo’ladi.