Sanli texnologiyalar ministrligi

Analiz etiw degende basqarıw sisteması dúzilisin saylaw hám qáliplestiriw, sistema elementleri ortasındaǵı múnásibetti hám baylanıstı anıqlaw túsiniledi.
Qadaǵalaw dep islep shıǵarıw procesin baqlaw hám haqıyqatında da orınlanǵan jumıstıń joba boyınsha belgilengenligi durıslıǵın tekseriwge aytıladı.
Esabat degende joba orınlanıwınıń yamasa onıń málim bir basqıshı orınlanıwınıń juwmaqlawshı esabatı, basqarıw nátiyjelerin bahalaw túsiniledi.
Basqarıw sistemasında tiykarǵı funkciyalardan biri - qarar qabıllaw funkciyası bolıp tabıladı.
Maǵlıwmatlar bazası - maǵlıwmatlar bankiniń eń zárúrli strukturalıq bólegi esaplanadı. Ulıwmalıq halda maǵlıwmatlar bazalarına keyingi túsinikti keltiriw múmkin. Maǵlıwmatlar bazası - zárúrli informaciyanı operativ alıw hám modifikatsiyalaw, informaciyanıń minimal artıqmashlıǵı, ámeliy programmalarǵa baylanıslı emesligi, izlew usılınıń ulıwmalıq basqarılıw imkaniyatlarına iye, úlken muǵdardaǵı programmalar ushın paydalanıw imkaniyatları menen xarakteristikalanıwshı óz-ara baylanıslı maǵlıwmatlar jıyındısı bolıp tabıladı.
Keń mániste telekommunikatsiya - bul bir-biri menen tikkeley baylanısta bola almaytuǵın aralıqta turıwshı subyektler (adamlar, úskeneler, kompyuterler) ortasındaǵı baylanıs bolıp tabıladı. ( “Tele”- uzaqtaǵı, “ kommunikatsiya”- baylanıs, xabar ).
Mısalı : kemeler ortasındaǵı jaqtılıq signalları almasıwı, telegraf, televidenie, telefon hám basqalar. Kompyuter telekommunikatsiyasınıń rawajlanıwı Internet hám Windows tıń kelip shıǵıwınan talay aldın baslanǵan.
Bul jerde biz tarmaqta iskerlik kórsetiwshi tiykarǵı xızmet túrlerine qısqasha maǵlıwmat berip ótemiz.
Telnet. Bul termin menen tutınıwshınıń ekinshi server - kompyuteri menen baylanısın támiyinleytuǵın protokol hám programmalar ataladı. Baylanıs ornatılǵannan keyin, ekinshi kompyuterdiń operatsion sisteması ortalıǵına túsedi hám ol jerde biymálel onıń programması menen dál óziniń - programması menen islegendey isley aladı.