tajribada it qoni bo'yicha topilgan va 1 : 500 ga teng bo'lgan gemolitik indeks
qo'y qoni bo'yicha ifodalansa 1:250 ga teng bo'ladi.
JENSHEN ILDIZI - RADICES GINSENG
JENSHEN ILDIZI - RADICES GINSENG
O'simlikning nomi: Haqiqiy jenshen -- Panax ginseng C.A.Mey;
Araliyadoshlar - Araliaceae oilasiga kiradi.
Ko'p yilik, bo'yi 30-70 sm ga yetadigan o't o’simlik. Ildizi sershox o'q ildiz
bo'lib, tashqi ko'rinishi ko'pincha odam gavdasiga o'xshaydi. Poyasi bitta,
ingichka, tik o'suvchi, bargi 2-5ta bo'lib, yuqori qismiga to'p holda joylashgan.
Bargi bandli, panjasimon murakkab, 5ta bargchadan tashkil topgan.
Bargchalari ellipssimon, o'tkir uchli, mayda tishsirnon qirrali, tuksiz, pastki
2tasi kalta bandli va kichkina, yuqorigi 3tasi uzun bandli hamda katta bo’ladi.
O’simlik sekin o'satdi. Yosh o'simlikda oldin bitta uch plastinkali barg hosil
bo’ladi. Keyin 5ta plastinkalikka aylanadi. So'ngra ikkinchi, uchinchi va
to'rtinchi barglar chiqadi. O'simlik 10-11 yoshga kirganida yuqori barglari
joylashgan yerdan gul o'qi vujudga keladi. Unga oddiy soyabonga to'plangan
gullar o’rnashgan. Gullari to'g’ri, ko'rimsiz, oq-yashil rangli bo'ladi.
Gulkosachasi besh tishli, tojbargi 5ta, oq yoki yashil rangga bo'yalgan. Otaligi
5ta, onalik tuguni ikki xonali, yuqoriga joylashgan. Mevasi - qizil,
buyraksimon, sersuv, danakchali meva.
Iyul oyida gullaydi, mevasi avgust-sentabrda pishadi. O'stiriladigan jenshen 5-
6 yoshga kirganida yig'iladi.
Geografik tarqalishi: Tayganing tog'li va salqin joylarida, tog'laming shimoliy qiyalarida, g'ovak va nam tuproqli yerlarda o'sadi. Xabarovsk, Primorsk o'lkalarida keng tarqalgan. Primorsk o'lkasining Anuchin, Kalinin, Chuguev va Yakovlev tumanlarida yig'iladi. Jenshen faqat Primorsk o'lkasida «Jenshen» xo'jaligida o'stirilar edi.Endilikda Shimoliy Kavkazning tog’li tumanlari va Ukrainada (Lubnada) ham o'stirila boshlandi.
